Kalaallit Nunaanni Namminersornerullutik Oqartussani kommunenilu tjenestemandit pillugit Inatsisartut inatsisaat nr. 5, 14. maj 1990-imeersoq.
Immikkoortoq 1
Aalajangersakkat nalinginnaasut.
Kapitali 1.
Inatsimmi pineqartut.§ 1. Inatsit una kimulluunniit Kalaallit Nunaanni Namminersornerullutik Oqartussani imaluunniit kommuneni tjenestemanditut atorfilimmut aammalu § 35, imm. 3 naapertorlugu atorfilimmut atuuppoq.
Kapitali 2
Inuttaligassiineq qaffasissusiliinerlu.§ 2. Namminersornerullutik Oqartussani tjenestemandit atorfiinik inuttaligassiineq pissaaq Inatsisartut aningaasanut inatsisaat aqqutigalugu, kommunelli tjenestemanditut atorfiinik inuttaligassiineq pissalluni kommunet najoqqutassaat aqqutigalugu.
Imm. 2. Tjenestemandit atorfiinik qaffasissusiliineq pissaaq kapitali 12-imi maleruagassat naapertorlugit.
Kapitali 3.
Atorfinitsitaaneq.§ 3. Tjenestemanditut atorfinitsitaaneq pisassaaq periaatsit uku atorlugit:
1) Atajuartussamik atorfinitsitaaneq.
2) Kingorna atajuartussairik atorfinitsitaanissaq siunertaralugu misiligummik atorfinitsitaaneq.
3) Ukiuni killilinni atorfinitsitaaneq.§ 4. Namminersornerullutik Oqartussat ataanni tjenestemandit Naalakkersuisunit ivertitaasassapput. Kommuneni tjenestemandit kommunalbestyrelsenit ataasiakkaanit ivertitaasassapput.
§ 5. Tjenestemanditut atorfinitsitaanerup patsisissarissavaa pineqartup ukiuni, peqqissutsi ilinniartitaaninilu naapertorlugit atorfimmi pineqartumi suliassani sapissanngikkaa. Ukiutigut, peqqissutsikkut ilinniartitaanikkullu patsisissaatltaasut inatsisini allani inatsilluunniit manna naapertorlugu aalajangersarneqanngippata patsisissaatitaasussat taamaattut Naalakkersuisunit aalajangersarneqarsinnaapput.
§ 6. Pineqartoq misiligummik atorfinitsitaareersimanngikkaangat tjenestemandltut atorfinitsitaaneq pisassaaq tamanut ammasumik allagarseereernikkut.
Imm. 2. Allagarsiussami nalunaarsimassapput atorfimmi suliassap suunera atorfiullu taaguutaa tamatumalu nalaani akissaatigineqartut aammalu nunaqarfik tamatuma nalaani atorfeqarfigisassaq.
Imm. 3. Immikkut illuinnartunik pissutissaqanngikkaangat qinnuteqarnissamut piffissarititaq sapaatip akunneri 3-nit sivikinnerussanngilaq.
Imm. 4. Allagarsiinermi periaasissamik maleruaqqusat erseqqinnerusut Naalakkersuisut aalajangersassavaat Akissaatinullu Ataatsimiititat oqaaseqartereernerisigut imm. 1-imi 2-milu maleruaqqusanik saneqqutsissutissat aalajangersarsinnaallugit.§ 7. Piffissaq qinnuteqarfissatut killiliussaq naappat qinnuteqartunit peqatigiiffinnullu ilaasortat eqqarsaatigalugit atorfimmut qinnuteqartussatut nalunanngereersunit qinnuigineqarnikkut qinnuteqartut tamarmik aqqinik paasissutissanik aammalu qinnuteqartut ataasiakkaat kinaassusersinissaannut paasissutaasinnaasunik allanik pisariaqartunik allattuiffik tunniunneqassaaq.
Imm. 2. Kingusinnerpaamik piffissaq qinnuteqarfissatut killiliunneqartoq tikitsinnagu paasissutissat imm. 1 naapertorlugu tunniunneqartussat tamanut ammasumik tusarliunneqannginnissaab pillugu qinnuteqartumit ataatsimit allakkatigut qlnnuteqaat tiguneqarsimappat, tamanna pillugu paasissutissaq qinnuteqartut allattorsimaffiata tunniunneqarnerani nalunaarsorneqarsimassaaq.
Imm. 3. Imm. 2-mi taaneqartutut qinnuteqartoqarsimappat qinnuteqartut allattorsimaffiannik taassumaluunniit ilaanik tamanut ammasumik tusarliisoqassanngilaq, tamatuminngalu unioqqutitsineq akiliisitsinikkut pillarneqaataassaaq.§ 8. Atorfinitsitsisussaatitaasoq isumaqarpat qinnuteqartut atorfimmut inuttassarsiuussamut piffissaq eqqorlugu nalunaarsimasut arlaannaannilluunniit atorfimmut tassunga naammattumik piukkunnartoqanngitsoq, imaluunniit allagarseeqqi.nnikkut qinnuteqartunik piukkunnaateqarnerusunik qinnuteqartoqarsinnaasoq, atorfik inuttassarsiuuteqqinneqa?saaq.
§ 9. Atajuartussamik atorfinitsitaanissaq siulleq pisassaaq siulequtaasumik misiligummik atorfinitsitaareernerup kingornatigut.
Imm. 2. Naalakkersuisut Akissaatinut Ataatsimiititat oqaaseqartereernerisigut imm. 1-imi maleruaqqusanik saneqqutissutissat pillugit maleruagassat aalajangersinnaavaat.
Imm. 3. Misiligummik atorfinitsitaanissamik maleruaqqusat Naalakkersuisut aalajangersassavaat, tamatumunnga ilanngullugit ilinniartitaanissaq tamatumalu inernerata paasinissaa pillugit maleruaqqusat.§ 10. Tjenestemandip atorfik inuttaqanngitsoq qinnutigippagu maannamut qaninnerpaamik qullersarisaa atorfillip qanoq nalilerneqarneranik allalluni atorfinitsitsisussaatitaasunut nalunaaruteqassaaq, atorfilillu naliliinerup tamatuma assilineqarneranik tunineqassaaq.
Imm. 2. Naalakkersuisut Akissaatinut Ataatsimiititat oqaaseqaateqartereernerisigut imm. 1-mi maleruagassamit saneqqutissutissat aalajangersinnaavaat.
