Inuutissarsiutitigut ilinniartitaanermi pikkorissartitsisarnerni tapiissutit pillugit Namminersornerullutik Oqartussat Nalunaarutaat nr. 43, 24. oktober 1990-imeersoq.
1) Inuutissarsiutitigut ilinniartitaaneq, ilinniarnermi tapiissutit inuutissarsiutitigullu siunnersuisarneq pillugit Inatsisartut peqqussutaat aamma
2) Sulisitsisut inuutissarsiutitigut ilinniartitaanermut akiliutaat (AEB) pillugit Inatsisartut inatsisaanni nr. 16-imi 23. november 1989-imeersumi § 8 naapertorlugit makku aalajangersarneqarput:
Kapitali 1.
Pikkorissarnerit pikkorissamersiutitallit Namminersornerullutik Oqartussanit aningaasalersorneqartut.§ 1. Pikkorissarnernut, Pisortaqarfimmit "pikkorissarnersiutinik" pissarsiviusinaasutut akuerineqarsimasunut, peqataanermi sulinikkut isertitat annaasat matusissutissaqartinneqarsinnaapput aningaasanut inatsimmi aningaasanik aalajangersimasumik immikkoortitsivigneqarsimasuni.
Imm. 2. Pikkorissarnersiutisiaqarnissamik qinnuteqaat Pisortaqarfimmut nassiunneqassaaq.§ 2. Pikkorissarnersiutit tunniunneqarsinnaapput pikkorissarneq ulluunerani atuarfimmi ingerlanneqarsimappat.
Imm. 2. Pikkorissarnerni qaammatit pingasut inorlugit sivisussusilinni pikkorissarnersiutisiaqartoqarsinnaavoq.§ 3. Sulisunut pikkorissarnersiutisiaqarnermut taarsiullugu pikkorissarnerni akuerineqarsimasuni, takuuk § 1, imm. 1., sulisitsisuntinnit akissarsiaqartinneqarsimasut eqqarsaatigalugit sulisitsisut aningaanartuutitiminnit utertitsisinnaapput. Utertinneqartussalli pikkorissarnersiutit annertussusii sinnersinnaanngilaat.
Imm. 2. Imm. 1 malillugu pisortat sulisitsisutut utertitsivigineqarsinnaanngillat, matumani suliffeqarfiit pisortanit pigineqartut suliffeqarfiillu annertunerusumik pisortanit aningaasalersorneqartut ilanngullugit; matumani ingerlatseqatigiiffiit, piginneqatigiiffiit assigisaalluunniit pineqanngillat.§ 4. Pikkorissarnersiutisiat tunniunneqartarnerat aallarnissaaq najukkamiit ulloq aallarfissatut naatsorsuussaq aallarnerfigalugu ulloq angerlamut tikiffik ilanngullugu. Pikkorissarnersiutit sapatip akunneranut ulluni arfinilinni pineqarsinnaapput, tassa sapaatit ilanngunnagit. Taamaalilluni pikkorissarnersiutit ilagiit kalaallit nalliuttorsuini kiisalu juulliaqqanti, ukiortaami, kunngit-pingasuni, 1. majimi inuiattullu nalluittorsiorfimmi pineqarsinnaapput ullut taakku sapaammi nalliutinngippata.
Imm. 2. Pikkorissarfissamut angalaneq uternerlu pikkorissarnissaq nallilerpat qaangiupallu pissapput. Peqataasussaq piffissakkut allakkut angalaniarpat pikkorissarnersiutit pikkorissarnerpiaap nalaannaani tunniunneqarsinnaapput.§ 5. Pikkorissarnersiutit sapaatip akunnikkuutaartumik kingumoortumik tunniunneqartassapput.
§ 6. Pikkorissarnersiutit akissarsiat tunngaviusumik aningaasartaasa amerlaqatigissavaat ilinniagaqarsimasunut tapit ilanngullugit, ilinniagaqarsimanngitsullu eqqarsaatigalugit SIK-p DOA-llu ilinniagaqarsimanngitsunut akissarsiat pillugit isumaqatigiissutaat tunngavigineqasallutik.
