Namminersornerullutik Oqartussat nalunaarutaat nr. 36 ulloq 28. august 1990-imeersoq Kalaallit Nunaanni meeqqat atuarfianni ilinniartitsisussat ilinniartitaasarnerat pillugu.

Meeqqat atuarfianni ilinniartitsisussat ilinniartitaasarnerat pillugu isumaginninnermillu suliaqartussanik ilinniartitsisarnerit pillugit Inatsisartut peqqussutaanni nr. 1 ulloq 16. maj 1989-imeersumi § 15 naapertorlugu aalajangersarneqarput:

 

Kapitel 1
Ilinniartitsisussanik ilinniartitsisarnerup siunertaa

§ 1. Ilinniartitsisussianik ilinniartitsisarnermi siunertarineqarpoq meeqqat atuarfiini ilinniartitsisussanik ilinniartitsinissaq aammalu tunngaviliinissaq meeqqat, inuusuttut inersimasullu pillugit inuussutissarsiutinik ilinniartitsinissamut sunngiffimmilu atuartitsinermi ilinniartitsinlssamut.
Imm. 2. Ilinniartitsineq fagitigut perorsaanikkullu paasisaqartitsissaaq suliassatigullu sungiusaataassalluni ilinniartitsisutut sulinerup isumagineqarnissaanut pisariaqartumik, aammalu ilinniartut inuttut ineriartornerannut siuarsaaniarsariíîsalluni.

 

Kapitel 2
Ilinniartitaanerup imarisaa annertussusialu

§ 2. Ilinniartitaaneq ukiunik pingasunik sivisussuseqarpoq arfinilinnik senestereqarluni, ilinniartullu ilinniagassaat makkuupput::
1) Fagit pinngitsoorani ilinniartariaqartut:
a) Fagit perorsaanermut tunngassuteqartut (pædagogik, psykologi, atuartitseriaatsinik ilinniarneq)
b) Atuartitsinermik sungiusarneq
c) Kalaallit oqaasii allaqqissaarneq ilanngullugu
d) Paasisitsiniaaneq kristumiussutsimut tunngasunik ilisimasaqarneq ilar.ngullugu
e) Qallunaat oqaasii
f) Regning/matematik
2) Fagit qinigassat (taakkunannga fagit marluk qinerneqassallutik):
a) fagit ukua ilaat ataaseq: Tuluttoorneq aamma fysik/kemi
b) fagit ukua ilaat ataaseq: Assassorluni sulineq, ilusilersuineq, timersorneq, nipilersorneq, sananeq aamma illumi suliassanik ilisimasassat
3) Fagit annerusumik sammd.sassat (taakkunannga fagit marluk qinerneqassallutik):
a) fagit ukua ilaat ataaseq: Qallunaatoorneq, regning/matematik, tuluttoorneq, fysik/kemi. Faginik annerusumik sammisasîsanik, tuluttoornermik aamma fysik/kemiimik qinersinissamut piumasarineqarpoq fagip qinigassap fagitut qinigassatut ilinniareersimanissaa.
b) fagit ukua ilaat ataaseq: Religion, historie, nalerput pillugu ilisimasassanik paasisitsiniaaneq, geografi aamma biologi.
4) Tapertaasumik kursusernerit. Atuartitsineq aaqqissuunneqassaaq kursusitut ilusilerlugu, sammisaritillugit ilinniartitsisup sulinerani ingerlattakkat immikkut ittut. Kursusit siunertaat, imarisassaat, sivisussusissaallu Kultureqarnermi atuartitsinermilu Pisortaqarfiup akuereqqaartassavai.
5) Nammineq piumassutsimik ilinniartitaaneq. Unnersuussutigineqarsinnaavoq ilinniartitaaneq kursusit studiekredsitulluunniit pissusilik, sanunisassani meeqqat atuarf iannut, inuussutiissarsiutinik ilinniartitaanernut imaluunniit sunngiffimmi ilinniartitsinermut tunngasuni. Nammineq piumassutsimik sammisassat siunertaat, imarisassaat annertussusissaallu Kultureqarnermi atuartitsinermilu Pisortaqarfiup akuereqqaartassavai.

