Inatsisartut katersugaasiveqarneq toqqorsiveqarnerlu pillugit peqqussutaat nr. 4, 18. maj 1990-imeersoq.
Kalaallit Nunaanni katersugaasiveqarneq pillugu inatsit nr. 610, 23. december 1980-imeersoq tunngavigalugu makku aalaj angersarneqarput:
Kapitali 1
Siunertat§ 1. Kalaallit Nunaanni katersugaasiveqarnerup toqqorsiveqarnerullu sulissutigisassaraat kalaallit kulturimikkkut kingornussarsiaasa tammatsaaliugaallutik pigiinnarneqarnissaat qanganitsanik taama ittunik kulturip ineriartorneranik, tamatumunnga ilanngullugu eqqumiitsuliornerup ineriartorneranik ukiullu ingerlaneranni Kalaallit Nunaata inuisa pinngortitatullu pissusiata sunniivigeqatigiittarnerannik paasissutissaasunik amiakkunillu taamaattunik nalunaarsuinikkut, ataavartitsinikkut, misissuinikkut ilisimasaqalersitsiniarnikkullu. Katersugaasiveqarnerup toqqorsiveqarnerullu aamma suliassaraat katersussallugit, aaqqissuutissallugit ataavartissallugillu kiisalu allaaserissalugit aqqutissiussallugillu paasissutissat inuit kalaaliusut inuiaqatigiiusullu pillugit allakkani tusagassiuutinilu allani pisortat suliffeqarfiisa namminersortullu toqqorsiviini nanissaasut.
Imm. 2. Katersugaasiveqarnerup toqqorsiveqarnerullu inuit kalaallit kulturikkut kingornutaannik ilisimasaqarnerulernissaat sulissutigissavaat.
Imm. 3. Katersugaasiveqarnerup toqqorsiveqarnerullu Kalaallit Nunaata avataani kulturit allat ilisimaneqarnerulernissaat aammattaaq sulissutigisinnaavaat.
Kapitali 2
Kalaallit Nunaata Katersugaasivissua Toqqorsivialu§ 2. Kalaallit Nunaanni Namminersornerullutik Oqartussat Kalaallit Nunaata Katersugaasivissua Toqqorsivialu pilersippaat ingerlanneqarnerallu akisussaaffigalugu.
§ 3. Kalaallit Nunaata Katersugaasivissua Toqqorsivialu:
1) Nuna tamakkerlugu suliniutinik § 1-imi taagorneqartunik siulersuissaaq kiisalu suliassanik inatsit alla tunngavigalugu suliassiissutigineqartunik,
2) katersugaatinik sapinngisamik tamanut tunngasunik pilersitsillunilu ataavartitsissaaq,
3) sumiiffinni suliffeqarfiit toqqortaataasa paarineqarnerannik nakkutilliisuussaaq,
4) suliaminut katersugaatiminullu tunngasutigut ilisimatuutut misissuissaaq,
5) katersugaasivinnik §§ 23 aamma 24 malillugu akuersissutigineqarsimasunik suleqatiginnissaaq suliassat § 1-imi taagorneqartut pillugit,
6) suliffeqarfinnik taamaattunik Danmarkimiittunik, Inoqarfinniittunik nunanilu allaniittunik suleqatiginnissaaq,
7) katersugaasivinnik akuersissutigineqarsimasunik suliamut tunngasumik ikiuissaaq kiisalu kalaallini katersugaasivinni toqqorsiveqarfinnillu suleqataasunik ilinniartitsinermi peqataassalluni,
8) inunnut tamanut ammassaaq piffissani siumut aalajangerneqareersuni akeqanngitsumillu iserfigineqarsinnaassalluni ilinniarf innit ilinniarnermut atasumik Kalaallit Nunaata Katersugaasivissuanik Toqqorsivianillu pulaarfiginnittunit,
9) katersugaatini ilisimatuutut misissuisunut inunnullu atugassanngortittassavai.
10) ukiumoortumik qanoq sulinissaminut pilerssaarusiortassaaq kiisalu ingerlatsineq pillugu katersugaasiveqarneq toqqorsiveqarnerlu pillugit ataatsititaliaq (nævn) nalunaaruteqarfigalugu.
