Namminersornerullutik Oqartussat nalunaarutaat nr. 49 ulloq 18. december 1990-imeersoq arfernik angisuunik piniarnermut tunngasoq.

Inuutissarsiutigalugu piniarnermut aallaaniarnermullu inatsisartut inatsisaanni nr. 12 ulloq 22. november 1984-imeersumi § 4 aamma § 9 naapertorlugit makku aalajangersarneqarput:

 

Kapitel 1

§ 1. Oqaaseq "Arfernik angisuunik" uani nalunaarummi imatut paasineqassaaq tikaagulliit aammalu arferit tikaagullinnik anginerit.
Imm. 2. Kalaallit Nunaata imartaani aalisarfiusumi arferit angisuut aallaarsareqqusaanatillu pisareqqusaanngillat.
Imm. 3. Malittarisassamili imm. 2-mi pineqanngillat tikaagulliit tikaagulliusaallu.

 

Kapitel 2

§ 2. Tikaagulliusaat 15,2 meterimik takinerit, akuersissummik peqartunit pisarineqarsiinnaapput. Tikaagulliusaat piaqqisartut piaraalluunniit aallaarsareqqusaanngillat pisareqqusaanatillu.
Imm. 2. Akuersissummik peqartut kisimik tikaagulliusaarsinnaapput.

§ 3. Tikaagulliusaarniarnermi qamutillit 50 mm-inik taakkuluunniit sinnerlugit sulloqqortussusilinnik (kaliber) tuukkartallit kisimik sakkugeqqusaapput. Tikaagulliusaarniarnerit tamaasa qamutilik saniatigut ataatsimik tuukkassamaateqartinneqartassaaq. Angallatit tamarmik allunaasanik aminnerpaamik 20 mm-iusunik aleqassapput puttaqutinillu arferup kivisoorutiginnginnissaarut naammattunik angallammiititaqassallutik.
Imm. 2. 1991-imi apriilip aallaqqaataaniit angallatit qamutilillit Namminersornerullutik Oqartussat akuerisimasaat tuukkap  nuuanut ikkuttartoq qaartartortalik atulissavaat.
Imm. 3. Kommunalbestyrelsep tikaagulliusaarniarnissamut akuersissut ataaseq tunniussinnaavaa angallatinut qamutililinnut marlunnut.

§ 4. Naalakkersuisut ukiut tamaasa nalunaarutigissavaat tikaagulliusaat amerlanerpaamik qassit ukioq taanna Kalaallit Nunaata kitaani kommuneni ataasiakkaani pisarineqarsinnaassanersut.

 

Kapitel 3

§ 5. Kalaallit Nunaata imartaani aalisarfiusumi tikaagulliit taamaallaat piffissami aprilip aallaqqaataaniit decemberip 31-iat ilanngullugu pisarineqarsinnaapput. Tikaagulliit piaqqisartut piaraalluunniit aallaarsareqqusaanngillat pisareqqusaanatillu. Tikaagulliit sassaniittut sukkulluunniit pisarineqarsinnaapput.
Imm. 2. Akuersissummik peqartut kisimik tikaagullinniarsinnaapput.
Imm. 3. Tikaagullinniarnermi qamutillit 50 mm taakkuluunniit sinnerlugit sulloqqortussusilinnit (kaliber) tuukkartallit kisimik sakkugeqqusaapput. Qamutilereerneratali kingorna aallaasit 7,62 mm-inik qaangerluguluunniit sulloqqortussusillit eqittaannartagaanngitsulli, sakkugineqarsinnaappiit.
Imm. 4. Angallatit qamutilillit tamarmik 1991-imi apriilip aallaqqaataaniit Namminersornerullutik Oqartussat akuerisimasaat tuukkap nuuanut ikkuttartoq qaartartortalik atulissavaat.

§ 6. Naalakkersuisut amerlassusissai aalajangikkanik ataatsimoorluni piniarnermi qamutilimmik tuukkartalimmik sakkoqanngikkaluarluni tikaagullittassiisinnaapput. Taamatut akuersissuteqartoqarsinnaavoq pisaqarnissaq nunaqqatigiinnut pingaaruteqarluinnarpat, kiisalu kutterit tukkartalinnik qamutilillit neqinik naammattunik pissarsisinnaanngippata.
Imm. 2. Taamatut akuerineqarumalluni qinnuteqaat akuersissutillu tunniunneqartup normua, tak. § 9, imm. 3. allaganngorlugu tunniunneqassaaq ilisimatitsissutigalugu. Ilanngunneqassaaq kommunalbestyrelseminngaaniit kiisalu aalisartut piniartullu peqatigiiffianinngaaniit inassuteqaat.
Imm. 3. Naalakkersuisut akuersissuteqarnissaanni piumasaqaatigineqarput,
1) piniarneq ataatsimoorluni piniarnerussasoq piniarnermi ataatsimi ikinnerpaamik angallatinit tallimanit peqataaffigineqartoq,
2) piniarneq ingerlanneqassaaq § 5-imi aallaasit taaneqartut sakkugalugit,
3) angallatit tamarmik unaaqassappoit tuukkartalinnik, aleqassallutik aminnerpaamik 12 mm-iusunik puttaqutaateqassallutillu arferup kivisoorutiginnginnissaanut naammattunik,
4) piniarneq aallartinneqassanngilaq peqataasussat akuersissummik piginneqataasut tamarmik piniarnerup aallartinneranik nalunaarfigineqareersinnagit,
5) piaarnerpaamik tikaagullik toqusarneqassasoq.