§ 3. Fagit qinigassat aamma fagit annerusumik sammisassat ilinniartumit qinerneqassapput fagimi sammisassami ilinniartitaaneq aallarnertinnagu. Fagi allanngortinneqassappat tamanna faginut qinigassanut tunngatillugu pissaaq ilinniartitaanerup aallartinneranit kingusinnerpaamik sap. ak. arfinillit faginullu annerusumik sammisassanut tunngatillugu kingusinnerpaamik sap. ak. sisamat qaangiunneranni.

§ 4. Pissutsit immikkut illuinnartut pisariaqartippassuk Kultureqarnermi atuartitsinermilu Pisortaqarfiup ilinniartoq ilinniartitaanngitsoortissinnaavaat fagimik annerusumik sammisassamik ataatsimik, taavali ilinniartoq peqataassaaq fagimi qinigassami qinikkami siulliit saniatigut allami ataatsimi.

§ 5. Ilinniartitaaneq naggaserneqassaaq fagini makkunani soraarummeernermik: Fagit perorsaanermut tunngassuteqartut, kalaallit oqaasii, regning/matematik, qallunaatoorneq aamma fagini annerusumik sammisassani. Misiliinerit suussusissaat annertussusissaallu takuneqarsinnaapput ilinniartitsisussat ilinniartitaaneranni fagit pillugit Namminersornerullutik Oqartussat nalunaarutaanni.

§ 6. Kristumiussutsimut tunngasunik paasisitsiniaanermi aamma fagini qinigassani ilinniartitaaneq naggaserneqassaaq qanoq angusaqarsimaneq pillugu karakteriligaanermik.

§ 7. Fagini annertunerusumik sammisassani qallunaatoornermi aamma regning/matematikkimi ilinniartitsinermut tunngaviussapput fagit pinngitsoorani ilinniartariaqartut qallunaatoorneq aanima regning/matematik.
Imm. 2. Fagini annertunerusumik sammisassani tuluttoornermi aamma fysik/kemiimi ilinniartitsinermut tunngaviussapput fagit qinigassat tuluttoorneq aamma fysik/kemii. Fagini annerusumik sanunisassani ukunani religion, historie, nalerput pillugu ilisimasassanik paasisitsiniaaneq, geografi aamma biologi ilinniartitsinermut tunngaviussaaq fagi pinngitsoorani ilinniartariaqartoq paasisitsiniaaneq kristumiussutsimut tunngasunik ilisimasaqarneq ilanngullugu.
Imm. 3. Fagimi annerusiumik sammisassami qallunaatoornermi imaluunniit regning/matematikkimi peqataanissamut piumasarineqarpoq fagip taamaaqataani pinngitsoorani ilinniartariaqartumi angusisimanissaq soraarummeernermi minnerpaamik karakterigalugu 6.
Imm. 4. Fagimi annerusumik sammisassami tuluttoornermi imaluunniit fysik/kemiimi peqataanissamut piumasarineqarpoq fagip ingerlanneqareersimanissaa fagitut qinigassatut, aammalu karakterip minnerpaamik 6-ip anguneqarsimanissaa qanoq angusaqarsimaneq pillugu karakteritut.
Imm. 5. Fagimi annerusumik sammisassami religionimi, historiemi, nalerput pillugu ilisimasassanik paasisitsiniaanermi, geografiimi imaluunniit geologiimi peqataanissamut piumasarineqarpoq qanoq angusaqarsimaneq pillugu karakterip minnerpaamik 6-ip anguneqarsimanissaa fagimi pinngitsoorani ilinniartariaqartumi uani: Paasisitsiniaaneq kristumiussutsimut tunngasunik ilisimasaqarneq ilanngullugu.

§ 8. Atuartitsinermik sungiusarluni ilinniartitaaneq naggaserneqassaaq ima "akuerineqarpoq" imaluunniit "akuerineqanngilaq".

§ 9. Nammineq piumassutsimik ilinniartitaaneq naggaserneqassaaq naliliinermik "akuerineqarpoq" imaluunniit "akuerineqanngilaq".
Imm. 2. Naliliinermi "akuerineqarpoq" angusarineqarpat sammisarineqartup suunera tiimillu qassiuneri soraarummeerluni angusinermut uppeirnarsaammut allanneqassapput.

