Namminersornerullutik Oqartussat nalunaarutaat nr. 29 ulloq 7. juni 1990-imeersoq Kalaallit Nunaanni tuttunik eqqissisimatitsinermut tunngasoq.
Inuutissarsiutigalugu piniarnermut aallaniarnermullu Inatsisartut inatsisaanni nr. 12 22. november 1984-imeersumi § 4 aamma § 9 naapertorlugit aalajangersarneqartut makkuupput:
Piniarfissat pisassinneqareerlunilu piniarneq.
§ 1. Tuttut (Rangifer tarandus) piffissami 26. septemberimit 31. juli ilanngullugu piniaqqusaanngillat. Piffissami 1. augustimit 25. september ilanngullugu aatsaat tuttunniartoqarsinnaavoq.
Imm. 2. Imm. 1-imi aalajargersagaq taamaakkaluarpalluunniit Naalakkersuisut pissutsit immikkut itsillugit aammalu allakkatigut tamatumunnga tunngatillugu komnmnalbestyrelsemit qinnuteqartoqaqqaarneratigut kommuneni ataasiakkaani 1. martsip 31. martsillu akornanni ullut 15-it angullugit piurnasaqaatitalinnik tuttunniarnissamut immikkut ittumik akuersissuteqarsinnaapput. Kommunalbestyrelsep nammineq aalajangissavaa qaqugu piffissap taaneqartup iluani tuttunniartoqassanersoq tamannalu Inuutissarsiornermi Pisortaqarfimmut kingusinnerpaamik tuttimniarnissaq ullunik 14-inik sioqqullugu nalunaarutigineqassaaq.
Imm. 3. Avanersuup, Uummannap, Ilulissat, Nuup kiisalu Tasiilap kommuneeni kommunalbestyrelse tuttunik nujuitsunik inissiiffiusimasuni sumi piniartoqarsinnaanissaa aalajangereerlugu aalajangiisinnaavoq tuttunniarnermi pisarineqartussat kommunalbestyrelsep qanoq amerlatigisunik pisaqartoqarnissaanik aalajangiisimanerata iluaniissasut. Kommunalbestyrelsep tuttunniarnissap aallartinnissaanut ullut 14-nngortinnagit Inuutissarsiornermi Pisortaqarfik qanoq pisassiisoqarsimaneranik aammalu piumasaqaataasunut tunngasunik nalunaarfigissavaa.
Imm. 4. Ukiukkut tuttunniarnissamut, tak. imm. 2, imaluunniit pisassinneqareerluni piniarnissamut, tak. imm. 3, akuersissutit inunnut inuutissarsiutigalugu piniartunut aallaaniartimullu aatsaat tunniunneqarsinnaapput. Naalakkersuisut ukiukkut tuttunniarnissamut immikkut ittumik akuersissutaat kommunalbestyrelsellu pisassiissutaasa aalajangerneqarnerat kiisalu tamatumunnga atatillugu piumasaqaatigineqartut radiokkut atuagassiatigullu nalunaarutigineqassapput.
Killigititat
§ 2. Inuit piniarnermik aallaaniarnermillu inuutissarsiuteqartut piffissami tuttunniarfissami § 1, imm. 1-imi taaneqartumi tuttunniarluni aallarnermi ataatsimi tuttut arfinillit angullugit tuttussinnaatitaapput.
Imm. 2. Inuit piniarnermik aallaaniarnermillu inuutissarsiumminnut tapertaqartut piffissami tuttunniarfissami § 1, imm. 1-imi taaneqartumi illoqutigiittut arfineq pingasut angnllugit tuttussinnaatitaapput, kisiannili tuttunniarnermi ataatsimi amerlarierpaamik arfinillit pisarisinnaallugit.
Imm. 3. Inuit sunngiffimminni tuttunniartartut Kalaallit Nunaannilu aalajangersimasumik najugaqartuusut piffissami tuttunniarfissami § 1, imm. 1-imi taaneqartumi illoqutigiittut pingasut angullugit tuttussinnaatitaapput.
Imm. 4. Inuit Kalaallit Nunaanni najugaqavissuunngitsut piniarsinnaanermut allagartamut ataatsimut unioqqutitsinatik ataatsimik tuttussinnaatitaapput pisussaatitadlutilli piniarsinnaanermut allagartaqassallutik Namminersornerullutik Oqartussat nalunaarutaata nr. 22, 18. maj 1989-imeersup aallaaniarsinnaanermut aalisarsinnaanermullu allagartaqarnissamut tunngasup maleruagassartai malillugit.
Imm. 5. 'Tuttunniarneq ataaseq" ima paasineqassaaq tuttunniartup tuttunniarniarluni ataasiarluni aallarneratut. Aallarneq piniartup nammineq najukkaminit aallarnerissavaa najukkaminullu uternerissallugu. Aallarnerli ataaseq ullunik 14-init sivisuneruppat asimilu najugaqartoqarpat taava aallarneq tassanngaaniit pisartutut isigineqassaaq.
