Isumaginninnikkut pensionit utoqqarnillu paaqqinniffiit il.il. pillugit inatsisartut peqqussutaat nr. 8, 22. oktober 1990-imeersoq.

Suliassaqartitsinermik inunnillu isumaginninnermik Kalaallit Nunaannut inatsimmi nr. 580-imi ulloq 29. november 1978-imeersumi § 2, takuuk nalunaarut nr. 417, ulloq 27. september 1979-imeersoq, naapertorlugu makku aalajangersarneqarput:

 

Kapitali 1.
Isumaginninnikkut pensionit pillugit patsisissaatitaasut tamanut tunngassuteqartut.

§ 1. Isumaginninnikkut pensionit (siusinaartumik pensionit aamma utoqqalineq pissutigalugu pensionit) qinnuteqarnikkut inunnut Kalaallit Nunaanni najugaqavissunut aammalu danskisut innuttaaqataasunut imaluunniit danskisut innuttaaqataasumik katissimasumut imaluunniit kingullermik danskiusumut katissimasimasumut pisartagaritinneqarsinnaapput. Inuit aappariinnermut assingusumik aalajangersimasumik inooqatigiittut katissimasutut isigineqassapput inooqatigiissimanerat ukiumi ataatsimi sivisunerusumiluunniit pisimappat.
Imm. 2. Isumaginninnikkut pensionit qinnuteqarneq sioqqullugu sivikinnerpaamik ukiuni pingasuni danskisut innuttaassuseqanngikkaluarlutik Kalaallit Nunaanni najugaqavissimasunut pisartagaritinneqalersinnaapput.
Imm. 3. Naalakkersuisut malittarisassaliorsinnaapput najugaqavinneq innuttaassuseqarnerlu pillugit imm. 1 aamma 2-mi patsisissarititaasut atortinneqanngitsoornissaannut, taamaaliorneq naalagaaffimmi oqartussanik naalagaaffinnilluunniit allanik isumaqatigiissutit eqqortinneqarnissaannik patsiseqaraangat.

§ 2. Oqartussaasoqarfiup peqqussut manna naapertorlugu suliamik ingerlatsisuusup qinnuteqartoq suliap paasissutissartaasa pissarsiariniarnissaannut peqataaqqullugu peqqusinnaavaa allallu pissutsinik ilisimasallit paasissutissanik suliap ingerlanneranut pisariaqartinneqartunik piumaffigisinnaallugit, matumani aamma akileraartarnermi oqartussanit paasissutissat piumasinnaallugit.

§ 3. Inatsisartut peqqussutaat manna malillugu isumaginninnikkut pensioneqartinneqartoq atugarisamigut aningaasaqarnermigullu allannguutit pisartakkat tapiutaasinnaasullu allanngornissaannik taamaatinneqarnissaannilluunniit kinguneqarsinnaasut isumaginninnermut ataatsimiititamut nalunaarutigissallugit pisussaatitaavoq. Inuit kommunit aggornerisa avataanni najugaqartut Isumaginninnermi Pisortaqarfik ilisimatittassavaat.
Imm. 2. Tunngaviusujnikaningaasartattapiutilluunniit eqqunngitsumik atugarisanik aningaasaqarnermullu tunngasunik paasissutissiisimaneq pissutigalugu annaarlugit tunniunneqarsimappata amerlanaarissutaasimasut uterteqquneqarsinnaapput.

 

Kapitali 2.
Siusinaartumik pensioninut immikkut patsisissaatitaasut.

§ 4. Siusinaartumik pensionit pisartagaritinneqalersinnaapput inunnut 18-inik ukioqalersimasunut, sulili 60-inik ukioqalersimanngitsunut.
Imm. 2. Siusinaartumik pensionit inunnut suli 18-inik ukioqalersimanngitsunut pisartagaritinneqalersinnaapput, qinnuteqartoq katissimalluni aapparisaminut meeqqamulluunniit pilersuisussaatitaappat.
Imm. 3. Inatsisartut peqqussutaat manna malillugu siusinaartumik pensionisiaqarsinnaatitaaneq tunniuttakkanillu allanik pisarsinnaaneq atuutilertassaaq qinnuteqarnerup kingorna qammatip tulliup aallartinneraniit.

