Namminersornerullutik Oqartussat nalunaarutaat nr. 37 ulloq 28. august 1990-imeersoq Kalaallit Nunaanni meeqqat atuarfianni ilinniartitsisussat illoqarfiit ilaanni (qitiusup avataani) ilinniartitaanerat pillugu.

Meeqqat atuarfianni ilinnlartitsisussat ilinniartitaasarnerat pillugu isumaginninnermillu suliaqartussanik ilinniartitsisarnerit pillugit Inatsisartut peqqussutaanni nr. 1 ulloq 16. maj 1989-imeersumi §§ 10 aamma 20 naapertorlugit aalajangersarneqarput:

 

Kapitel 1
Ilinniartitsisussanik ilinniartitsinerup siunertaa

§ 1. Ilinniartitsisussanik ilinniartitsisarnermi siunertarineqarpoq meeqqat atuarfiini ilinniartitsisussanik ilinniartitsinissaci aammalu tunngaviliinissaq meeqqat, inuusuttut inerslmasullu pillugit inuussutissarsiutinik ilinniartitsinissamut sunngiffimmilu atuartitsinermi ilinniartitsinissamut.
Imm. 2. Ilinniartitsineq fagitigut perorsaanikkullu paasisaqartitsissaaq suliassatigullu sungiusaataassalluni ilinniartitsisutut sulinerup isumagineqarnissaanut pisariaqartumik, aammalu ilinniartut inuttut ineriartornerannut siuarsaaniarsarisisalluni.

 

Kapitel 2
Ilinniartunngorneq

§ 2. Ilinniartitsisussat ilinniartitaaneranni illoqarfimmi ataasiinnaanngitsumi ingerlanneqartumi ilinniartunngornissamut makku piumasarineqarput:
1) Ima ukioqqortutiginissaq: 25-nit 45-nut.
2) Sivikinnerpaamik ukiuni tallimani inuussutissarsiorsimanissaq.
3) Pilersuisutut ima pisussaaffeqartiginissaq ilinniartunngorniartup Nuummi ilinniartitsisutut ilinniarneq naammassisinnaanagu aanima
4) kalaallit oqaasiinik, qallunaat oqaasiinik regning/matematikkimillu piginnaassuseqarfeqarnissaq.

§ 3. Ilinniartitsisunngorniartut rektorip ilinniartunngortittassavai piumasarisat § 2-mi taaneqartut tunngavigalugit.

 

Kapitel 3
Ilinniarnerup imarisaa annertussusialu

§ 4. Ilinniarneq ukiunik sisamanik sivisussuseqarpoq arfineq-pingasunillu semesitereqarluni.
Imm. 2. Ilinniarnerup ukiui siulliit pingasut ingerlanneqassapput Kalaallit Nunaanni atuarfimmi Nuup avataanniittumi timelæreritut sulinermut atasumik.
Imm. 3. Ilinniarneqaaqqissorneqarpoqaaqqissuussamik timelæreritut raeeqqat atuarfianni sulinermik, immineerluni ilinniarnermik, studiekredsimik kursuseriartortarnernillu.
Imm. 4. Ilinniarnerup ukiuisa sisamaanni ilinniartitaaneq, tassunga ilanngullugu soraarummeerneq, aaqqissuunneqarpoq meeqqat atuarfianni ilinniartitsisussat ilinniartitaasarnerat pillugu Namminersornerullutik Oqartussat nalunaarutaanni aamma ilinniartitsisussat ilinniartitaaneranni fagit pillugit Namminersornerullutik Oqartussat nalunaarutaanni aalajangersakkat malillugit.