Aallaaniarnermi angalanermilu atortut.
§ 3. Tuttunniarnermi aallaat minnerpaaq atorneqarsinnaasoq .222 kalibereqassaaq, tassa assigalugu sullua 5,64 mm. Qoorortuuaqqat, timmiarsiutit kiisalu aallaasit eqittaannartakkat (halvautomatiske) eqqarasuartaatillu (helautomatiske) tuttunniarnermi atoqqusaanngillat.
Imm. 2. Piffissami 1. augustimit 25. september ilanngullugu tuttunniarfinni qimmilisartoqaqqusaanngilaq. Ukiukkulli qimmit qimuttoralugit tuttunniarnermi alorneqarsinnaapput. Qimmit pituutaqanngitsut tuttunniarfinneeqqusaanngillat.
Imm. 3. Ukiuunerani tuttunniarnermi qimmit qimuttorineqartut kingusinnerpaamik aallarnissaq sapaatip akunnerinik pingasunik sioqqullugu siusinnerpaamillu ukiunik pingasunik sioqqullugu perlerornermut akiuussutissamik kapitissimassapput.
Imm. 4. Tuttunniarnermi timmisartut, helikopterit, snescooterit kiisalu qamutit motorillit allat atorneqaqqusaanngillat imaluunniit tuttunniarnermut atatillugu assartuutitut atoqqusaanatik.
Tuttunik eqqissisimatitsiviit.
§ 4. Ilulissat, Qeqertarsuup, Qasigiannguit, Kangaatsiap, Sisimiut, Maniitsup, Nuup aamma Paamiut kommuneeni minnerpaamik kommunep nunataata sermeqanngitsup tallimararterutaa tuttunik eqqissisimatitsiviussaaq. Tamakkunani ukioq tamaat tuttunniartoqaqqusaanngilaq.
Imm. 2. Kommunalbestyrelsep sumi tuttunik eqqissisimatitsiveqartoqarnera nalunaarutigissavaa. Sumiinnera nunap assinganut erseqqissumik titartarsinnarlugu Inuutissarsiarnermi Pisortaqarfimmut nassiunneqassaaq.
Imm. 3. Tuttunik eqqissisimatitsiviusoq uumasunit neriffigineqartarnerminit peqquteqartumik nungullarsimappat imaluunniit allanik peqquteqartumik naleqqukkunnaarsimappat kommunep tuttunik eqqissisimatitsiviup allamut naleqqunnerusumut nuunnissaa isumagissavaa, tamannalu Inuutissarsiornermi Pisortaqarfimmut nalunaarutigineqassaaq.
Tuttutat il.il. atorneqarnissaat.
§ 5. Tuttut pissatat erngiinnaq ujarneqartassapput toqunneqartarlutillu.
Imm. 2. Tuttutat neqaat amiilu pisaqarfimmi tamarmik atorneqassapput imaluunniit angerlaanneqa ssallutik.
Imm. 3. Piffissami 1. augustimit 25. september ilanngullugu aatsaat tuttut nassuinik katersisoqarsinnaavoq.
Imm. 4. Tuttut unioqqutitsilluni pisat taakkuluunniit ilamerngi pisiareqqusaanngillat allatulluunniit pissarsiareqqusaanatik.
Nakkutilliineq unioqqutitsinerlu.
§ 6. Tuttunniaq kinaluunniit politiinit, kommunemi nakkutilliisunit imaluunniit oqartussaneersunit taniakkunannga suliaqartunit piumaffigineqaruni tuttunniarsinnaanerminut uppernarsaammik, soorlu piniarsinnaanermut allagartamik imaluunriiit sumi najugaqarnermut uppernarsaammik takutitsisinnaassaaq.
Imm. 2. Uuma nalunaarutip maleruagassartaanik unioqqutitsinerit akiliisitaanermik aamma/imaluunniit arsaagaanermik kinguneqarsinnaapput. Suliassat tamakkununnga tunngasut Inuutissarsiutigalugu piniarnermut aallaaniarnermullu Inatsisartut inatsisaanni maleruagassat malillugit suliarineqartassapput.
Immikkut akuerineqarneq.
§ 7. Naalakkersuisut §§ 1-4-mi kiisalu § 5, imm. 3-mi aalajangersakkanit allaanerusumik immikkut ittumik ilisimatuussuseq tunngavigalugu aammalu siunertanut allanut tunrgatillugu akuersissuteqarsinnaapput.
Atortuulernera il.il..
§ 8. Nalunaarut una 1. august 1990 atortuulissaaq.
Imm. 2. Tamanna ilutigalugu tuttunik eqqissisimatitsineq pillugu Namminersornerullutik Oqartussat nalunaarutaat nr. 10, 9. april 1987-imeersoq atortuujunnaassaaq.
Namminersornerullutik Oqartussat Nuuk, ulloq 7. juni 1990
Kaj Egede/
Jørn Graversen