Imm. 2. Kalaallit Nunaata Katersugaasivissuata Toqqorsiviatalu sulissussinerit imm. 1, nr. 9-mi taaneqartut akileqqusinnaavai.
Kapitali 3
Kalaallit Nunaata Katersugaasivissuata Toqqorsiviatalu pisortaqarnera§ 4. Kalaallit Nunaata Katersugaasivissua Toqqorsivialu direktørimik pisortaqassaaq.
Imm. 2. Naalakkersuisut direktøri kiisalu suliamik immikkut paasisimasaqartut aqutsinermilu Kalaallit Nunaata Katersugaasivissuani Toqqorsivianilu suleqataasussat atorfinitsissavaat.
Kapitali 4
Nassaat§ 5. Amiakkut nassaat, inuitpilersissimasaat imaluunniit atorsimasaat, nunap iluaniittut iluaniissimasulluunniit imaluunniit immamiissimasut, Kalaallit Nunaata Katersugaasivissuanut Toqqorsivianullu imaluunniit katersugaasivimmutqaninnermutnalunaarutigineqassapput.
Imm. 2. Toqqortat piginnittoqarnerannik uppernarsaateqanngitsut, Kalaallit Nunaata Katersugaasivissuanut Toqqorsivianullu nalunaarutigineqassapput.
Imm. 3. Nassaat innarlerneqassanngillat. Nassaat ajoquserneqarnissaat imaluunniit aserorneqarnissaat ulorianartorsiutaalluinnarpat, nassaartup tigusinnaavai paarineqarallartillugillu. Nassaartup piaarnerpaamik Kalaallit Nunaata Katersugaasivissua Toqqorsivialu imaluunniit katersugaasivik qaninneq ilisirrtatissavaa, taassumalu oqaatigissavaa sumut qaqugulu nassaaq tunniunneqassasoq.
Imm. 4. Inuit imaluunniit uumasut ilivikkat nassaat aammattaaq imm. 1-imi 2-milu taaneqartunut pinngitsoorani nalunaarutigineqartussanut ilaapput.
Imm. 5. Amiakkut imm. 1, 2 aamma 4-mi taaneqartut Kalaallit Nunaanni Namminersornerullutik Oqartussat pigisaraat. Kalaallit Nunaata Katersugaasivissuata Toqqorsiviatalu erseqqinnerusumik aalajangissavaa nassaat imm. 1, 2 aamma 4-mi taaneqartut sumi uninngatinneqassanersut inissinneqassanersullu.
Imm. 6. Aalajangikkat innn. 5 tunngavigalugu Kalaallit Nunaata Katersugaasivissuanit Toqqorsivianillu aalajangerneqartut naalakkersuisunut suliareqqitassanngortinneqarsinnaapput, taannalu katersugaasiveqarneq toqqorsiveqarnerlu pillugit ataatsimiititaliaq oqaaseqaateqartereerlugu aalajangiissaaq.§ 6. Nassaanik § 5, imm. 3-mi, taaneqartunik nassaartut nassaarnerminnut tunngasumik aningaasartuutigeratarsimasinnaasaminnik naammaginartumik annertussusilimmik matusissutissinneqassapput. Aningaasap angissusia Kalaallit Nunaata Katersugaasivissuata Toqqorsiviatalu aalajangissavaa.
Imm. 2. Amiakkunik qaqutigoorluinnartumik eriagisariaqarluinnartunillu nassaartut Kalaallit Nunaata Katersugaasivissua Toqqorsivialu oqaaseqaateqartereerlugu naalakkersuisunit akilerneqarsinnaapput.
Kapitali 5
Pisortat suliffeqarfiutaasa toqqorsiveqarnerannut tunngasut§ 7. Taaguummi pisortat suliffeqarfiini peqqussummi matumani pineqarput namminersornerullutik oqartussani suliffeqarfiit, kalaallini kommunit, kiisalu suliffeqarfiit imminnut pigisut aamma namminersortut, tamakkiisumik annertunerusumilluunniit pisortat aningaasaliissutaannik ingerlanneqartut, imaluunniit suliassanik ingerlatsisut pisortat sinnerlugit.
§ 8. Pisortat suliffeqarfiini toqqortat allagaatit tassaapput allaganngorlugit suliat aammalu paasissutissat allat suliffeqarfiup sulisuisalu suliaminnut atatillugu pilersissimallugilluunniit pissarsiarisimasaat.
