Inuussutissarsiutitigut ilinniartitaanerni ilinniagaqartut atugaat pillugit Namminersornerullutik Oqartussat Nalunaarutaat nr. 51, 20. december 1990-imeersoq.
1) Inuussutissarsiutitigut ilinniartitaaneq, ilinniagaqarnermut tapiissutit, inuutissarsiutinullu tunngasunik siunnersuineq pillugit Inatsisartut peqqussutaanni nr. 1-imi 4. maj 1990-imeersumi § 1, aamma
2) Kalaallit Nunaanni inuussutissarsiutitigut ilinniagaqartut sulianillu sungiusarneqarnermi sulliviit akornanni pisussaaffiit pillugit Inatsisartut inatsisaanni nr. 4-mi 23. april 1988-imeersumi § 2 malillugit makku aalajangersarneqarput:
Kapitali 1.
Aallaqqaasiut.§ 1. Nalunaarut manna allanik aalajangersaasoqarsimatinnagu Kalaallit Nunanni inuussutissarsiutitigut ilinniagaqartunut tamanut atuuppoq.
Imm. 2. Inuussutissarsiutitigut ilinniarneq tassaavoq Kalaallit Nunaanni inuutissarsiornermut pisinnaatitsissummik kinguneqartussaq.
Kapitali 2.
Ilinniartussanik tigusisarneq.§ 2. Ilinniartitaanernut taakkuluunniit ilaannut ilinniartussatut tiguneqarnissami piumasaqaataasut nalinginnaasut tigusisarnermilu periusaasartut Pisortaqarfiup aalajangersassavai.
Imm. 2. Ilinniartitaanerni taakkuluunniit ilaanni ilinniarnissani neqeroorutigisaminni ilinniartussanik tigusisarnerit brancheskolit aalajangertassavaat. Siamasissumik tunngaviusumik ilinniartitaanerit immikkoortuisa appaannut ilinniartussanik tigusisarnerit najukkani ataasiakkaani inuussutissarsiutitigut ilinniartitaaneq pillugu ataatsimiititat inassuteqarnerisigut pisassaaq.
Imm. 3. Siamasissumik tunngaviusumik ilinniartitaanerit immikkoortuisa siullianni ilinniartussanik tigusisarneq najukkani ataasiakkaani inuussutissarsiutitigut ilinniartitaaneq pillugu ataatsimiititat aalajangiivigisassavaat.
Imm. 4. Ilinniartitaanerni imm. 2-mi 3-milu taaneqarsimasut avataanniittuni ilinniartussanik tigusisarnerit Pisortaqarfimmit, taassumaluunniit taamaaliornissamut piginnaatitaanit aalajangiivigineqartassapput.
Imm. 5. Piffissaagallartillugu qinnuteqartut ilinniartussatut apriili naatinnagu tiguneqartassapput tamanna pillugu allamik aalajangersaasoqarsimanngippat.§ 3. Ilinniagaqarniarlutik qinnuteqartut itigartinneqarnerini itigartitsineq patsisilersorneqartassaaq. Ilinniagaqarniarluni qinnuteqartoq itigartinneqarnerminut atatillugu kommuninti najugarivisamini ilinniagaqarnermut inuutissarsiutinullu tunngasunik siunnersuisoqarfimmut innersuuneqartassaaq.
Imm. 2. § 2, imm. 2 aamma 3 malillugit sulianut pisinnaasaqassuseq tunngavigalugu itigartitsinerit brancheudvalgimut naammagittaalliuutigineqarsinnaapput itigartitsinermik nalunaarutip tiguneqarneraniit sap. ak. sisamat qaangiutsinnagit.
Imm. 3. Qinnuteqartoq STI-mi tiguneqarnissamut piumasaqaataasunik naammassinnissimagaluarluni suliffinnik sulianik sungiusarf issanik amigaateqarneq patsisigalugu itigartinneqarpat, ilinniagaqartoq ilinniakkaminik sulianilluunniit sungiusarnerup ilaanik kommunimi allami ingerlatsinissantinut innersuunneqarsinnaavoq. Qinnuteqartut ataasiakkaat ilinniarumasaminnik tulleriinnilersuisimaneri ilinniartussatut tigusisarnermi tulleriiaarinerntut sunniuteqarsinnaapput.