§ 5. Ilinniartitsisussat illoqarfiit ilaanni ilinniartitaaneranni fagit makku ilinniartunit ingerlanneqassapput:
1) Nammineerluni ilinniartitsineq praktikkernerlu fagit makku pingaarnerutillugit: Kalaallit oqaasii, regning/matematik, orientering (paasisitsiniaaneq) fagillu mernguernartut qinigassat: assassorluni sulineq, ilusilersuineq, timersorneq, erinarsorneq/nipilersorneq, sananeq aamma illumi suliassanik ilisimasassat ilaat ataaseq ilaalluunniit arlallit.
2) Inunineerluni ilinniarneq ukiumullu ataasiarluni kursuseriartortarneq atuartitsissutinik makkuninnga:
a) Fagit perorsaanermut tunngassuteqartut, pædagogik psykologi atuartitsinermillu ilinniarneq.
b) Kalaallit oqaasii allaqqissaarneq ilanngullugu.
c) Regning/matematik aamma
d) Paasisitsiniaaneq kristumiussutsimut tunngasunik ilisimasaqarneq ilanngullugu.
3) Tapertaasumik ukiumi ataatsimi ilinniarneq, tak. § 4, imm. 4, makkuninnga:
a) Fagit perorsaanermut tunngassuteqartut.
b) Kalaallit oqaasii allaqqissaarneq ilanngullugu.
c) Fagit annerusumik sammisassat ilaat ataaseq: Regning/matematik, religion, historie, geografi, biologi imaluunniit nalerput pillugu ilisimasassanik paasisitsiniaaneq aamma
d) Fagit qinigassat ilaat ataaseq: Assassorluni sulineq, ilusilersuineq, timersorneq, erinarsorneq/nipilersorneq, sananeq imaluunniit illumi suliassanik ilisimasassat.
e) Tapertaasumik kursusornerit. Atuartitsineq aaqqissuunneqassaaq kursusitut ilisilerlugu, sammisaritillugit ilinniartitsisup sulinerani ingerlattakkat immikkut ittut. Kursusit siunertaat, imarisassaat sivisussusissaallu Kultureqarnermi atuartitsinermilu Pisortaqarfiup akuereqqaartassavai.
f) Nammineq piumassutsimik ilinniartitaaneq. Unnersuussutigineqarsinnaavoq ilinniartitaaneq kursusitut studiekredsitulluunniit pissusilik, sammisassani meeqqat atuarfiannut, inuussutissarsiutinik ilinniartitaanernut imaluunniit sunngiffimmi ilinniartitsinermut tunngasuni. Nammineq piumassutsimik ilinniartitaanermi sammisassat siunertaat, imarisassaat annertussusissaallu Kultureqarnermi atuartitsinermilu Pisortaqarfiup akuereqqaartassavai.
Imm. 2. Fagit qinigasseit fagillu annerusumik sammisassat imm. 1, nr. 3, litra c-mi d-milu taaneqartut ilinniartumit qinerneqassapput ilinniartitaaneq aallarnertinnagu. Fagi allanngortinneqassappat tamanna pissaaq ilinniartitaanerup aallartinneranit kingusinnerpaamik sap. ak. sisamat qaangiuneranni.

§ 6. Qitiusup avataani ukiuni pingasuni ilinniarneq naggaserneqassaaq fagit makkua ilaannik marlunnik soraarummeernermik: Kalaallit oqaasii, paasisitsiniaaneq kristumiussutsimik ilalik aamma regning/matematik, fagillu pingajuanni qanoq angusaqarsimaneq pillugu karakteriligaanermik.

§ 7. Nammineerluni ilianiartitsineq pillugu atuarfik naliliissaaq uku atorlugit: akuerineqarpoq imaluunniit akuerineqanngilaq.

§ 8. Ukiut sisamaat tapersiutaasoq naggaserneqassaaq faginik perorsaanermut tunngassuteqartunik, kalaallit oqaasiinik allaqqissaarnertalimmik, fagimik annerusumik sammisassamik qinikkamik soraarummeernermik aamma fagimi mernguernartumi qinikkami qanoq angusaqarsimaneq pillugu karakteriligaanermik. Misiliinerit suussusissaat annertussusissaallu takuneqarsinnaapput ilinniartitsisussat ilinniartitaaneranni fagit pillugit Namminersornerullutik Oqartussat nalunaarutaanni.