Imm. 2. Suliffeqarfiit isumagissavaat allagaatimik toqqortat isumannaatsuujuartumik passunneqarlutillu paarineqarnissaat, malittarisat naalakkersuisunit aalajangerneqartut malillugit. Malittarisat kalaallini kommuninut tunngasut Kalaallit Nunaanni Kommunit Kattuffiat isumaqatiginiareerlugu aalajangerneqartassapput.§ 9. Kalaallit Nunaata Katersugaasivissua Toqqorsivialu toqqortanut tunngasutigut, tassunga ilanngullugit aamma qarasaasiat atorlugit paasissutissianut, sulianik/saginik pilersitsinermut, inissitsiterinermut/journaliseeriinermut il. il., apeqqutinut pisortat suliffeqarfiutaannut siunnersuisuussaaq.
Imm. 2. Pisortat suliffeqarfiisa Kalaallit Nunaata Katersugaasivissua Toqqorsivialu inissitsiteriffiliarissamaakkaminnik/journaliliarissamaakkaminnik, toqqorsiveqarnerminnut nutaamik pilersaarutiminnik inillu toqqorsiviliarininakkatik pillugit saqqummiivigisassavaat, atorneqalinnginneranni akuersissutigeqqullugit. Ilioraaviit/journalit imaluunniit toqqorsiviit pillugit pilersaarutit atuuttut allanngortitsivigineqassappata aammattaaq Kalaallit Nunaata Katersugaasivissuanut Toqqorsivianullu atulersinnagit akuersissutigisassatut saqqummiunneqartassapput, taamaallaalli pilersaarutit ilusilersorneqarnerat/struktur imaluunniit atorunnaarsitsinermik/kasiiliinermik aalajangersakkat allannguuteqartinneqassappata. Kalaallit Nunaata Katersugaasivissua Toqqorsivialu ilitsersuutaasunik tamakku pillugu maleruagassiussaaq.§ 10. Allagaatinik toqqortanik atorunnaarsitsineqartassaaq/kasiiliineqartassaaq taamaallaat Kalaallit Nunaata Katersugaasivissuata Toqqorsiviatalu akuersissuteqareerneragut.
Imm. 2. Allagaatit toqqortat suliffeqarfiup suliassaasa suliarineqarnerannut pingaarutaarussimasut imm. 1-ilu malillugu atorunnaarsitassatut aalajangiiffigineqarsimasut, toqqorsiveqarfimmut tunniunneqassanngillat. Aserorterneqassapput susassaqanngitsunit pissarsiarineqarsinnaajunnaarlugit, soorlu aserorterutikkut aserorterlugit ikuallalluglluunniit.§ 11. Allagaatit toqqortat Kalaallit Nunaata Katersugaasivissuanut Toqqorsivianullu tunniuneqarajupput ukiunik 15-inik pisoqaassuseqaleraangamik. Tunniussat tassaassapput suliat/sagit aamma aallattaviit/protokolit, il. il. tulleriaat ataqatigiissut. Suliffeqarfiit allagaatinik toqqortanik taamaallaat tunniussisassapput Kalaallit Nunaata Katersugaasivissuanut Toqqorsivianullu.
Imm. 2. Tunniussinissamulli pisussaanermi pineqanngillat allagaatit toqqcrtat suliffiup sulinerani atorneqartuartut.
Imm. 3. Suliffeqarfiit atorunnaartut allagaataat toqqortat piaarnerpaamik tunniunneqartassapput suliffeqarfinnit tigusisunit atorneqassanngikkunik.
Imm. 4. Allagaatit toqqortat tunniunneqartut poortorneqarsimallutillu, nalunaaqutserneqarsimallutillu nalunaarsorneqassapput malittarisat Kalaallit Nunaata Katersugaasivissuanit Toqqorsivianillu aalajangersarneqarsimasut malillugit. Suliffeqarfiup tunniussisup toqqortat tunniunneqartut poortorneqarnerannut nassiunneqarnerannullu aningaasartuutit tamaasa akilissavai.