Imm. 4. § 2, imm. 2 aamma 3 malillugit sulianut pisinnaasaqassuseq tunngaviginagu itigartitsinerit Pisortaqarfimmut naammagittaalliuutigineqarsinnaapput itigartitsinerntik nalunaarutip tiguneqarneraniit sap. ak. sisamat qaangiutsinnagit.
Kapitali 3.
Pinngitsoorani peqatanissaaq kiisalu soraarsinneqarsinnaaneq.§ 4. Ilinniagaqartoq atuartitsinernut piffissani aalajangersintasuni ingerlanneqartunut pinngitsoorani peqataasussaatitaavoq. Ilinniagaqartut takkuttarneri atuarfiup malinnaaffigeqqissaassavai, takkutinngitsoortarnerillu kingunerisinnaasaat pillugit ilinniagaqartut ilitsersortassallugit.
Imm. 2. Ilinniagaqartoq atuartitsinermi pinngitsoorani peqataasussaatitaanermik eqqortitsinngitsoq atuarfimmit soraarsinneqarsinnaavoq. Aatsaalli soraarsitsisoqarsinnaavoq ilinniagaqartoq oqaasiinnakkut ataasiarluni allakkatigullu marloriarluni mianersoqquneqareersimappat.§ 5. Atuarfiup torersaarnissamik malittarisassai ilinniagaqartup malitassarai. Malittarisassanik unioqqutitsinerit kingunerisinnaasaat pillugit atuarfik ilinniagaqartunut ilitsersuisassaaq.
Imm. 2. Ilinniagaqartoq torersaarnissamik malittarisassanik ntalinninngitsoq atuarfiup soraarsissinnaavaa, atuartitsinermulluunniit annertuumik akornusersuisuuppata.
Imm. 3. Inuussutissarsiutitigut ilinniagaqartut atuarfiini torersaarnissamut malittarisassat nalinginnaasut Pisortaqarfimmit aalajangersarneqarsinnaapput.§ 6. Ilinniagaqartut piumasarisaasunik naammassinnissimannginnertik pissutigalugu ilinniakkamik ingerlatseqqissinnaanngitsutut naliliiffigineqartut atuarfiup soraarsissinnaavai.
§ 7. Takkutinngitsoortarnerit, torersaarnissantik malittarisassanik unioqqutitsinerit piumasarisaasunilluunniit naammassinnissinnaannginneq patsigalugut soraarsitsisarnerit pillugit Pisortaqarfik malittarisassaliorsinnaavoq.
§ 8. STI-mi ilinniartitaanerup immikkoortuisa siullianni ilinniagaqartunik §§ 4 aamma 6 tunngavigalugit soraarsitsinerit najukkami inuussutissarsiutitigut ilinniartitaaneq pillugu ataatsimiititamut sap. ak. marluk qaangiutsinnagit naammagittaalliuutigineqarsinnaapput, tamatumani suliamut piginnaaneqassuseq naalanngisaarnerlu patsisigalugit soraarsitsinerit eqqarsaatigineqarlutik.
Imm. 2. Ilinniagaqartunik allanik §§ 4 aamma 6 tunngavigalugit soraarsitsinerit brancheudvalgimut sap. ak. marluk qaangiutsinnagit naammagittaalliuutigineqarsinnaapput, tamatumani suliamut piginnaaneqassuseq naalanngisaarnerillu patsisigalugit soraarsitsinerit eqqarsaatigineqarlutik.
Kapitali 4.
Suliamut sungiusarneqarneq.§ 9. Ilinniagaqartut ataasiakkaat suliamut sungiusarfissaminnik pissarsiniarnissaq nammineq isumagisassaraat.
Imm. 2. Brancheskolip najukkanilu inuussutissarsiutitigut atuarfiit ataasiakkaat ilinniagaqartut suliffinnik sungiusarfissaminnik pissarsiniarnerirti ikiortassavaat.
Imm. 3. Najukkani ataasiakkaani suliffissarsiuussisarfiit suliffinnik sungiusarfissanik pissarsiniartoqarnerani peqataasassapput, pingaartumik kommunini inuussutissarsiutitigut atuarfeqanngitsuni.§ 10. STI-mi ilinniartitaanerup immikkoortuani siullermi ilinniagaqartut suliffiit suliamik sungiusarfissaat najukkani ataasiakkaani inuussutissarsiutitigut ilinniartitaaneq pillugu ataatsimiititap akuerisassavai.
Imm. 2. STI-mi ilinniartitaanerup immikkoortuata aappaani ilinniagaqartut suliffiit sulianik sungiusarfissaat najukkani ataasiakkaani inuussutissarsiutitigut ilinniartitaaneq pillugu ataatsimiititat inassuteqarneratigut brancheudvalgip akuerisassavai.