Imm. 3. Naalakkersuisut atorfillit qaffariartitaasarnissaasa suliarineqarnissaannik erseqinnerusunik aalajangersagaqarsinnaapput, tamatumunnga atorfillit qanoq nalilerneqarnerannut tunngaviusoq ilanngullugu.§ 11. Tjenestemandip allagaq atorfinitsitsissut pissavaa atorfiup taaguutaata atorfimmilu suliassap suunerata oqaatigineqarnerat ilanngullugu.
Imm. 2. Tamanna peqatigalugu tjenestemandi nalunaarfigineqassaaq akissaatit killissaat suut najoqqutaralugit maanna akissaaserneqassasoq, atorfilittullu sulinissamini nunaqarfik suna suliffigigallassagaa.
Imm. 3. Kialuunniit inatsit una malillugu tjenestemanditut atorfillip atorlîik ataaseq sinnerlugu atajuartumik atorfigisinnaanngilaa.
Imm. 4. Piffissami ataatsimi ataatsikkoortumik inatsit una malillugu tjenestemanditut atorfik ataaseq atorfigitillugu aammalu inatsit alla, maleruaqqusaq assigisaaluunniit malillugu tjenestemanditut atorfik ataaseq alla atorfigitillugu soraarnerussutisiassaasinnaasoq tunniunneqassaaq aoraarnerussutisiaqarneq pillugu inatsit, maleruagassaq assigisaaluunniit tjenestemandip soraarninngornerata nalaani atorfianut atuuttoq malillugu.
Kapitali 4.
Atorfillip pisussaaffii.§ 12. Tjenestemandip maleruaqqusat nammineq atorfimminut atortut peqqusersuílluni maleruassavai taamatut atorfimmi iluani avataanílu malunnartissalluni ataqqisaanermut tatigisaanermullu atorfimminut piumasarineqartumut naleqquttumik.
Imm. 2. Tjenestemandi nipangiussisussaavoq pissutsinik atorfimmini ilisimalikkaminik pissutsimikkullu isertuussaasariaqartunik taamatulluunniit inassutigineqartunik. Nipangersimasussaaneq taanna atorfimminit tunuarneratigut atorunnaassanngilaq.§ 13. Tjenestemandit inatsit una najoqqutaralugu atorfinitsinneqartut atorfeqarfigisaat tassaapput Kalaallit Nunaanni tjenestemanditut atorfiit.
§ 14. Tjenestemandi atorfimmi nammineq atorfimmi taamaaqataani annerusumiluunniit suligallarsinnaasussaavoq.
§ 15. Tjenestemandi suliami annertussusii qanorlu pissusii pillugit allanngortiteriffigineqarsinnaavoq taamaaliorneq atorfeqarnerup qanoq issusianik allanngortitsinngippat aammalu ima nassataqanngippat atorfik tjenestemandimut naleqqukkunnaarsillugu. Taamatuttaaq annertussusilimmik peqquneqarsinnaavoq atorfik alla tigoqqullugu.
Imm. 2. Pisortaqarnermi aaqqissuussinerup suleriaatsilluunniit allannguutaaea pisariaqalersippassuk atorfillip peqatigiiffissuata pineqartup isumaqatigiissuteqarfigereerneratigut tjenestemandi peqquneqarsinnaavoq atorfik maannamut atorfiritsitaaffigisami avataaniittoq tigussagaa.
Imm. 3. Tjenestemandip atajuartussamik atorfinitsitap 60 inorlugit ukiullip peqqiilliuuteqarnerminik peqquteqarluni atorfimmini suliassani isumagisinnaajunnaarunigit peqquneqarsinnaavoq atorfik maannamut atorfinitsitaaffigisami iluaniittoq imminullu naleqqussorineqartoq tigussagaa.§ 16. Atorfimmi pisussaaffiit isumaginissaat eqqarsaatigalugu atorfimmut atatillugu illoqarnissaq pisariaqartinneqarpat tjenestemandip atorfik taanna tigummitillugu illu taanna najugassaraa atorfillu tigummiunnaaruniuk qimattussaallugu, taamaattorli takuuk § 33, imm. 1, oqaaseqatigiit kingulliit.
Imm. 2. Atorfimmi illut ilusilersornerinik, aserfallatsaalinerinik atorneqarnerinillu aammalu illut taamaattut iserterfiginissaannik qimannissaannillu il.li. aalajangersakkat Akissaatinut Ataatsimiititat oqaaseqartereernerisigut Naalakkersuisunit aalajangerneqassapput. Atorfimmili illunik atuinermut tjenestemandip akiliutissaa kapitali 12-imi maleruagassat naapertorlugit aalajangerneqartassaaq.
Imm. 3. Pissutsit imm. 1-mi taaneqartut saniatigut qanoq annertutigisumik inissaqartitsisoqarnissaa kapitali 12-imi maleruagassat naapertorlugit aalajangerneqassaaq. Taamatut inissiaritinneqartoq tjenestemandip atorfeqarnermi nalaani inigissallugu piginnaatitaavoq kingornalu qimattussaallugu, takujulli § 33, imm. 1 oqaaseqatigiit kingulliit. Inissatut innersuunneqartumut illumut akiliut akilerneqartassaaq Kalaallit Nunaanni Namminersornerullutik Oqartussat illuutaasa il.il. illumut akiliutissartaat pillugit malittarisassat sukkulluunniit atuuttut naapertorlugit.§ 17. Atorfiup isumannaatsumik ingerlanissaa eqqarsaatigalugu Naalakkersuisut qinnuteqaateqarfigineqarnermikkut aalajangiisinnsapput tjenestemandi inuiaqatigiinni kommunemiluunniit suliassamik pisussaaffigisamik tigusissanngitsoq.
Imm. 2. Atorfillip inuiaqatigiinni kommunemiluunniit pisussaaffimmik suliassinneqarnermigut peqannginnerani atorfiup ingerlannissaanut aningaasartuutissaajumaartut qanoq annertutigisumik atorfinitsitsisunit akilerneqarsinnaanissaannik maleruaqqusat Naalakkersuisunit aalajangersarneqassapput.§ 18. Tjenestemandi tjenestemanditut atorfimmi saniatigut taamaallaat sulifflssarsisinnaavoq aatsaat tamanna tjenestemanditut atorfeqarnermut atatillugu pisussaaffinnut aammalu atorfiup ataqqisariaqarneranut tatigisariaqarneranullu naleqquppat.
§ 19. Tjenestemandi tjenestemanditut atorfini malillugu pisussaaffimminik isumaginninnini aammalu suliani tjenestemanditut atorfiup ilaatut isigisariaqartut pillugit akissarsisinnaavoq allanillu pissarsisinnaalluni §§ 49-51 imaluunniit § 57 najoqqutaralugit aalajangersarneqartuinnarnik, takujulli Kalaallit Nunaanni Naalakkersuisunut ilaasortat, Kalaallit Nunaanni Inatsisartut il.il. akissarsiaat kingusinnerusukkut allannguutillit pillugit Inatssisartut inatsisaanni nr. 1, 27. februar 1986-imeersumi § 12, imm. 3.