§ 5. Siusinaartumik pensionisiaqalersitsisoqarsinnaavoq inunnut timimikkut, eqqarsartaatsimikkut aammalu/imaluunniit atukkat pissutigalugit.
Imm. 2. Siusinaartumik pensionit tunniunneqarsinnaalinnginnerini isumaginninnermut ataatsimiititap qinnuteqartoq ilinniartitaanikkut aamma/imaluunniit inuutissarsiornikkut periarfissat atorlugit pisinnaanngortitsiniaaqqinneq misllissimassavaa qinnuteqartorlu isumaginninnermut ataatslmiititap ilinniartitaanermut, sulinermik misilitsinnernut inuutissarsiutinullu naleqquttunngorsarnissamut iliuuserisaasa naammassiniarnerannut naammaginartumik peqataasimassaaq.

§ 6. Naalakkersuisut siusinaartumik pensionisiaqalersitsisarnermut malittarisassanik aalajangersaassapput, matumani aamma suliffissarsiuussisarfinnik, peqqinnissamut isumaginnittoqarfimmik il.il. suleqateqartarnissaq ilanngullugu.

 

Kapitali 1
Utoqqalineq pissutigalugu pensionisiaqalernissamut patsisissaatitaasut immikkut ittut

§ 7. Utoqqalineq pissutigalugu pensionisiaqalersitsisoqarsinnaavoq 60-inik ukioqalernerup kingorna qaammatip tulliuttup aallaqqaataaniit. 60-inik ukioqalereerluni pensioninik qinnuteqaraanni qinnuteqaatip tunniunneraniit qaammatip tulliup aallaqqaataa aallarnerfigalugu pensionisiaqartoqalertassaaq.
Imm. 2. Inuit siusinaartumik pensionisiaqartinneqartut 60-inik ukioqalernerminniit utoqqalineq pissutigalugu pensioninut qinnuteqaqqaaratik nuuttassapput.

 

Kapitali 4.
Tunngaviusumik aningaasartat isertitallu tunngavigalugit aaqqiissuteqartarneq.