§ 7. Ukiut tamaasa Naalakkersuisut tikaagulliit amerlanerpaamik qassit ukioq taanna Kalaallit Nunaata kitaani Tunullu imartaani
pisarineqarsinnaassanersut nalunaarutigissavaat.
Imm. 2. Taamatuttaarlu Naalakkersiiisut ukiut tamaasa Kalaallit Nunaata kitaani kommuneni ataasiakkaani ukioq taanna tikaagulliit amerlanerpaamik qassit pisarineqarsinnaassanersut nalunaarutigissavaat.
Imm. 3. Kalaallit Nunaata tunuata imartaani pisassiissutigineqartut Tasiilap Ittoqqortoormiillu kommuneesa nammineq qanoq agguataassanerlugit isumaqatigiissutigissavaat.

 

Kapitel 4

§ 8. Kommunalbestyrelse, pisassat qanoq amerlatiginissaannut tunngatillugu Naalakkersuisut aalajangiisimanerisa iluanni akuersissummik normuleriikkamik pigisalimmut ataatsimik tikaagulliusaarsinnaatitsisumik imaluunniit ataatsimik tikaagullissinnaatitsisumik, tunniussissaaq.
Imm. 2. Akuersissutit qinnuteqareernikkut, aatsaallu aalisartut piniartullu peqatigiiffiannik isumasioqatiginnereernerup kingorna tunniunneqartassapput. Akuersissutit allanneqartassapput allaffissianut normulersukkanut Inuutissarsiornermi Pisortaqarfiup kommunenut nassiussimasaanut.

§ 9. Kommunalbestyrelse akuersissutinik tunniussisinnaavoq inunnut makkununnga
1) Kalaallit Nunaanni najugaqartunut inuiaqatigiinnullu kalaallinut aalajangersimasumik attuumassuteqartunut,
2) piniarsirmaanermut, piniarnermik aallaaniarnermillu pingaarnerutillugu inuutissarsiornermik ingerlatsisinnaanermut kommunalbestyrelsep tunniussaanik allagartalinnut, aammalu
3) tuukkartalimmik qamutililimmik angallatilinnut.
Imm. 2. Ataatsimoorluni arfanniarsinnaanermut akuersissut, piniarnermi akisussaasutut toqqarneqarsimasiimut, tunniunneqassaaq. Piniaqataasut aqqi akuersissutip tunuanut allanneqassapput.
Imm. 3. Akuersissutit ukiup aallartinneraniit naaneranut taamaallaat atuupput.

§ 10. Kommunalbestyrelsep akuersissutit, pisassiissutigineqarsimasunut naapertuuttut, timniussimalereeraangagit, kommunalbestyrelsep akuersissutinik tunineqarsimasut aqqi, akuersissutaasa normui angallatillu GR-normui Inuutissarsiornermi Pisortaqarfimmut ilisimatitsissutigissavai.
Imm. 2. Naalakkersuisut paasissagaluarunikku kommunemi akuersissutitaqanngitsumik tikaagulliusaartoqarsimasoq tikaagullittoqarsimasorluunniit, imaluimniit ukiumut tikaagulliusaartassiisutinik tikaagullittassiissutinilluunniit amerlanerusimit pisaqartoqarsimasoq, taava Naalakkersuisut ukioq taanna imalnunniit ukiumi tullermi pisassiissutigineqartut sinniissutaasut akuersissutitaqanngitsumik pisarineqartulluunnit amerlaqataanik ikilisissinnaavaat. Ikilisitsineq tikaagullinnut tikaagulliusaanulluunniit pisinnaavoq, apeqqutaatinnagu pisassani sorlerni akuersissutitaqanngitsumik pisaqartoqarsimaneranik sinniisoqarsimaneranilluunnit.