Imm. 3. STI-mi ilinniartitaanerup avataani ilinniartitaanerni allani ilinniagaqartut suliffiit sulianik sungiusarfissaat brancheudvalgip akuerisassavai.
Imm. 4. Imm. 1-imiit 3-mut aalajangersakkat malillugit suliffiit suliamik sungiusarfiit akuerineqartarneri pillugit Pisortaqarfik malittarisassaliorsinnaavoq.§ 11. Najukkani ataasiakkaani inuussutissarsiutitigut ilinniartitaaneq pillugu ataatsimiititat sinnerlugit najukkami inuussutissarsiutitigut atuarfiup STI-mi ilinniartitaanerup immikkortuani siullermi ilinniagaqartut suliffiit sulianut sungiusarfii attaveqarfigalugillu nakkutigissavai.
Imm. 2. Brancheudvalgi sinnerlugu brancheskolip STI-mi ilinniartitaanerup immikkoortuisa aappaanni ilinniagaqartut suliffiit sulianut sungiusarfii attaveqarfigalugillu nakkutigissavai. Najukkami inuussutissarsiutitigut atuarfiup brancheskoli attaveqarfeqarnerani nakkutiginninneranilu ikiorsinnaavaa.§ 12. Suliffiup suliamik sungiusarfiup ilinniagaqartut sungiusartut piffissap sungiusarluni suliffiup iluani tamakkiisumik akisussaaffigai, sulinermilu ajoqusersinnaanermut sillimmasiisarnermi malittarisassat naapertorlugit sillimmasernissaannut pisussaalluni.
Imm. 2. Ilinniagaqartut suliffiit suliamik sungiusarfimmik torersaarnissamik malittarisassaat suliallu suliarineqarnissaanut tunaartarisassat allat malissallugit pisussaapput.§ 13. Suliffiit suliamik sungiusarnermik ingerlatsiviit ilinniagaqartut suliamik sungiusarlutik sulinerisa nalaanni malittarisassat tunaartarisassallu allat atuuttut malillugit suliaqartinnissaannut pisussaapput, matumani suliffimmi avatangiisit isumannaatsuunissamillu malitarisassat malinneqarnissaat ilanngullugit.
Imm. 2. Ilinniagaqartoq suliassat imm. 1 malillugu suliakkiutigineqartut naalallugit suliarinissaannut pisussaavoq.§ 14. Ilinniagaqartoq suliamik sungiusarluni sulinermi nalaani suliffimmini suliuntajunnaarnernut suliallu pillugit saqitsaannernut peqataasinnaatitaanngilaq.
§ 15. Ilinniagaqartoq suliamik sungiusarluni sulinermi nalaani tamanna pillugu isumaqatigiissutit ataatsimoortut tunngavigalugit akissarsiaqartinneqassaaq, takuuk Kalaallit Nunaanni inuussutissarsiutitigut ilinniagaqartut sulianillu sungiusarnermi sulliviit akornanni pisussaaffiit pillugit Inatsisartut inatsisaanni § 2, imm. 3. Suliffik suliamik sungiusarfiusoq isumaqatigiissutinut ilaatinneqanngippat ilinniagaqartoq minnerpaamik pisortat suliffeqarfiinni ilinniagaqartutut akissarsiaqartinneqarlunilu suliantini atugassaqartinneqassaaq.
Imm. 2. STI-mi ilinniartitaanernti ukiumi siullermi ilinniagaqartoq Naalakkersuisut allamik aalajangersagaqarsimanngippata atuarfimmiinnermi suliffimmilu suliamik sungiusarnermi nalaani ilinniagaqarnermut tapiissutisisinneqartassaaq.
Imm. 3. Ilinnniagaqartut inuussutissarsiutitigut ilinniartitaanermut atatillugu atuarfimmiinnermi nalaani allamik aalajangersaasoqarsintanngippat ilinniarnersiutisisinneqartassapput. Ilinniarnersiutit suliamut sungiusarnermi akissarsiat tunniunneqartarnerisut siumoortumik kingumoortumilluunniit tunniunneqartassapput.§ 16. Suliffik suliamut sungiusarfiusoq suliamik sungiusarluni sulinerup nalaani ingerlasimaneq pillugu oqaaseqaateqassalluni pisussaavoq Pisortaqarfiup tunaartarisassat aalajangersagai malillugit ilusilerneqartussamik.