§ 8. Isumaginninnikkut pensionit 1. januar 1991 aallarnerfigalugu annerpaamik ukiumut tunngaviusumik aningaasartaat, takuuk isertitat tunngavigalugit aaqqiissuteqartarneq pillugu imm. 2 aamma siusinaartumik pensionilinnut tunngaviusumik aningaasartat minnerpaaffiat pillugu imm. 3-mi aalajangersakkat, ima angissusilerlugit tunniunneqartassapput:
1) Aappariinnut, aappaannaa pensionisiaqarnissamut patsisissaatitaasunik eqqortitsisimasumut aammalu kisimiittunut kr. 80.400
2) Aappariinnut, tamarmik pensionisiaqarnissamut patsisissaatitaasunik eqqortitsisimasunut kr. 120.600
Imm.2. Tunngaviusumik aningaasartat isertitaqqortussuseq tunngavigalugu aaqqiiffigineqartassapput, pisartagariunnaavinneqassallutillu ukiumut akileraaruteqarfiusumut ilisimaneqartumut kingullermut killissarititat uku sinnerlugit isertitaqartoqarsimappat:
1) kr. 140.000 kisimiittumut aamma
2) kr. 210.000 katillugit aappariinnut. Isertitaqqortussuseq tunngavigalugu aaqqiissuteqartarneq imaaliornikkut pisassaaq:
Tunngaviusumik aningaasartat = Annerpaamik tunngaviusumik aningaasartat minus (annerpaamik tunngaviusumik aningaasartat agguarlugit akileraaruteqaataasussatut isertitat qummut killingannik) amerlisarlugu isumaginninnikkut pensionit saniatigut akileraaruteqaataasussatut isertitaasimasunik. Isumaginninnikkut pensionit saniatigut akileraaruteqaataasussanik isertitat 1000-imik agguarneqarsinnaasumut qaninnermut akunnaallisinneqassapput. Tunngaviusussamik aningaasartassatut taamaaliornikkut inerneq 12-imik agguarneqarsinnaasuinut qaninnermut koruuninngorlugu akunnaallisinneqartassaaq.
Imm. 3. Taamaattorli siusinaartumik pensionillit tamatigut tunngaviusumik aningaasartanik, tassa tunngaviusunik aningaasartat annerpaaffiisa 20%-ianik pensionisiaqartinneqartassapput isertitanik allanik qanorluunniit amerlatigisunik isertitaqarsimasinnaaneq apeqqutaatinnagu.
Imm. 4. Inuttut aningaasaqarniarnikkullu atukkat annertuumik ataavartumillu allannguuteqarpata tunngaviusumik aningaasartat inertitaasalersut tunngavigalugit aaqqiissuteqarfigineqassapput. Inuttut aningaasaqarniarnikkullu atukkat allannguutaat ukiup ingerlanerani pippata atugaalersut tunngavigalugit siunissami pensionisiassat naatsorsoqqinneqassapput.
Imm. 5. Pensionisialik allanik isertitaqartarnermigut tunngaviusunik aningaasartanik millisitanik pisartoq, ernineq pissutigalugu isertitarisartakkani annaappagit, sulinnginnerata nalaani tunngaviusumik aningaasat pisartagai qaffanneqassapput. Naatsorsuineq naartuneq erninerlu pissutigalugit ullormusiaqarnermi aalajangersakkat atuuttut malillugit ingerlanneqassaaq, erninerullu nalaani tunngaviusumik aningaasartat tigusat tunngaviusumik aningaasartat amerlanerpaat sinninngisaannassavaat, tak. imm. 1.
Imm. 6. Tunngaviusuitiikaningaasartatisertitanullu killissarititat pristalimut iluarsiissutaasartoq atorlugu ukiut tamaasa januarip aallaqqaataani aaqqiiffigineqartassapput, tak. kap. 5.

§ 9. Aappariittut isigineqassapput inuit katissimasut imaluunniit aappariinnermut assingusumik ukiumi ataatsimi sivisunerusumiluunniit inooqatigiissimasut.

§ 10. Najugaqarnermut aningaasartuutinik pisortat aningaasartuuteqarfigisartagaannut isumaginninnikkut ulloq unnuarlu paaqqinniffimmut pensionilik nuuppat qaammammi nuuffiusumi tullianilu tunngaviusumik aningaasartat allannguuteqartinnagit tunniunneqassapput. Tamatuma kingorna tunngaviusumik aningaasartat millisat, kisimiittumut tunngaviusumik aningaasartat annerpaat 20%-iannik amerlatigisut, tunniunneqartalissapput, takuuk § 8 imm. 1, pensionilik aappaminut aalajangersimasumilluunniit inooqatigisaminut, takuuk § 9 meeqqanulluunniit pilersuisussaatitaasimanngippat imaluunniit pensionit saniatigut tunngaviusunik aningaasartat millisitat amerlaqataannik imaluunniit amerlanerusunik isertitaqartanngippat.
Imm. 2. Pensionilik isumaginninnikkut pensionit saniatigut allanik isertitaqartarpat isumaginninnikkut ulloq unnuarlu paaqqinniffimmiinnermut tamakkiisumik ilaannakortumilluunniit akiliisinniarneqassaaq. Akiliutit isertitat akileraarutinut ilanngarneqarnerisa kingorna 60% qaangersimanngisaannassavaat aammalu pensionilimmut minnerpaamik tunngaviusunik aningaasartat millisat sinnerunneqartassapput.

 

Kapitali 5.
Pristalimut aaqqiissuteqarneq.

