Radiukkut fjernsynikkullu aallakaatitsisarneq pillugu Inatsisartut peqqussutaat nr. 3, 17. maj 1990-imeersoq.
Kalaallit Nunaanni radiukkut fjernsynikkullu aallakaatitsisarneq pillugu inatsit nr. 815 19. december 1989-imeersoq naapertorlugu aalajangersarneqarput:
Kapitali 1
Aallakaatitassianik tusarnaagassanik isiginnaagassanillu siaruaasarneq agguaasarnerlu§ 1. Kalaallit Nunaata Radioa (KNR) pisinnaatitaavoq aallakaatitassianik tusarnaagassanik isiginnaagassanillu radioqarfiit aqqutigalugit inunnut tamanut siaruaasarnissamut.
Imm. 2. Selskabit, peqatigiiffiit asisigisaallu aamma kommunit kapitali 3 malillugu akuerineqarsimasut akuersissut taanna naapertorlugu radioqarfiit aqqutigalugit aallakaatitassianik inunnut tamanut siaruaasarsinnaapput.§ 2. Antenneqarfiit ataatsimoorussat kabeleqarfiillu allat aallakaatitassianik tusarnaagassanik isiginnaagassanillu ininut privatimik najugaqarfiusunut agguaanermut atorneqartussat makkuninnga agguaanerinnarmut atorneqassapput:
1) Kalaallit aallakaatitassiaannut aallakaatitassianullu allanut § 1 naapertorlugu radioqarfiit aqqutigalugit siaruarneqartartunut.
2) Nunat allamiut aallakaatitassiaannut tusarnaagassanut isiginnaagassanullu frekvensit radiukkut siaruaanissamut naatsorsuussat atorlugit toqqaannartumik tigoorarneqarsinnaasunut.
3) Nunat allamiut aallakaatitassiaannut tusarnaagassanut isiginnaagassanullu qaammataasatigut atassuteqaatitigoortitanut antenneqarfimmillu ataatsimoorussamit radiukkut atassuteqarnermik inatsit naapertorlugu akuersissutaasoq malillugu tigoorarneqartunut.
Imm. 2. Aallakaatitassianik imm. 1-imi taaneqartunik agguaaneq taamaallaat pissaaq allannguuteqanngitsumik aallakaatitsinerullu imaluunniit qaammataasakkoortitsinerup peqatigisaanik. Taamaattorli piifissakkut allakkut agguaaneq pisinnaavoq radiukkut imaluunniit fjernsynikkut aallakaatitsivik atorneqartussaq akuersisimappat.§ 3. Ininut privatimik najugaqarfiusunut antenneqarfiit ataatsimoorussat kabeleqarfiillu allat namminersortumik aallakaatitassiornermi aallakaatitassianik tusarnaagassanik isiginnaagassanillu agguaassinermut atorneqassapput ukununnga:
1) KNR pisinnaatitaavoq aallakaatitassiat agguaatitissallugit.
2) Selskabit, peqatigiiffiit assigisaallu aamma kommunit kapitali 3 malillugu akuerineqarsimasut aallakaatitassianik akuersissut taanna naapertorlugu agguaatitsisinnaapput.
3) Kultureqarnermi atuartitsinermilu Pisortaqarfiup immikkut ittunik pisoqartillugu akuersissutigisinnaavaa pisimasut ataasiakkaat nunaqarfigisamut tunngasut pillugit aallakaatitassiat piffissani sivikitsuni nunaqarfigisami agguaanneqartassasut.§ 4. Ininut privatimik najugaqarfiusunut antenneqarfinnik ataatsimoorussanik kabeleqarfinnillu allanik piginnittut pisussaapput antenneqarfimmi KNR-p aallakaatitaanik agguaasoqartarnissaa qularnaallisissallugu.