Imm. 2. Pikkorissaqataasunut 18-inik ukioqalersimanngitsunut SIK-p DOA-llu isumaqatigiissutaat malillugit ilinniagaqarsimanngitsunut 18-inik ukioqalersimanngitsunut akissarsiat tapillit annertoqataat pikkorissarnersiutisiaritinneqassapput.
Imm. 3. Pikkorissarneq Kalaallit Nunaanni, Danmarmikimi nunaniluunniit allani ingerlanneqarnera apeequtaatinnagu pikkorissarnersiutit qulaani taaneqartut annertoqataat tunniunneqartassapput.
Imm. 4. Pikkorissarnersiutit tunniunneqarsimasut tunngavigalugit feriepengesisoqarsinnaanngilaq.
Imm. 5. Pikkorissarnersiutit A-tut isertitaapput, pikkorissartullu kommunemut najugarivitaanut taamaattutut nalunaarutigineqassallutik.
Imm. 6. Tunniunneqartartut annertussusii ukiumut marloriarluni aaqqiivigineqartassapput, 1. april aamma 1. oktober nalleraangata. Pikkorissarnersiutit annertussusii Pisortaqarfiup suliffissarsiuussisarfinnut nalunaarutigisassavai.§ 7. Pilersuisuunngitsut nerisanut ineqarnermullu akiliuteqartinneqassapput Pisortaqarfimmit ullormut aalajangersimasumikannertussusilerneqarsimasuntik. Pilersuisuunngitsunut 18-ileereersimasunut 18-ileereersimanngitsunullu akiliutit aalajangersarneqartassapput. Akiliutissaq pikkorissarnersiutit tunniunneqannginnerini ilanngaatigineqareertassaaq. Pilersuisut akiliuteqartinneqassanngillat.
Imm. 2. Sulisitsup ineqarmermut nerisanullu akiliutit akilertassavai, taakku pikkorissarnersiutit tunniunneqarneranni imaluunniit sulisitsisumut utertitassat tunniuneqarneranni akilerneqarsintanngippata.
Imm. 3. Sapaatip akunnerisa ulluini arfineq marlunni ineqarnerntut nerisarneqarmullu akiliuteqartoqartassaaq, tassa sappaat ilanngullugu.
Imm. 4. Akiliutit annertussusii ukiumut ataasiarluni 1. april nalleraangat aaqqivigineqartassapput. Akiliutit annertussusii Pisortaqarfimmit suliffissarsiuussisarfinnut nalunaarutigineqartassapput.§ 8. Peqataasup pikkorissartitaanini maanaannaq kipitippagu, imaluunniit peqaataasoq soraarsinneqarpat pikkorissarfiup sinneranut pikkorissarnersiutit tunniunneqarsinnaajunnaassapput. Peqqutissaqarani pikkorissarnermut takkutinngitsoornerit katillugit nal. ak. ataaseq sinnersimappatigit piffissami tassani pikkorissarnersiutisiaqartoqarsinnaanngilaq.
§ 9. Pikkorissarneq kommunep najugarisap avataanni ingerlanneqarpat pikkorissariartorluni/uterluni angalanermut angalanermullu atatillugu aqqutaani uninngasariaqarnermi najugaqarnermut aningaasartuutit pisariaqartut akiliussissutigineqassapput.
Imm. 2. Pikkorissartup nammineq pisuullunipikkorissarnini kipitikkuniuk angerlamut angalanissani nammineq akilissavaa.