§ 10. Ilinniartitsinermi peqataanissaq pisussaaffiuvoq.

§ 11. Ilinniartitsinerni peqataaneq nalunaarsorneqartoq najuunnertut, suliamik tunniussaqarnermik aammalu ilinniakkanik aallussinermik akuerineqaqqaassaaq ilinniartoq fagini ataasiakkaani soraarummeernermi peqataasinnaalertinnagu, tak. Ilinniarfissuarmi rådit udvalgillu aalajangersimasut pillugit Namminersornerullutik Oqartussat nalunaarutaat.

§ 12. Ileqquusumik ilinniartitaanerup ingerlanerani ilinniarnissamut soraarummeernissamullu ilinniartoq peqataanissamut nalunaassaaq ilinniartussatut tiguneqarnini tunngavigalugu.

§ 13. Tapertaasumik kursusernerni namminerlu piumassutsimik ilinniartitaanernmt peqataanissamut ileqquusumik ilinniartitaanermi peqataanissaq pillugu aalajangersakkat atorput.

§ 14. Semesterimiit semesterimut ingerlaqqinneq taamaallaat pisinnaavoq illnniartitaanermi peqataanissaq pillugu maleruagassat malinneqarpata, naleqq. § 11.

§ 15. Taamaattoq ilinniartoq ilinniartitsisussatut soraarummeernermi angusinngitsoq, tak. § 27, pisinnaatitaavoq ingerlatiinnarlugu peqataaqqinnissamut ilinniartitsisussat ilinniartitaanerisa ukiuanni kingullermi.

§ 16. Ilinniartitsisussatut ilinniarneq kipititaq nangeqqinneqarsinnaavoq reiktori akuersippat aatsaat.

§ 17. Fagini ataasiakkaani tiimit agguaanneqarneri:
Fagit perorsaanermut tunngassuteqartut tiimit 504
Kalaallit oqaasii allaqqisisaarneq ilanngullugu tiimit 392
Danskit oqaasii fagitut pinngitsoorani ilinniartariaqartutut tiimit 196
Regning/matematik fagitut pinngitsoorani ilinniartariaqartutut tiimit 196
Paasisitsiniaaneq kristumiussutsimut tunngasunik ilisimasaqarneiq ilanngullugu tiimit 252
Tuluit oqaasii imaluunniit fysik/kemi fagitut qinigassatut tiimit 196
Assassorluni sulineq, ilusîilersuineq, timersorneq, erinarsorneq/nipilersorneq, illumi suliassanik ilisimasassat imaluunniit sananeq tiimit 224
Fagit annerusumik sammisassat: danskit oqaasii, regning/matematik, tuluit oqaasii imaluunniit fysik/kemi tiimit 196
Fagit annerusumik sammisassat religion, historie, nalerput pillugu ilisimasassanik paasisitsiniaaneq, geografi imaluunniit biologi tiimit 196.
Imm. 2. Tiimit qulaani baaneqartut saniatigut aaqqissuunneqassapput atuartitsinermik sungiusarneq sapaatit akunnerinik katillugit 12-inik sivisussusilik kiisalu tapertaasumik kursusernerit.

§ 18. Ukioq atuartitsiviusoq sivisussuseqarpoq 1. augustimit 31. julimut.

§ 19. Semesterit agguarsimassapput sap. akunnerinut skema malillugu atuartitsivinnut, atuartitsinermut sungiusarfinnut, sap. akunnerinut kursuserfinnut aamma soraarummeerfinnut. Tamakkua inissitsiternissaat rektorip aalajangissavai Ilinniarfissuarmi rådit udvalgillu aalajangersimasut pillugi": Namminersornerullutik Oqartussat nalunaarutaanni aalajangersakkat malillugit. Pilersaarusiaq taanna Kultureqarnermi atuartitsinermilu Pisortaqarfimmi akuereqqasrneqartussanngorlugu rektorimit ukiut tamaasa kingusinnerpaamik augustip aallaqqaataani nassiunneqartassaaq.