Kapitali 5.
Suliamik sungiusarluni sulinissaq pillugu isumaqatigiissut.§ 17. Ilinniagaqartoq suliffillu sungiusarfik suliamik sungiusarluni sulinissaq pillugu isumaqatigiissuteqassapput. Isumaqatigiissutip ilinniakkap aalajangersimasup ingerlanneqarnerani piffissaq suliamik sungiusarfiusussaq pisariaqartoq tamaat ilanngutissavaa, ntalittarisassanik tamanut atuuttunik allanik isumaqatigiissutinlluunniit ataasiakkaani allanik aalajangersaasoqarsimanngippat.
Imm. 2. Isumaqatigiissut allaganngorlugu isumaqatigiissusiaassaaq pappialami Pisortaqarfiup akuerisaani allassimasoq, ilinniagaqartoq, suliffik sungiusarfik, ilinniagaq, matumani taassuma sivisussusia, atuarfimmiittussaatitaanerup qanoq sivisutigisukkuuttaarlugu agguataarsimanera, kursusernissat, atorunnaarsinneqarsinnaanera akissarsiaqartitaanerlu pillugit paasissutissanik imaqartoq.§ 18. STI-mi ilinniartitaanerup immikkoortuani siullermi su-liamik sungiusarnissaq pillugu isumaqatigiissut najukkami inuussutissarsiutitigut ilinniartitaaneq pillugu ataatsimiititaq aatsaat akuersiteqqaarlugu allanngortinneqarsinnaavoq. STI-mi ilinniartitaanerup immikkoortuata aappaani ilinniartitaanernilu allani suliamik sungiusarnissaq pillugu isumaqatigiissutit brancheudvalgi aatsaat akuersiteqqaarlugu allanngortinneqarsinnaapput.
§ 19. Suliantik sungiusarnissaq pillugu isumaqatigiissut piffissap isumaqatigiissutip atuuffiani atorunnaarsinneqarsinnaanngilaq. Qaammatit pingasut siulliit illuatungeriit imminnut misilinneranni piffissatut isigineqarpoq, sapaatillu akunneranik ataatsimik piffissaqartitsilluni atorunnaarsitsiviusinnaalluni.
Imm. 2. Qaammatit pingasut tikillugit illuatungeriit imminnut misilinneranni piffissatut isumaqatigiissutigineqarsinnaavoq suliamik sungiusarnissaq pillugu isumaqatigiissut suliamik sungiusarnerup tamakkiisup naggataatungaannaannut atortinneqarpat.
Imm. 3. Ilinniagaqartut piginnaanngorsaqqinneqarnerntut atatillugu ingerlasut eqqarsaatigalugit piffissaq illuatungeriit imminnut misilinneranni piffissarititaasoq allatut sivisussusilikisumaqatigiissuticfineqarsinnaavoq. Isumaqatigiissut taamaattoq brancheudvalgimit najukkamiluunniit inuussutissarsiutitigut ilinniartitaaneq pillugu ataatsimiititamit akuerineqassaaq.§ 20. Suliamik sungiusarneq atuarfiup inassuteqarneratigut najukkami inuussutissarsiutitigut ilinniartitaaneq pillugu ataatsimiititap brancheudvalgilluunniit sivitsorsinnaavaa. Taamatut inassuteqarneq sulinermik sungiusarluni sulinerup naanissaa kingusinnerpaamik qaammammik ataatsimik sioqqullugu tunniunneqareersimassaaq.
Imm. 2. Ilinniagaqartup suliamik sungiusarnini naartunerminut atatillugu kipitikkallarsinnaavaa. Piffissaq sungiusarfissaq sungiusarnermik kipititsinerup sivisoqataanik taava sivitsorneqassaaq.
Imm. 3. Allamik patsiseqarluni sungiusarluni sulinermik kipititsigallarnerit najukkami inuussutissarsiutitigut ilinniartitaaneq pillugu ataatsintiititamit brancheudvalgintillunniit akuerineqarsinnaapput. Taamatut aalajangiinissaq pilersinnagu suliffik sungiusarfiusoq atuarfillu oqaaseqaateqartinneqassapput.