Imm. 2. Antenneqarfiit marluk sinnerlugit kanaleqarpata aammattaaq kanali ataaseq atugassanngortinneqassaaq nunaqarfigisami aallakaatitassianut kapitali 3 malillugu akuersissut naapertorlugu nunaqarfigisami siammarneqartussanut agguaanneqartussanulluunniit.§ 5. Kalaallit Nunaanni Nalunaarasuartaaserisoqarfiup KNR isumaqatiginiareerlugu teknikkikkut atortorisassat aallakaatitassianik tusarnaagassanik isiginnaagassanillu KNR-p siammaanissaanut pisariaqartut pilersissavai ingerlatitaanerallu isumagissallugu.
Imm. 2. Suliassat imm. 1-imi taaneqartut suliarinissaannut atasumik Kalaallit Nunaanni Nalunaarasuartaaserisoqarfiup aningaasartuutissaasa akilernissaannut maleruagassat naalakkersuisut aalajangersassavaat.§ 6. Aallakaatitassiat tusarnaagassat isiginnaagassallu ininut privatimik najugaqarfiusunut agguaannissaannut antenneqarfinnik ataatsimoorussanik kabeleqarfinnillu allanik pilersitsinissamut ingerlatsinissamullu malittarisassianik naalakkersuisut aalajangersaassapput. Malittarisassiani makku pillugit aalajangersakkat aalajangersarneqarsinnaapput:
1) Antenneqarfinnik ataatsimoorussanikkabeleqarfinnillu allanikpilersitsinissamut, annertunerulersitsinissamut, aaqqissuussinissantut atuinissamullu akuersissut, tamatumunnga ilanngullugu antenneqarfinni atuisartunit pigineqanngitsuni atuisartut aallakaatitassanut sunniuteqartitaasarnissaat.
2) Antenneqarfinnut ataat:simoorussanut kabeleqarfinnullu allanut tamakkualu akornini atassuteqaatinik pilersitsineq ingerlatsinerlu tamakkuninngalu piginnittuunermut tunngasut.
3) Antenneqarfiit ataatsimoorussat kabeleqarfiillu allat teknikkimut tunngasortaasa suliarineqarnerat atortussallu atorneqartut typiisa akuerineqarnerat.§ 7. Aallakaatitassianik tusarnaagassanik isiginnaagassanillu ininut priiratimik najugaqarfiusunut agguaanissamut antenneqarfinnik ataatsimoorussanik kabeleqarfinnillu allanik pilersitsinissamut annertunerulersitsinissamullu akuersissut Kalaallit Nunaanni Nalunaarasuartaaserisoqarfimmit nalunaarutigineqassaaq kommune oqaaseqarteqqaarlugu.
Imm. 2. Inoqarfinni kommuneqarfiit avataanniittuni oqaaseqaat piniarneqartassaaq naalakkersuisunit.
Kapitali 2
Kalaallit Nunaata Radioa (KNR)§ 8. KNR pisortat suliffeqarfigaat namminersortoq, pisussaasoq radiofoniikkut fjernsynikkullu aallakaatitassianik nutaarsiassaqartitsinermut, qaammarsaanermut, aliikkusersuinermut eqqumiitsuliornermullu tunngasunik aallakaatitsisarnissamut. Aallakaatitassianik aaqqissuussinermi pingaartinneqassapput naqisimaneqanngitsumik paasissutissiisinnaatitaaneq oqaaseqarsinnaatitaanerlu. Aallakaatitassiat suliarilluagaallutillu, tamatigoortuullutillu amerlasuujusarnissaat anguniarneqassaaq. Paasissutissiisarnermi tunngaveqarluartarnissaq nakerisarsiortannginnissarlu pingaartinneqassapput.
Imm. 2. KNR allanik aallakaatitassiorsinnaatitaavoq, aamma nunanut allanut aallakaatitsinermi aammalu aallakaatitassiornermi aallakaatitsinertiguinnaanngitsoq siammarterneqartussanik.
Imm. 3. KNR aallakaatitassiornermut atasumik imaluunniit suliffeqarfiup taassuma immikkut paasisimasalittaasa il. il. iluaqutigineqarnissaat siunertaralugu allanik ingerlatsisinnaavoq.
Imm. 4. Reklamit ilanngussisunillu aningaasalersuisitsineq ilanngunneqarsinnaapput kapitali 4-mi maleruagassiat malillugit.
