Naartunermi, erninermi qitornavissiartaarnermilu sulinngiffeqarneq ullormusiaqarnerlu pillugit Inatsisartut peqqussutaat nr. 7, 22. oktober 1990-imeersoq.
Suliassaqartitsiniarnermik inunnillu isumaginninnermik Kalaallit Nunaannut inatsit nr. 580 20. november 1978-imeersoq naapertorlugu, tak. suliassaqarfiit Namminersornerullutik Oqartussanut nuunneqarnissaat pillugu inatsisit ilaasa atortussanngortinneqarnissaannut nalunaarut nr. 417, 27. september 1979-imeersoq, aalajangersarneqarpoq:
Kapitali 1.
Aalajangersakkat nalinginnaasut§ 1. Kalaallit Nunaanni najugaqavissut inuillu allattorsimaffiannut nalunaarsimasut naartunermut, erninermut qitornavissiartaarnermullu atatillugu sulinngissinnaatitaallutillu ullormusiaqarsinnaatitaapput peqqussummi matumani patsisissaatitaasut eqqortissimagunikkit.
Imm. 2. Naalagaaffimmi oqartussanik naalagaaffinnilluunniit allanik isumaqatigiissutit eqqortinnissaat angujumallugu naalakkersuisut najugaqavinnissamik inuillu allattorsimaffiannut nalunaarsimanissamik imm. 1-imi patsisissaatitaasut atortinneqannginnissaannik malittarisassaliorsinnaapput.
Kapitali 2
Sulinngiffeqarneq.§ 2. Arnaq akissarsialik naartuneq erninerlu patsisigalugit sulinngitsoorsinnaatitaavoq erniffigissangasaq sapaatit akunnerinik 2-nik sioqqullugu aallartittumik ernereernerup kingorna sapaatit akunnerisa 18-iat ilanngullugu.
Imm. 2. Erninerup kingorna sapaatit akunnerisa siulliit 14-it ingerlaneranni ataataasoq sapaatip akunnerani ataatsimi sulinngissinnaatitaavoq.
Imm. 3. Erninerup kingorna sapaatit akunnerisa 14-issaata qaangiunneratigut sapaatit akunnerini kingullerni sisamani sulinngissinnaatitaaneq angajoqqaanit avinneqarsinnaavoq. Sulinngissinnaatitaanerli angajoqqaat aappaannaanit atorneqarsinnaavoq.
Imm. 4. Akissarsialik aamma piffissami kapitali 4 malillugu ullormusiaqarsinnaatitaaffimmini sulinngissinnaatitaavoq.
Imm. 5. Naalakkersuisut angajoqqaat qitornavissiartaartut sulinngissinnaatitaanerat pillugu malittarisassaliussapput.§ 3. § 2 malillugu akissarsiallip piffissaq sulinngiffigisimasaa suliffimmi qanoq sivisutigisumik sulisimanerup naatsorsornerani suliffigisimasatut ilanngunneqassaaq. Aalajangersagaq soraarnerussutisiaqartitsinermut attuumassuteqanngilaq.
§ 4. Isumaqatigiissutit peqqussutip aalajangersagaanik saneqqutsisinnaanngillat akissarsialimmut ajoqutaasumik.
§ 5. Akissarsialik si.ilinngissinnaatitaanerminik atuinissamik piumasaqarsimanini pissutigalugu, § 2-luunniit malillugu sulinngissimasoq, imaluunniit naartuneq erninerluunniit patsisigalugit sulinngissimasoq suliffimminit soraarseqqusaanngilaq.
§ 6. Akissarsialik § 5-imi aalajangersakkanut akerliusumik soraarsitaappat sulisitsisoq akiliisussanngortinneqassaaq sapaatit akunnerini 20-ni akissarsiat amerlaqataannik.
