Namminersornerullutik Oqartussat nalunaarutaat nr. 53 ulloq 28. december 1990-imeersoq 1991-imi aalisarnermi pisassarititaasunut tunngasoq.
Inatsisartut inatsisaanni nr. 17-imi ulloq 22. oktober 1990-imeersumi inuutissarsiutigalugu aalisarnermut tunngasumi §§ 4, 8, 19 aamma 28 naapertorlugit aalajangerneqarpoq:
Sumi atoituutinneqarnera
§ 1. Nalunaarut Kalaallit Nunaata aalisarfittaani atortuuvoq.
Imm. 2. Kalaallit Nunaata aalisarfittai makkuupput:
1) Kalaallit Nunaata kitaata avannaa" tassaavoq NAFO-p killeqarfiisa ilaasa 1-imik taaguutillip ilaa 71°00'N-ip aamma 72°52,5'N-ip akornanniittoq, 58°00'V-ip kangianiittoq kiisalu 69°30'N-ip aamma 72°52,5'N-ip akornanniittoq, 58°00'V-ip kitaaniittoq.
2) "Kalaallit Nunaata kitaa" tassaavoq NAFO-p killeqarfiisa ilaasa 1-imik taaguutillip ilaa 60°45'N-ip aamma 71°00'N-ip akornanniittoq, 58°00'V-ip kangiani kiisalu 60°45'N-ip aamma 69°30'N-ip akornanniittoq, 58°00'V-ip kitaaniittoq.
3) "Tunu" tassaavoq ICES-ip killeqarfiisa ilaat IImik, V-imik, XII-imik aamma XIV-imik taaguutillit, Kalaallit Nunaata imartaani aalisarfinniittut.
4) "Basisliniet", tunngaviusumik killigititat, mirtisteriuneqarfiup nalunaarutaani nr. 629-mi 22. december 1976-inteersumi aantma nr. 176-inti 14. maj 1980-imeersumi Kalaallit Nunaata imartaani aalisarfinnut tunngasuni aalajangersarneqarsimapput.
Pisassat
§ 2. Aalisakkat ilanngussami taaneqartut 1991-imi pisassarititaasut tamarmiusut (TAC) ilanngussami kolonnet 1-iannitut aalajangerneqarput.
§ 3. Ilanngussami aalisakkanik pisassaritinneqartutut taaneqarsimasurtit Kalaallit aalisariutaat, tak. Inatsisartut inatsisaanni inuutissarsiutigalugu aalisarnermut tunngasumi § 5, ilanngussami kolonnet 2-anni taaneqartunit amerlanerusunik 1991-imi pisaqassanngillat. Tassani piumasarineqartut malillugit aalisartoqassaaq.
§ 4. Angallatit Savalimmiuni nalunaarsorsimasut 1991-imi pisassarititanit katillugit ilanngussami kolonnet 3-anni allassimasut taamaallaat, tassanilu piumasarineqartuinnaat tunngavigalugit, pisarisinnaavaat.
§ 5. Angallatit nunani EF-imut ilaasortani nalunaarsorsimasut 1991-imi pisassarititanit katillugit ilanngussami kolonnet 4-anni allassimasut taamaallaat, tassanilu piumasarineqartuinnaat tunngavigalugit, pisarisinnaavaat.
§ 6. Angallatit Norgeni nalunaarsorsimasut 1991-imi pisassarititanit katillugit ilanngussami kolonnet 5-ianni allassimasut taamaallaat, tassanilu piumasarineqartuinnaat tunngavigalugit, pisarisinnaavaat.
§ 7. Angallatit allat §§ 3-miit 6 ilanngullugu taaneqarsimanngitsut ilanngussami kolonnet 6-ianni allassimasut taamaallaat, tassanilu piumasarineqartuinnaat tunngavigalugit, pisarisinnaavaat.
§ 8. Naalakkersuisunut ilaasortap angallatinut §§ 4-miit 7 ilanngullugu taaneqarsimasunut akuersissutit tunniussimasai qanorlu sivisutigisumik atortussaaneri pisassat tamarmiusut annertussusaannut naapertuutissapput, agguaassinerlu angallatit taaneqartut aalisarsinnaasaat eqqarsaatigalugit ingerlanneqassaaq.
Aalisarunnaarneq
§ 9. Ilanngussami pisassarititatut allanneqarsintasut aalisarneqarneri Naalakkersuisunut ilaasortap unitsissavai aalisakkat assigiinngitsut angallatinit immikkoortunit §§ 3-miit 7 ilanngullugu taaneqartunit aalisarneqartut tunngavigalugit.
Imm. 2. Kalaallit angallataasa, tak. § 5, aalisarunnaarnissaat radiokkut tusagassiuutitigullu nalunaarutigineqassaaq.
Imm. 3. Angallatit §§ 4-miit 7 ilanngullugu taaneqartut aalisarunnaarnissaat telexikkut telegrammikkulluunniit angallammut pineqartuntut umiarsuaatilinnulluunniit nalunaarutigineqassaaq. Angallatit § 5-imi taaneqartut pillugit nalunaarutip assiga EF-kommissionimuttaaq nassiunneqassaaq.
Imm. 4. Angallatit aalisarunnaassapput piffissaq Naalakkersuisunut ilaasortamit aalajangerneqartoq eqqorlugu.