Imm. 5. Malittarisassat naalakkersuisunit aalajangersarneqartut malillugit KNR pisussaavoq nalunaarutinik piareersimanissaq pillugu innuttaasunut pingaaruteqartunik aallakaatitsisarnissamut.§ 9. KNR-p ingerlatsinera aningaasalersorneqassaaq landkassimit tapiissutitigut, reklamitigut ilanngussisunillu aningaasalersuisitsinikkut isertitatigut isertitsinartunik pinnguartitsinertigut unammisitsinertigullu sulianillu tunisatigut il. il.
Imm. 2. Landskassip KNR-mut tapiissutissai ukiumoortumik aningaasanut inatsisitigut aalajangersarneqartassapput.§ 10. KNR siulersuisunit ilaasortaat arfiniliusunit siulersorneqassaaq.
Imm. 2. Siulersuisut siulittaasuat naalakkersuisunit toqqarneqassaaq. Ilaasortat sisamat inatsisartunit toqqarneqassapput. Ilaasortassaq ataaseq KNR-mi suleqataasunit aalajangersumik atorfilinnit toqqarneqassaaq.
Imm. 3. Ilaasortat toqqarneqartassapput ukiuni sisamani ilaasortaasussatut, siullermik piffissami 1. januar 1991-imit 31. december 1994-imut.
Imm. 4. Ilaasortat inatsisartunit toqqarneqartut tamarmik immikkut sinnisussaat ataaseq toqqarneqartassaaq, siulersuisunut ilannguttussaq ilaasortaq qinigaasoq ilaasortaajunnaarpat.
Imm. 5. Inatsisartunut ilaasortat siulersuisunut ilaasortaasinnaanngillat.
Imm. 6. Siulersuisut siulittaasup tullissaa akunnerminnit toqqartassavaat.§ 11. Siulersuisut KNR-p siulersuisorai qullerpaat, akisussaanerpaappullu KNR-p ingerlatsinera pillugu aalajangersakkat malinneqarnissaannut.
Imm. 2. KNR-p ingerlatsineranut maleruagassat nalinginnaasut siulersuisut aalajangersassavaat.
Imm. 3. Siulersuisut direktøri KNR-llu ulluinnarni siulersorneqarneranut ilassortat allat atorfinitsittassavaat soraarsittassallugillu.
Imm. 4. KNR-mut ileqqoreqqusat naalakkersuisut aalajangersassavaat.§ 12. Direktøri ulluinnarni aallakaatittakkanut akisussaavoq KNR-llu allaffeqarnikkut aningaasatigullu ulluinnarni siulersorneqarnera nakkutigisassaralugu. Direktørip isumagissavaa suliffiup taassuma siulersorneqarnissaa tamanna pillugu malittarisassat maleruagassiallu siulersuisunit aalajangersarneqartut malillugit.
Imm. 2. Direktørip KNR-mi suleqataasut, ulluinnarni siulersorneqarneranut ilaasortat kisiisa pinnagit, atorfinitsittassavai soraarsittassallugillu, naleqq. § 11, imm. 3.§ 13. Atorfinitsitsisarnerni soraarsitsisarnernilu KNR pinngitsoorani pisussaavoq aalajangersakkat Namminersornerullutik Oqartussani atorfilinnut sukkulluunniit atortuusut malissallugit.
§ 14. KNR-p aallakaatitat tamaasa båndinut immiuttassavai qaammatinilu pingasuni toqqortarisassallugit maleruagassat naalakkerusisunit aalajangersarneqartut naapertorlugit. Suliassap aallakaatitassiornermut tunngasup suliarineqarneranut atatillugu KNR peqquneqarsinnaavoq aallakaatitanik immiussat tunniuteqqullugit. Suliassat aallakaatitassianut tunngasut suliarineqarnerat pissutigalugu pisariaqarpat KNR peqquneqarsinnaavoq båndit qaammatinit pingasunit sivisunerusumik toqqortareqqullugit.