Kapitali 3
Nalunaaruteqartussaatitaaneq.§ 7. Arnaq akissarsialik § 2 imm. 1 malillugu sulinngissinnaatitaanerminik atuisoq erniffigissangasani sapaatit akunnerinik 8-nik sioqqullugu sulisitsisuni nalunaarfigissavaa qaqugu sulinngissinnaatitaanini aallartinniarnerlugu kiisalu erninerminiit sapaatit akunneri 8 qaangiutsinnagit qaqugu suleqqilernissaminik sulisitsisuminut nalunaaruteqassaaq.
§ 8. Angut akissarsialik § 2 imm. 2 malillugu sulinngissinnaatitaanerminik atuisoq sapaatit akunnerinik 4-nik piffissaliilluni sulisitsisuminut nalunaaruteqassaaq qaqugu sulinngissinaatitaanini aallartinniarnerini qanorlu sivisutigisumik sulinnginniarnerluni.
Imm. 2. Akissarsialik § 2 imm. 3 malillugu sulinngissinnaatitaanerminik atuisoq meeqqap inunngorneraniit kingusinnerpaamik sapaatit akunneri 8 qaangiutsinnagit sulisitsisuminut nalunaaruteqassaaq qaqugu sulinngissinnaatitaanini aallartinniarnerini qanorlu sivisutigisumik sulinnginniarnerluni.§ 9. Akissarsialik § 2 imm. 4 malillugu sulinngissinnaatitaanerminik atuisoq meeqqap napparsimanera, piaarpallaamik inunngorsimanera imaluunniit oqippallaarluni inunngorsimanera pissutigalugu inunngornerminut atatillugu napparsimmavimmiinnera sivitsorneqarpat meeqqap inunngorneraniit sapaatit akunneri 2 qaangiutsinnagit sulisitsisuminut tamanna pillugu nalunaaruteqassaaq.
Imm. 2. § 7-imi aaimna § 8-mi imm. 2-mi piffissarititaasut meeqqap napparsimmavimmi uninngatinneqarnerata sivisoqataanik sivitsorneqassapput aammalu § 8 imm. 1 malillugu nalunaaruteqarsimaneq atorunnaassaaq, sapaatillu akunnerinik nutaanik 2-nik taarserneqassalluni. Aamma meeqqap angerlarnerata kingorna sapaatip akunnera 1 qaangiutsinnagu meeqqap ulloq angerlarfia angajoqqaat sulisitsisuminnut nalunaarutigissavaat.§ 10. Akissarsialik § 2 imm. 4 malillugu sulinngissinnaatitaanerminik atuisoq, angajoqqaamut aappaasup ullormusiaqarsinnaatitaaneranik tigusinini pillugu, patsisissaqanngitsumik kinguarsaanani sulisitsisuminut tamanna pillugu qanorlu sivisutigisumik sulinnginnissaminik nalunaaruteqassaaq.
Kapitali 4
Ullormusiaqarsinnaatitaaneq.§ 11. Erninermut atatillugu ullormusiat akissarsianut isertitanulluunniit taakkununnga assingusunut allanut taarsiissutitut, aitissarsiatut angitigisut, tunniunneqartassapput.
Imm. 2. Sulinnginnerup nalaani akissarsiaqarneq, allatigut taarsiivigineqarneq taakkuluunniit assigisaannik pisarneq pissutigalugu ullormusiat apparneqartassapput imaluunniit ullormusiaqarsinnaatitaaneq atorunnaartassaaq.§ 12. Arnaq ullormusiaqarsinnaatitaalissaaq erniffigissangasaq sapaatit akunnerinik 2-nik sioqqullugu aallartittumik.
