Piginneqatigiilluni inissiat pillugit Inatsisartut peqqussutaata nr. 4, 20. juni 1989-imeersup allanngortinneqarnera pillugu Inatsisartut peqqussutaat nr. 5, 29. maj 1990-imeersoq.

 

§ 1

Inatsisartut peqqussutaanni nr. 4, 20. juni 1989-imeersumi § 22 imatut oqaasertalerneqassaaq:

"§ 22. Piginneqatigiilluni inissiaateqarnermik peqatigiiffimmi piginneqataanermut allagartamik allamut tunisinermi akigititassap piginneqataasup aallarniutitut akiliutigisimasaa Naalagaaffiup aningaaseriviata erniarititaanik ernialersugaq ukiumullu 3%-mik qalleqqitaq sinnersimassanngilaa, makkunanngali taperlugu:
1) inigisamik pitsanngorsaataasimasut nalingat Naalagaaffiup aningaaseriviata erniarititaanik ernialikkat ukiumullu 3%-imik qalleqqitat,
2) ajortunngoriaataasimasut aserfallatsaalinngitsoorsimasallu ilanngaatigalugit,
3) inissiat sananeqarnissaannut peqatigiiffiup realkredit-imit aningaaserivinnillu taarsigassarsiarisimasaannik piginneqataasup taarsersuutitut akilersuutigisimasai Naalagaaffiup aningaaseriviata erniarititaanik ernialerlugit ukiunmllu 3%-imik qalleqqillugit, aamma
4) illup naleqarnerulersimaneranut pissarseqataassutissaq Kalaallit Nunaanni sanaartornermi aningaasartuutit nikerarnerinut nalunaarsuut malillugu naatsorsorneqarsimasoq piginneqataasup aallarniutitut akiliutigisimasaata, akilersuutigisimasaasa kiisalu l)-imi 2)-imilu kisitsisit pissarsiarineqartut inernerisaat tunngavigalugit.
Imm. 2. Imm. 1-imi eqqartorneqartup allamut tunisinermi akigititassap qaffasinnerpaaffissaata naatsorsorneqarnissaa pillugu Naalakkersuisut erseqqarinnerusumik malittarisassiussapput.

 

§ 2.

Peqqussut akuerineqarnermini erniinnaq atulerpoq.

Namminersornerullutik Oqartussat, ulloq 29. maj 1990

Jonathan Motzfeldt

/

Emil Abelsen