§ 15. Siulersuisut ukiut tamaasa, naalakkersuisut killiliussaat nallertinnagu, aningaasat ukiuannut tullermut budgettimut killigititassamut siunnersuummik naalakkersuisunut tunniussissapput, tassuuna nalunaarsorlugit isertitassatut ilimagisat, ingerlatsinermi aningaasartuutissatut sanaartugassanullu aningaasartuutissatut naatsorsuutigisat ukiullu nikinneranni pisassarisat akiligassallu qanoq annertutigineri. Tamanna peqatigalugu siulersuisut landskassip aningaasat ukiuannut taaneqartumut tapiissutissaasa qanoq annertutiginissaat pillugu siunnersuuteqartassapput.
§ 16. Landskassip ukiumut tapiissutissai inatsisartut aalajangissavaat aningaasat ukiuannut tullermut aningaasanut inatsisissap akuersissutigineqarneranut atasumik.
§ 17. KNR-p ukiua naatsorsuiffik tassaavoq qaammatisiutit malillugit ukioq. Budgettiliornermut ilitsersuut sukkulluunniit atortuusoq aanuna naatsorsuuserinermut naatsorsuusiornermullu maleruagassiat sukkulluunniit atortuusut KNR-mut atortuupput.
Imm. 2. Ukiumut naatsorsuutit kukkunersiorneqassapput Namminersornerullutik Oqartussat naatsorsuutinik kukkunersiuisuinit.
Imm. 3. Siulersuisut ukiumut naatsorsuutit kukkunersiorneqarsimasut kukkunersiusut oqaaseqaataannik ilallugit naalakkersuisut kiliiliussaat nallertinnagu naalakkersuisunut saqqummiutissavaat akerisassanngorlugit. Ukiumut naatsorsuutit akuerineqareerpata inatsisartunut nassiunneqassapput ilisimatitsissutitut.
Kapitali 3
Nunaqarfigisami radiukkut fjernsynikkullu aallakaatitsisarneq§ 18. Kultureqarnermi atuartitsinermilu Pisortaqarfiup selskabit,peqatigiiffiit assigisaallu kommunillu akuerisinnaavai radioqarfiit aqqutigalugit nunaqarfigisami radiukkut fjernsynikkullu aallakaatitsisarnissaannut.
Imm. 2. Akuersinissamut piumasaqaatissat pillugit naalakkersuisut maleruagassaliussapput.
Imm. 3. Reklamit ilanngussisunillu angingaasalersuisitsineq aallakaatitassionermi ilanngunneqarsinnaapput kap. 4-mi maleruagassiat malillugit.
Imm. 4. Aallakaatitassiornermi aallakaatitat qaammataasakkoortitat ilannguniieqarsinnaapput maleruagassiat naalakkersuisunit aalajangersarneqartut malillugit.
Imm. 5. Aallakaatitanik radioqarfiit aqqutigalugit siammaanissamut akuersinissamut piumasaqaatigineqarpoq piffissamut killiliussap, sivitsorneqarsinnaasup, iluani radiukkut atassuteqartarnermik inatsit malillugu radiukkut siammaanissamut akuersissuteqartoqarsimanissaa.
Imm. 6. Akuersissummik piginnittoq pisussaavoq nalunaarutinik piareersimanissaq pillugu innuttaasunut pingaaruteqartunik maleruagassiat naalakkersuisunit aalajangersarneqartut malillugit aallakaatitsisarnissamut.§ 19. Akuersissuteqartoqartassaaq piffissamut aalajangersimasumut, radiukkut tusarnaagassanut annerpaamik ukiunik pingasunik fjernsynikkullu isiginnaagassanut ukiunik tallimanik sivisussuseqarsinnaasunik. Nutaamik akuersissuteqartoqaqqissiimaavoq ukiut akuersiffiusut naanerini.
Imm. 2. Akuerineqarnissamik qinnuteqaatini aallakaatitassiortarnissaq allaaserineqassaaq. Kultureqarnermi atuartitsinermilu Pisortaqarfiup qinnuteqaatit suliarinerini qularnaallilerniartassavaa aallakaatitassiat tamarmik tamatigoortuusarnissaat.