Imm. 5. Suliffeqarfiit allagaatit toqqortat tunniunneqarsimasut suliaminnut atatillugu angerlaallugit atorsinnaavaat.§ 12. Pisortat suliffeqarfiisa allagaataat toqqortat pisiarineqarsinnaanatillu tuniniarneqarsinnaanatillu allatut tunniunneqarsinnaanngillat. Piginerarneqarsinnaanngillat.
Imm. 2. Pisortat suliffeqarfiisa allagaataat toqqortat inuinnarnit pissarsiarineqarsimasut akissarsissutiginagit Kalaallit Nunaata Katersugaasivissuanut Toqqorsivianullu tunniunneqassapput.
Kapitali 6
Inuinnaat toqqorsivii§ 13. Kalaallit Nunaata Katersugaasivissuata Toqqorsiviatalu katersorlugillu tigoorarlugillu isumannaallisassavai inuinnaat allagaataat toqqortat ilisimatusarnermut kulturimullu pingaaruteqartunik paasissutissartallit inunnit ataasiakkaaneersut, peqatigiiffinnit suliffeqarfinnillu namminersortuneersut aammalu Kalaallit Nunaanni inuutissarsiutitigut suliffeqarfinneersut.
Imm. 2. Kalaallit Nunaata Katersugaasivissuata Toqqorsiviatalu isumagissavaa allagaatit toqqortat namminersortunit pisut suliarineqassammata piumasaqaatinut tunniussinermi isumaqatigiissutigineqartunut naapertuutimik.
Imm. 3. Allagaatit toqqortat namminersortunit pisut katersorneqarnerat paarineqarnerallu pisinnaavoq katersugaasiviit §§ 23 aamma 24 malillugit akuersissutigineqarsimasut suleqatigalugit.
Imm. 4. Allagaatinut toqqorsiviit namminersortunit/privatinit pigineqartut, katersugaasivinni akuersissutigineqarsimasuni paarineqartut suliarineqassapputtaaq inatsisartut peqqussutaanni matumani aalajangersakkat malillugit.
Kapitali 7
Allagaatit toqqortat atorneqarnerat§ 14. Allagaatit toqqortat inunnut ammaanneqarajuttarput ukiunik 25-nik pisoqaassuseqaleraangamik.
Imm. 2. Allagaatit toqqortat inuit ataasiakkaat namminneq pissusiinut tunngasunik paasissutissartaqartut ammaanneqassapput aatsaat allagaatit toqqortat ukiunik 80-inik pisoqaassuseqalerpata.
Imm. 3. Pissutsit inunikkut ittut tamanna pisariaqartippassuk, pisortat suliffeqarfiutaat ammaassinissamut immikkut ittumik aalajangersaasinnaapput.
Imm. 4. Qarasaasiat atorlugit nalunaarsuusiat inunnut tunngasunik paasissutissartallit aalajangersakkat immikkut ittut malillugit ammaanneqartarput.
Imm. 5. Pisortat allagaataasa tamanit takuneqarsinnaanerannut inatsit tunngavigalugu aallagaatinik toqqortanik takunnikkumalluni piumasaqaatit, suliarineqassapput suliffeqarfimmit allagaatinik toqqortanik pineqartunik tunniussisimasumit.
Imm. 6. Kalaallit Nunaata Katersugaasivissua Toqqorsivialu takunnissinnaanerntut malittarisat imm. 1-imi aamma imm. 2-mi pineqartut pillugit immikkut akuersissuteqarsinnaavoq ilisimatuutut misissuinissaq pissutigalugulu. Ammaassineq pisassaaq inuit ataasiakkaat narrunarsagaannginnissaannlk illersuinissamik piumasaqaatit atuutsillugit.§ 15. Kalaallit Nunaata Katersugaasivissuata Toqqorsiviatalu allagaatinik toqqortanik atuisut tamakkua qanoq atorneqarnissaannik llitsersortassavai.
Imm. 2. Ilisimatuutut misissuinermi atugassatut allagaatit toqqortat Kalaallit Nunaata Katersugaasivissuata Toqqorsiviatalu aalajangersaaneragut atukkiunneqarsinnaapput katersugaasivinni, atuakkanik atorniartarfinni suliffeqarfinnilu assigisaanni atorneqartussatut. Namminersortunut attukkiussisoqarajunneq ajorpoq.
