Namminersornerullutik Oqartussat nalunaarutaat nr. 23, 15. maj 1990-imeersoq Oqaasiliortut pillugit.
Oqaasiliortut pillugit Inatsisartut inatsisaanni nr. 12, 26. oktober 1989-imeersumi §§ 3 aamma 4 tunngavigalugit aalaj angersarneqarpoq:
§ 1. Oqaasiliortut suliassaraat oqaatsit oqariartaatsillu nutaat, naalisakkat ilanngullugit, katersussallugit nalunaarsussallugit akuerissallugillu.
Imm. 2. Oqaasiliortut suliassaraattaaq kalaallit oqaasii pillugit pisortat inuillu siunnersortassallugit.
Imm. 3. Aaammattaaq oqaasiliortut suliassaraat suliffeqarfiit kalaallisut aammalu Kalaallit Nunaanni atsersuisartut imaluunniit atissanik inassuteqartartut suleqatigissallugit.§ 2. Oqaasiliortut suliassaraattaq:
1) pisortat inuillu ilitsersortassallugit oqaatsit aqqillu nutaat nunanit allaneersut atorneqarnerannik.
2) kalaallit oqaasiisa eqqortumik allanneqartarnerannik atuakkiaq aaqqissortassallugu saqqummersittassallugulu.
3) killiffilersuutit, oqaatsit allannissaat ass. pillugit malittarisassaliussallutik.
4) kalaallit oqaasii pillugit atortussat qaammarsaataasut siammartissalugit al:uagassiat piffissami aalajangersumi saqqummersartut kulturimut tunngassuteqartut aqqutigalugit.
5) Kalaallit Nunaanni nunat aqqinut aalajangiisartut suleqatigissallugit.
6) nunani avannaamioqatigiinni suleqatigiiffiit taamaattut suleqatigissallugit.
7) nunani allani suleqatigiiffiit taamaattut, taakkunani immikkut pingaartissallugit Canadami, USA-mi USSR-imilu Inuit kattuffii, suleqatigissallugit.
Imm. 2. Naalakkersuisut Oqaasiliortut sulianik siuliini taaneqartunut assingusunik allanik sulisissinnaavaat.§ 3. Kalaallisut oqaatsit oqariartaatsillu nutaat, taakkununnga ilaallutik naalisakkat oqaasersiallu, Oqaasiliortunit akuerineqartinnatik misissorluarneqaqqaartassapput paasisimasallit suleqatigalugit.
Imm. 2. Oqaasersiat kalaallit oqaasiinut ilannguttussatut akuersissutigineqartlnnagit, Oqaasiliortut periarfissaqarsimassapput nalilersussallugu allanneqarnikkut oqalunnikkullu kalaallit oqaasiisa nipaannut pissusiannullu tulluarsarneqarsinnaanersut.
Imm. 3. Akuersissutiginniittussaaneq akuersissutiginnittartunut allanut tunniunneqarsinnaanngilaq.§ 4. Oqaasiliortut ullorntut sulinerat allattoqarfimmit Kultureqarnermi atuartitsinermilu Pisortaqarfimmi inissisimasumit ingerlanneqassaaq.
Imm. 2. Oqaasiliortut sulinerminni atugassanik ukiumoortumik aningaasatigut missingersuusiortassapput.§ 5. Naalakkersuisut Oqaasiliortut ataanni ataatsimiititaliorsinnaapput suliassanik immikkut ittunik sulissutiginnittussanik.
Imm. 2. Ataatsimiititaliat taamatut pilersaarusiugaallutik aningaasartuutissaat Oqaasiliortut ukiumut tullermut aningaasatigut missingersuusiaannut pisariaqartumik qinnuteqaatigereerlugit ilanngunneqartassapput.§ 6. Naalakkersuisut Oqaasiliortut suleriaasissaat aalajangissavaat Oqaasillortut siunnersuutaat tunngavigalugu.
§ 7. Oqaasiliortut ukiut tamaasa sulinertik pillugu naalakkersuisunut nalunaaruteqartassapput, tassunga ilanngutissallugit apeqquteqaatit qanoq akineqarnerannik namminnerlu saqqummiussamik qanoq ilusilersorneqarnerannik paasissutissat.
§ 8. Nalunaarut atulerpcq 1. juni 1990-imit.
Namminersornerullutik Oqartussat, ulloq 15. maj 1990.
Jens Lybert/
Hugin Christiansen