Namminersornerullutik Oqartussat nalunaarutaat nr. 35, 27. august 1990-imeersoq Piginneqatigiilluni inissialiornissannit akuersisarneq pillugu.
Piginneqatigiilluni inissiat pillugit Inatsisartut peqqussutaat nr. 4 20. juni 1989-imeersoq, Inatsisartut peqqussutaanni nr. 5-imi 29. maj 1990-imeersumit allanngortinneqartumi makku aalajangiunneqarput:
Pilersitsinermi isumaqatigiissut.
§ 1. Piginneqatigiilluni inissialiornissamut peqatigiiffimmik pilersitsineq uppernarsarneqassaaq pilersitsinermik isumaqatigiissutiliornikkut pilersitseqataasunit tamanit atsiorneqartumik.
Imm. 2. Pilersitsinermi isumaqatigiissutissamik Ineqarnermut Pisortaqarfik assersuusiussaq, taassumap imarisaa minnerpaamik peqatigiiffiup pilersitsinermi isumaqatigiissutaani imarineqassalluni.
Pilersaarusioqqaarnissamut najoqqutassaq.
§ 2. Piginneqatigiilluni inissialiornissamut peqatigiiffik pilersinneqartoq peqatigiiffiup piumasaqaataannik kissaataannillu pingaarnernik imalimmik pilersaarusioqqaarnissamut najoqqutassiussaaq. Najoqqutassaq sanaartugassamut pilersaarusiornissamut titartagartalersuinissamullu tunngaviussaaq.
Imm. 2. Ineqarnermut Pisortaqarfik pilersaarusioqqaarnissamut najoqqutassiorsimavoq taassumalu imarisai peqatigiiffiup pilersaarusiatut saqqummiussaata minnerpaamik imarissavai.
Imm. 3. Pilersaarusioqqaarnissamik suliaqarnermut aningaasartuutit tapiiffigineqarsinnaanngillat.§ 3. Ineqarnermut akilersuutissatut ilimagisaqpilersaarusioqqaarneq tunngavigalugu naatsorsorneqassaaq.
Sanaartugassanut pitsaassuserititat.
§ 4. Pisortanit tapiiffigineqassagaanni sanaartugassap pitsaassuserisaa, inissianut attartortittakkanut pisortat sanaartortittagaannut pitaassuseritittakkamit sukkulluunniit atuuttumit qaffasinnerussanngilaq.
Pisortanit tapiiffigineqarnissamik qinnuteqaat.
§ 5. Pisortanit tapiiffigineqarnissamik allakkatigut qinnuteqaat marlunngorlugu kommunalbestyrelsemut nassiunneqassaaq.
Imm. 2. Qinnuteqaammut ilanngunneqassapput:
1) Pilersitsinermut isumaqatigiissut, tak. § 1.
2) Pilersaarusioqqaarnissamut najoqqutassaq, tak. § 2.
3) Peqatigiiffiup malittarisassai.
4) Sanatitsinissami katillugit aningaasartuutissatut ilimagisat 7%-iannik piginneqataasut namminneq aallarniutitut akiliutissaannut bank-imiit uppernarsaasiussaq.
5) Realkreditimit taarsigassarsitinneqarnissamik peqati giiffimmut siumoortumik neriorsuut.§ 6. Qinnuteqaat akuersissutigineqarpat kommunalbestyrelsep Ineqarnermut Pisortaqarfimmut nassiutissavaa piginneqatigiilluni inissialiulernissap aallartinnissaanut ukiup tapiiffigineqarfissatut kissaatigisap siuliani 1. marts nallertinnagu.
Imm. 2. Qinnuteqaat nangillugu suliarineqassaaq piffissaliussat piffissarititassatut pilersaarusiami Ineqarnermut Pisortaqarfimmit suliarineqarsimasumiittut naapertorlugit.§ 7. Kommunalbestyrelsep akuersissutaa tunngavigalugu peqatigiiffiup pilersaarusioqqaarnissamut najoqqutassiaa Ineqarnermut Pisortaqarfiup 1. april missaani isummerfigissavaa. Matuma kingorna anlngaasatqinnuteqaatigineqartut ukiunut tulliuttunut aningaasanut inatsisissatut siunnersuummi ilanngunneqarsimanersut kommunalbestyrelsemut nalunaarutigineqassaaq.