§ 20. Semesterini ataasiakkaani tiimit ilinniartitsinermut atorneqartussat ima agguaanneqassapput: Fagit perorsaanermut tunngassuteqartut semesterinut ikinnerpaamik tallimanut agguaanneqassapput. Kalaallit oqaasii allaqqissaarneq ilanngullugu semesterinut ikinnerpaamik tallimanut agguaanneqassiapput. Qallunaat oqaasii, regning/matematik aamma paasisitsiniaaneq kristumiussutsimut tunngasunik ilisimasaqarneq ilanngullugu fagitut pinngitsoorani ilinniartariaqartutut naggataarneqassapput kingusinnerpaamik seniesterit sisamaata kingornatigut; tuluit oqaasii aamma fysik/kemii fagitut qinigassatut naggataarneqassapput kingusinnerpaamik semesterit sisamaata kingornatigut. Assassorluni sulineq, ilusilersuineq, timersorneq, erinarsorneq/nipilersorneq, illumi suliassanik ilisimasassat sananerlu semesterinut arfinilinnut agguaanneqarsinnaapput. Fagit annerusumik sammisassat siusinnerpaamik inasssutigineqarsinnaapput ilinniartitaanerup semesteriisa pingajuanni.
Imm. 2. Semesterini ataasiakkaani tiimit ilinniartitsinermi atorneqartussat agguaanneqarnerat, tiimit agguaanneqarnerannut pilersaarummik taaneqartoq, Kultureqarnermi atuartitsinermilu Pisortaqarfimmi akuereqqaarneqartussanngorlugu rektorimit ukiut tamaasa kingusinnerpaamik augustip aallaqqaataani nassiunneqartassaaq.

 

Kapitel 3
Atuaqatigiinnik pilersitsineq

§ 21. Aallaaviusumik atuaqatigiittussat amerlanerpaagunik nalinginnaasumik 20-t sinnersimassanngilaat.
Imm. 2. Atuaqatigiinnik faginik annerusumik sammisassanik sammisaqartussanik aamma faginik qinigassanik sammisaqartussanik pilersitsinissamut; piumasarineqarpoq atuaqatigiittussat nalinginnaasumik ikinnerpaamik tallimaasassasut. Tuluit oqaasiinik, timersornermik aamma erinarsornermik/nipllersornermik atuaqatigiittussat avinneqartassapput aallaaviusumik atuaqatigiittussat avinneqartarnissaannut maleruagassat malillugit. Faginik annerusumik sammisassanik sammisaqarlutik atuaqatigiittussat avinneqartassapput atuaqatigiittussat nalinginnaasumik 14-init amerlanerusaraangata. Fysikkimik/kemiimik, assassorluni sulinermi, illumi suliassanik ilisimasassani, ilusilersuinermi sananermilu sammisaqarlutik atuaqatigiittussat avinneqartassapput nalinginnaasumik 12-init amerlanerusaraangata.
Imm. 3. Aallaaviusumik atuaqatigiittussat fagillu qinigassat tuluit oqaasii, timersorneq, erinarsorneq/nipilersorneq kattunneqarsinnaapput ilinniartut katillutik 20-nit amerlanerunngippata. Faginik qinigassanik allanik sammisaqarlutik atuaqatigiittussat kattunneqarsinnaapput ilinniartut katillutik 12-init amerlanerunngippata.
Imm. 4. Kultureqarnermi atuartitsinermilu Pisortaqarfik rektorip inassuteqarnera malillugu aalajangersakkanik imm. 1-imiit 3-miittunik sanioqqutitsisinnaavoq.

 

Kapitel 4
Soraarummeerneq misilitsinnerillu

§ 22. Fagini ataasiakkaani soraarummeerneq, misilitsinnerit karakterillu pillugit atorput ilinniartitsisussat ilinniartitaaneranni fagit pillugit Namminersornerullutik Oqartussat nalunaarutaanni aalajangersakkat.
Imm. 2. Soraarummeerutissat tassaapput pisimasat, atuaqatigiit ataasiakkaat atuarsimasaat, tamakkununnga ilanngullugit nammineerluni atuarlugit ilikkakkat, tak. ilinniartitsisussat ilinniartitaaneranni fagit pillugit Namminersornerullutik Oqartussat nalunaarutaat. Soraarummeerutissat soraarununeernissaq sioqqullugu akuerisassatut censorimut saqqununiunneqassapput. Soraarummeerutissat nassuiarnerat ilinniartitsisunit ataasiakkaanit ilinniartitsisunngorniartunik oqaloqateqareernikkut suliarineqartassaaq.