§ 11. Julimi Kalaallit Nunaanni nioqqutissanut akitsuutit tamanut saqqummiunneqarneranni (julimi 1990 nioqqutissat akitsuutaannut aaqqiissut 100 tunngavigalugu) , akit pointinik ilivitsumik nikeriarsimaneri tamaasa § 8, imm. 1, litra 1-imi tunngaviusumik aningaasartaq 804 kroninik qaffalluguluunniit apparneqartassaaq, § 8, imm. 1, litra 2-milu tunngaviusumik aningaasartaq 1.206 kroninik. Pointip ilivitsuunngitsortaanik sinneruttoqarsimappat taakku tullianik aaqqiinissamut uninngatinneqassapput. Taamatut aaqqiissuteqareernikkut tunngaviusumik aningaasartassaq kisitsimmut 12-imik agguarneqarsinnaasumut qaninnermut koruuninngorlugu akunnaallisinneqartassaaq.
Imm. 2. Julimi Kalaallit Nunaanni nioqqutissanut akitsuutit tamanut saqquiimiunneqarneranni (julimi 1990 nioqqutissat akitsuutaannut aaqqiissut 100 tunngavigalugu) akit pointimik ilivitsumik nikeriarsimaneri tamaasa § 8, imm. 2, litra 1-imi isertitanut killissarititaq 1.400 kroninik qaffalluguluunniit apparneqartassaaq, § 8, imm. 2 litra 2-milu killissarititaq 2.100 kroninik. Pointip ilivitsuunngitsortaanik sinneruttoqarsimappat taakku tullianik aaqqiinissamut uninngatinneqassapput. Taamatut aaqqiissuteqareernikkut angissuseq pissarsiarisaq kisitsimmut 1.000-imik agguarneqarsinnaasumut qaninnermut akunnaallisinneqartassaaq.

 

Kapitali 6.
Meeqqanut tapiutit.

§ 12. Pensionillit meeqqanut 18-it inorlugit ukiulinnut pilersuisussaatitaasut meeqqat ataasiakkaarlugit tapisiaqaatigissavaat. Tapiutit tapiutigineqartassapput pilersuisussaatitaaneq toqqaannartumik pilersuinerunersoq imaluunniit meeqqanui akilersuutinik akiliisarnikkut eqquutsinneqarnersoq apeqqutaatinnagu.

§ 13. Meeqqanut tapiutit tunniunneqartarunnaassapput ima pisoqartillugu:
1) Meeraq angerlarsimaffiup avataanut meeqqanut inuusuttunullu ikiorsiisarneq pillugu inatsisartut peqqussutaat malillugu inissinneqarsimappat imaluunniit pisortanit tamakkiisumik pilersorneqarpat,
2) meeraq ilinniagaqarnersiutinik pisarpat, matumani aamma sulilluni sungiusarnerup nalaani tamatumunnga malittarisassat malillugit pisartagaqarpat,
3) meeraq sulinermigut isertitaqarpat meeqqanut tapiutit pingasoriaataannik amerlassusilinnik taakkuninngaluunniit amerlanerusunik imaluunniit,
4) katissimallugu aappaminut meeqqamulluunniit pilersuisussaatitaalersimappat.

§ 14. Meeqqanut tapiut meeqqamut ataatsimut Kalaallit Nunaanni meeqqanut akilersuutit qaqugukkulluunniit atuuttut angeqatigaat. Tapiut pissusissamisoortumik tunngaviusumik aningaasartat tunniunnerannut ilangullugu tunniunneqartassaaq, Meeqqanut tapiutip akilersuisussaatitaaneq pissutigippagu ukiup affakkuutaarlugu siumoortumik akilersuutinik tigusisartumut tunniunneqartassaaq.

 

Kapitali 7.
Inummut tapiutit.