Imm. 3. Kultureqarnermi atuartitsinermilu Pisortaqarfiup akuersinissaminut ilaatigut piumasarisinnaavaa aallakaatitassiornerup qinnuteqaat naapertorlugu ingerlanneqartarnissaa.§ 20. Akuersissummik piginnittup aallakaatitat tamaasa båndimut immiuttassavai qaanunatinilu pingasuni toqqortarisassallugit maleruagassat naalakkersuisunit aalajangersarneqartut naapertorlugit. Suliassap aallakaatitassiornermut tunngasup suliarineqarnerani piginnittoq peqquneqarsinnaavoq aallakaatitanik immiussat tunniuteqqullugit. Suliassat aallakaatitassiornermut tunngasut suliarineqarnerisa pisariaqartippassuk piginnittoq peqquneqarsinnaavoq båndit toqqortareqqullugit qaammatinit pingasunit sivisunerusumik.
§ 21. Akuersissummik piginnittup aallakaatitsinerit tamarmik aallakaatitsinerntut akisussaasoqartinneqarnissaat isumagissavaa. Aallakaatitsinermut akisussaasup sapinngisamik ilisimasaqarfiginiartassavaa kikkut aallakaatitsinermi peqataasimanersut allatulluunniit suleqataasimanersut.
Imm. 2. Akuersissummik piginnittup isumagissavaa aallakaatitsinerit naammassireri tamaasa kia aallakaatitsinermut akisussaasimanerata nalunaarutigineqarnissaa.
Imm. 3. Akuersissummik piginnittup nakkutigissavaa reklamit pillugit maleruagassat kap. 4 malillugu eqqortinneqartarnissaat.§ 22. Akuersissut allagarserneqartinnagu qinnuteqaat oqaaseqarfigisassanngorlugu kommunalbestyrelsimut aamma Kalaallit Nunaata Nalunaarasuartaaserisoqarfianut nassiunneqassaaq.
Imm. 2. Aallakaatitsisernissamut § 18 naapertorlugu akuerineqarnissamik qinnuteqaatip itigartinneqarneranik Kultureqarnermi atuartitsinermilu Pisortaqarfiup aalajangiinera nalunaarutigineqarneranit sapaatit akunneri sisamat qaangiutsinnagit naalakkersuisunut suliassanngortinneqarsinnaavoq.§ 23. Aallakaatitassiortarneq Kultureqarnermi atuartitsinermilu Pisortaqarfiup nakkutigissavaa assuarliutigisassallugillu peqqussumik, malittarisassanik peqqussut malillugu aalajangersarneqartunik akuersinernilu piumasarisanik unioqqutitsinerit.
Imm. 2. Kultureqarnermi atuartitsinermilu Pisortaqarfiup akuersissummik piginnittoq suliffiup ingerlanneqarnera pillugu paasissutissanik tunniusseqqusinnaavaa.
Imm. 3. Akuersissut atorunnaarallartinneqarsinnaavoq atorunnaavitsinneqarsinnaalluniluunniit taassuminnga piginnittup atunngippagu inialuunniit aallakaatitsisarneq sivisuumik uninngatinneqarsimappat.
Imm. 4. Akuersissut atorunnaarallartinneqarsinnaavoq atorunnaavitsinneqarsinnaalluniluunniit piginnittup
1) piumasaqaatit naammassisinnaajunnaarpagit, naleqq. § 18, imm. 2,
2) § 20 imaluunniit taanna malillugu peqqussutigineqartut sumiginnarpagit, imaluunniit
3) § 21 unioqqutippagu.
Imm. 5. Aammattaaq akuersissut atorunnaarallartinneqarsinnaavoq atorunnaavitsinneqarsinnaalluniluunniit unioqqutitsineq imm. 1-imi taaneqartoq sualuginarpat, imaluunniit unioqqutitsineqakulaarsimappat.