§ 23. Censorit Kultureqarnermi atuartitsinermilu Pisortaqarfiup ivertissavai. Censorit fagini soraarummeerfiusuni tamani peqataasassiapput. Kultureqarnermi atuartitsinermilu pisortaq censsorinut siulittaasuuvoq.
Imm. 2. Ilinniarfissuup siulittaasuata soraarummeernerit §§ 22 - 28 aamma ilinniartitsisussat ilinniartitaaneranni fagit pillugit Namminersornerullutik Oqartussat nalunaarutaat naapertorlugit ingerlanneqarnissaat isumagissavai.
Imm. 3. Soraarummeernerup ingerlanneqarnerani pissusissaviusunit allaanerussntit Kultureqarnermi atuartitsinermilu Pisortaqarfimmut piaartumik nalunaarutigineqartassapput.

 

Kapitel 5
Allattariarsorluni misilitsinnerit

§ 24. Allattariarsorlurii soraarummeerutissat Kultureqarnermi atuartitsinermilu Pisortaqarfimmit suliarineqartassaput.
Imm. 2. Soraarummeerutlt soraarummeertunut tamanut assigiissapput.
Imm. 3. Soraarummeerutissanut siunnersuutit, tamakkununnga ilanngullugit ikiuutissatut akuerisassat, fagit ataasiakkaat soraarummeerutissaliortoqatigiivinit suliarineqartassapput. Soraarummeerutissaliortoqatigiit ataasiakkaat Kultureqarnermi atuartitsinermilu Pisortaqarfimmit ukiuni pingasuni atasussatut ivertitaasassapput.
Imm. 4. Misilitsinnerni nakkutilliisoqartarpoq.
Imm. 5. Soraarummeerutinut akissutit soraarummeersimasunit kissaatigineqarpat ilinniarnerup inereerneratigut tunniunneqassapput. Akissutit tunniunneqanngitsut ilinniarnerup inerneranit semesterip siulliup qaangiunnerani suujunnaarsinneqarsiinnaapput.

 

Kapitel 6
Oqaluttariarsorluni misilitsinnerit

§ 25. Apeqqutit ilinniartitsisumit apeqqusiarineqartassapput. Apeqqutit soracirummeerutissamut naleqqiullutik pisassiissutinut naleqquttuussapput. Fagini ataasiakkaani misilitsinnerup qcinoq ilusilersorneqarnissaanik aalajangersaasoqarsimanngippat apeqqut ilinniartitsisunngorniartup misilitsinrieq pitinnagu suliarisimallugu inersimasaanit imaluunniit allallugu suliarisimasaanit ilinniartitsisumillu akuerineqareersimasumit aallaaveqarsinnaavoq.
Imm. 2. Apeqqutit censorimit akuerineqassapput. Ilinniartitsisoq pisinnaatitaavoq apeqqutit soraarummeerutissat pillugit censori naggataarutaasumik aalajangiisinnagu isumaqatigininniartarnissaanut.
Imm. 3. Apeqqutit soraarummeerutissat makitsinikkut agguaanneqartassapput, soraarummeersitassat qulequttanik namminneq piumallugit qinnutigisimasaannik imaluunniit ataasiakkaarlutik namminneerlutik atuarsimasaannik soraarununeersinneqartussaaringippata. Piareersarsinnaaneq nakkutilliisoqarluni pisassaaq, tamanna ilinniartitsisussat ilinniartitaaneranni fagit pillugit Namminersornerullutik Oqartussat nalunaarutaanni allaanerusumik aalajangersarneqarsimanngippat.
Imm. 4. Soraarummeersitsineq ilinniartitsisumit soraarummeersitsisutut ingerlatinneqassaaq. Sapinngisamik soraarummeersitsisup soraarummeertullu akornanni oqaloqatigiinnertut censorip akuliuffigisinnaasaatut pisassaaq. Suliaasimasut ilinniartitsisunngorniartup fagimik sulisimaneranik uppernarsaatitut saqqummiunneqarsinnaasut soraarummeersitsinermut ilanngunneqarsinnaapput. Censori soraarummeersitsisorlu karakteriliiniarnerup nalaani kisimiissapput. Soraarummeertoq naliliiniarnermi imminut karakteriliunneqarsimasumut tunngaviusunik naatsumik oqaatsit atorlugit paasitinneqarsinnaavoq.
Imm. 5. Oqaluttarissanlk misilitsinnerit tamanut ammapput.