§ 9. Fagimi annerusumik sammisassami regning/matematikkimi ilinniartitsinermut tunngaviussaaq fagi pinngitsoorani ilinniartariaqartoq regning/matematik.
Imm. 2. Fagini annerusumik sammisassani ukunani religion, historie, nalerput pillugu ilisimasassanik paasisitsiniaaneq, geografi aamma biologi ilinniartitsinermut tunngaviussaaq fagi pinngitsoorani ilinniartariaqartoq paasisitsiniaaneq kristumiussutsimut tunngasunik ilisimasaqarneq ilanngullugu.
Imm. 3. Fagimi annerusumik sammisassami regning/matematikkimi peqataanissamut piumasarineqarpoq fagip taamaaqataani pinngitscorani ilinniartariaqartumi angusisimanissaq minnerpaamik karakterigalugu 6.
Imm. 4. Fagimi annerusumik sammisassami religionimi, historiemi, nalerput pillugu ilisimasassanik paasisitsiniaanermi, geografiimi imaluunniit biologiimi peqataanissamut piumasarineqarpoq karakteri minnerpaamik 6 anguneqarsimassasoq fagimi pinngitsoorani ilinniartariaqartumi uani: Paasisitsiniaaneq kristumiussutsimut tunngasunik ilisimasaqarneq ilanngullugu.

§ 10. Nammineq piumassutsimik ilinniartitaaneq naggaserneqassaaq naliliinermik "akuerineqarpoq" imaluunniit "akuerineqanngilaq".
Imm. 2. Naliliinermi "akuerineqarpoq" angusarineqarpat sammisarineqartup suunera tiimillu qassiuneri soraarummeerluni angusineirmut uppernarsaammut allanneqassapput.

§ 11. Ilinniartitsinermi peqataanissaq pisussaaffiuvoq.

§ 12. Ilinniartitsinermi peqataaneq nalunaarsorneqartoq najuunnertut, suliamik tunniussaqarnermik aammalu ilinniakkanik aallussinermlk akuerineqaqqaassaaq ilinniartitsisunngorniartoq fagini ataasiakkaani soraarummeernermi peqataasinnaalertinnagu, tak. Ilinniarfissuarmi rådit udvalgillu aalajangeirsimasut pillugit Namminersornerullutik Oqartussat nalunaarutaat.

§ 13. Ileqquusumik ilinniartitaanerup ingerlanerani ilinniarnissamut soraarummeernissamullu ilinniartoq peqataanissamut nalunaassaaq ilinniartussatut tiguneqarnini tunngavigalugu.

§ 14. Tapertaasumik kursusernerni namminerlu piumassutsimik ilinniartitaanerniut peqataanissamut ileqquusumik ilinniartitaanermi peqataanissaq pillugu aalajangersakkat atorput.

§ 15. Qitiusup avataani ukiuni pingasuni ilinniarnerup ingerlanerani ukiumlit ukiup tullianut ingerlaqqinneq aamma ukiut ilinniarfiusut sisamaanni semesterimiit semesterip tullianut ingerlaqqinneq taamaallaat pisinnaavoq ilinniartitae.nermi peqataanissaq pillugu maleruagassat malinneqarpata, tak. § 12.

§ 16. Taamaattoq ilinniartoq ilinniartitsisussatut soraarummeernermi angusinngitsoq, tak. § 22, pisinnaatitaavoq ingerlatiinnarlugu peqataaqqinnissamut ilinniartitsisussat ilinniartitaanerisa ukiuanni kingullermi.

 

Kapitel 4
Soraarummeerneq misilitsinnerillu

§ 17. Fagini ataasiakkaani soraarummeerneq, misilitsinneq karakterillu pillugit atorput ilinniartitsisussat ilinniartitaaneranni fagit pillugit Namminersornerullutik Oqartussat nalunaarutaanni aalajangersakkat.
Imm. 2. Soraarummeerutissat tassaapput pisimasat, atuaqatigiit ataasiakkaat atuarsimasaat, tamakkununnga ilanngullugit nammineerlurii atuarlugit ilikkakkat, tak. ilinniartitsisussat ilinniartitaaneranni fagit pillugit Namminersornerullutik Oqartussat nalunaarutaat. Soraarummeerutissat soraarunieernissaq sioqqullugu akuerisassatut censorimut saqquirmiunneqassapput. Soraarummeerutissat nassuiarnerat ilinniartitsisunit ataasiakkaanit ilinniartitsisunngorniartnnik oqaloqateqareernikkut suliarineqartassaaq.