Kapitali 8
Kulturikkut eriagisanik illersuineq§ 16. Atortut inunnit pilersitat, 1945-mit pisoqaanerusut, kalaallinillu pinngoqqaarfeqartut, Kalaallit Nunaata Katersugaasivissuanit Toqqorsivianillu akuerineqartinnani, Kalaallit Nunaannit anninneqassanngillat.
Imm. 2. Nalornisoorneqartillugu atortoq anninniarneqartoq Kalaallit Nunaata Katersugaasivissuata Toqqorsiviatalu pisoqaassusilertassavaa.
Imm. 3. Atortut inunnit pilersitat, imm. 1-imi pineqanngitsut, kisianni kalaallit oqaluttuarisaanerata ilaanut pingaaruteqartumik paasissutissiisut, Kalaallit Nunaata Katersugaasivissuanit Toqqorsivianillu immikkut ittumik pingaarutilittut nalilerneqarsinnaapput. Naliliinerup taassuma imaraa, atortunik pineqartunik Kalaallit Nunaata Katersugaasivissuanit Toqqorsivianillu akuerineqanngitsumik Kalaallit Nunaanniit annissinissamut inerteqquteqarneq, piginnittumillu pisussaatitsivoq Kalaallit Nunaata Katersugaasivissua Toqqorsivialu nalunaarfigissallugu piginnittuunerup inissiiffiusullu allannguuteqarnissaanik eqqarsaateqarnermik. Kalaallit Nunaata Katersugaasivissua Toqqorsivialu pisinnaatitaavoq atortut taamaattut naliliiffigisaasut nalunaarsussallugit.§ 17. Pigisaq pinngortitamit pilersinneqartoq, pisoqaassutsi, ilisimatuussutsimut paasissutissiisinnaasutut naleqassutsi imaluunniit qaqutiguussutsi pissutigalugu, kalaallini inuiaqatigiinnut immikkut naleqartoq, Kalaallit Nunaata Katersugaasivissuanit Toqqorsivianillu akuerineqartinnani anninneqassanngilaq.
Imm. 2. Imm. 1 atunngilaq suliffeqarfinnut pisortatigoortumik Kalaallit Nunaata Katersugaasivissuanik Toqqorsivianillu kiisalu llisimatuutut ilisimasassarsiortunik, siunnersuisoqatigiit suleqatigiiffiillu Kalaallit Nunaata Katersugaasivissuata Toqqorsiviatalu sinniisoqarfigisai aqqutigalugit akuerineqarsimasunik, suleqatiginnittunut.
Imm. 3. Pigisanik pinngortitamit pilersinneqarsimasunik Kalaallit Nunaata Katersugaasivissuanut Toqqorsivianullu tunniussisoq § 6-imi malittarisat malillugit akilerneqarsinnaavoq.§ 18. Allagaatit toqqortat namminersortunit pinngorfeqartut Kalaallit Nunaata Katersugaavissuanit Toqqorsivianillu nalilerneqarsinnaapput immikkut ittumik pingaaruteqartutut, ilisimatuutut misissuinermut kulturimullu tunngasumik pissuteqartumik kalaallini inuit soqutigisaannut tunngassuteqarunik. Naliliinerup taassuma imaraa allagaatit toqqortat Kalaallit Nunaata Katersugaasivissuanit Toqqorsivianillu akuerineqanngitsumik Kalaallit Nunaanniit anninneqarnissaannut inerteqquteqarneq, piginnittumillu pisussaatitsivoq Kalaallit Nunaata Katersugaasivissua Toqqorsivialu nalunaarfigissallugu, piginnittuunerup inissiiffiusullu allannguuteqarnissaannik eqqarsaateqarnermik. Kalaallit Nunaata katersugaasivissua Toqqorsivialu pisinnaatitaavoq allagaatit toqqortat taamatut naliligaasut assilinilissallugit/kopiisallugit.
§ 19. Pigisat imaluujiniit allagaatit toqqortat, Kalaallit Nunaata Katersugaasivissuanit Toqqorsivianillu immikkut ittumik pingaaruteqartutut nalilerneqarsimasut tuniniassamaarneqarpata, Kalaallit Nunaata Katersugaasivissuanut Toqqorsivianullu neqeroorutigineqaqqaassapput.