Kapitali 5.
Atorfimmit peersitaagallarneq aammalu atorfimmi naalasseriitsuliorneq pillugu suliassanngortitaaneq.§ 20. Tjenestemandi atorfimminit peersitaagallarsinnaavoq allanilluunniit suliassinneqarallarsinnaalluni pissutilimmik pasilligaaguni atorfiup isumagineranut atatillugu tatigineqarunnaarutigisaminik imaluunniit tamanna pissutigalugu maannamut suliaminik ingerlatsiinnarnissaa nalorninarsippat.
Imm. 2. Pissutsit imm. 1 naapertorlugu akuleruffiginnissutaasut pinerluttuliornermillu inatsisit naapertorlugit suliassanngortitsissutaanngitsut atorfimmi naalasseriitsuliorneqarneratut misissuinermik §§ 21-27-mi maleruagassat naapertorlugit suliarineqartassapput.
Imm. 3. Atorfimmit peersitaagallarnerup atuutilernissaanik atorunnaarnissaanillu maleruaqqusat erseqqinnerusut Naalakkersuisut aalajangersassavaat.§ 21. Tjenestemandi atorfeqarnini pissutigalugu atorfimmini unioqqutitsinermut pissutsimulluunniit pinerluttuliornermik inatsisini iliuuseqarfigineqarsinnaasumik nalunaarutigineqartoq suliassap pisimasortaviisa erseqqissaataannik tunineqassaaq erseqqissaallu taanna pillugu allakkamik oqaaseqaateqarnissaminut pisinnaatitaassalluni. Tamanna peqatigalugu ilisimatinneqassaaq erseqqissaammut oqaaseqarnissaminut pinngitsaalisaanngitsoq.
Imm. 2. Tjenestemandi atorfimmi tungaatigut unioqqutitsineq pissutigalugu atorfimmi naalasseriitsuliornermut misissuiffigineqalissappat Naalakkersuisut Kalaallit Nunaanni Eqqartuussisuuneq qinnuigissavaat killisiuisussamik toqqaaqqullugu. Kalaallit Nunaanni Eqqartuussisuunerup suliassap pissusia naapertorlugu pisariaqartikkuniuk Kalaallit Nunaata avataani eqqartuussiviit arlaasa siulittaasuat qinnuigissavaa killisiuisussamik toqqaaqqullugu.
Imm. 3. Immikkut pissutissaqartillugu pisariaqartinneqarpat Naalakkersuisut killisiuisup qinnuteqarneratigut atorfillillu peqatigiiffissuisa attavigisat oqaaseqartereernerisigut inummik pisortaqarfimmut sinniisussanngortitsisinnaapput.§ 22. Tjenestemandi pisinnaatitaavoq illersuisulerluni oqalutsilerlunilu ornigunnissaminut killisiuinissamullu siullermut aggeqquneqarnermini tamatuminnga ilisimatinneqassalluni.
Imm. 2. Tjenestemandip peqatigiiffeqarfiani sinniisi, atorfinitsitsisarnermut oqartussaasuni atorfilik imaluunniit eqqartuussisorisoq illersuisutut atorneqarsinnaapput.
Imm. 3. Tjenestemandi pisinnaatitaavoq oqaasissami allallugit tunniunnissaannut, killisiuinerit inereernerisiguttaaq.§ 23. Killisiuinermi pisortaq uppernarsaasoqarnissaanik allanillu uppernarsaataasinnaasunik pissarsinissamik aalajangiissaaq.
Imm. 2. Atorfilik kinaluunniit killisiuinernut orniguttussaatitaavoq nassuiaateqartussaallunilu. Ilisimannittutut eqqunngitsunik nassuiaateqartoq pinerluttuliornermik inatsisini § 85 naapertorlugu pineqaatissinneqassaaq. Ilisimannittuusoq ornigutinngitsoorpat nassuiaateqarnissaminulluunniit pinaaserpat killisiuisup nunaqarfimmi killisiuiffiusumi inuulluunniit pineqartup taassuma najugaani eqqartuussisunut killisiortissinnaavaa.
Imm. 3. Suliassap inerneratigut killisiuinermi pisortaq nalunaaruteqassaaq. Naalakkersuisut tamanna qinnutigippassuk killisiuisoq aammattaaq suliassap qanoq inerneqarnissaanik inassuteqassaaq.§ 24. Tjenestemandimik killisiuinerit eqqartuussinerillu suliassap ingerlanerani pisut tamanut ammasuunngillat. Taamaattorli Naelakkersuisut aalajangiisinnaapput suliassap suliarineqarnera inuit najuuffigisinnaagaat tjenestemandip atorfillit peqatigiiffissuannit attavigisaminit isumaqatigineqarluni tamanna piumasarissappagu.
Imm. 2. Killisiuinermi eqqartuussinernilu tamanut ammasuunngitsuni pisimasunik inunnut tamanut issuaasoq pinerluttuliornermik inatsisit naapertorlugit akiliisitassanngortinneqassaaq.
Imm. 3. Imm. 2-mi aalajangersakkami pineqarput suliassap ingerlanneqarnerani killisiuineq eqqartuussinerlu sioqqullugu nalaanilu paasissutissat pissarsiarineqarsimasut, paasissutissat oqaasiinnartigut allaganngorlugilluunniit pigineqartut.§ 25. Suliffimmut allamut atorfimmulluunniit allamut pisinneqarnermik, minnerusumik atorfeqartitaalernermik soraarsitaanermilluunniit suliassaq inerneqassasoq ilimanarpat atorfillit peqatigiiffissuat attaviusoq suliassap qanoq isikkoqarneranik nalunaarfigineqassaaq, taanna piffissaqarsinnaaqqullugu suliassap aalajangerneqannginnerani tamatumunnga oqaaseqarnissaminut.
Imm. 2. Atorfillit peqatigiiffissuat attaviusoq qinnuteqarnermigut uppernarsaatissat atorfeqarnermi misissuinikkut pissarsiarineqartut tunngavigalugit aalajangiinermik ilisimatinneqarnissamik piumasaqarsinnaavoq.
Imm. 3. Tjenestemandi pissutsinut pinerluttuliornermik inatsisini iliuuseqarfigineqarsinnaasumik pasilligaaguni piumasaqarsinnaavoq suliassaq taanna pinerlunnermik suliassatut suliarineqassasoq. Tamanna pinerlunnermik suliassap inereerneratigut tjenestemandip atorfeqarnermi killisiuiffigineqalernissaanut akornutissaanngilaq.