§ 18. Censorit Kultureqarnermi atuartitsinermilu Pisortaqarfiup ivertissavai. Censorit fagini tamani peqataasassapput. Kultureqarnermi atuartitsinermilu pisortaq censorinut siulittaasuuvoq.
Imm. 2. Ilinniarfissuup rektoriata soraarummeernerit §§ 17 - 21 aamma ilinniartitsisussat ilinniartitaaneranni fagit pillugit Namminersornerullutik Oqartussat nalunaarutaat naapertorlugit ingerlanneqarnissaat isumagissavai.
Imm. 3. Soraarummeernerup ingerlanneqarnerani pissusissaviusunit allaanerussutit Kultureqarnermi atuartitsinermilu Pisortaqarfimmut erniinnaq nalunaarutigineqartassapput.

 

Kapitel 5
Allattariarsorluni misilitsinnerit

§ 19. Allattariarsorluni soraarummeerutissat Kultureqarnermi atuartitsinermilu Pisortaqarfimmit suliarineqartassapput.
Imm. 2. Soraarummeerutit soraarummeertunut tamanut assigiissapput.
Imm. 3. Soraarummeerutissanut siunnersuutit, tamakkununnga ilanngullugit ikiuutissatut akuerisat, fagit ataasiakkaat soraarummeerutissaliortoqatigiivinit suliarineqartassapput. Soraarummeerutissaliortoqatigiit ataasiakkaat Kultureqarnermi atuartitsinermilu Pisortaqarfimmit ukiuni pingasuni atasussatut ivertitaassapput.
Imm. 4. Misilitsinnerni nakkutilliisoqartarpoq.
Imm. 5. Soraarummeerutinut akissutit soraarummeersimasunit kissaatigineqarpat ilinniarnerup inereerneratigut tunniuneqassapput. Akissutit tunniunneqanngitsut ilinniarnerup inerneranit semesterip siulliup qaangiunnerani suujunnaarsinneqarsinnaapput.

 

Kapitel 6
Oqaluttariarsorluni misilitsinnerit

§ 20. Apeqqutit ilinniartitsisumit apeqqusiarineqartassapput. Apeqqutit soraarummeerutissamut naleqqiullutik pisassiissutinut naleqquttuussapput. Fagini ataasiakkaani misilitsinnerup qanoq ilusilersorneqarnissaanik aalajangersaasoqarsimanngippat apeqqut ilinniartitsisunngorniartup misilitsinneq pitinnagu suliarisimallugu inersimasaanit imaluunniit allallugu suliarisimasaanit ilinniartitsisurnillu akuerineqareersimasumit aallaaveqarsinnaavoq.
Imm. 2. Apeqqutit censorimit akuerineqassapput. Ilinniartitsisoq pisinnaatitaavoq apeqqutit soraarummeerutissat pillugit censori naggataarutaasumik aalajangiitinnagu isumaqatiginiartarnissaanut.
Imm. 3. Apeqqutit soraarummeerutissat makitsinikkut agguaanneqartassapput, soraarummeersitassat qulequttanik namminneq piumallugit qinnutigisimasaannik imaluunniit nanuninneerlutik atuarsimaisaannik soraarummeersinneqartussaanngippata. Piareersarsinnaaneqnakkutilliisoqarluni pisassaaq, tamanna ilinniartitsisussat ilinniartitaaneranni fagit pillugit Namminersornerullutik Oqartussat nalunaarutaanni allaanerusumik aalajangerneqarsimanngippat.
Imm.4. Soraarummeersitsineq ilinniartitsisumit soraarummeersitsisutut ingerlatinneqassaaq. Sapinngisamik soraarummeersitsisup soraarummeertullu akornanni oqaloqatigiinnertut censorip akuliuffigisinnaasaatut pisassaaq. Suliaasimasut ilinniartitsisunngorniartup fagimik sulisimaneranik uppernarsaatitut saqqummiunneqarsinnaasut soraarummeersitsinermut ilanngunneqarsinnaapput. Censori soraarummsersitsisorlu karakteriliiniarnerup nalaani kisimiissapput. Soraarummeertoq naliliiniarnermi imminut karakteriliunneqarsimasumut tunngaviusunik naatsumik oqaatsit atorlugit paasitinneqarsinnaavoq.
Imm. 5. Oqaluttarissanik misilitsinnerit tamanut ammasuussapput.

