Namminersornerullutik Oqartussat nalunaarutaat nr. 46 ulloq 19. november 1990-imeersoq pisat ilaannik nalunaarusiortarnermi kisitseriaatsimi pissutsit pillugit.
Inuutissarsiutigalugu aalisarneq pillugu Inatsisartut inatsisaat nr. 17 ulloq 22. november 1990-imeersumi § 8, § 17, § 22 aamma § 28, imm. 2 naapertorlugit aalajangerneqarpoq:
§ 1. Nalunaarut angallatinut tamanut Kalaallit Nunaanni aalisarfigineqarsinnaasuni saarullinniarsinnaanermut, suluppaagarniarsinnaanermut, nataarnarniarsinnaanermut, qaleralinniarsinnaanermut imaluunniit qeerarniarsinnaanermut akuersissuteqartunut tunngavoq.
§ 2. Uani nalunaarummi allatut naleqartussanngorlugu naatsorsuinermi kisitseriaaseq paasineqassaaq imatut, tunisassiap inerlugu suliarineqareersup oqimaassusiata aalisakkat pisarineqarsimasut iluitsuullutik oqimaassusiisa kisinnissaannut qanngiutissatut.
§ 3. § 1-imi, imm. 1-imi angallatit eqqaaneqartut Kalaallit Nunaanni Aalisarnissamut Akuersissutit Nakkutigineqarfianrtut pisaminnik nalunaaruteqarnerntinni ilanngussaq 1-imi kisitseriaaseq atorneqartoq atorlugu nalunaaruteqartassapput.
§ 4. Ilanngussaq 1-imi eqqaaneqarsimanngitsunik tunisassiortoqarpat Kalaallit Nunaanni Aalisarnissamut Akuersissutinik Nakkutilliisoqarfimmut saaffiginnittoqassaaq, taakkulu tunisassiamut tunngatillugu kisitseriaasissaq aalajangissavaat.
§ 5. § 3-mi imaluunniit § 4-mi aalajangersakkanik unioqqutitsineq akiliisitaanermik imaluunniit akuersissutip arsaarinnissutigineqarneranik kinguneqarsinnaavoq. Kiisalu aamma suliassat tamakkununnga tunngasut inuutissarsiutigalugu aalisarneq pillugu Inatsisartut inatsisaanni maleruagassat malillugit suliarineqartassapput.
§ 6. Nalunaarut 1. januar 1991-imi atortuulissaaq.
Namminersornerullutik Oqartussat, ulloq 19. november 1990.
Kaj Egede/
Jørn Graversen