Imm. 2. § 16, imm. 3, aamma § 18 malillugu nalunaarutiginnittussaatitaaneq sumiginnarneqarsimappat, imaluunniit saqqumisumik aarleqqutigisariaqarpat pigisat imaluunniit allagaatit toqqortat taamatut nalilerneqartut qimarnunneqarnissaat, aserorneqarnissaat imaluunniit ajoquserneqarnissaat, tamanna Kalaallit Nunaata Katersugaasivissuata Toqqorsiviatalu naalakkersuisunut nalunaaruteqaatigissavaa.§ 20. Pigisat imaluunniit allagaatit toqqortat privatimik pigineqartut anninneqarnissaat §§ 16 imaluunniit 18 malillugu inerteqqutigineqarpat, piginnittup piumasarisinnaavaa Kalaallit Nunaanni Namminersornerullutik Oqartussat tigussagaat namnineq tuniniaanermi ammasumi akigitinneqaratarsinnaasup nalinganik akilerlugit.
Imm. 2. Aki aalajangerneqassaaq naalakkersuisunit Kalaallit Nunaata Katersugaasivissua Toqqorsivialu paasisimasalittut naliliisereerlugu.
Imm. 3. Kalaallit Nunaata Katersugaasivissuata Toqqorsiviatalu pisuni aalajangersimasuni piginnittoq akuersissuteqarfigisinnaavaa killilimmik atuuttusamik annissinissamik.
Kapitali 9
Katersugaasiveqarnermut toqqorsiveqarnermullu ataatsimiititaq§ 21. Naalakkersuisut landstingimut qinersisoqareernerit tamaasa katersugaasiveqarnermut toqqorsiveqarnemullu ataatsimiititaliamik (nævn) 5-inik ilaasortalimmik pilersitsisassaaq, taakkunannga Kalaallit Nunaanni Kommuneqarfiit Kattuffiat 1-imik toqqaaqqalluni Kalaallit Nunaata Katersugaasivissua Toqqorsivialu 1-mik, katersugaasiviit akuerisat 2-nik naalakkersuisullu 1-imik.
Imm. 2. Ataatsimiititaliap/nævnip akunnermini siulittaasoq siulittaasullu tullla qinertassavai.
Imm. 3. Naalakkersuisut ataatsimiititaliaq oqaaseqaateqartereerlugu ataatsimiititaliap qanoq suleriaaseqarnissaa katersugaasiviillu akersissutigisaasut ataatsimiititaliami siniisaasa qinerneqartarnerannut malittarisassat aalajangertassavaat.
Imm. 4. Ataatsimiititaliap Kalaallit Nunaata Katersugaasivissua Toqqorsivialu isumasioqatigalugu suliarisassavaa ingerlatsinerminut ukiumoortumik aningaasatigut missingersuusiaq .
Imm. 5. Katersugaasiveqarnermut toqqorsiveqarnermullu ataatsimiititaliap allattoqarfeqarnikkut suliassai Kalaallit Nunaata Katersugaasivissuanit Toqqorsivianillu ingerlanneqassapput .§ 22. Katersugaasiveqarnermut toqqorsiveqarnermullu ataatsimiititaliap suliassarai:
1) katersugaasiviit akuersissutigissallugit §§ 23 aamma 24 tunngavigalugit,
2) katersugaasiviit pisortaat akuersissutigissalugit § 24 malillugu,
3) katersugaasiviit § 23 aamma 24-mi pineqartut aningaasatigut missingersuusiaat naatsorsuutaallu akuersissutigissallugit,
4) Kalaallit Nunaanni ilisimatuutut misissuinerup maleruagassaanik suliarinninnermi suleqataassalluni,
5) kalaallini katersugaasiveqarnermi toqqorsiveqarnermilu suleqataasut ilinniartitaaneranni suleqataassalluni aamma
6) Kalaallit Nunaanni katersugaasiveqarnikkut toqqorsiveqarnikkullu ataqatigiissitsinermi suleqataassalluni.
Imm. 2. Katersugaasiveqarnermut toqqorsiveqarnermullu ataatsimiititaliq naalakkersuisunit piumaffigineqarluni oqaaseqaateqartassaaq apeqqutit katersugaasiveqarnermut toqqorsiveqarnermullu tunngasut pillugit, ataatsimiititaliaq, taamatuttaaq namnineerluni naalakkersuisunut inassuteqarsinnaavoq.