 

Kapitel 7
Karakteriliineq

§ 21. Fagini ataasiakkaani karakteriliineqartassaaq ilinniartitsisussat ilinniartitaaneranni fagit pillugit Namminersornerullutik Oqartussat nalunaarutaanni taaneqarsimasutut.
Imm. 2. Karakteriliinermi 13-skala atorneqartassaaq:
13: Namminersorluinnartuiiiik pitsaalluinnartumillu suliaqarnermi tunniunneqartarpoq.
11: Pitsaasumik namminersortumillu suliaqarnermi tunniunneqartarpoq.
10: Pitsaasumik sungiussiinnarpasissumilli suliaqarnermi tunniunneqartarpoq.
9: Pitsaasumik, tassa akunnakusoortumit pitsaanerulaartumik, suliaqarnermi tunniunneqartarpoq.
8: Akunnakusoortumik sullaqarnermi tunniunneqartarpoq.
7: Naammaannartumik, tassa akunnakusoortumit ajornerulaartumik, suliaqarnermi tunniunneqartarpoq.
6: Nalornisoortumik taamaattorli naammaginarsinnaasumik suliaqarnermi tunniunneqartarpoq.
5: Nalornisumik naammagiLnanngitsumillu suliaqarnermi tunniunneqartarpoq.
03: Nalornisooqisumik, amigaqisumik naammaginanngeqisumillu suliaqarnermi tunniunneqartarpoq.
00: Atorsinnaanngilluinnartumik suliaqarnermi tunniunneqartarpoq.
Imm. 3. Soraarummeernermi karakterit censorimit soraarummeersitsisumillu aalajangerneqartassapput. Taakku siullermik immikkoorlutik karakteriliissapput, censorip karakteriliussaa taaneqaqqaassalluni kingornatigullu karakteriliussassavimmut isumaqatigiinniarneqassalluni. Censori soraaruinmeersitsisorlu isumaqatigiissinnaanngippata karakteriliussassaq aalajangerneqartassaaq karakteriliussat taakku marluk kateriarlugit agguaqatigiissitsinikkut. Kisitsit agguaqatigiissitsinerup inernera kisitsisit 13-skalamiittut akornanniinngippat censorillu karaki:eriliussaa anneruppat karakteriliunneqassaaq kisitsit angineq siulerisaa, censorilli karakteriliussaa minneruppat kisitsit minnerusoq tulleq.
Imm. 4. Soraarummeertumut karakteriliussassaq karakterit arlallit katinnerisigut aalajangerneqassappat kisitsillu katitat ineirnerat 13-skalamiinngippat, katitat inernerat taanna cikunnaallineqassaaq karakterimut anginermut qaninnerpaamut , tassunga qaninnerpaappat imaluunniit karakterip anginerup qaninnerpaap minnerusullu qaninnerpaap akornanniippat.

 

Kapitel 8
Angusisinnaanermut pisariaqartut

§ 22. Ilinniartitsisutnt angusisinnaanermut piumasar ineqarput:
1) karakterit tamarmik katinnerat karakterit amerlassusiisa 6-imik amerlisarneqarlutik inernerattut angissuseqassasoq imaluunniit annerussasoq,
2) fagini annerusumik sammisani aammalu fagini perorsaanermut tunngasuni soraarummeernermi karakteri minnerpaamik 6-iussasoq aamma
3) fagini allani tamani karakteri minnerpaamik 5-iussasoq, taamaattorli fagimi ataatsimi karakterigineqarsinnaavoq 03.