Imm. 2. Nalunaarutip imm. 1-imi taaneqartup assilineqarnera piginneqatigiilluni inissiaateqarnermik peqatigiiffimmut nassiunneqassaaq.§ 8. Tapiiffigineqarnissamik neriorsuutip nalunaarutigineqannginnerani peqatigiiffik titartagartalersuititsisimappat tamanna peqatigiiffiup nammineq akilissavaa. Peqatigiiffik tapiiffigineqarnissamik inaarutaasumik neriorsuummik kingusinnerusukkut nalunaarfigineqarsimappat aningaasartuutit tapiiffiginnissutaasinnaapput.
Sanaartugassamut tamakkiisumik tunngavissaq.
§ 9. Sanaartugassamut tamakkiisumik tunngavissaq sanaartornermut oqartussanit akuersissutigineqartoq sanaartornissap sulisussarsiuunneqannginnerani Ineqarnermut Pisortaqarfimmit akuerineqaqqaassaaq. Sanaartugassamut tamakkiisumik tunngavissami illuliariniarneqartut tamarmik ilaassapput aammalu sanaartugassat allat sanaartugassamut attuumassuteqartut ilaassallutik.
Imm. 2. Sanaartugassamuttamakkiisumiktunngavissamut ilanngunneqassapput "Suliassanut nassuiaat immikkut ittoq" aamma sanaartugassamut B-tut missingersuut naleqquttunngorsagaq.
Imm. 3. Sanaartugassamut missingersuummi B-mi makku ilaatinneqassapput:
1) Sulisussarsiuussani tamani neqeroorutissatut ilimagisat.
2) 10 % ilimaginngisanut aningaasartuutissat.
3) Siornersortit akissarsiastsaat.
4) Sanaartorfigissaanissamut akiliutaasinnaasut.
5) Allaffissornermut aningaasartuutissat.
6) Aningaasaliiniarnermi aningaasartuutissat aammalu
7) Naqissusiinermut akiliutissat.
Imm. 4. Sanaartugassamut missingersuummi B-mi ilanngunneqassapput piffissami sanaartorfigisami sanaartornermi aningaasartuutit akilernissaannut agguataarinissamut najoqqutassaq. Aamma ilanngunneqassaaq sanaartugassamut missingersuut B tunngavigalugu ineqarnermut akiliutissap naatsorsuusiornera.§ 10. Sanaartugassamut tamakkiisumik tunngavissaq sanaartugassamullu B-tut missingersuut Ineqarnermut Pisortaqarf immut saqqummiunneqartinnagu kommunalbestyrelsep aammalu piginneqatigiilluni inissiaatillit peqatigiiffiata akornanni sanaartugassamut sulisussarsiuusseriaaseq qanoq ittoq atorneqassanersoq isumaqatigiissutigineqassaaq.
Imm. 2. Allamik isumaqatigiissuteqartoqanngippat sanaartugassaq tamanut ammasumik sulisussarsiuunneqassaaq "Kalaallit Nunaanni sanaartornermi suliassanut atortussaliinissanullu ataatsimut piumasaqaatit, FBG 79" tunngavigalugu.
Imm. 3. Sulisussarsiuusseriaatsit allat atorneqarnissaat pillugu Naalakkersuisut erseqqinnerusunik maleruagassaliorsinnaapput. Maleruagassat eqqortinneqarnissaat kommunalbestyrelsep nakkutigissavaa.
Sanaartugassamut tamakkiisumik akigitinniakkat.
§ 11. Sanaartornissaq aallartitsinnagu Ineqarnermut Pisortaqarfiup aammalu kommunalbestyrelsep sanaartugassamut tamakkiisumik akigitinniakkat akuersissutigeqqaassavaat.
Imm. 2. Sanaartugassamut tamakkiisumik akigitinniakkani ilaatinneqassapput:
1) Sulisussarsiuussanitamani neqeroorutit pissarsiarineqarsimasut pisussaaffigisallu,
2) 5% ilimaginngisanut aningaasartuutissat,
3) siunnersortit akissarsiassaat,
4) sanaartorfigissaanissamut akiliutaasinnaasut,
5) allaffissornermut aningaasartuutissat,
6) aningaasaliiniarnermi aningaasartuutissat aammalu
7) naqissusiinermut akiliutissat.