Imm. 4. Ilinniagaqartoq nappaammik peqquteqarluni ullut 120-t sinnerlugit sulinngitsoorsimappat suliffiup sungiusarfiup ilinniagaqartulluunniit piffissaq sungiusarfiusoq sivitsoqqusinnaavaa. Taamaaliornissamik akuerineqarnissamut qinnuteqaat ullut napparsimaffiusut 120-t sinnerneriniit qaammatit marluk qaangiutsinnagit tunniunneqareersimassaq.§ 21. Piffissap sungiusarfiup sivisussusiata naatsorsorneqarnerani malittarisassat isumaqatigiissutilluunniit atuuttut malillugit sulinngiffeqarnerlt ilanngullugit naatsorsuunneqartassapput; taamaaliortoqassallunilu allamik aalajangersaasoqarsimanngippat.
§ 22. Sungiusarnissaq pillugu isumaqatigiissutatorunnaarsinneqarsinnaavoq ilinniagaqartoq patsisissaqanngitsumik takkutinngitsoorpat takutinngitsoornerminulluunniit patsisaasumik nalunaaruteqanngippat.
§ 23. Sungiusarnissaq pillugu isumaqatigiissutatorunnaarsinneqarsinnaavoq suliffiup sungiusarfiup sungiusaanermik ingerlatsinissaanut makku patsisigalugit periarfissaaruppat:
1) suliffeqarfimmik piginnittoq toquppat, imalluunniit
2) suliffeqarfik matuneqarpat, akiliisinnaajunnaarneq pissutsilluunniit allat taamaattut patsigalugit qaammatit marluk sinnerlugit matoqqasariaqalerpat.
Imm. 2. Suliumajunnaarneq sulisitsisulluunniit sulisuminik mattussinera imm. 1, nr. 2-mi patsisiginiarneqarsinnaanngillat.
Imm. 3. Imm. 1 malillugu piumasaqaatit naammassineqarsimappata brancheudvalgip najukkamiluunniit inuussutissarsiutitigut ilinniartitaaneq pillugu ataatsimiititap sungiusarnissaq pillugu isumaqatigiissut atorunnaarsissinnaavaat. Taamaalisoqarpat najukkami inuussutissarsiutitigut ilinniartitaaneq pillugu ataatsimiititaq brancheskoli suleqatigalugu sungiusarfissamik pissarsiniarnermi ikiuutissalluni pisussaalissaaq.§ 24. Pisortaqarfik suliamik sungiusarneq pillugu nalunaarsuineq, periusissat assigisaallu pillugit malittarisassiorsinnaavoq.
Kapitali 6.
Ilinniagaqarnerup inaarsarneqarnera.§ 25. Ilinniagaqarnermi taassuntaluunniit ilaani naliliinnerit, misilitsinnerit assigisaallu ingerlariaqqitsitsilersinnaasut Pisortaqarfiup malittarisassiuussinnaavai, matuntani napparsintanerup kingunerisaanik soraarummeernerit misilitseqqinnerillu ilanngullugit.
Imm. 2. Brancheudvalgip inassuteqarnera tunngavigalugu pisortarfik imm. 1 malillugu naliliinerit, misilitsinnerit il.il. pillugit malittarisassaliorsinnaavoq.§ 26. Ilinniagaqartut ilinniakkaminnik taassumaluunniit ilaanik naammaginartumik angusaqarlutik ingerlatsisimasut brancheskolimit ilinniarsimanermut uppernarsaammik tunineqassapput. Ilinniarsimanermut uppernarsaat naliliinerit, misilitsinnerit assigisaasalu inernerinik kiisalu suliffiit sungiusarfiit oqaaseqataannik imaqartinneqarsinnaavoq. STI-mi ilinniartitaanerup immikkoortuani siullermi ilinniagaqarsintanermut uppernarsaat najukkami inuussutissarsiutitigut ilinniartitaaneq pillugu ataatsimiititantit allanneqartassaaq.
Imm. 2. Ilinniagaqartut ilinniakkaminnik naammassinninngitsoorsimasut ilinniakkantinnut ingerlassintasaminnut uppernarsaammik pisinnaatitaapput. Uppernarsaat taanna atuarfimmit ilinniagaqarfiusumit allanneqassaaq.
Imm. 3. Ilinniakkamik naammassinnisimanermut ilinniakkamilluunniit ingerlatsisimanermut uppernarsaatit imm. 2-mi taaneqartut ilusilerneqarnissaat Pisortaqarfimmit malittarisassiuunneqarsinnaapput. Taamatut malittarisassiuussisoqarsimanngippat uppernarsaatit ataasiakkaat ilusilerneqarneri Pisortaqarfimmit akuerineqartassapput.§ 27. Naliliinerit,misilitsinnerit il.il. inerneri atuarfimmi isumannaatsumik paarineqassapput kasiilerneqarnissaannut akuersisoqarnissaata tungaanut. Akuersissut taanna Pisortaqarfimmit oqartussaqarfimmilluunniit allamit taamaaliornissaminut piginnaatitaaffilerniiqarsimasumit tunniunneqartassaaq.
