Aningaasarsianit akileraarutit pillugit Inatsisartut inatsisaata allannguutissaatut Inatsisartut inatsisaat nr. 2, 17. maj 1990-imeersoq.

 

§ 1

Aningaasarsianit akileraarutit pillugit Inatsisartut inatsisaanni nr. 5-imi 19. maj 1979-imeersumi, kingullermik Inatsisartut inatsisaatigut nr. 10, 17. oktober 1988-imeersutigut allanngortinneqarsimasumi makku allannguutigitinneqarput:

1. § 17-imi imm. 1-ip kingornagut immikkoortutut nutaatut ivertinneqassaaq:
"Imm. 2. Soraarnerussutisiatigut aaqqissuussinernut akilersuutinit, imm. 1, nr. 4-imi, oqaaseqatigiinni siullerni aappaannilu taaneqartunit, ilanngaatigineqarsinnaasut tassaapput piffissamut soraarnerussutisiatigut aaqqissuussinerup sivisussusianut naapertuuttut, soorluttaaq ukiup aningaasarsiorfiup ilaani akilersuiffiusumi ilanngaatigineqarsinnaasut piffissami tassani akissarsiat tamarmiusut 15 procent-iannit annertunerusinnaanngitsut."

2. § 21-imi imm. 2-p kingornagut immikkoortutut nutaatut ivertinneqassapput:
"Imm. 3. Akiitsoqarfiit akiligassat ilaannik isumakkeerinerisigut, akiligassat isumakkeerneqarnerisigut, akiligassat nungutinneqarnerisigut assigisaattulluunniit akiligassat isumakkeerneqartut tamarmik imm. 1 naapertorlugu amigartoorutinit ukiunut tulliuttunut ingerlateqqinneqarsinnaasun.it ilanngaatigineqassapput, aningaasat isumakkeerneqartut akileraaruteqaataasussaanngippata.
Imm. 4. Selskabit § 1, imm. 1, nr. 3-mi taaneqartut amigartoorutaat imm. 1 naapertorlugu ukiunut tulliuttunut ingerlateqqinneqarsinnaanngillat, piginnittut annertuumik allannguuteqarpata, piginneqatigiit ataasiakkaat aktietaat taasisinnaaneralluunniit annertuumik allannguuteqarpat, imaluunniit selskabip ingerlatsinera piffissamut amigartooruteqarfimmut sanilliullugu annertuumik allannguuteqarpat.
Imm. 5. Naalakkersuisut imaluunniit naalakkersuisut tamatumunnga piginnaatitaat immikkut ittunik pissutissaqartillugu imm. 4-mi aalajangersakkamik tamakkiisumik ilaannakortumilluunniit immikkut akuersissuteqarsinnaapput.
Imm. 6. Ukiumi aningaasarsiorfimmi amigartoorutit imm. 1-imi taaneqartutut ukiuni tallimani tulliuttuni atorneqarsinnaanngippata skatterådip akuersissutigisinnaavaa, tamatumunngalu immikkut piumasaqaatinik aalajangersaasinnaalluni, amigartoorutit atorneqanngitsut taamaattut aningaasarsianit akileraaruteqaataasussanit ukiuni aningaasarsiorfinni tallimani siulianeersuni ilanngaatigineqarsinnaasut. Piffissap taassuma iluani ilanngaat taamaattoq taamaallaat ukiumut aningaasarsiorfimmut siusinnerusumut nuunneqarsinnaavoq aningaasarsianut akileraaruteqaataasussanut ukiumi kingusinnerusumi atorneqarsinnaanngippat. Oqaaseqatigiinni siullerni aappaannilu taaneqartut atuupputtaaq akileraartartup uppernarsarsinnaappagu amigartoorutit imm. 1-imi maleruagassat naapertorlugit atorneqarsinnaanngitsut. Imm. 2-miit 5-imut piumasaasut atuupputtaaq amigartoorutit ukiunut aningaasarsiorfinnut siuliinut nuunneqartillugit. Annertunaarlugit akileraarutinut akiliutit utertinneqarneranni ajunngitsorsiassaqartinneqassanngillat erniaqartinneqassanatillu, takukkit §§-it 63 aamma 65.
Imm. 7. Imm. 3-miit 6-imut aalajangersakkat atuupputtaaq selskabinut il.il., § 1, imm. 1, nr. 4-miit 11-imut taaneqartunut."