Imm. 2. Arnaq ullormusiaqarsinnaatitaalissaaq piffissamut erniffigissangasap sapaatit akunnerisa 2 siornatungaaniittumut
1) nakorsap naliliineratigut paasineqarpat naartunerup nalaa napparsimaqqajaanertaqartoq sulinerup ingerlatiinnarneratigut arnap naartullu peqqissusiannik navianartorsiortitsisinnaasorinartumik, imaluunniit
2) suliap immikkut ittuunera patsisaalluni naartoq navianartorsiortinneqarpat, imaluunniit pisortat aalajangersagaat patsisaallutik arnaq suliaminik ingerlatseqqissinnaajunnaarpat, aammalu tamatumunnga atatillugu sulisitsisup suliassamik naleqquttumik allamik neqerooruteqarfigisimanngippagu.§ 13. Meeqqap inunngornerata kingorna sapaatit akunnerini 18-ini ernineq pissutigalugu ullormusiaqartitsisoqarsinnaavoq.
Imm. 2. Erninerup kingorna sapaatit akunnerini siullerni 14-ini anaanaasoq ullormusiaqartinneqartassaaq. Ataataasoq piffissami tassani katillugu sapaatip akunnerani ataatsimi ullormusiaqarsinnaatitaavoq.
Imm. 3. Tamatumasaniatigutangajoqqaatkatillugit suli sapaatit akunnerini 4-ni ullormusiaqarnissamut pisinnaatitaapput meeqqap inunngorneraniit sapaatit akunnerisa 14-it qaangiunnneranni. Ullormusialli angajoqqaat aappaannaanut tunniunneqarsinnaapput.§ 14. Naalakkersuisut angajoqqaat qitornavissiartaartut ullormusiaqarsinnaatitaanerat pillugu malittarisassaliussapput.
§ 15. Erninerup kingorna meeqqalluunniit angerlarnerata kingorna sapaatit akunnerini 18-ini nalinginnaasumik ullormusiaqarsinnaatitaanerup iluani meeraq napparsimmavimmut unitsinneqarpat, aammalu ullormusiaqarsinnaatitaasoq suleqqilinngippat piffissaq ullormusiaqarsinnaatitaaffik meeqqap napparsimmavimmiinnerata sivisoqataanik sivitsorneqassaaq. Piffissarli ullormusiaqarsinnaatitaaffik sivisunerpaamik qaammatinik 3-nik sivitsorneqarsinnaavoq. Ullormusiaqarsinnaatitaanerulli sivitsorneqarsinnaanera ataataasup § 13 malillugu sapaatip akunneraní ataatsimi ullormusiaqarsinnaatitaaneranut sivitsuissutaasinnaanngilaq.
Imm. 2. Napparsimmavimmut unitsitsinermi ullormusiaqarsinnaatitaasoq suliinnarpat sulileqqippalluunniit ullormusiaqarsinnaatitaaneq piffissap sinneranut kinguartinneqassaaq. Meeraq angerlarpat angerlarneralu inunngorneraniit angerlaqqaarneraniilluunniit qaammatit 7 qaangiutsinnagit pippat pineqartoq suliunnaassasoq piumasarineqarpoq.§ 16. Pissutsit immikkut ittut pisariaqartippassuk meeqqap anaanaata ataataataluunniit aapparmi ullormusiaqarsinnaatitaanera pininnaavaa.
§ 17. Ullormusiat millisat tunniunneqarsinnaapput suliffiup ilaa suliffigineqartanngippat
1) § 12 naapertorlugu suliffimmit qimagusimanermi,
2) sivikitsumik atuarnermut tassungaluunniit assingusumik inuutissarsiornermut tunngassuteqartumut peqataanermi, aamma
3) inuiaqatigiit suliassiinerannik killilimmik isumaginninneq pissutigalugu.
Imm. 2. Ullormusiaqarsinnaatitaasoqullormusiaqarsinnaatitaanini annaanagu killeqaraluartumik sunngiffimmi atuartitsinermut peqataanissamut pisinnaatitaavoq, tamanna meeqqap isumagineranut ajoqutaassanngippat.
Imm. 3. Naalakkersulsut millisitanik ullormusiaqalersitsisarneq pillugu malittarisassaliussapput.
Kapitali 5.