Imm. 6. Akuersissummik atorunnaarsitsinissamik Kultureqarnermi atuartitsinermilu Pisortaqarfiup aalajangiinera nalunaarutigineqarneranit sapaatit akunneri sisamat qaangiutsinnagit naalakkersuisunut suliassanngorteqquneqarsinnaavoq. Naammagittaalliut naalakkersuisut allamik aalajangiisimanngippata kinguartitsissutigineqassaaq.§ 24. Naalakkersuisut nunaqarfigisami radiukkut fjernsynikkullu aallakaatitsisarneq pillugu maleruagassaliorsinnaapput.
Kapitali 4
Reklamit aningaasalersuinerlu§ 25. Reklamit taamaattuunerat erseqqissumik paasineqarsinnaasariaqarpoq, tassa imarisamikkut takutinneqarnermikkullu aallakaatitanit allanit ilisimatitsissutaareersunit immikkoortinneqartariaqarlutik.
Imm. 2. Reklamit fjernsynimi aallakaatinneqartariaqarput taamaallaat blokkinngorlugit annerpaamik minuttinik tallimanik sivisussusilimmik. Blokkit tamakku inissinneqassapput aallakaatitat akorninut.
Imm. 3. KNR-p radiukkut aallakaatitsinerata iluani reklamit aallakaatinneqartassapput taamaallaat blokkinngorlugit annerpaamik minuttinik tallimanik sivisussusilimmik aallakaatitallu akorninut inissillugit. Nunaqarfigisami radiukkut aallakaatitsinerup iluani reklamit inissinneqartarsinnaapput aallakaatitat akorninut sumulluunniit.
Imm. 4. Reklaminik aallakaatitat sivisussutsimikkut/annertussutsimikkut sinnersimassanngilaat:
1) KNR-p fjernsynikkut aallakaatitsinerani piffissap ullormut aallakaatitsiviusup 10 procentia.
2) Nunaqarfigisami fjernsynikkut aallakaatitsinermi piffissap ullormut aallakaatitsiviusup, nammineq aallakaatitassianik aallakaatitsinernut imaluunniit aallakaatitassianik nunaqarfigisamut tunngasuteqartunik aallakaatitsinernut atorneqartup 10 procentia. Akuersissummik pigisaqartut tamarmik annerpaamik reklamit blokkiat ataaseq ullormut aallakaatittassavaat.
3) Radiukkut aallakaatitsinermi piffissap ullormut aallakaatitsiviusup 10 procentia.§ 26. Reklaminut ilanngunneqartassanngillat nakorsaatit, immiaaqqat, viinnit, imigassat kimittuut tupallu.
Imm. 2. Fjernsynimi reklaminut ilanngunneqartassanngillattaaq aningaasanut tunngasutigut soqutigisaqaqatigiinnermut aamma upperisarsiornermut politikkikkullu isummanut tunngasut.§ 27. Aallakaatitassiornermi reklamit qanoq ilaatinneqartarnissaat pillugu naalakkersuisut ersiqqinnerusunik maleruagassaliussapput.
§ 28. § 8, imm. 4, aamma § 18, imm. 3, malillugit ilanngussisunik aningaasalersuisitsinermi pineqarput ilanngussisup aqqa, mærkia (logo), qanoq-ittuunera, suliarisartagai imaluunniit nioqqusiai ilisimaneqarneruleqqullugit radiukkut imaluunniit fjernsynikkut aallakaatitassiat, filmit, oqaluttartup nutaanut immiussat il. il. aningaasalersornerannuttoqqaannartumikimaluunniit toqqaannanngitsumik tapiissutit tamarmik.
Imm. 2. Aallakkatitaq taamatut aningaasalersorneqartoq erseqqissumik paasisinnaasariaqarpoq tapiissuteqartup aqqata imaluunniit mærkiata aalakaatitap aallaqqaataanut imaluunniit naggataanut - taakkununngaluunniit tamanut - ilanngunneratigut. Tamakkuli aallakaatitap ingerlanerani ilaatinneqartariaqanngillat.