3. § 82-imi imm. 5-ip kingornagut immikkoortutut nutaatut ivertinneqassaaq:
"Imm. 6. Ingerlatsiviit landskassemit pigineqartut, aktie- imaluunniit anpartsselskabinngortinneqarsimasut aningaasarsiaannit akileraarutit, tamatumunnga ilaallutik iluanaarutisian.it akileraarutit, landskassemut nakkartassapput. Aningaasarsianit iluanaarutisianillu akileraarutinit erniat tapiutillu §§-ini 65-imi 68-imilu taaneqartut landskassemut nakkartarlutillu landskassemit akilerneqartassapput."

4. § 97-imi, imm. 1, nr. 2-mi aamma 4-mi kiisalu imm. 2-mi ima allassimasoq "§ 17, nr. 4-imi" ima allanngortinneqassaaq:
"§ 17, imm. 1, nr. 4-mi".

5. § 114-imi imm. 5-ip kingornagut immikkoortutut nutaatut ivertinneqassapput:
"Imm. 6. Imm. 2-mi toqqarneqarsinnaanermut piumasaqaatit saniatigut kommissionip akileraarusiisartup aalajangissavaa, ilaasortap taassumalluunniit sinniisussaata malittarisassanik makkunannga unioqqutitsinini pissutigalugit piffissami qinigaaffimmi ilaasortaasinnaajunnaarsimanersoq:
1) nammineerluni nalunaarsuiffimmik piffissaagallartillugu nassiussisimanngitsoq, tamatumani ilaallutik ingerlatsinermi naatsorsuutit, takuuk § 54,
2) akileraarutinik B-nik akileraarutinullu akiligassaasinnaasunik piffissaagallartillugu akiliisimanngitsoq, takukkit § 44, imm. 3 aamma § 62, imm. 3,
3) akileraarutinik A-nik unerartitsisussaanerminik sumiginnaasimasoq, nassuiaatinik sukumiisunik piffissaagallartillugu nassiussisimanngitsoq aammalu akileraarutinik A-nik unerartitanik piffissaagallartillugu akiliisimanngitsoq.
Imm. 7. Kommissionip akileraarusiisartup imm. 6 naapertorlugu aalajangiinera sap. akunneri sisamat qaangiutsinnagit skatterådimut ingerlateqqinneqarsinnaavoq, soorluttaaq skatterådip nammineerluni imm. 6 naapertorlugu toqqarneqarsinnaanermut suliassat aalajangiivigisinnaagai."

6. § 115-imi imm. 7-ip kingornagut immikkoortutut nutaatut ivertinneqassaaq:
"Imm. 8. Immikkoortoq 2-mi toqqarneqarsinnaanermut piumasaqaatit saniatigut skatterådip aalajangissavaa ilaasortaq malittarisassanik makkunannga unioqqutitsinini pissutigalugit piffissami qinigaaffimmi ilaasortaasinnaajunnaarsimanersoq:
1) nammineerluni nalunaarsuiffimmik piffissaagallartillugu nassiussisimanngitsoq, tamatumani ilaallutik ingerlatsinermi naatsorsuutit, takuuk § 54,
2) akileraarutinik B-nik akilileraarutinullu akiligassaasinnaasunik piffissaagallartillugu akiliisimanngitsoq, takukkit § 44, imm. 3 aamma § 63, imm. 3,
3) akileraarutinik A-nik unerartitsisussaanerminik sumiginnaasoq, nassuiaatinik sukumiisunik piffissaagallartillugu nassiussisimanngitsoq aammalu akileraarutinik A-nik unerartitanik piffissaagallartillugu akiliisimanngitsoq."

 

§ 2

Imm. 1. Inatsisartut inatsisaat atuutilissaaq 1. juni 1990-imiit.
Imm. 2. § 1-imi, nr. 1, 2 aamma 3-mi aalajangersakkat ukioq aningaasarsiorfiusoq 1990 aallarnerfigalugu atuutilerput.

Namminersornerullutik Oqartussat, 17. maj 1990.

Moses Olsen

/

Emil Abelsen