Imm. 4. Tjenestemandip atorfeqarnerminik killisiorneqaqqaarnani atorfimmini naalasseriitsuliortutut pillaatisisup, tak. § 27, atorfeqarnermi misissuineqalernissaa piumasarisinnaavaa. Piumasarineqartorli taanna aatsaat akuerineqartussaavoq atorfillit peqatigiiffissuannit attaviusumit ilalernoqarpat.§ 26. Misissuineq atorfimmi naalasseriitsuliornermut pillaatitaqanngitsumik inerneqarpat tjenestemandi illersuisumut oqalutsimullu aningaasartuutiminik taarsiiffigineqassaaq. Allatigut Naalakkersuisut suliassap inernera pisimasullu tamatumunnga tunngasut aamma eqqarsaatigalugit aalajangertassavaat illersuisumut oqalutsimullu aningaasartuutit tamakkerlugit ilaannakorlugilluunniit taarserneqassanersut.
Imm. 2. Imm. 1 naapertorlugu taarsiisoqartassaaq pissutsit najoqqutaralugit aningaasanik naammattunik, kisianni aatsaat tjenestemandip illersuisumut aningaasartuuteqarsimanera naapertuussorineqarpat. Killisiuisoq piumaffigineqarluni tamanna pillugu oqaaseqartassaaq.
Imm. 3. Tjenestemandi atorfimmi naalaasseriitsuliornermik suliassap ingerlanerani nammineerluni uppernarsaatissarsisimappat tamatumunnga aningaasartuutigisaminik tamakkerlugit ilaannakorlugilluunniit taarsiiffigineqassaaq tamakkuninnga uppernarsaatissarsinerminut naapertuuttumik tunngaveqarsorineqaruni. Killisiuisoq piumaffigineqarluni tamanna pillugu oqaaseqartassaaq.§ 27. Atorfimmut tunngasumik unioqqutitsinermut atorfimmi naalaasseriitsuliornermut pillaatitut atorneqarsinnaapput mianersoqqussut assuarisaanerluunniit, akiliisitaaneq, taamaattorll qaammammut akissaatit affaat akimorneqartussaanatik, suliamut allamut suliffimmulluunniit allamut imaluunniit atorfimmut allamut pisitaaneq, atorfimmut minnerusumut pisitaaneq - tamatumunnga ilanngullugu akissaatissat iluanni ataatsimik arlalinnilluunniit appartitaaneq - soraarsitaanerluunniit.
Imm. 2. Qaammammut aki?saatit 1/25-iat qaangerlugu akiliisitaaneq suliamullu allamut nuutsitaaneq §§ 21-26 naapertorlugit killisiuirteqareertinnagu atorneqarsinnaanngillat, nangaassuteqanngilluinnarluni allakkamik nassueruteqartoqanngippat, tassuunnakkullu pissutsimi pasilliutaasumi pisimasuviusut atorfillip eqqortuuneranngippagit atorfimminilu unioqqutitsinermut pisuunerminik nassuinngippat.
Imm. 3. Suliffimmut allamut atorfimmulluunniit allamut nuutsitaaneq, atorfimmut minnerusumut pisitaaneq soraarsitaanerluunniit unioqqutitsineq eqqartuussutikkut aalajangiunneqanngikkaangat atorfeqarnermi killisiuineqareersinnagu atorfimmi unioqqutitsinermut pillaatitut atorneqanngisaannassapput.
Imm. 4. Akiliutissanngortitat akissaatinit ilanngaatigineqarsinnaapput.
Kapitali 6.
Tunuarneq.§ 28. Tjenestemandit atorfeqartitsisutut oqartussaasunit § 4-mi taaneqartunlt soraarsinneqassapput.
§ 29. Tjenestemandit qaammatinik pingasunik piffissaliillutik qaammatip naaneratigut tunuarumasinnaapput.
§ 30. Tjenestemandit soraarsinneqarsinnaapput tamatuminnga qinnuteqanngikkaluarlutik qaammatinik 3-nik qaammatillu naanissaanut periarfissaqartitaallutik. Naannerusumilli periarfissiilluni soraarsitsisoqarsinnaavoq tamatumunnga pissutaappat tjenestemandi pissutsit pinerluttuliornermik inatsimmi iliuuseqarfigineqarsinnaasut, atorfimminik unioqqutitsinini paarsinnginninniluunniit pissutigalugit atorfimminiiginnarnissaminut naleqqukkunnaarpat.
§ 31. Tjenestemandit soraarninngortassapput qaammatip 65-inik ukioqalerfimmik naanerani imaluunniit 60 qaangerlugit isumaqatigiissutikkut aalajangikkamik ukioqalernerminni kapitali 12-imi maleruaqqusat naapertorlugit aalajangiinikkut.
§ 32. Tjenestemandip tamatuminnga qinnuteqanngikkaluarluni soraarsitaannginnerani, pisartut § 31-mi taaneqartut pinnagit, atorfillit peqatigiiffissuat attaviusoq tjenestemandilu nammineq oqaaseqarnissaminnut pisinnaatinneqassapput §§ 21-25 naapertorlugit killisiuineqareersimanngippat.
Imm. 2. Kialuunniit qinnuteqaqqaarnani soraarsinneqartup soraarsinneqarnermi pissutaanik allaganngorlugu nassuiaateqarfigineqarnissani piumasarisinnaavaa.
Imm. 3. Qinnuteqaqqaarani soraarsitsinissaq sunaluunniit sioqqullugu, pisartut § 31-mi taaneqartut pinnagit, pisortaqarfik soraarnerussutisianik akuersisartoq tjenestemandip soraarnerussutisiaqarnissaminik piumasaqarsinnaaneranik oqaaseqartinneqartassaaq. Taamatut aamma pisoqartassaaq soraarninngornissamik qinnuteqartoqaraangat peqqiilliuuteqarneq pissutigalugu soraarninngornissaq qinnutigineqarluni.§ 33. Pisortaqarfiup aaqqissuussaanerata sulinerulluunniit ilusilersugaanerata allanngortitaanerisigut tjenestemandip atorfiata peerneqartussanngornera pissutigalugu allamilluunniit § 15 naapertorlugu tigusariaqagassaraluaminik atorfi&sarsineqarsinnaannginnera pissutigalugu tjenestemandi soraarsinneqassaguni maannamut akissaatini ukiuni pingasuni pigiinnassavai, taamaattorli ukiunit soraarninncorfissanit atorfimmut tassunga aalajangikkanit sivisunerunngitsumik. Ukiuni taakkunani § 15-imi maleruaqqusat malillugit pineqartussaavoq. Ukiuni taakkunani ineqartussaatitaanini aamma attatiinnartussaavaa.