Imm. 3. Aallakaatitap aningaasalersorneqartup imarisaa inissinneralu tapiissuteqartumit ima sunniuteqarfigineqassanngilaq radioqarnermik fjernsyneqarnermillu ingerlatsiviup aallakaatitanut akisussaassusia tamakkuninngalu aaqqissuinikkut nammineersinnassusia attorlugit.§ 29. Aallakaatitassiornermi ilanngussisunit aningaasalersuisitsinerup qanoq ilaatinneqarnissaa pillugu naalakkersuisut erseqqinnerusunik maleruagassaliussapput.
Kapitali 5
Maalaaruteqarneq§ 30. Naalakkersuisut Radiumut TV-mullu maalaaruteqartarfinnik pilersitsissapput, taannalu pingasunik ilaasortaqassaaq, ukiuni sisamani atuuttussanik.
Imm. 2. Maalaaruteqartarfiup siulittaasua naalakkersuisut ilaasortat akornannit toqqassavaat.
Imm. 3. Radiumut TV-mullu maalaaruteqartarfiup sulinissamini tunngavissai naalakkersuisut aalajangersassavaat.
Imm. 4. Maalaaruteqartarfiup sulinerani aningaasartuutit landskassimit akilerneqassapput.
Imm. 5. Naalakkersuisut maalaaruteqartarfik allattoqarfimmi suliassanut ikiorteqartissavaat.§ 31. Aallakaatitat imaluunniit aallakaatitat nangeqattaartut aalajangersimasut KNR-mit imaluunniit § 19 malillugu akuersissummik piginnittumit aallakaatinneqartut pillugit naammagittaalliutit oqaluuserineqassapput Radiumut TV-mullu maalaaruteqartarfimmit.
Imm. 2. Naammagittaalliutit tunniunneqartassapput aallakaatitat imaluunniit aallakaatitat nangeqattaartut aallakaatinneqarnerisa kingornagut sapaatit akunneri sisamat qaangiutsinnagit.
Imm. 3. Radiumut TV-mullu maalaaruteqartarfik aalajangiisinnaavoq pissusiviusut pillugit kukkusumik paasissutissiissutit KNR-mit imaluunniit akuersissummik piginnittumit aallakaatinneqartut naqqeqqullugit. Maalaaruteqartarfiup tamatuma saniatigut taamaallaat suliaq pillugu isummani saqqummiussinnaavaa. Isumaq taanna KNR-p imaluunniit akuersissummlk piginnittup pinngitsooratik malinngitsuugassarinngilaat. Aalajangiinerit oqaaseqaatillu tamanut tusagassiarineqarnissaat maalaaruteqartarfiup piumasarisinnaavaa, naleqq. § 33 imm. 2.§ 32. Radiukkut TV-kullu reklamit imarisaat pillugit suliani Radiumut TV-mullu maalaaruteqartarfik aalajangiisinnaavoq. Maleruagassanik unioqqutitsinerit maalaaruteqartarfiup assuarliutigisinnaavai tamanullu tusagassiarineqarnissaat piumasarisinnaallugu, naleqq. § 33 imm. 2.
Imm. 2. Radiumut TV-mullu maalaaruteqartarfiup piumasarisinnaavaattaaq pissusiviusut pillugit kukkusumik paasissutissiissutit reklaminik ilanngusinerni aallakaatinneqartut naqqinneqarnissaat, naleqq. § 33 imm. 2.
Imm. 3. Reklamini ilanngussat imarisaat pillugit naammagittaalliutit, naleqq. imm. 1 aamma 2, tunniunneqassapput ilanngussat aallakaatinneqarnerisa kingornagut sapaatit akunneri sisamat qaangiutsinnagit.§ 33. Radiumut TV-mullu maalaaruteqartarfiup aalajangigai pisortatut oqartussaasumut allamut suliassanngortinneqarsinnaanngillat.
Imm. 2. Radiumut TV-mullu maalaaruteqartarfiup oqaaseqaatai tamanut tusagassiarineqartassapput, maalaaruteqartarfiullu ataasiakkaatigut KNR imaluunniit akuersissummik piginnittoq peqqusarsinnaavai nammineq aalajangikkani imaluunniit oqaaseqaatigisani aallakaatitsinerminni nalunaarutigisaqqullugit, aalajangersinnaallugulu tamatuma qanoq ittumik qanorlu ilusilimmik pinissaa.