Imm. 3. Sanaartugassamut tamakkiisumik akigitinniakkanut ilanngunneqassapput aningaasanut pilersaarut aammalu piffissami sanaartorfigisassami sanaartornermi aningaasartuutit akilernissaannut agguataarinissamut pilersaarusiaq. Aamma ilanngunneqassaaq sanaartugassamut tamakkiisumik akigitinniakkat tunngavigalugit ineqarnermut akiliutissap naatsorsuusiornera.§ 12. Sanaartugassamut tamakkiisumik akigitinniakkat akuersissutigineqarpata pisortat tapiissutissaat Naalakkersuisut kommunalbestyrelsellu tunniutissavaat nalunaarutigalugulu sanaartornermi aningaasartuutit akilernissaannut agguataarinissamut pilersaarut akuerineqarsinnaanersoq.
§ 13. Inaarutaasumik missiliuutip Ineqarnermut Pisortaqarfimmit akuerineqannginnerani pisussaaffigisassanik isumaqatigiissuteqéLrtoqarsimappat imaluunniit sanaartornermik aallartitsisoqarsimappat tapiinissamik neriorsuut atorunnaassaaq.
Sanaartornermut siunnersuineq.
§ 14. Sanatitsisutut nakkutilliisoqarnissaq kommunalbestyrelsep isumagissavaa.
Imm. 2. Kommunalbestyrelsep Ineqarnermut Pisortaqarfimmut nalunaarutigissavaa sanaartornermut aqutsisussatut kommnalbestyrelsep aammalu piginneqatigiilluni inissiaatillit peqatigiiffiata kina toqqarsimaneraat.§ 15. Sanaartornermi siunnersortip aningaasartuutai Namminersornerullutik Oqartussat aammalu TSP-p, Kalaallit Nunaanni teknikkikkut siunnersortit peqatigiiffiata akornanni siunnersuinermi akigititassatut isumaqatigiissutaasut naapertorlugit naatsorsorneqartunit annertunerussanngillat.
Aningaasaliinissaq.
§ 16. Aningaaseriviup piginneqatigiilluni inissiaatillit peqatigiiffiannit toqqarneqartup pisortat tapiissutissaasa tunniunneqarnissaasa tungaanut sanaartornerup ingerlanneqartup aningaasalernissaa isumagissavaa.
Imm. 2. Aningaasanut pilersaarut akuersissutigineqartoq naapertorlugu aningaaseriviup pineqartup pisortat tapiissutaat tigooqqassavai. Aningaasanut pilersaarut saneqqullugu atuisoqarpat atukkat annertoqataat tapiissutinit tiguneqassapput.§ 17. Sanaartornerup nalaani akiliutigisartakkanik Naalakkersuisut, kommunalbestyrelsi aammalu piginneqatigiilluni inissiaatillit peqatigiiffiat assigiimmik aningaasaliisassapput. Sanaartornermi aningaasartuutit annertussusaai qaammatit pingasukkaarlugit kommunalbestyrelsemut Ineqarnermullu Pisortaqarf immut nassiunneqartassapput.
§ 18. Sanaartorneq naammassereerpat peqatigiiffiup aningaaseriviata kreditforertingip taarsigassarsiarititai tigussavai.
Sanaartornermi naatsorsuutit.
§ 19. Sanaartornermi naatsorsuutit inaakkat aammalu sanaartukkamik tunniussinermi allagartap assilinera kommunalbestyrelsemut aammalu Ineqarnermut Pisortaqarfimmut inaarutaasumik akuerisassanngorlugit nassiunneqassapput kingusinnerpaamik sanaartukkap tunniunneqarneraniit qaammatit pingasut qaangiuppata. Sanaartukkamik tunniussinermi allagartani ilaassaaq amigaataasunut allattuiffik nassuiaasersugaq.
§ 20. Inigisamut akilersuutissaq sanaartornermi naatsorsuutit inaakkat tunngavigalugit naatsorsorneqassaaq.
§ 21. Sanaartukkanut ataasiakkaanut pisortat tapiissutissaat sanaartornermi naatsorsuutit kommunalbestyrelsemit aammalu Ineqarnermut Pisortaqarfimmit akuerineqartut tunngavigalugit inaarutaasumik aalajangerneqassapput.
Atuutilerfia.
§ 22. Nalunaarut atuutilissaaq 1. september 1990.
Namminersornerullutik Oqartussat, ulloq 27. august 1990
Moses Olsen/
Dorthe Johannsen