Imm. 2. Qinnuteqartoqarnera naapertorlugu inernerit taakku atuarfiup ataasiakkaanut taakkuluunniit piginnaatitsinermikkut sinniissaannut tunniuttassavai.§ 28. Allamik aalajangersaasoqarsimatinnagu inuussutissarsiutitigut ilinniartitaanerup iluani misilitsinnerit karakteriliiffiusussat 13-skala atorlugu karakteriliiffigineqartassapput. Karakterit ataasiakkaat ima tunniunneqartassapput:
13: namminersorluinnartumik pitsaalluinnartumillu suliaqarnermi tunniunneqartarpoq,
11: pitsaasumik namminersortumillu suliaqarnermi tunniunneqartarpoq,
10: pitsaasumik sungiussiinnarpasissumilli suliaqarnermi tunniunneqartarpoq,
9: pitsaasumik, tassa akunnakusoortumit pitsaanerulaartumik suliaqarnermi tunniunneqartarpoq,
8: akunnakusoortumik suliaqarnermi tunniunneqartarpoq,
7: naammaannartumik, tassaakunnakusoortumitajornerulaartumik suliaqarnermi tunniunneqartarpoq,
6: nalornisoortumik, taamaattorli naamaginarsinnaasumik suliaqarnermi tunniunneqartarpoq,
5: nalornisumik naammaginanngitsumillu suliaqarnermi tunniunneqartarpoq,
03: nalornisooqisumik, amigaqisumik naammaginanngeqisumillu suliaqarnermi tunniunneqartarpoq,
00: atorsinnaanngilluinnartumik suliaqarnermi tunniunneqartarpoq.
Kapitali 7.
Atortuulersitsineq il.il..§ 29. Nalunaarut atortuulersinneqarpoq 1. januar 1991 aallarnerfigalugu.
Imm. 2. Tamatumunnga peqatigitillugu makku atorunnaarsinneqarput:
1) Savaatilinngorniat ilinniartitaanerat pillugu Namminersornerullutik Oqartussat Nalunaarutaanni nr. 6-imi 1. juni 1983-imeersumi §§ 11 aamma 12, § 13 imm. 3 kiisalu § 14.
2) Niuernermik allaffimmiussatullu annertunerusumik ilinniartitsisarneq pillugu Namminersornerullutik Oqartussat Nalunaarutaanni nr. 5-lmi 30. juni 1983-imeersumi § 10 imm. 1-imiit 3-mut, kiisalu § 11 imm. 1, 2, 4 aamma 5.
3) Umiartornermut aalisarnermullu ilinniartitaanerit pillugit Namminersornerullutik Oqartussat Nalunaarutaanni nr. 2-mi 27. marts 1984-imeersumi §§ 9 aamnta 10, § 11 imm. 3-miit 5-imut kiisalu §§ 12 aamma 13.
4) Siamasissumik tunngaviusumik inuussutissarsiutitigut ilinniartitaanerit pillugit Namminersornerullutik Oqartussat Nalunaarutaanni nr. 2-nti 19. januar 1988-imeersumi §§ 18-imiit 25-mut, kiisalu §§ 28, 29, 31 aamma 32.
5) Kalaallit Nunaanni sumiissusersiornermik ilinniartitaaneq pillugu Namminersornerullutik Oqartussat Nalunaarutaanni nr. 17-imi 17. juni 1988-imeersumi § 6, kiisalu
6) Inuussutissarsiutitigut ilinniagaqartut sulianillu sungiusagaqarnermi sulliviit akornanni pisussaaffiit pillugit Namminersornerullutik Oqartussat Nalunaarutaat nr. 19 24. juni 1988-imeersoq.
Imm. 3. Aalajangersakkat Nalunaarummi matumani aalajangersakkat atortuulersinneqarnerisigut atorunnaarsinneqartussat Nalunaarutip matuma atortuulernissaata tungaanut atuukkallassapput.
Namminersornerullutik Oqartussat, ulloq 20. december 1990
Jens Lyberth/
Kaj Kleist