Inatsisartut inatsisaat nr. 4, 16 maj 1990-imeersoq inuutissarsiutigalugu piniarnermut aallaaniarnermullu Inatsisartut inatsisaannut allannguutissaq.

 

§ 1.

Inatsisartut inatsisaanni nr. 12, 22. november 1984-meersumi inuutissarsiutigalugu piniarnermi aallaaniarnermilu makkua allanngortinneqassapput:

1. § 4-mi imm. 3-tut ilanngunneqassaaq:
"Imm. 3. Piniarnermut aallaaniarnermullu aallaasit eqiinnartakkat qiversiinnarlugilluunniit eqqarasuartartut inerteqqutaapput."

2. § 6 imatut oqaasertalerneqassaaq:
"Naalakkersuisut malittarisassaliorsinnaapput Kalaallit Nunaanni piniarsinnaanermut aallaaniarsinnaanermullu akuersissutinik pigisaqartut nalunaaruteqartussanngorlugit piniarnermi aallaaniarnermilu pisaminnik, atorneqartussanik piniagassat amerlassusiinik naliliinissamut aammallu piniarnermut aallaaniarnermullu aqutsinermut."

3. § 13, imm. 2 aamma 3 peerneqassapput makkulu taarsiunneqassallutik:
"Imm. 2. Suliaq imm. 1 malillugu aalajangiiffigineqarsimanngippat, tamanna eqqartuussivimmut (kredsrettimut) ingerlateqqinneqassaaq.
Imm. 3. Suliaq imm. 1 malillugu aalajangiiffigineqarsimagaluarpalluunniit Nunap Eqqartuussisua piumaffigineqarnini malillugu akuersisinnaatitaavoq suliassap eqqartuussivikkut (kredsret-tikkut) ingerlanneqarnissaanut. Tamannali aatsaat atuutitinneqarsinnaavoq pissutsit immikkut ittut pineqartillugit, aammalu piumasaqaat aalajangiisimanerup inerneqatsiareerneratigut pisimappat imaluunniit qinnuteqarsimasoq nalunaarfigineqarsimappat piumasaqaatigineqartup qanoq ittuussusianik."

4. Inatsimmi tantarmi oqaaseq "Inatsisartumut ilaasortaq" taarserneqassaaq "Inatsisartut"-mik.

 

§ 2.

Inatsisartut inatsisaat atuutilissaaq ulloq 1. juni 1990-imi.

Namminersornerullutik Oqartussat, ulloq 16. maj 1990.

Jonathan Motzfeldt

/

Kaj Egede