Pisarisuukkanut tunngatillugu maleruagassat
§ 10. Angallatinut §§ 3-miit 7 ilanngullugu taaneqartunut Kalaallit Nunaata kitaani Tunumilu saarullinniarsinnaatitaasunut nataarnarniarsinnaatitaasunulluunniit (tak. ilanngussaq) pisarisuukkanut tunngatillugu maleruagassat atortuupput makku:
1) Kalaallit Nunaata kitaani Tunumilu saarulliit pisassarititaasut tamarmiusut pisarineqarpata angallatit pineqartut sumiiffinni taaneqartuni aalisakkanik allanik aalisarnerminnut atatillugu saniatigut pisarisuukkatut saarullinniarsinnaajunnaarsitaassapput.
2) Kalaallit Nunaata kitaani Tunumilu nataarnat pisassarititaasut tamarmiusut pisarineqarpata angallatit pineqartut sumiiffinni taaneqartuni aalisakkanik allanik aalisarnerminnut atatillugu saniatigut pisarisuukkatut nataarnarniarsinnaajunnaarsitaassapput.
Imm. 2. Angallatinut §§ 3-miit 7 ilanngullugu taaneqartunut Kalaallit Nunaata kitaani Tunumilu saarullinniarsinnaatitaanngitsunut nataarnarniarsinnaatitaanngitsunulluunniit, tak. ilanngussaq, pisarisuukkanut tunngatillugu maleruagassat atortuupput ntakku:
1) Angallatit natersiutirik qalorsuarsortut, saarulliit pisarisuukkatut pisarineqartut imntikkoortitereernerini pisarisuukkatut saarullittarineqartut angallammiitiinnarneqartut, suluppaagartat namminneq oqimaassusiisa 10%-iat aammalu allanik aalisagartat namminneq oqimaassusiisa 3%-iat, gaangersimassanngilaat.
2) Angallatit ningittagarsortut, saarulliit pisarisuukkatut pisarineqartut immikkoortitereernerini pisarisuukkatut saarullittarineqartut angallammiitiinnarneqartut, nataarnartat namminneq oqimaassusiisa 10%-iat aamntalu allanik aalisagartat namminneq oqimaassusiisa 3%-iat, qaangersimassanngilaat.
3) Nataarnat pisarisuukkat immikkoortitereernerisigut angallammiitiinnarneqartut aalisakkat allat pisarineqartut namminneq oqimaassusiisa 3%-iat qaangersimassanngilaat.
4) Imm. l)-imi aamma 3)-ni aalisakkat pisarisuukkat taaneqartut, aalisakkat immikkoortitereerlugit umiarsuarmiitinneqartut imaluunniit aalisakkat tamarmik umiarsuaatinneqartut nunnigunneqartulluunniit oqimaassusiisa %-inngornerisut kisinneqartassapput. Taamatut kisitsinerit ataasiarluni arlaleriarluniluunniit pisat tamaasa eqqarsaatigalugit misissuisimanernik tunngaveqassapput.
5) Aalisarnerup aallartinneraniit siusinnerpaamik nalunaaqquttap akunneri 48-t qaangiutereeraangata aatsaat qanoq allanik pisaqartoorsimatigineq naatsorsorneqartassaaq.
Imm. 3. Angallatit § 3-mi taaneqartut aatsaat aalisakkanik akuersissuteqarluni aalisarneqarsinnaasunik saniatigut pisarisuugaqarsinnaatitaapput. Angallalli taamaattunik pisarisuukkanik angallammiititaqarsinnaanngilaq, taakkua pisat angallammiititat katillutik oqimaassusaasa (ilivitsuullutik) 10%-iat (annerpaamilli 7,5 t) qaangersimappassuk.
Imm. 4. Angallatit §§ 4-miit 7 ilanngullugu taaneqartut saarulliunngitsunik nataarnaanngitsunillu aalisakkanilli allanik pisarisuugaqarsinnaapput, nunat taakku aalisakkanik taakkunannga pisassinneqarsimanngikkaluarpataluunniit. Angallalli taamaattunik pisarisuukkanik angallammiititaqarsinnaanngilaq, taakkua pisat angallammiititat katillutik oqimaassusaasa (ilivitsuullutik) 10%-iat (annerpaamilli 7,5 t) qaangersimappassuk.
Imm. 5. Pisarisuukkat inerteqqutaasut aamma pisarisuukkat imm. 2, 3 aamma 4-mi annertussusissaannik taaneqarsimasunik qaangiisut angallammiitinneqarsinnaanngillat, ingerlaannarli avalatsinneqassallutik.
Pineqaatissiissutit
§ 11. Nalunaarummi aalajangersakkanik unioqqutitsinerit akiliisitaanermik kinguneqarsinnaapput. Kiisalu aamma suliassat tassunga attuumassuteqartut Inatsisartut inatsisaanni inuutissarsiutigalugu aalisarnerntut tunngasumi maleruagassat malillugit suliarineqassapput.
Atortuulersinnera
§ 12. Nalunaarut 1. januar 1991-imi atortuulissaaq.
Imm. 2. Tamanna ilutigalugu nalunaarut nr. 9 ulloq 21. februar 1990-imeersoq 1990-imi aalisarnermi pisassarititaasunut tunngasoq atortuujunnaarsinneqarpoq.
Namminersornerullutik Oqartussat, ulloq 28. december 1990.
Kaj Egede/
Jørn Graversen