Kapitali 6
Pineqaatsissiinissanik aalajangersakkat, atulersitsineq§ 34. Akiliisinneqarsinnaavoq
1) tusarnaagassanik isiginnaagassanilluunniit inunnit tamanit tigoorarneqartussatut naatsorsuussanik radioqarfiit aqqutigalugit siaruaasoq § 1 unioqqutillugu,
2) tusarnaagassanik isiglnnaagassanilluunniit ininut privatimik najugaqarfiusunut antenneqarfiit ataatsimoorussat imaluunniit kabeleqarfiit allat aqqutigalugit agguaasoq § 2 imaluunniit § 3 unioqqutillugit,
3) § 32, imm. 1, malillugu aalajanngikkamik sumiginnaasoq,
4) naqqiinissaq pillugu aalajangikkamik, naleqq. § 31, imm. 3, imaluunniit § 32, imm. 2, imaluunniit
5) §§ 4-mik, 20-mik, 21-mik, 25-mik, 26-mik imaluunniit 28-mik unioqqutitsisoq.
Imm. 2. §§ 6, 24, 27 aamma 29 malillugit malittarisassiani aalajangersakkanik unioqqutitsinerit pillugit akiliisitsinissaq aalajangersarneqarsinnaavoq.
Imm. 3. Aktieselskabit, anpartsselskabit, andelsselskabet, peqatigiiffiit assigisaalluunniit unioqqutitsisuusimappata taakku pillaammik akiliisussanngortinneqarsinnaapput. Kommune imaluunniit kommunit ataatsimoortut, naleqq. kommunalbestyrelsit, bygderådit il. il. pillugit inatsisartut inatsisaanni § 57, unioqqutitsisuusimappata konunune imaluunniit kommunit ataatsimoortut akiliisitaanissamut akisussaatinneqarsinnaapput.§ 35. Inatsisartut peqqussutaat atulissaaq 1. januar 1991.
Imm. 2. Tamanna peqatigalugu atorunnaasaaq Kalaallit Nunaata Radioata siulersorneqarnera pillugu landstingip ileqqoreqqusaa nr. 17, 25. oktober 1979-imeersoq.§ 36. Maleruagassat landstingip ileqqoreqqusaani § 35-mi, imm. 2-mi, taaneqartumik tunngaveqartumik aalajangersarneqartut atortuuginnassapput peqqussummik matuminnga imaluunniit inatsisartut peqqussutaannik allanik tunngaveqartumik maleruagassiarineqartunit taarserneqarnissamik imaluunniit atorunaarsinneqarnissamik tunngaannut.
§ 37. Akuersissutit Namminersornerullutik Oqartussat Kalaallit Nunaanni nunap ilaani namminersortut oqartussalluunniit aallakaatitsinissamut akuerineqarsinnaanerat pillugu nalunaarutaat nr. 2 27. januar 1981-imeersoq naapertorlugu tunniunneqarsimasut piffissami ikaarsaariarfiusumi maannamut piumasarisat allanngortinnagit atuutiinnassapput imm. 2 imaluunniit imm. 3 malillugu atorunnaarsinneqarnissamik allanngortinneqarnissamilluunniit tungaannut.
Imm. 2. Kalaallit Nunaanni Nalunaarasuartaaseriveqarfiup TV-utileqartigiit KNR-p aallakaatitaanik siamaasarumasarsinnaanissaannik isumaqatigiinniuteqarfigisassavai.
Imm. 3. Kultureqarnermi atuartitsinermilu Pisortaqarfik akuersisartuussaaq nunaqarfigisami radiukkut fjernsynikkullu aallakaatitsisarnisamut, naleqq. peqqussummi kapitali 3.
Imm. 4. Misiliinernik aaqqissuusinerit maannakkut atuuttut piumasarineqartut allanngortinnagit piffissami misileraaffiusumi atuutiinnassapput.
Namminersornerullutik Oqartussat, ulloq 17.maj 1990
Moses Olsen/
Jens Lyberth