Illoqqortoormiut kommunianni imigassanik aalakoornartulinnik nioqquteqarneq saasaallertarnerlu pillugit Namminersornerullutik Oqartussat Nalunaarutaat nr. 32, 31. juli 1990-imeersoq.
Inatsisartut inatsisaanni nr. 13-imi 26. oktober 1989-imeersumi § 23 imm. 1 malillugu aalajangersarneqarpoq:
§ 1. Illoqqortoormiut kommunianni imigassanik aalakoornartulinnik nioqquteqarneq sassaallertarnerlu tamarmi piffissami killiligaanngitsumi inerteqqutaavoq.
§ 2. § 1-imi aalajangersakkamik unioqqutitsineq akiliisitsinermik pineqaatissiissutaasinnaavoq, tak. Inatsisartut inatsisaanni § 24.
§ 3. Nalunaarut manna atortuulersinneqarpoq 1. august 1990 aallarnerfigalugu.
Imm. 2. Matumunnga atatillugu Illoqqortoormiut kommunianni imigassanik aalakoornartulinnik killilersuineq pillugu Namminersornerullutik Oqartussat Nalunaarutaat nr. 7 28. februar 1989-imeersoq piffissamut killiligaannngitsumut atorunnaarsinneqarpoq. Matoqqatitsinerup nalaani pointinik imigassanik aalakoornartulinnik pisinissamut kateirsuisoqarsinnaanngilaq.
Namminersornerullutik Oqartussat ulloq 31. juli 1990
Jens Lyberth/
Jens Christian Frederiksen