§ 15. Isumaginninnermut ataatsimiititaq qinnuteqartoqartillugu nammineerluniluunniit inummut tapiutinik pensioninut ilanngussanik tunniussisinnaavoq inuup pineqartup pisariaqartitsinera naliliiffigeqqaarlugu.
Imm. 2. Inummut tapiutit sivisunerpaamik ukiumut ataatsimut sivisussusilimmik ingerlaavartunngorlugit akuersissutigineqartarlutilluunniit immikkut ittumik pisariaqartitanut ataasiaaannakkanik ikiorsiissutinngorlugit aningaasaliissutaasinnaapput.
Imm. 3. Inummut tapiutit utertitassanngorlugit tunniunneqarsinnaanngillat.

§ 16. Naalakkersuisut inummut tapiutit pillugit malittarisassanik aalajangersaassapput.

 

Kapitali 8.
Isumaginninnikkut pensionit tunniunneqartarnerat

§ 17. Isumaginninnikkut pensionit tapiutaasinnaasullu pissusissamisoortumik aningaasanngorlugit qaammammut siumoortumik tunniunneqartassapput.

§ 18. Isumaginninnermut ataatsimiititap paasiguniuk pensionillip aningaasaqarnini isumagisinnaanngikkaa aningaasat tunngaasigut isumaginnittoqartitsinissamik ataatsimiititaq aalajangersinnaavoq.

§ 19. Pensionit tunniunneqartarnerini patsisissaatitaasut eqqortinneqarunnaarsimappata tunniussisarneq qaammatip tulliuttup naaneraniit unitsinneqassaaq. Kalaallit Nunaanniilli nuunnermi tunniussisarneq unitsinneqartassaaq qaammatip nuuffiup naanerani.
Imm. 2. Kalaallit Nunaata avataanut sulinngiffeqarluni aallarsimanermi pensionit tunniunneqartarnerat ukiumut qaammatini pingasuni allanngorani ingerlanneqartassaaq. Isumaginninnermut ataatsimiititap qaanunatit pingasut sinnerlugit tunniussisarneq akuerisinnaavaa, taamaaliorneq pissutsit immikkutittut pisariaqartippassuk.

 

Kapitali 9.
Pensioninik tunniussanit ilanngaassineq il.il.

§ 20. Isumaginninnikkut pensioninit piumasaqaatit arsaarinnissutitut akiliutigineqarsinnaanngillat imaluunniit eqqartuussisutigut malersorniarneqarsinnaanatik. Piumasaqaatinut isumaqatigiissutit taamaattut assigisaalluunniit atortussaassuseqanngillat.
Imm. 2. Pensioninilli annaarinnissutaasimasut isumaginninnermut ataatsimiititamit ilanngaatigineqarsinnaapput, annaarinnissutit amerlagaangata aammalu annaarisimaneq pensionilimmit eqqunngitsunik paasissutissinneqarsimanermik pissuteqarsimagaangat. Naalakkersuisut tamatumunnga malittarisassanik aalajangersaassapput.

 

Kapitali 10.
Utoqqaanerusunut paaqqinniffinnik il.il. pilersitsineq.

§ 21. Kommunalbestyrelsip utoqqaanerusunut paaqqinniffinnik pensionilinnullu susassaqartitsiniutinik naammattunik inissaqarnissaa nakkutigissavaa. Paaqqinniffiit taamaattut kommunimit pilersinneqarlutillu ingerlanneqassapput.
Imm. 2. Naalakkersuisut paaqqinniffiit pilersinneqarnissaannut, pisatsersorneqarnissaannut, siulersorneqarnissaannut ingerlatinneqarnissaannullu malittarisassanik, matumani aamma akiliuteqartarnermut malittarisassanik, aalajangersaassapput.