Imm. 2. Tjenestemandit soraarnerussutisiaqarnerat pillugu inatsimmi § 3 naapertorlugu soraarninngornerup nalaani tjenestemanditut soraarnerussutisiaqaatigisassaanik atorfinittoqarpat, akissarsiat imm. 1-imi pineqartut atorunnaassapput. Taamatuttaaq pineqassapput tjenestemandit pillugit inatsit 9. juni 1971 sioqqullugu atuuttoq naapertorlugu utaqqinermi tjenestemandinut aningaasarsiassaatitaasut.
Kapitali 7.
Misiligummik atorfinitsitat pillugit immikkut aalajangersakkat.§ 34. Tjenestemandi misiligummik atorfinitsitaq misiligummik atorfinitsitaaffimmi qaammataani siullerni arfinilinni ullunik 14-inik piffissaliilluni misiligummillu atorfinitsitaanermi sinnerani qaammammik ataatsimik piffissaliilluni soraarumasinnaavoq, tamaginni qaammatip naanissaanut.
Imm. 2. Tjenestemandit taamaattut misiligummik atorfinitsitaaffimmik qaammataani siullerni arfinilinni qinnuteqaqqaanngikkaluarlutik soraarsinneqarsinnaapput ullunik 14-inik piffissaqartitaallutik qaammatip naanissaanut.
Imm. 3. § 32, imm. 3-mi aamma § 33-mi aalajangersakkat tjenestemandinut misiligummik atorfinitsitanut atunngillat, taamaattorli tjenestemandit soraarnerussutisiaqarnerat pillugu inatsimmi kapitali 1 aamma 5 naapertorlugit soraarnerussutisiaqarsinnaanermik apeqqutinik saqqummersoqartillugu soraarnerussutisiaqarnissamut akuersisartuniit oqaaseqaateqartitsisoqartussaavoq, takuuk § 32, imm. 3.
Kapitali 8.
Ukiuni killilinni atorfinitsitsisarneq pillugu immikkut aalajangersakkat.§ 35. Ukiuni killilinni atorfinitsitsisoqarsinnaavoq inunnut tjenestemanditut atorfeqareersunut allanullu.
Imm. 2. Tjenestemanditut ukiuni killilinni atorfinitsitsineq pissaaq inunnut
1) tjenestemanditut atorfeqareersunut,
2) suliunnaarsimasunut tjenestemanditut atorfimmit soraarnerussutisiaqartunut soraarnerussutisiaqalersussanulluunniit.
Imm. 3. Imm. 2-mi pineqartunit allanik ukiuni killilinni atorfinitsitsineq pisinnaavoq atugassarititaasut inatsimmi matumani aalajangersakkat assingi atorlugit, taamaattorli takuuk § 42, imm. 1.§ 36. Atorfiit sorliit ukiuni killilinni atorfigineqarsinnaanersut pillugit aalajangersakkat Akissaatinut Ataatsimiititaliamik oqaaseqaateqartitsereernikkut Naalakkersuisunit aalajangerneqartassapput.
§ 37. Ukiuni killilinni atorfinitsitsineq pissaaq piffissami ukiut 3 aamma 6 akornanni. Ukiuni killilinni atorfinitsitaaneq katillugit ukiut 3 tikillugit sivitsorneqarsinnaavoq. Allagarsiilluni inuttassarsiuereernikkut ukiuni killilinni atorfimmi atorfinitsitsisoqaqqissinnaavoq.
§ 38. Akissaatit aammalu atorfinitsitaanermi atugassat allat § 49-imi maleruagassat naapertorlugit aalajangersarneqassapput.
§ 39. Tjenestemanditut atajuartumik atorfilimmik ukiuni killilinni atorfeqartitaanerup naanerani atorunnaarneraniluunniit immineq pisuussutiginngisaanik patsiseqartumik atorfimmut atajuartussamut atorfineqqittumik inissiineq pissaaq atugassarititaasunik isumaqatigiissummi § 38-mi pineqartunik atugassaqartitsinikkut.
§ 40. Tjenestemandit ukiuni killilinni sivisussusilimmik atorfinitsitat qinnuteqaqqaarnatik aatsaat soraarsinneqarsinnaapput soraarsitaanissaq peqqiilliuuteqarnermik pissutsinilluunniit § 30-mi, oqaaseqatigiit aappaanni, § 31-miluunniit taaneqartutut ittunik pissuteqartinneqarpat. Allaticut atorfinitsitaaneq ukiut taasat naaneranni atorunnaartassaaq.
§ 41. Soraarnerussutislassat inunnut § 35, imm. 2-mi pineqartunut aalajangerneqassapput pineqartup soraarninngunnginnerani atajuartumik atorfeqartitaanermini kingullermi akissaateqarfittut inissisimaffigisaa aallaavigalugu.
Imm. 2. Soraarnerussutlsiassat naatsorsorneranni ukiunut soraarnerussutisiassaqarfinnut ukiuni killilinni atorfeqarsimaneq iianngunneqassaaq.
Imm. 3. Imm. 1 aamma imm. 2 malillugu soraarnerussutisiaq taperneqassaaq, tapiullu angissusilerneqassaaq ukiuni killilinni atorfeqarnermi akissarsiatigut inissisimaffik tunngavigalugu soraarnerussutisiassap annerpaap 2,7%-ianut ukiuni klllilinni atorfeqarfinnut tamanut atuuttussanngorlugu. Soraarnerussutisiarli tamarmiusoq ukiuni killilinni atorfeqarnermi akissarsiatigut inissisimanertulli atorftíqarfigisimasinnaasaagaluaq tunngavigalugu soraarnerussutisiamit annerusinnaanngilaq.
Imm. 4. Imm. 3 naapertorlugu soraarnerussutisiamut tapisiassaq aningaasanut aapparisap soraarnerussutisiaasa naatsorsornerannut ílanngunneqassapput.§ 42. Inunnut § 35, imm. 3-mi pineqartunut tjenestemandit soraarnerussuti?iaat pillugit inatsit atuutinngilaq, aammalu Akissaatinut Ataatsimiititaliamik oqaaseqaateqartitsereernikkut atorfeqartitaanermut pineqartumut allamik soraarnerussutisiaqartitsisoqassanersoq Naalakkersuisut aalajangcrtassavaat.