Ullormusiat annertussusii tunniunneqartarnerilu§ 18. Ullormusiat naatsorsorneqassapput qinnuteqarneq sioqqullugu sapaatit akunnerini 13-ini kingullerni sulisimaneq tunngavigalugu. Sapaatip akunneranut amerlanerpaamik nalunaaquttap akunneri 40-t, ullormullu nalunaaquttap akunneri 8, naatsorsuutigineqassapput.
Imm. 2. Ullormusiat minnerpaamik tamatigut sapaatit akunnerisa kingulliit 13-it ingerlaneranni nalunaaquttap akunnerini 180-ini sulisimanertut, qinnuteqarneq sioqqullugu, amerlassuseqassapput.
Imm. 3. Ullormusiat nalunaaquttap akunneranut aalajangersimasumik annertussusilerlugit tunniunneqartassapput SIK-p Pisortallu Isumaqatigiinniartartuisa ilinniagaqarsimanngitsunut nammineersinnaassusilinnut nalunaaquttap akunnermusiassatut isumaqatigiissutaata ilanngaatitaqanngitsup angeqataanik. Ukiut tamaasa 1. april annertussuseq taanna aaqqiissuteqarfigineqartassaaq. Aaqqiissuteqarneq atuutilertassaaq aaqqiissuteqarnermi ataasinngorneq qaninneq aallartiffigalugu. Isumaginninnermi Naalakkersuisup nalunaaquttap akunneranut tunniunneqartartut aaqqiivigineqarneri tamanut saqqummiuttassavai.§ 19. Makkununnga ullormusiassat § 18-imi imm. 2-mi aalajangersagaq malillugu naatsorsorneqartassapput
1) piniartut nuliaannut,
2) nulianut ikiortaasunut,
3) namminersorlutik inuutissarsiutilinnut,
4) suliffissaaruttunut suliffissarsiuussisarfinnut suliffissarsiorlutik nalunaarsimasunut, sapaatit akunnerinili kingullerni 13-ini nal. akunnerini 180 inorlugit sulisimasunut.
Imm. 2. Qaqutigooraluartumik ullormusiassat § 18 imm. 1-imi aalajangersagaq malillugu naatsorsorneqarsinnaapput, uppernarsarneqarsinnaappat isertitat appariaataat § 18 imm. 2 malillugu ullormusiassanit amerlanerusoq.§ 20. Isumaginninnikkut pensionisiallit imaluunniit ilinniagaqartunut tapiissutisiallit, matumani aamma sulilluni sungiusarnerup nalaani tamatumunnga malittarisassat malillugit tapiissutisisartut, imaluunniit pinerluuteqarsimasunik isumaginnittoqarfiup inissiisarfiutaanut isumaginninnikkulluunniit ingerlatsiviit paaqqinnittarfiutaannut inissinneqarsimasut erninermut atatillugu ullormusianik pisinnaatinneqanngillat.
Kapitali 6.
Paasiniaalluni misissuisarneq, utertitsineq il. il.§ 21. Oqartussaasoqarliiup peqqussut manna naapertorlugu suliamik ingerlatsisuusup pisinnaatitaasoq suliap paasissutissartaasa pissarsiarinissaannut peqataaqqullugu peqqusinnaavaa, tassungalu atatillugu nakorsamut misissortinniarsinnaallugu imaluunniit misissortillugu katsorsartilluguluunniit. napparsimmavimmut unitsinniarsinnaallugu. Aammattaaq oqartussaasoqarfiup pineqartoq pillugu allat paasissutissanik suliamut atatillugu pisariaqartinneqartutut isigineqartunik piumaffigisinnaavai.
§ 22. Peqqussut manna malillugu pisinnaatitaasoq atugarisamigut allannguutit ikiorsiissutit millineqarnissaannik taamaativinneqarnissaannilluunniit kinguneqarsinnaasut isumaginninnermi ataatsimiititamut nalunaarutigissallugit pisussaatitaavoq.