§ 22. Kommunalbestyrelsi Peqqinnissamut Isumaginnittoqarfimmik isumaqatigiissuteqarsinnaavoq sumiiffimmi napparsimavimmi paaqqutarisarialinnut inissanik amerlassusilikkanik inissaqartitseqqullugu inunnut paaqqutarisariaqarnermik immikkut pisariaqartitsisunut.
Imm. 2. Peqqinnissamut Isumaginnittoqarfik paaqqutarisarialinnut immikkoortortamiittunut ullormut unnuamullu akiliutissamik akileeqqusisassaaq. Akiliutissap angissusia paaqqutarisariaqartunut immikkoortortamik ingerlatsinermut ukiumoortumik aningaasartuutit tunngavigalugit naatsorsortakkat ukiumut ataatsimut atuuttussanngorlugit Sundhedsministeriap, Isumaginninnermi Naalakkersuisoqarfiup Kalaallit Nunaannilu Kommuneqarfiit Kattuffiata isumaqatigiinnerisigut aalajangerneqartassaaq.
Imm. 3. Peqqinnissamut Isumaginnittoqarfimmi paaqqutarisarialinnut immikkoortortat aaqqissuunneri ingerlatitaanerilu pillugit najoqqutassat Sundhedsministeriap, Isumaginninnermi Naalakkersuisoqarfiup aamma Kalaallit Nunaanni Kommuneqarfiit Kattuffiata isumaqatigiinniarnikkut aalajangertassavaat.

 

Kapitali 11.
Utoqqaanerusunut paaqqnniffinnut il.il. nuunnissamut najugaqarnissamullu patsisissaatitaasut.

§ 23. Pensionillit nanuninneq angerlarsimaffimmiiginnarsinnaanngitsut kommunip utoqqaanerusunut paaqqinniffiinut nuunnissamut qinnuteqarsinnaapput.
Imm. 2. Pensionillit paaqqutarisariallit nakorsamit ikiorneqaannarnisscjnik pisariaqartitsinngitsut, taamaakkaluartorli immikkut paarineqarnissamik sullinneqarnissamillu pisariaqartitsisut, taamaannerallu kommunip utoqqaanerusunut paaqqinniffiinut nuunnikkut annerusutigut pitsaanerulersinneqarsinnaanngitsut, peqqinnissamut isumaginnittoqarfiup paaqqutarisarialinnut immikkoortortaamit nuukkumallutik qinnuteqarsinnaapput.
Imm. 3. Kommunip utoqqaanerusunut paaqqinniffiutaanut imaluunniit peqqinnissamut isumaginnittoqarfiup paaqqutarisarialinnut immikkoortortaanut pinissaq isumaginninnermi ataatsimiititamit isummerfigineqartinnagu suliassaq assigiinngitsunik sulialinnit ilaasortaaffigineqartumit nuuttussanut ataatsimiititami oqaluuserineqarsimasassaaq.

§ 24. Pissutsit immikkut ittut atuutsillugit isumaginninnermi ataatsimiititap aalajangersinnaavaa maannamut inigineqartoq utoqqaat illuannut paaqqutarisarialinnulluunniit immikkoortortamut nuunnerup kingorna qaammatini pingasuni pigineqassasoq, naak pensionilik katissimallugu aappaminut meeqqaminulluunniit pilersuisussaatitaanngikkaluarpat. Inigisap pigiinnarneranut aningaasartuutit inummut tapiutit atorlugit akilerneqartassapput, pensionilik pensioninik millisitanik pisartagaqartinneqalerpat.

§ 25. Naalakkersuisut kommunip utoqqaanerusunut paaqqinniffiutaanut peqqinnissamulluunniit isumaginnittoqarfiup paaqqutarisarialinnut immikkoortortaanut nuunnermi malittarisassanik aalajangersaassapput, matumani aamma nuuttussat pillugit ataatsimiititap katiterneqartarneranut aalajangersakkanik.

 

Kapitali 12.
Aqutsineq aningaasalersuinerlu.

§ 26. Isumaginninnikkut pensioninik aamma kommunip utoqqaanerusunut paaqqinniffianut paaqqutarisarialinnulluunniit immikkoortortamut nuunnissamut qinnuteqaat kommunimi najugarivisami isumaginninnermut ataatsimiititamut tunniunneqassaaq. Inuit kommunit aggornerisaavataanni najugallit qinnuteqaatertik Isumaginninnermi Pisortaqarfimmut ingerlatittassavaat.