 

Kapitel 7
Karakteriliineq

§ 26. Fagini ataasiakkaani karakteriliineqartassaaq ilinniartitsisussat ilinniartitaaneranni fagit pillugit Namminersornerullutik Oqartussat nalunaarutaanni taaneqarsimasutut. Karakteriliinermi 13-skala atorneqartassaaq.
Imm. 2. Karakteriliinermi 13-skala atorneqartassaaq:
13: Namminersorluinnartumik pitsaalluinnartumillu suliaqarnermi tunniunneqartarpoq.
11: Pitsaasumik namminersortumillu suliaqarnermi tunniunneqartarpoq.
10: Pitsaasumik sungiussi innarpasissumilli suliaqarnermi tunniunneqartarpoci.
9: Pitsaasumik, tassa akunnakusoortumit pitsaanerulaartumik, suliaqarnermi tunniunneqartarpoq.
8: Akunnakusoortumik sul iaqarnermi tunniunneqartarpoq.
7: Naammaannartumik, tassa akunnakusoortumit ajornerulaartumik, suliaqarnermi tunniunneqartarpoq.
6: Nalornisoortumik taaniaattorli naammaginarsinnaasumik suliaqarnermi tuimiunneqartarpoq.
5: Nalornisumik naammaginanngitsumillu suliaqarnermitunniunneqartarpoq.
03: Nalornisooqisumik, amigaqisumiknaammaginanngeqisumillu suliaqarnermi tunniunneqartarpoq.
00: Atorsinnaanngilluinnartumik suliaqarnermi tunniunneqartarpoq.
Imm. 3. Soraarummeernermi karakterit censorimit soraarummeersitsisumillu aalajangerneqartassapput. Taakku siullermik immikkoorlutik karakteriliissapput, censorip karakteriliussaa taaneqaqqaassalluni kingornatigullu karakteriliussassavimmut isumaqatigiinniarneqassalluni. Censori soraarummeersitsisorlu isumaqatigiissinnaanngippata karakteriliussassaq aalajangerneqartassaaq karakteriliussat taakku marluk kateriarlugit agguaqatigiissitsinikkut. Kisitsit agguaqatigiissitsinerup inernera kisitsisit 13-skalamiittut akornanniinngippat censorillu karakteriliussaa anneruppat karakteriliunneqassaaq kisitsit angineq siulerisaa, censorilli karakteriliussaa minneruppat kisitsit minnerusoq tulleq.
Imm. 4. Soraarummeertunut karakteriliussassaq karakterit arlallit katinnerisigut aalajangerneqassappat kisitsisillu katitat inernerat 13-skalamiinngippat, katitat inernerat taanna akunnaallineqassaaq karakterimut anginermut qaninnerpaamut, tassunga qaninnerpaappat imaluunniit karakterip anginerusup qaninnerpaap minnerusullu qaninnerpaap akornanniippat.

 

Kapitel 8
Angusisinnaanennut pisariaqartut

§ 27. Ilinniartitsisutut angusisinnaanermut piumasarineqarput:
1) karakterit tamarmik katinnerat karakterit amerlassusiisa 6-imik amerlisarneqarlutik inernerattut angissuseqassasoq imaluunniit annerussasoq,
2) fagini annerusumik samniisani aammalu fagini perorsaanermut tunngasuni soraarummeernermi karakteri minnerpaamik 6-iussasoq, aamma
3) fagini allani tamani karakteri minnerpaamik 5-iussasoq, taaraaattorli fagini ataatsimi karakterigineqarsinnaavoq 03.

