Namminersornerullutik Oqartussat nalunaarutaat nr. 15, 22. marts 1990-imeersoq tikaagullinniarnermut tunngasoq.

Innutissarsiutigalugu piniarnermut aallanniarnermullu inatsisartut inatsisaanni nr. 12 ulloq 22. november 1984-meersumi § 4 aamma § 9 naapertorlugu makku aalajangerneqarput:

 

§ 1. Tikaagulliit Kalaallit Nunaata imartaani aalisarfiusumi piffissami aprilip aallaqqaataaniit decemberip 31-at ilanngullugu kisimi pisarineqarsinnaapput.

§ 2. Akuersissummik pigisaqartut kisimik tikaagullinniarsinnaapput.

§ 3. Kommunalbestyrelse, Naalakkersuisut pisassat qanoq amerlatiginissaannut tunngatillugu aalajangiisintanerisa iluanni, tak. § 7, imm. 2, aamma imm. 3, akuersissutinik normulersukkanik, akuersisummik ataatsimik norntulimmik pigisalimmut ataatsimik tikaagullissinnaatitsissummik, tunniussissaaq.
Imm. 2. Akuersissut qinnuteqareernikkut, aatsaallu aalisartut piniartullu peqatigiiffiannik isumasioqatiginnereernerup kingorna tunniunneqartassapput. Akuersissutit allanneqartassapput allaffissianut normulersukkanut Naalakkersuisut kommunenut nassiussimasaannut.

§ 4. Kommunalbestyrelse akuersissutinik tunniussisinnaavoq inunnut
1) Kalaallit Nunaanni najugaqartunut inuiaqatigiinnullu kalaallinut aalajangersimasuntik attuumassuteqartunut,
2) piniarsinnaanermut, kcmmunalbestyrelsep tunniussaanik, piniarnermik aallaaniarnermillu pingaarnerutillugu inuutissarsiornermik ingerlatsisinnaanermik kinguneqartumik, allagartalinnut.
Imm. 2. Ataatsimoorluri arfanniarnermi tak. § 6, akuersissut, piniarnermi akisussaasutut toqqarneqarsimasumut, tunniunneqassaaq. Piniaqataasut aqqi akuersissummut allanneqassapput.
Imm. 3. akuersissutip ukiup aallartinneraniit naaneranut kisimi atortuupput.

§ 5. Tikaagullinniarnernti qamutillit tuukkartallit 50 mm-inik qaangerluguluunniit sulloqqortussusillit (kaliber) kisimik sakkugeqqusaapput. Qantutilereerneratali kingorna aallaasit 7,62 mm-inik qaangerluguluunniit sulloqqortusillit, eqittaannartagaanngitsulli, sakkugineqarsinnaapput.

§ 6. Naalakkersuisut ataatsimoorluni piniarnermi qamutilimmik tuukkartalimmik sakkoqanngikkaluarluni amerlassusissai aalajangikkanik tikaagullittassiisinnaapput. Taamatut akuersissuteqartoqarsinnaavoq pisaqarnissaq nunaqqatigiinnut pingaaruteqarluinnarpat, kiisalu aamma kutterit tuukkartalinnik qamutilillit neqinik naammattunik pissarsissusiisinnaanngippata.
Imm. 2. Taamatut akuerineqarumalluni qinnuteqaat allaganngorlugu tunniunneqassaaq akuersissutillu tunniunneqartup normua tak. § 4, imm. 2 ilisimatitsissutigineqassaaq. Kiisalu aamma ilanngunneqassaaq kommunalbestyrelseminngaaniit aantmalu aalisartut piniartullu peqatigiiffianinngaanniit inassuteqaat.
Imm. 3. Naalakkersuisut akuersissuteqarneranni piumasaqaatigineqarput,
1) piniarneq ataatsimoorluni piniarnerussasoq piniarnermi ataatsimi ikinnerpaamik angallatinik tallintanik peqataaffigineqartoq,
2) piniarneq ingerlanneqassaaq § 5-imi aallaasit eqqaaneqartut sakkugalugit,
3) angallatit tamarmik unaaqassapput tuukkartalinnik, allunaasaateqassallutik aminnerpaamik 12 mm-iusunik puttaqutaateqassallutillu arferup kivisoorutiginnginnissaanut atorneqartussanik naammattunik,
4) piniarneq aallartinnecassanngilaq peqataasut tamarmik piniarnerup aallartinneranik nalunaarfigineqareersinnagit,
5) piaarnerpaamik tikaagullik toqusarneqassasoq.