Imm. 2. Naalakkersuisut aalajangersinnaavaat inuk § 35, imm. 2-mi pineqartoq imm. 1-imi pineqartunik soraarnerussutisiaqartinneqassanersoq, taamaaliornissamut pissutsit immikkut illuinnartut patsisaatinneqarpata.
Imm. 3. Soraarnerussutisitsisussat akuerisinnaavaat soraarnerussutisisussaq peqqigunnaarnini pissutigalugu inuutissarsiorsinnaajunnaarpat imaluunniit pissutsit atuuttut patsisissaqartippassuk 60-inik ukioqalernissaa sioqqullugu soraarnerussutisiaqalissasoq.
Kapitali 9.
Kommunet tjenestemandii pillugit immikkut aalajangersakkat.§ 43. Kommuneni tjenestemandi kommunemi allami Namminersornerullutilluunnit Oqartussani kommunalbestyrelsemit suleqquneqaruni aatsaat pineqartup atorfilittut peqatigiiffissua tamanna pillugu isumaqatiginninniarfigineqareersimatillugu atorfimmik nutaamik taassuminnga tigusinissaminut pisussaaffilerneqarsinnaavoq. Taamatuttaaq pineqassaaq tjenestemandi Namminersornerullutik Oqartussani atorfilik qinnuteqaqqaarani kommunemut atorfilittut nuutinneqaruni.
Imm. 2. Kommunet marluk akornanni imaluunniit kommunep aammalu Namminersornerullutik Oqartussat akornanni qinnuteqaqqaarnani nuutsltsisoqassappat tamanna pillugu atorfinitsitsisussatut oqartussaasut marluk akornanni isumaqatigiittoqarnissaa piumasaqaataavoq.
Kapitali 10.
Meeqqat atuarfiat pillugu immikkut aalajangersakkat.§ 44. Meeqqat atuarfianni tjenestemandip atorfimmi naalasseriitsuliornermik misissuiffigineqarneranut atatillugu killisiuinermi kínaluunniit meeqqat atuarfianni imaluunniit kommunep kulturimut atuartitaanermullu ingerlatsiviani atorfeqartoq, kiisalu pisortaqarfimmi atorfeqartut aammalu atuarfinnut ataatsimiititaliani ilaasortat angajoqqaallu sinniisaat orniguttussaapput nassuiaateqartussallutillu.
Kapitali 11.
Ilagiinni tjenestemandit pillugit immikkut aalajangersakkat.§ 45. § 14-mi, § 15, imm. 1-imi aamma § 16, imm. 2-milu oqaaseqatigiinni siullerni aalajangersakkat ilagiinni tjenestemandinut atunngillat.
Imm. 2. § 10, imm. 1-imi aalajangersakkap qanoq annertutigisumik ilagiinni atortinneqarnissaa Naalakkersuisut aalajangissavaat.§ 46. Ilagiinni tjenestemandi pisussaavoq nammineq atorfimmini sulinissaminut taarsiullugu tassungaluunniit atatillugu atorfimmi nammineq atorfimmi taamaaqataani annerusumiluunniit suligallarnissaminut.
Imm. 2. Naalakkersuisut aalajangersinnaavaat palasi allamik atorfinittussanngortinneqartoq maannamullu atorfiata sumiissutsi pissutigalugu palasimit sanilianit suliffiginiaruminaatsup inuttassarseqqissinnaanissaata tungaanut atorfimmini tassaniiginnarallassasoq, sivisunerpaamilli qaammatini arfinilinni.§ 47. Ilagiinni tjenestemandi atorfimmini suliassat annertussusiisa suunerisalu allannguutaannut atorfeqarnerup pissusianut allannguutaanngitsunut atorfiullu imminut naleqqukkunnaarutissarinngisaanut maleruuttussaavoq.
§ 48. Atorfimmi naalasseriilliornermut palasinik suliassanngortitsinerit Naalakkersuisunit ilagiinni sulisut eqqartuussiviannut mi.sissugassanngortinneqarsinnaapput aalajangiiffigisassanngortinneqarsinnaallutillu. Suliassat ilagiinni sulisut eqqartuussivianni eqqartuussutigineqartut Højesteret-imut toqqaannarlugit nangitassanngortitaasassapput.
Imm. 2. Ilagiit sulisuisa eqqartuussiviannut suliassanngortitat suliarineqarnerini Kalaallit Nunaanni eqqartuussisarnermik inatsisini illersuisussaliisarnermik maleruaqqusat atorneqartassapput.
Imm. 3. § 25, imm. 4 aamma § 27-p atorneqarnerini ilagiit sulisuisa eqqartuussivianni paasiniaaneq atorfeqarnermi killisiuinermut naligitinneqartassaaq.
Immikkoortoq 2.
Tjenestemandit akissaatitigut atorfeqarnermilu atugassatigut aaqqissuussivigineqarnerat.
Kapitali 12.
Isumaqatiginninniartarneq peqatigiiffeqarnerlu.§ 49. Akissaatitigut allatigullu atorfinitsitaanermi atugassat Naalakkersuisut atorfillillu peqatigiiffissuisa § 53-mi taaneqartut isumaqatigiissutaatigut aalajangerneqartassapput.
Imm. 2. Taamaattorli pissutsit inatsisitigut imaluunniit inatsisit naapertorlugit aalajangiiffigisassat imaluunniit pisortaqarfiup suliassaanut, aaqqissuussaaneranut sulisussanilluunniit atorfissaqartitsineranut tunngasut imm. 1 naapertorlugu isumaqatigiissuteqarfigineqarsinnaanngillat.
Imm. 3. Kommunet tjenestemandiinut akissaatitigut, atorfeqartitaanikkut soraarnerussutisiaqarnikkullu atugassarititaasut pillugit Naalakkersuisut Kalaallit Nunaanni Kommunet Kattuffiannik isumaqatiginninniareernikkut aalajangersaassapput.
Imm. 4. Naalakkersuisut aammalu Kalaallit Nunaanni Kommunet Kattuffiata isunaqatigiissutaanni isumaqatiginninniarnerni maleruagassat erseqqinnerusut aalajangersarneqassapput.§ 50. Akissaatitigut allatigullu atorfinitsitaanermi atugassat allannguutissaannut, tamatumuunakkuttaaq akissaasersuinermut najoqqutassat nunaqarfimmullu tapisiat allannguallaatissaannut, tjenestemandit atorfiisa akissaatitigut inissinneqarnerisa allannguutissaannut tjenestemandillu atorfiata isumaginissaanut akissarsiaasartut allat, tak. § 19, allannguutissaannut aningaasat atugassat tamarmiusut amerlassusissaat isumaqatigiissutigineqarsinnaanngippata immikkut inatsisissatut siunnersuummik Akissaatinut Ataatsimiititat oqaaseqartereerlugit Naalakkersuisut saqqummiussissapput.