§ 23. Inuk ullormusiaqarsinnaatitaasoq kingusinnerusukkut piffissamut ikiorsiiiffiusimasumut naatsorsuussanik taarsiissutisisimappat taakkununngaluunniit assingusunik pisimappat, isimaginninnermi ataatsimiititap ikiorsiissutaareersimasunik utertitsinissaq aalajangiiffigissavaa.
§ 24. Ullormusiaqarsinnaatitaasoq § 22-mi piumasarineqartutut nalunaaruteqartussaagaluarluni nalunaaruteqarsimanngippat imaluunniit peqqussut manna malillugu ikiorserneqarsinnaanani ilisimagaluarlugu ikiorsiissutisisimappat isumaginninnermi ataatsimiititap ikiorsiissutaareersimasunik utertitsinissaq aalajangiiffigissavaa.
Kapitali 7.
Aqutsineq.§ 25. Peqqussut manna malillugu ullormusiaqarnissamik qinnuteqarneq sulinikkut akissarsiallip kontmuniani inuillu allattorsimaffiannut allatsiffiusimasumi isumaginninnermi ataatsimiititamut tunniunneqartassaaq.
Imm. 2. Kommunit aggornerisa avataanni najugalinnut Isumaginninnermi Pisortaqarfik isumaginninnermut allaffittut atuuppoq.
Kapitali 8
Aningaasalersuineq§ 26. Inatsisartut peqqussutaat manna naapertorlugu inunnut kommunit aggorneirisa avataanni najugaqartunut aningaasartuutit landskassimit akilerneqartassapput. Aningaasartuutit allat kcmmunimit akilerneqartassapput.
Kapitali 9.
Naammagittaalliorsinnaaneq.§ 27. Isumaginninnermut ataatsimiititap Isumaginninnermilu Pisortaqarfiup aalajangigai isumaginninnermut tunngasut siulersorneqarnerat aaqqissuunneqarnerallu pillugit Inatsisartut peqqussutaanni aalajangersakkat malillugit naammagittaalLiuutigineqarsinnaapput.
Kapitali 10.
Pineqaatissiisinnaaneq.§ 28. Kinaluunniit inatsisartunut peqqussutip matuma atortinneqarnerani peqataasoq taamatut suliassaqartitaaneq naalakkersuinermi qinigaanikkut pisimagaluarpalluunniit pinerluttulerinermi inatsimmi naalakkersuinermik atassuteqartunut atorfeqarnermi suliassaqartitaanermiluunniit pinerluttuliornerit pillugit aalajangersakkat malillugit akisussaavoq.
Kapitali 11.
Atortuulersitsineq.§ 29. Inatsisartut peqqussutaat manna atortuulersinneqarpoq 1. januar 1991 aallarnerfigalugu.
Imm. 2. Tamatumunnga peqatigitillugu pisortanit annertussusileriikkanik ikiorsiissutit pillugit Inatsisartut peqqussutaanni nr. 11-mi 1. november 1982-imeersumi kingusinnerusukkullu allannguuteqartinneqartarsimasumi kapitali 5 atorunnaarsinneqarpoq.
Kapitali 12.
Ikaarsaariarnermi aalajangersakkat.§ 30. Inatsisartut peqqussutaat atuuppoq ulloq 1. januar 1991-imi kingusinnerusukkulluunniit ernisunut.
Imm. 2. Inuit inatsisartut peqqussutaata matuma atortussanngortitaanerani maannamut pisortat malittarisassiaat malillugit naartuneq ernisimanerluunniit pissutigalugu sulinnginnerntik ingerlatsisut inatsisartut peqqussutaanni matumani aalajangersakkat naapertorlugit ullormusiaqalissapput.
Imm. 3. Ulloq ilivitsoq sulinnginnerup siulliup inatsisartut peqqussutaata atulinnginnera sioqqullugu aallartissimasup aalajangiiffiginiarnera pisassaaq maannamut aalajangersakkat atuuttut tunngavigalugit.
Namminersornerullutik Oqartussat, ulloq 22.oktober 1990
Jonathan Motzfeldt/
Moses Olsen