§ 7. Ukiut tamaasa Naalakkersuisut tikaagulliit ukioq taanna kalaallit Nuraata kitaani Tunullu imartaani amerlanerpaamik qassit pisarineqarsinnaassanersut nalunaarutigissavaat. 1990-imi Kalaallit Nunaata kitaata imartaani tikaagulliit 95-it pisarineqarsinnaassapput Tunullu imartaani 12-it pisarineqarsinnaassallutik.
Imm. 2. Taamatuttaarlu aamma Naalakkersuisut ukiut tamaasa Kalaallit Nunaata kitaani kommuneni ataasiakkaani ukioq taanna amerlanerpaamik tikaagullit qassit pisarineqarsinnaassanersut nalunaarutigisassavaat.
Imm. 3. Kalaallit Nunaata tunuata imartaani pisassiissutigineqartut Tasiilap aamma Ittoqqortoormiut kommuneesa nammineq qanoq agguataassanerlugit isumaqatigiissutigissavaat.
Imm. 4. Kommunalbestyrelsep akuersissutit, pisassiissutigineqarsimasunut naapertuuttut, tunniussimalereeraangagit, kommunalbestyrelsep akuersissutinik tunineqarsimasut aqqi, akuersissutaasa normui angallatillu GR-normui Inuutissarsiornermi Pisortaqarfimmut ilisimatitsissutigissavai.
Imm. 5. Naalakkersuisut kommunemi ataatsimi ukiumut pisassiissutigineqarsimasunit amerlanerusunik pisaqartoqarsimasoq paasissagaluarunikku, taava naalakkersuisut ukiumi tullermi tikae.gullittassatut pisassiissutigineqarsimasut taakku sinnissutaasut amerlaqataannik ikilisissinnaavaat.

§ 8. Tikaagullittat tuniniarlugit aallartinneqarsinnaanngillat kommunep allaffianiit imaluunniit taassuma immikkoortortaqarfianiit pisaqarsimaneq akuersissummi naqissuserlugu uppernarsarneqartinnagu.
Imm. 2. Allaffilli matoqqappat tuniniaaneq aallartinneqarsinnaavoq allaffik ammarpat erngiinnaartumik akuersissut pisaqarsimanermut uppernarsaatitut naqissusertikkiartussagaanni.
Imm. 3. Akuersissummik pigisaqartup akuersissutip assilineqarneranut pisamik taassumaluunniit ilaanik tuniniaasinnaanermik akuersissuteqarsinnaavoq. Assilineqarnerani takuneqarsinnaassaaq pisarineqarsimasoq kontmunemi oqartussaasunit uppernarsarneqarsimasoq.

§ 9. Kommunalbestyrelsep aalajangersinnaavaa akuersissutit tunniunneqarsimasut tamarmik allakkatigut imaluunniit telefaxikkut, radiokkut, aviisitigut aamma atuagassiatigut imaluunniit tamakku assigisaasigut nalunaarutigineqarsimanerisa kingorna atortuujunnaarsinneqarsimasut. Immikkut Naalakkersuisut tamanna pillugu nalunaarfigineqassapput.
Imm. 2. Nalunaaruteqartoqareerpat akuersissummik pigisallit akuersissut kcmmunalbestyrelsemut utertissavaat.
Imm. 3. Naalakkersuisut, kommunalbestyrelsep imm. 1 naapertorlugu piffissaq eqqorlugu Naalakkersuisunut Namminersornerullutik Oqartussat arfattat pissatallu nalunaarutigineqarnissaannut tunngatillugu nalunaarutaat tunngavigalugu nalunaarutigisimanngippassuk, kommunalbestyrelse naalakkersinnaavaat akuersissutit tunniunneqarsimasut atortuujunnaarsissagaat.
Imm. 4. Naalakkersuisut KNAPK-mik KANUKOKA-millu tusarniaaqqaareernermikkut radiokkut tusagassiuutitigullu allatigut nalunaarutigisinnaavaat, akuersissutit tunniunneqarsimasut tamarmik nalunaaruteqartoqarniariartoq atortuujunnaartut. Tamatunta kingorna tak. imm. 2 akuersissutit utertinneqassapput.

§ 10. Akiliisitaassapput
1) §§ 1, 2, 5, 8 aamma 9, imm. 2-mik unioqqutitsisimasut,
2) § 6-inti piumasaqaatinik eqqaaneqartunik naammassinnissimanngitsut.

§ 11. Nalunaarut atortuulissaaq aprilip aallaqqaataaninngaaniit 1990.
Imm. 2. Tamanna ilutigalugu nalunaarut nr. 29 ulloq 28. decentber 1988-imeersoq 1989-imi tikaagullittassanut tunngasoq atortuujunnaarsinneqarpoq.

Kalaallit Nunaanni Namminersornerullutik Oqartussat ulloq 22. marts 1990.

Kaj Egede

/

for Jørn Graversen

Jacob Paulsen