Imm. 2. Aningaasat imm. 1-imi taaneqartut atorneqarnissaat isumaqatigiissutigineqarsinnaanngippat Naalakkersuisut Akissaatinut Ataatsimiititat oqaaseqartereerlugit immikkut inatsisissatut siunnersuummik saqqummiussissapput.§ 51. Pissutsit § 50-mi pineqanngitsut isumaqatigiissutigineqarsinnaanngippata Naalakkersuisut Akissaatinut Ataatsimiititat oqaaseqartereerlugit aalajangiissapput.
§ 52. Atorfinitsitaanermi atugassaatitanik isumaqatigiissutigineqarsinnaanngitsunik aalajangiinissat aalajangiinerillu taamaattut allannguutissaat atorfillit peqatigiiffissuinik § 53-mi taaneqartunik oqaloqatiginnereernikkut Naalakkersuisunit aalajangerneqartassapput.
Imm. 2. Apeqqutit suliamut tunngassutillit suulluunniit tjenestemandinut tunngasut atorfillit peqatigiiffissuisa § 53-mi taaneqartut Naalakkersuisunut oqaloqatiginnissutigisinnaavaat.§ 53. Tjenestemandit, atorfillit minnerit soraarninngornerit tjenestemandillu soraarninngornerit isumaqatiginninniarsinnaatitaanerat atorfillit peqatigiiffissuini Kalaallit Nunaanni angerlarsimaffilinniippoq aammalu Naalakkersuisut Akissaatinut Ataatsimiititat oqaaseqartereerlugit isumaqatigiissuteqartarnermi periaasiusussamik isumaqatiginninniarsinnaatitaanerullu allatigut atorneqarnissaanut maleruaqqusassanik isumaqatigiissutaa pingaarneq aqqutigalugu pisassalluni.
Imm. 2. Atorfillit peqatigiiffissuisa pineqartut taakkua ataatsimut kattuLlutik tjenestemandit, atorfillit minnerit tjenestemandillu soraarninngornerit sinniiseqarnissaannut pisinnaatissavaat.
Imm. 3. Isumaqatigiissummi pingaarnermi peqatigiiffiit atorfillit peqatigiíffissuinut katigussimasut apeqqutinik peqatigiiffiup ilaasortaannaannut tunngassutilinnik oqaloqatiginninnissaminnut pisinnaatitaanissaannik aalajangersagaqassaaq.
Kapitali 13.
Akissaatinub Ataatsimiititat.§ 54. Akissaatinut Ataatsimiititat ilaasortarissavaat siulittaasoq, siulittaasup tullia, ilaasortat 2 Namminersornerullutik Oqartussat aammalu Kalaallit Nunaanni Kommunet Kattuffiata allaffeqarfiisa sinniisaat aammalu ilaasortat 4 § 53-mi taaneqartuni atorfillit peqatigiiffissuisa sinniisaat Naalakkersuisunit toqqarneqartut, peqatigiiffinnut sinniisuutitat tungaatigut atorfillit peqatigiiffissuisa inassuteqarnerat tunngavigalugu aammalu Kalaallit Nunaanni Kommunet Kattuffianni sinniisuutitat tungaatigut Kalaallit Nunaanni Kommunet Kattuffiata inassuteqarnerat tunngavigalugu.
Imm. 2. Kalaallit Nunaanni Inatsisartut akunnerminni ilaasortat 5 qinissavaat. Aammattaaq Kalaallit Nunaanni Kommunet Kattuffianit siunnersuuteqareernikkut Kalaallit Nunaanni Kommunet Kattuffianni siulersuisuni ilaasortat marluk Naalakkersuisunit toqqarneqassapput.
Imm. 3. Ilaasortanut imm. 1-imi 2-milu ilaasortanut taaneqartunut sinniisussat toqqarneqassapput qinerneqassallutilluunniit.
Imm. 4. Siulittaasoq, siulitaasup tullia, ilaasortat sinniisussallu ukiunut 4-nut atasussanngorlugit toqqarneqartassapput qinerneqartassallutilluunniit. Inatsisartulli ilaasortaatitaat qinikkat ataatsimiititami atasassapput piffissaq Inatsisartut qinigaaffiat malillugu aammalu ilaasortaatitat sinniisissaallu ilaasortaajunnaartassapput Inatsisartunut ilaasortaajunnaaraangamik. Atorfillit peqatigiiffissuisa ilaasortaatitaat ilaasortaajunnaartassapput ilaasortassatut inassutit nutaat saqqummeraangata.
Imm. 5. Ataatsimiititap aalajangiineri taasinermi nalinginnaasumik amerlanerussuteqarnikkut pisassapput. Siulittaasulli tullia taasinermi taamaallaat peqataasinnaavoq siulittaasoq peqataasinnaanngikkaanngat.§ 55. Apeqqutit suulluunniit inatsit manna naapertorlugu saqqummersut pillugit Naalakkersuisut Akissaatinut Ataatsimiititat oqaaseqaqqusarsinnaavaat.
Imm. 2. Atorfillit peqatigiiffissui § 53-mi taaneqartut piumasaqarsinnaapput apeqqutit Naalakkersuisunik oqaloqatiginninnikkut inerneqarsinnaanngitsut pillugit Akissaatinut Ataatsimiititat oqaaseqartinneqarnissaannik.
Imm. 3. Tjenestemandit pillugit eqqartuussivik pilersinneqarpat eqqartuussissutissat taaneqartumut atasut Akissaatinut Ataatsimiitltanut saqqummiunneqarsinnaanngillat.
Kapitali 14.
Soraarnerussutisiat.§ 56. Tjenestemandit soraarnerussutisiaqartinneqassapput Kalaallit Nunaanni naalagaaffiup tjenestemandiinut maleruaqqusat sukkulluunnit atuuttut naapertorlugit.
Imm. 2. Naalakkersuisut naalagaaffimmik isumaqatiginnissinnaapput naalagaaffik tjenestemandinut inatsit manna naapertorlugu atoríeqartunut soraarnerussutisianik naatsorsuisartussanngorlugu tunniussisartussanngorlugulu.
Imm. 3. Kalaallit Nunaanni naalagaaffimmi tjenestemandinut il.il. soraarnerussutisiaqarneq pillugu Inatsit pillugu inatsimmik nalunaarummi nr. 879-mi 23. december 1988-imeersumi § 24-mi aalajangersakkat Kalaallit Nunaanni tjenestemandinut Namminersornerullutik Oqartussani kommuneniluunniit atorfeqartunut atuutinngillat.