Imm. 3. Katersugaasiveqarnermut toqqorsiveqarnermullu ataatsimiititaliaq minnerpaamik ukiumut ataasiarluni ataatsimiittassaaq.
Imm. 4. Katersugaasiveqarnermut toqqorsiveqarnermullu ataatsimiititaliaq katersugaasiveqarnerup toqqorsiveqarnerullu sulinera pillugu ukiumoortumik naalakkersuisunut nalunaarusiaqartassaaq.
Kapitali 10
Katersugaasiviit tapiissuteqarfigineqarsinnaatitaanngitsut§ 23. Katersugaasiveqarnermut toqqorsiveqarnermullu ataatsimiititaliap akerusissutigisinnaavaa katersugaasiviit allat ingerlatap § 1-imi taaneqartup nunap ilaani imaluunniit suliassap suussusia najoqqutaralugu sumiiffimmi aalajangersimasumi suliarineqartussap ilaanik ingerlatsinissaat.
Imm. 2. Katersugaasiviit imm. 1-imi taaneqartut piumasarisat makku naammasnissavaat:
1) Katersugaasivik pigineqassaaq kommunimit, kommuninit suleqatigiissunit, imminut pigisuussaaq imaluunniit pigineqassaaq peqatigiiffimmit, katersugaasiveqarnermik ingerlatsinermik siunertaqartumit.
2) Katersugaasiviup ileqqoreqqusai suliarineqassapput ileqqoreqqusat katersugaasiveqarnermut toqqorsiveqarnermullu ataatsimiititaliamit tamanut atortussatut suliarineqarsimasut tunngavigalugit.
3) Katersugaasivik katersugaasivittut naammaginartumik pitsaassuseqassaaq pigisanik allagaatinillu toqqortanik isumannaatsumik inissiifeqartitsissalluni, kiisalu aningaasatigut tunngaveqassalluni pitsaassutsimik tamatuminnga piutitsisinnaanissamut.
4) Katersugaasivik naatsorsuutinik, aningaasatigut pilersaarutinik ukiumoortumillu nalunaarummik katersugaasiveqarnermut toqqorsiveqarnermullu ataatsimiititaliamut nassiussaqartassaaq.
5) Katersugaasivik Kalaallit Nunaata Katersugaasivissuanut Toqqorsivianullu nalunaaruteqartassaaq nassaat § 5-imi eqqartorneqartut, namminersortut allagaataannik toqqortanik pigisaqalerneq, takuuk § 5, kiisalu itsarnitsanik eriagisassanik nunanit imaaliinnarlugit peerneqarsinnaanngitsunik (jordfaste) nassaat pillugit.
Imm. 3. Katersugaasiviup taamaallaat pigisat imaluunniit allagaatit toqqukkat nammineq katersugaatiminit pisut katersugaasivinnut akerisaasunut allanut avissaartittassavai.
Imm. 4. Akuersissutiginninnermi piumasarisat unioqqutinneqarsimappata akuersisnutiginninneq katersugaasiveqarnermut toqqorsiveqarnermullu ataatsimiititaliap utertissinnaavaa.
Kapitali 11
Katersugaasiviit tapiissuteqarfigineqarsinnaatitaasut§ 24. Naalakkersuisut katersugaasiveqarnermut toqqorsiveqarnermullu ataatsimiititaliap inassuteqarneragut katersugaasiviit akuerisinnaavaat tapiissuteqarfigineqarsinnaasutut, pissutissarititaasut aamma makku naammaassineqarsimappata:
1) Katersugaasiviup pisortaa katersugaasiveqarnermut toqqorsiveqarnermullu ataatsimiititaliamit akuersissutigineqarsimasumik piginnaassuseqarsimappat,
2) pisortaasup atorfiata allaaserineqarsimanera katersugaasiveqarnermut toqqorsiveqarnermullu ataatsimiititaliamit akuersissutigineqarsimassaaq,
3) pisortaasup aningaasarsiaqarnera naalakkersuisunit akuersissutigineqarsimassaaq,
4) pisortaasoq pisariaqartinneqartutut annertussusilimmik ilinniaqqinnermut tulluartumut peqataasinnaassaaq,
5) katersugaasivik ukiumoortumik aningaasatigut pilersaarusiamik, naatsorsuutinik, sulinerup pilersaarusiorneranik aamma nalunaarummik katersugaasiveqarnermut toqqorsiveqarnermullu ataatsimiititaliamut nassiussaqartassaaq,
6) katersugaasivik inunnut tamanut ammassaaq ammasarfiit siumut nalunaarutigineqartut atorlugit akeqanngitsumillu iserfigineqarsinnaassaaq ilinniagaqarfinnit, ilinniartitsinermut atasumik katersugaasivimmut pulaartunit aamma
7) katersugaasiviup Kalaallit Nunaata Katersugaasivissua Toqqorsivialu ikiussavae. suliaasa suliarineqarneranni.