§ 28. Ilinniartitsisunngorniartoq soraarummeerniaqqissinnaavoq fagini tamani, soraarummeernermi 6 inorlugu karaktereqarfigineqartuni.
Imm. 2. Ilinniartitsisunngorniartup fagi ataaseq marloriaannarluni soraaruinmeerniarfigisinnaavaa.
Imm. 3. Sorarummeerniaqqinneq pissaaq fagi tullianik soraarummeerutigineqalerpat.
Imm. 4. Ilinniartitsisunngorniartoq fagimi ataatsimi ataasiaannarnani naggataarutaasumik misilitsissimappat misilitsinnermini kingullermi karakteria atussaaq.
Imm. 5. Immikkut ittunik pissutissaqartillugu Kultureqarnermi atuartitsinermilu Pisortaqarfik aalajangersakkanik imm. 1-imiit 4-miittunik sanioqqutitsisinnaavoq.

§ 29. Nappaat, tamatumunngalu naligititaasumik uppernarsaasikkamik atuanngitsoortarneq imaluunniit naartuneq, nakorsamit allagarserneqartut, pissutigalugit ilinniartitsisunngorniartuiiut soraarummeersimanngitsunut Kultureqarnermi atuartitslnermilu Pisortaqarfiup tamatigut aalajangiinera mallllugu misiliineqarsinnaavoq, misiliinerli taanna kingusinnerpaamik pissaaq fagi tullianik soraarummeerutigineqalerpat.

 

Kapitel 9
Allattuiffiit, uppernarsaat

§ 30. Rektori allattuiffinnik ingerlatsissaaq, tassungalu ilinniartut tanarmik allattorneqarfeqassapput. Allattorneqarfimmut allanneqartassapput ilinniartitsisunngorniartoq pillugu paasissutissat, faginik qinaasisimanera, atsiukkat, peqataasinnaajunnaarsitsinerit nalunaarullu naapertorlugu allaasunik iliuuseqarnerit, atuartitsinermik sungiusarnermik naliliineq, soraarummeernermi karakterit aammalu qanoq angusaqarsimaneq pillugu karakterit.
Imm. 2. Kultureqarnermi atuartitsinermilu Pisortaqarfiup allattuiffiit qanoq isikkoqarnissaat ilusilersussavaa.

§ 31. Ilinniartitsisunngorniartut ilinniartitsisutut soraarummeernermik angusisimasut tamatumunnga uppernarsaammik tunineqassapput. Uppernarsaat inummut ataatsimut tunngasunik oqaãsertaqarpoq aammalu tamanut tunngasunik assigiinnik oqaasertaqarpoq.
Imm. 2. Inummut ataatsimut tunngasunik oqaasertatigut makku ilisimatitsissutigineqassapput:
1) ilinniartitsisunngorniartoq pillugu paasissutissat piffissamilu soraarummeerfimmi sumi fagimi kingullermi soraarummeersimaneq,
2) atuartitsinermik sunginsarnermi nalilerneqarneq,
3) qanoq angusaqarsimanec pillugu karakteri faginilu ataasiakkaani tamani, § 27 naapertorlugu ilanngunneqartuni, soraarummeernermi karakteri,
4) fagit annerusumik samniisassat suut aamma fagit qinigassat suut ilinniartitsisunngorniartup sammisimanerai,
5) § 4 naapertorlugu faginut peqataasinnaajunnaarsitaasimasinnaaneq,
6) tapertaasumik kursusernerni peqataaneq,
7) nammineq piumassutsimik ilinniartitaanermi peqataaneq, tak. § 9, imm. 2. Paasissutissat allat ilanngunneqarsinnaanngillat.
Imm. 3. Tamanut tunngasunik oqaasertani allassimassapput nalunaarummi § 2-mi aamma § 27-mi oqaasertat.
Imm. 4. Soraarummeersimanermut uppernarsaat rektorimit suliarineqassaaq ilinniartitsisunngorniartup allattorneqarfigisimasaa najoqutaralugu. Rektorip uppernarsaat atsiussavaa.
Imm. 5. Soraarummeersimanermut uppernarsaatissap ilusilersornissaa Kultureqarnermi atuartitsinermilu Pisortaqarfiup aalajangisisavaa.

§ 32. Nalunaarut una atortuulissaaq ulloq 1. september 1990.

Namminersornerullutik Oqartussat, Nuuk, ulloq 28. august 1990

Jens Lyberth

/

Hugin S. Christiansen