Immikkoortoq 3.
Aalajangersakkat assigiinngitsut.
Kapitali 15.
Inummut tapisiat.§ 57. Tjenestemandi § 15-imi maleruaqqusat naapertorlugit allamilluunniit nammineq pisuussutiginngisaminik peqquteqarluni atorfimmut maannamut atorfigisaminit akissaatikinnerusumut nuussaguni nikingassutaasup naligiissinnissaanut inummut tapisialerneqassaaq.
Imm. 2. Imm. 1 naapertorlugu tapisiat peertassapput akissaateqqortuffiunerusumut akissaatitigulluunniit qaffaallaffiusumut nuunnlkkut akissaatit qaffappata.
Kapitali 16.
Siumoorneq akissaatinillu nuussineq.§ 58. Tjenestemandi pisimasuni immikkut illuinnartuni pisariaqarluinnartunilu qularnaveerusiinertaqanngitsumik akissaatiminik siumoorsinnaavoq. Tamatumunnga maleruaqqusat Naalakkersuisunit aalajangersarneqassapput.
§ 59. Najoqqutassat Naalakkersuisunit aalajangikkat najoqqutaralugit tjenestemandi akissaatiminik taarsigassarsisarfinnut Naalakkersuisut atorfillillu peqatigiiffissuisa § 53-mi taaneqartut isumaqatigiissutaatigut tamatumunnga akuerin&qartunut nuussisinnaavoq.
Imm. 2. Pisartut imm. 1-imi taaneqartut pinngikkaanni tjenestemandi akissaatiminik suli tunniunneqanngitsunik nuussisinnaananilu, qularnaveerusiisinnaananilu allatut atuisinnaanngilaq.
Kapitali 17.
Immikkut ittumik sulinngiffeqarneq il.il.§ 60. Atorfinitsitsisarnermik oqartussaasup maleruagassat Naalakkersuisunit aalajangerneqarsimasut malillugit tjenestemandi akissaateqartinnagu sulinngiffeqartissinnaavaa siumut aalajangeriikkamik piffissalerlugu sivikinnerpaamik qaammammik ataatsimik sivisussusilimmik. Piffissaq taanna akissaatit ukiunut naatsorsornerinit ilanngaataasassaaq.
Imm. 2. Najoqqutassat Naalakkersuisunit aalajangikkat najoqqutaralugit tjenestcmandi allamik sulinngiffeqartinneqarsinnaavoq feriaqarniviup avataatigut.
Imm. 3. Atorfiup nakkutigineranut akornutaassanngippat pisortap atorfinitsitsisup piffissami killilimmi imaluunniit siumut killissaanik aalajangiiffiunngikkaluartumi piffissap sulifíigisami sivikillineqarnissaanik tjenestemandip qinnuteqaataa akuerisinnaavaa akissaatai taamaaqataanik ikilisillugit.
Imm. 4. Imm. 2 naapertorlugu sulinngiffeqarnermi sivikillisamilluunniit sulinngiffeqarnermi akissaatit akissaatitigullu ukiut tanakkerlugit ilaannakorlugilluunniit atortiinnarnissaannik aalajangersakkat Naalakkersuisunit Akissaatinut Ataatsimiititat oqaaseqartereerlugit aalajangerneqassapput.
Imm. 5. Akissaatinut Ataatsimiititamik oqaaseqaateqartitsereernermikkut siunertanut erseqqinnerusumik killilikkanut tjenestemandit akissarsiaqaratik sulinngiffeqarsinnaanerat pillugu maleruagassanik Naalakkersuisut aalajangiisinnaapput.§ 61. Najoqqutassat Naalakkersuisunit aalajangikkat najoqqutaralugit atorfinitsitsisarnermut oqartussaasup tjenenestemandi tapertaasumik ilinniarnissaq siunertaralugu akissaateqartillugu sulinngiffeqartissinnaavaa. Taamatut sulinngiffeqartitaaneq qanoq sivisutigisumik atorfimmi sulisimaneq najoqqutaralugu akissaatitigut soraarnerussutisiaqalernissamullu ukioqqortussutsimut annaasaqaataassanngilaq.
Imm. 2. Ilinniartitaaníssamut atorfinitsitsisarnermut oqartussaasunit aningaasartuutigineqartussaasumut § 49 naapertorlugu isumaqatigiissummi aalajangersarneqartut iluanni tjenestemandip ilinniareernermi kingorna piffissap ilaani atorfimmiiginnarnissamik siumut nalunaaruteqarnikkut imminut pisussaatinnissaa, kiisalu taamatut sulisussaatitaaneq naammassineqanngippat ilinniarnerup nalaani akissarsiat ilinniarnermilu aningaasartuutaasinnaasut allat tamakkiisumik ilaannilluunniit utertillugit akilerneqarnissaat Naalakkersuisut piumasarisinnaavaat.
Immikkoortoq 4.
Aalajangersakkat atulerssitsissutit ikaarsaarutaasullu.
Kapitali 18.
§ 62. Inatsit atulissaaq 1. april 1991-imi, taamaattorli § 53-p qaqugu atulernissaanut Naalakkersuisut aalajangiissapput.
§ 63. Inatsisartut inatsisaata atulernera peqatigalugu tjenestemandinut Namminersornerullutik Oqartussani atorfeqartunut akissaatitigut soraarnerussutisiatigullu pissutsit il.il. pillugit Inatsisartut inatsisaat nr. 9 oktoberip 25-anni 1979-imeersoq kiisalu kommunalbestyrelset bygderådillu il.il. pillugit Inatsisartut inatsisaanni nr. 19 novemberip 28-anni 1985-imeersumi § 60, imm. 3 atorunnaarput.
§ 64. Tjenestemandit Namminersornerullutik Oqartussani aammalu kalaallit kommuniini inatsisip matuma atuutilinnginnerani atorfeqartut piginnaatitaaffitik tamaasa inatsisit, isumaqatigiissutit il.il. tunngavigalugit pissarsiatik atorfinitsibaanermik nalaanni atuuttut pigiinnassavaat.
§ 65. Inatsisartut inatsisaata matuma atuutilernerata kingorna erseqqinnerusunik maleruagassiorfiusussani imaluunniit isumaqatigiissuteqarfiusussani siornatigut inatsisitigut peqqussutaasut naapertorlugit aalajangersakkat nutaanik taarserneqarnissamik tungaannut atuukkallassapput.
Namminersornerullutik Oqartussat, ulloq 14. maj 1990.
Jonathan Motzfeldt/
Emil Abelsen