Imm. 3. Ilaquttani qaniginerpaasani ilisaasoqassatillugu siusinaartuntik angerlanermut akiliussisoqarsinnavoq imm. 1 malillugu, pikkorisaqataasoq atorfinitsitaanini malillugu ilaquttami qaniginerpaasami ilaannik ilisisoqarnerani sulinngiffeqarsinnaatitaallunilu akiliunneqarluni angalasinnaatitaaguni. Taamaattumik inuit sulisitsisuminni aalajangersimasuntik atorfinitsinneqarsintasut kisimik maani pineqarput.§ 10. Sulisitsisoq atortussanik atuinermut, pikkorissartitsisumut assigisaannullu aningaasartuutinut Pisortaqarfimmit akileeqquneqarsinnaavoq.
Kapitali 2.
Sulisitsut inuutissarsiutitigut ilinniartitaanermut akileeqataassutigisartagaannit aningaasalersorneqartumik pikkorissarnerit.§ 11. Qaammatisiutit ntalillugit ukiup iluani Inatsisartut peqqussutaat malillugu sulisitsisut inuutissarsiutitigut ilinniartitaanermut akileeqataassutigisartagaat aqqutigalugit inuutissarsiutitigut ilinniartitaanermut atatillugu ilinniaqqittitaasarnerit eqqarsaatigalugit ilinniagaqarsimasut ilinniagaqarsimanngitsullu pikkorissartitaanerit Pisortaqarfimmit tapiissuteqarfigineqarsinnaatitaanerat naapetorlugu tapiissuteqartoqarsinnaavoq.
Imm. 2. Inuutissarsiutitigut ilinniartitsivimmut pikkorissaqataanissamik nalunaarnermut atatillugu tapiiffigineqarnissamut qinnuteqaat tunniunneqassaaq.§ 12. Sulisitsisunut sulisitsisut inuutissarsiutitigut ilinniartitaanermut akileeqataasarnerat pillugu Inatsisartut peqqussutaanni § 1 naapertorlugu akileeqataasussaatitaasut tapiiffigineqarsinnaapput.
Imm. 2. Sulisitsisut akileqatassutissaminnik akilagassanngorsimasunik akiliisimanngitsut 1. januar 1992-ip kingorna tapiiffigineqarsinnaajunnaassapput.§ 13. Makku tapiissuteqarfigineqarsinnaapput:
1) Pikkorissarfimmut pikkorissarfimmiillu angalanermut aningaasartuutit, tassa angallanermi aqqummut akikinnerpaamut bilitsintut angalanermilu uninngasariaqarnernti ineqarnermut anigaasartuutit.
2) Pikkorissarfimmi pikkorissartitsisup ineqarnissamik nerisaqarnissamillu neqeroorutaanut aningaasartuutit.
3) Sulinikkut isertitat annaasat matusissutissaannut, kapitali 1-imi pikorissarnersiutit pillugit malittarisassat malillugit annerussuseqartinneqartunut.
Imm. 2. Tapiissutit aningaasartuutinik matusissuteqartumut tunniunneqassapput. Pikkorissarnerup nalaani pikkorissartoq sulisitsisuminit akissarsiaqartinneqarpat sulinikkut isertitat annaasat matusissutissaat sulisitsisumut tunniunneqassapput.§ 14. Sulisitsisoq atortussanik atuinermut, pikkorissartitsisumut assigisaannullu aningaasartuutinut Pisortaqarfimmit akileeqquneqarsinnaavoq.
Kapitali 3.
Aalajangersakkat assigiinngitsut.§ 15. Kapitali 1 aamma kapitali 2 mallugit ataatsikkut pikkorissarnersiutisisitsiscqarlunilu tapiissutisitsisoqarsinnaanngilaq.
§ 16. Nalunaarut manna atortuulersinneqarpoq 1. januar 1991 aallarnerfigalugu.
Imm. 2. Tamatumunnnga peqatigitillugu ilinniartunut tapiissuteqartarneq pillugu Namminersornerullutik Oqartussanit tunniunneqartartut pillugit Namminersornerullutik Oqartussat Nalunaarutaanni nr.ll-mi 23. juli 1981-imeersumi kapitali 2 atorunnaarsinneqarpoq.
Namminersornerullutik Oqartussat, 24. oktober 1990.
Jens Lyberth/
Ejvind Christoffersen