Imm. 2. Katersugaasiviup taamaallat pigisat imaluunniit allagaatit toqqukkat nammineq katersugaatiminit pisut katersugaasivinnut akuerisaasunut allanut avissaartittassavai.
Imm. 3. Akuerisaasumik katersugaasiveqarnermik ingerlatsinermut atasumik kultureqarnikkut ingerlatamik allamik ilannguttoqarsinnaavoq.
Imm. 4. Katersugaasivik suliffeqarfinnik kulturikkut ingerlataqarfiusunik allanik suleqatiginnilersinnaavoq.
Kapitali 12
Tapiissutit§ 25. § 24 malillugu katersugaasiviit akuersissutigineqarsimasut Kalaallit Nunaanni Namminersornerullutik Oqartussat tapiissuteqarfigaat, tapiissutit katersugaasiviup kommunimit allanillu, katersugaasiviup ingerlanneranut tapiissutisiarisinnaasimasaasa 40%-iat tikillugu.
Imm. 2. Kalaallit Nunaanni Kommuneqarfiit Kattuffiata inassuteqarnera malillugu tapiissutissat naatsorsorneqartassapput naatsorsuutit akuersissutigineqarsimasut kingulliit tunngavigalugit.
Imm. 3. Namminersornerusut tapiissutaasa naatsorsorneqarnerannut tunngaviusumi illumik atugaqarnermut aningaasartuutit ilaanngillat.
Imm. 4. Katersugaasiviup § 24-mi akuersissutigineqarnermut piumasarisat naanunassinngitsoorpagit, katersugaasiveqarnermut toqqorsiveqarnermullu ataatsimiititaliap naalakkersuisunut inassutigisinnaavaa, tapiissutit atorunnaassasut, tapiissutlllu tunniunneqareersimagaluartut utertinneqassasut.
Kapitali 13
Aalajangersakkat inunikkut ittut atulersitsinerlu§ 26. Naalakkersuisut naalagaaffiup oqartussaatitai isumaqatiginnissuteqarfigisinnaavaat naalagaaffiup oqartussaatitaasa Kalaallít Nunaanni suliffeqarfiisa suliassaataat kapitali 5 malillugu suliassanut assingusut sulissussissutigineqarnissaannik.
§ 27. Naalakkersuisut katersugaasiveqarnermut toqqorsiveqarnermullu ataatsimiititaliaq isumasioqatigereerlugu immikkut ittutigut peqqussutip aalajangersagartai piffissamik aalajangersintasumik sivisussusilikkamik uniorsinnaavaat katersugaasiveqarnerup misilittaanerulluunniit peqqussutip imarisaata iluani siuarsarneqarnissaa anguniarlugu.
Imm. 2. Kalaallit Nunaanni Namminersornerullutik Oqartussat ingerlatat imm. 1-imi pineqartut tapiissuteqarfigisinnaavaat.§ 28. Ukuninnga unioqqutitsisoqarpat § 16, imm. 1, aamma 3, § 17 imm. 1, § 18 aamma § 19, imm.l, akiliisitsisoqarsinnaavoq.
§ 29. Peqqussut atulerpoq 1. januar 1991.
Imm. 2. peqatigitillugu atorunnaarsinneqarpoq Katersugaasiveqarnermut Landstingip peqqussutaa nr. 2, 21. oktober 1980-imeersoq.
Namminersornerullutik Oqartussat, ulloq 18. maj 1990
Jens Lyberth/
Emil Abelsen