§ 27. Inunnut kommunit aggornerisa avataanni najugaqartunut aningaasartuutit Inatsisartut peqqussutaat manna malillugu landskarsimit akilerneqassapput. Aningaasartuutit allat kommunimit akilerneqassapput.

§ 28. Kommunit utoqqaanerusunut paaqqinniffinnik sananissaannut landskarsi tapiissuteqarsinnaavoq.

 

Kapitali 13.
Maalaaruteqartarneq.

§ 29. Isumaginninnermut ataatsimiititap Isumaginninnermilu Pisortaqarfiup aalajangigai isumaginninnermut tunngasut siulersorneqarnerat aaqqissuunneqarnerallu pillugit Inatsisartut peqqussutaanni aalajangersakkat nalinginnaasut malillugit maalaarutigineqarsinnaapput.

 

Kapitali 14.
Pineqaatissiisinnaaneq.

§ 30. Kinaluunniit peqqussutip matuma atortinneqarnerani peqataasoq taamatut suliassaqartitaaneq naalakkersuinermi qinigaanikkut pisimagaluarpalluunniit pinerluttulerinermi inatsimmi naalakkersuinermik atassuteqartunut atorfeqarnermi suliassaqartitaanermiluunniit pinerluttuliornerit pillugit aalajangersakkat malillugit akisussaavoq.

 

Kapitali 15.
Atortuulersitsineq ikaarsaariarnermilu aalajangersakkat

§ 31. Inatsisartut peqqussutaat manna atortuulersinneqarpoq 1. januar 1991 aallarnerfigalugu. Tamatumunnga peqatigitillugu Landsrådip ileqqoreqqusaliaa 19. februar 1975-imeersoq utoqqaat innarluutillillu peqqinnissamut tunngasunik suliffeqarfiup paaqqinnittarfiini, immikkoortortaani il.il. inigisaannut akiliutaasartut pillugit, utoqqalinersiutit utoqqarnillu paaqqinnittarfiit pillugit inatsisartut peqqussutaat nr. 7 28. oktober 1982-imeersoq kingusinnerusukkullu allannguuteqartinneqartarsimasoq kiisalu inuutissarsiorsinnaajunnaarnersiutit pillugit inatsisartut peqqussutaat nr. 8 28. oktober 1982-imeersoq, kingusinnerusukkullu allannguuteqartinneqartarsimasoq, atorunnaarsinneqarput.

§ 32. Inuit utoqqalinersiuteqalernissartik 65-inik ukioqalernissaminnut utaqqisissimagunikku Inatsisartut peqqussutaata matuma atortuulernerani tapisiaqartitaasut tapisiaqarnertik pigiinnassavaat. Tapisiaritinneqartartoq, pristalimut aaqqiissuteqarfigineqarneq ajortoq, pensionit tunngaviusumik aningaasartaannut ilanngullugu tunniunneqartarpoq, ukiumullu ima aningaasartaqarluni:
1) Kisimiittunut kiisalu aappariinnut aappaannaa patsisissaatitaasunik eqquutitsisimappat: 8.760 kr.
2) Aappariinnut tamarmik patsisissaatitaasunik eqquutitsisimappata: 13.128 kr.

§ 33. Inuit inatsisartut peqqussutaata matuma atortuulersinneqarnerani inuutissarsiorsinnaajunnaarnersiuteqartut imaluunniit siusinaartumik utoqqalinersiuteqartut ingerlaannartumik isumaginninnikkut siusinaartumik pensioninut nuussapput.
Imm. 2. Inuit piffissamut aalajangersimasumut   inuutissarsiorsinnaajunnaarnersiuteqartitaalersimasut piffissap akuersissuteqarfiup sinneranut isumaginninnikkut siusinaartumik pensioninut nuussapput.

Namminersornerullutik Oqartussat, ulloq 22. oktober 1990

Jonathan Motzfeldt

/

Moses Olsen