§ 11. Tikaagulliusaartat imaluunniit tikaagullittat tuniniarlugit aallartinneqarsinnaanngillat pisaqaisimaneq kommunep allaffianiit imaluunniit taassuma immikkoortoi taqarfianiit akuersissummi naqissuserlugu uppernarsarneqartinnagu.
Imm. 2. Allaffilli matoqqappat timiniaaneq aallartinneqarsinnaavoq allaffik ammarpat erngiinnaartumik akuersissut pisaqarsimanermut uppernarsaatitut naqissusertikkiartussagaanni.
Imm. 3. Akuersissummik pigisaqartoq akuersissuteqarsinnaavoq akuersissutip assilineqarneratigut pisamik taassumaluunniit ilaanik tuniniaasinnaanermut. Assilineqarnerani takuneqarsinnaassaaq pisarineqarsimasoq kommunemi oqartussaasunit uppernarsarneqarsimasoq.

§ 12. Kommunalbestyrelsep aalajangersinnaavaa akuersissut tunniunneqarsimasoq aalajangersimasoq imaluunniit tunniunneqarsimasut tamarmik allakkatigut, telefaxikkut, radiokkut, aviisitigut imaluunniit tamakku assigisaasigut nalunaarutigineqarsimanerisa kingorna atortuujunnaarsinneqarsimasut. Naalakkersuisut tamanna pillugu immikkut nalunaarfigineqassapput.
Imm. 2. Nalunaaruteqartoqareerpat akuersissummik pigisalik pigisallilluunniit akuersissut kommunalbestyrelsemut utertissavaat.
Imm. 3. Naalakkersuisut kommunalbestyrelse piumaffigisinnaavaat akuersissutit tunniunneqarsimasut atortuujunnaarseqqullugit, imm. 1 naapertorlugu, kommunalbestyrelsep piffissaq eqqorlugu arfattat pissatallu Naalakkersuisunut nalunaarutigisimanngippagit, Namminersornerullutik Oqartussat nalunaarutaat arfattat pissatallu nalunaarutigineqartarnerannut tunngasoq malillugu.
Imm. 4. Naalakkersuisut KNAPK-mik KANUKOKA-millu tusarniaaqqaareernermikkut radiokkut tusagassiuutitigullu allatigut nalunaarutigisinnaavaat, akuersissutit tunniunneqarsimasut nalunaaruteqartoqarniariartoq atortuujunnaartut. Tamatuma kingorna akuersissutit utertinneqassapput, tak. imm. 2.

§ 13. Innuutissarsiornermi Pisortaqarfiup KNAPK KANUKOKA-lu suleqatigalugit tikaagulliusaat tikaagulliillu pisassat sinneruttut agguaateqqissinnaavai. Taamaatut agguaassinissaq sulissutigirieqassaaq oktoberip 31-iat nallertinnagu.
Imm. 2. Agguaasseqqinnerup inernera nalunaarutigineqassaaq sapinngisamik radio tusagassiuutillu allat aqqutigalugit.

§ 14. Kinaluunniit arfassimasoq pisussaavoq mattaminermik neqiminermilluunniit misissugassamik kommunemut tunniussissalluni, nalunaarutigalugulu pisap suussusaa, ulloq pisaqarfiullu sumiissusaa. Misissugassaq puussiamut aanaveersaatitalimmik imalimmut immiunneqassaaq Grønlands Fiskeriundersøgelse-p tunniussimasaanut.
Imm. 2. Kommunep taanna misissugassaq paasissutissat piumasarineqartut ilanngullugit Grønlands Fiskeriundersøgelser-mut nassiutissavaa.
Imm. 3. Ilutigalugu arfassimasoq pisami soqqaanik kommunemut tunniussissaaq. Kommunep soqqaq Inuutissarsiornermi Pisortaqarfimmut nassiutissavaa misissugassanngortillugu.

§ 15. Akiliisitaasinnaapput
1) §§ 1, 2, 3, 5, 11, 12, imm. 2, aamma 14,
2) § 6-imi piumasaqaatinik eqqaaneqartunik naammassinnissimanngitsut.

§ 16. Nalunaarut atortuulissaaq januaarip aallaqqaataaninngaaniit 1991.
Imm. 2. Tamanna ilutigalugu
1) nalunaarut nr. 14 ulloq 22. marts 1990-imeersoq arfanniarnerup killilersugaaneranut tunngasoq kingusinnerusukkullu allannguutaa nr. 24 ulloq 29. maj 1990-imeersoq, aamma
2) nalunaarut nr. 15 ulloq 22. marts 1990-imeersoq tikaagullinniarnermut tunngasoq atortuujunnaarsinneqarput.

Namminersornerullutik Oqartussat, ulloq 18. december 1990.

Kaj Egede

/

Jørn Graversen