§ 23. Ilinniartitsisunngorniartoq soraarummeerniaqqissinnaavoq fagini tamani, soraarummeernermi 6 inorlugu karaktereqarfigineqartuni.
Imm. 2. Ilinniartitsisunngorniartup fagi ataaseq marloriaannarluni soraarununeerniarfigisinnaavaa.
Imm. 3. Soraarummeerniaqinneq pissaaq fagi tullianik soraarummeerutigineqalerpat.
Imm. 4. Ilinniartitsisunngorniartoq fagimi ataatsimi ataasiaannarnani naggataarutaasumik misilitsissimappat misilitsinnermini kingullermi karakteria atussaaq.
Imm. 5. Immikkut ittunik pissutissaqartillugu Kultureqarnermi atuartitsinermilu Pisortaqarfik aalajangersakkanik imm. 1-imiit 4-miittunik sanioqqutitsisinnaavoq.

§ 24. Nappaat, tamatumunngalu naligititaasumik uppernarsaasikkamik atuanngitsoortarneq imaluunniit naartuneq, nakorsamit allagarserneqartut, pissutigalugit ilinniartitsisunngorniartunut soraarummeersimanngitsunut Kultureqarnermi atuartitsinermilu Pisortaqarfiup tamatigut aalajangiinera malillugu soraarummeersitsineqartassaaq napparsimasunut naatsorsuussamik, misiliinerli taanna kingusinnerpaamik pissaaq fagi tullianik soraarummeerutigineqalerpat.

 

Kapitel 9
Allattuiffiit, uppernarsaat

§ 25. Rektori allattuiffinnik ingerlatsissaaq, tassungalu ilinniartut tamarmik allattorneqarfeqassapput. Allattorneqarfimmut allanneqartassapput ilinniartitsisunngorniartoq pillugu paasissutissat, faginik qinersisimanera, atsiukkat, peqataasinnaajunnaarsitsinerit nalunaarullu naapertorlugu allaasunik iliuuseqarnerit, atuartitsinermik sungiusarnermik naliliineq, soraarummeernermi karakterit aammalu qanoq angusaqarsimaneq pillugu karakterit.
Imm. 2. Kultureqarnermi atuartitsinermilu Pisortaqarfiup allattuiffiit qanoq isikkoqarnissaat ilusilersussavaa.

§ 26. Ilinniartitsisunngorniartut ilinniartitsisutut soraarummeernermik angusisiimasut tamatumunnga uppernarsaammik tunineqassapput. Uppernarsaat inummut ataatsimut tunngasunik oqaasertaqarpoq aammalu tamanut tunngasunik assigiinnik oqaasertaqarpoq.
Imm. 2. Inummut ataatsimut tunngasunik oqaasertatigut makku ilisimatitsissutigirieqassapput:
1) ilinniartitsisunngorniartoq pillugu paasissutissat piffissamilu soraarummeerfimmi sumi fagimi kingullermi soraarummeersimaneq,
2) atuartitsinermik sungiusarnermi/nammineerluni ilinniartitsinermi nalilerneqarneq,
3) qanoq angusaqarsimaneq pillugu karakteri faginilu ataasiakkaani tamani, § 22 naapertorlugu ilanngunneqartuni, soraarummeernermi karakteri,
4) fagit annerusumik sammisassat suut aamma fagit qinigassat suut ilinniartitsisunngorniartup sammisimanerai,
5) tapertaasumik kursusernerni peqataaneq aamma
6) nammineq piumassutsimik ilinniartitaanermi peqataaneq. Paasissutissat allat ilanngunneqarsinnaanngillat.
Imm. 3. Tamanut tunngasunik oqaasertani allassimassapput nalunaarummi § 4-md. aamma § 22-mi oqaasertat.
Imm. 4. Soraarummeersinianermut uppernarsaat rektorimit suliarineqassaaq ilinniartitsisunngorniartup allattorneqarfigisimasaa najoqqutaralugu. Rektorip uppernarsaat atsiussavaa.
Imm. 5. Soraarummeersimanermut uppernarsaatissap ilusilersornissaa Kultureqarnermi atuartitsinermilu Pisortaqarfiup aalajangissavaa.

§ 27. Nalunaarut una atortuulissaaq 1. september 1990.

Namminersornerullutik Oqartussat, Nuuk, ulloq 28. august 1990

Jens Lyberth

/

Hugin S.Christiansen