Tikinnermi nioqqutissat akitsuuteqanngitsut nassatarisinnaasat pillugit Namminersornerullutik Oqartussat nalunaarutaat nr. 12, 22. marts 1990-imeersoq.

Nioqqutissanik eqqussinermi eqqussuinermilu akitsuutit pillugit inatsisartut inatsisaanni nr. 1, 6. maj 1989-imeersumi § 9 naapertorlugu makku aalajangersarneqarput:

 

§ 1. Tikinnermi angalasut nioqqutissat tulliini taagorneqartutulli annertussuseqartut akitsuuteqanngitsumik nassatarisinnaavaat:
1) Cigaritsit 200 imaluunniit sikaat 50 imaluunniit cigarillosit 100 imaluunniit tupat 250 g.
2) Cigaritsit pappiarartassaat imaluunniit pappiarartassat ineriikkat 200.
3) Imigassaq kimittooq 1 J.iter imaluunniit hedvinit 2 liter.
4) Vini nerrit 2 liter.
5) Immiaaqqat 2 liter.
6) Tipigissaat 50 g aamma 1/4 liter tipigissoq. Tamakkua saniatigut pinnersaatit tipigissullu allat 300 koruunit nalinganut.
7) Sukkulaatit, lakridsit assigisaalluunniit katillugit 1 kg.
8) 1 kg kaffet imaluunniit tiit.
9) Neqi, neqinit nioqquti?siat imaluunniit timmissat katillugit 5 kg.
Imm. 2. Inuit 18-inik ukioqalereersimasut kisimik immiaaqqanik vininik imigas?anillu kimittuunnik kiisalu tupanik akitsuuteqanngitsunik eqqussisinnaatitaapput.

§ 2. Angallassinermi suiisuusut, t.i. inuit umiarsuarni timmisartunilu nunat tamalaat akornanni angalasuni angallassissutip ingerlanneqarnerani imaluunniit taassuma iluani suliaqartut, ullut 15 inorlugit sivisussusilimmik Kalaallit Nunaata avataani najugaqareersimagunik uternermi makkuninnga eqqussisinnaatitaapput:
1) Cigaritsit 60 imaluunniit sikaat 40 imaluunniit cigarillosit 50 imaluunniit tupat 250 g.
2) Hedvinit 2 liter aamma nerrisit 2 liter,kisianni imigassanik kimittuunik pinnatik.
3) Tipigissaat 50 g aamma 1/4 liter tipigissoq.
4) Kaffet 500 g.
5) Tiit 100 g.
Imm. 2. Ulluni 15-ini taakkuluunniit sinnerlugit Kalaallit Nunaata avataani najugaqareernermi angallassinermi sulisuusut inuttaasut § 1-imi maleruagassat naapertorlugit nioqqutissanik nassarsinnaapput.

§ 3. Umiarsuarni, Kalaallit Nunaata avataani nalunaarsorneqarsimasuni, inuttaasut umiarsuup Kalaallit Nunaata imartaani angalanerani akitsuusigaanngitsunik atugaqarsinnaatitaapput. Inuttaasumut ataatsimut ulloq unnuarlu akitsuusigaanngitsunik atorneqarsinnaasut imaapput: vini 1/4 liter, imigassaq kimittooq 1/4 liter aamma tupanik nioqqusiat 40 g.
Imm. 2. Umiarsuani inuttaasut, imm. 1 naapertorlugu nioqqqutissanik akitsuusigaanngitsunik pissarsisimasut, akitsuusigaaffiusumiit aallarnissartik pissutigalugu umiarsuarmiit niusimasut ni.oqqutissanik akitsuusiganngitsunik, §§-ini 1-imi 2-milu annertussusissamut aalajangersakkat annertoqataanni.k, nassataqarsinnaatitaapput. Nioqqutissat taakku akitsuusigaaffiusumi atorneqaqqusaanngillat.
Imm. 3. Takornariat nunat allamiut umiarsuaannut ilaasartaatinut ilaasut imm. 1-imi taaneqartutut akitsuusigaanngitsunik atuisinnaatitaapput. Imm. 4. Takornariat, imm. 3 naapertorlugu akitsuusigaanngitsunik atugaqartut, nioqqutissanik akitsuusikkanik allanik nunaliaasseqqusaanngillat, taamaallat tupat, sukkulaatit aamma lakridsinik nioqqusiat, nammineq atugassat. Kalaallit Nunaat aqqusaarlugu angerlamut aallarnissaq akuersissutigineqarpat takornariap § 1 naapertorlugu nioqqutissat akitsuusigaanngitsut nassatarisinnaavai. Nioqqutissat taakku akitsuusigaaffiusumi atorneqaqqusaanngillat.
Imm. 5. Imm. 1 aamma 3 naapertorlugit akitsuusigaanngitsunik atuisinnaatitaaneq taammaallaat nioqqutissanut, umiarsuup akitsuusigaaaffiunngitsumi pisiarisimasaanut, atuuppoq.

§ 4. Angalanermi nammineq atugassatut atortut - tipigissaatit, pinnersaatit tipigissullu - inatsip § 2, nr. 20-a, naapertorlugu akitsuuteqartussat taamaallaat tamakku nakkutilliisutut oqartussat naliliineri tunngavigalugit annertussutsimikkut ilutsimikkullu angalanerup sivisussusianut nallersuunneqarsinnaappata, akitsuuteqanngitsumik eqquneqarsinnaapput.

§ 5. Kalaallit Nunaanni najugaqarallarnermi nammineq atugassatut angalanermi atortut, inatsisip § 2, nr. 24-31-ni taaneqartut, taamaallaat tamakku nakkutilliisutut oqartussat naliliineri. tunngavigalugit annertussutsimikkut ilutsimikkullu angalanermi atortussatut nalinginnaasutut isigineqarsinnaappata, eqqunneqarsinnaapput.
Imm. 2. Akitsuusiinnginnissamut piumasarineqarpoq angalanermi atortut aallarnermi nassarneqarnissaat.

§ 6. Inuit Kalaallit Nunaanni najugaqartut imaluunniit najugaqavissut Kalaallit Nunaannut tikeqqinnerminni angalanermi atortut, inat?isip § 2, nr. 24-31-ni taaneqartut, angalasup akitsuu?igaaffiusup avataani angalanermini nammineq atorsima?ai, akitsuuteqanngitsumik eqquteqqissinnaavai.

§ 7. §§-it 1-miit 6-mut malillugit akitsuusiinnginnissamut piumasarineqarpoq nioqqutissat/angalanermi atortut inummit nassarneqairnissaat imaluunniit tikinnermi inummit namminermit nassataniitinneqarnissaat, taamaalilluni nioqqutissat/angalanermi atortut tikiffimmi takutinneqarsinnaanngorlugit.

§ 8. Oqimaassutsip, angissutsip naleqassutsillu il.il. aalajangersarneqarnissaanni maleruagassat danskit ilanngaaserisuisa malitaat malinneqassapput.

§ 9. Akitsuusiinermik maleruagassat malinneqarnissaannik nakkutilliineq Kalaallit Nunaanni politinit aamma Kalaallit Niuerfianit ingerlanneqassaaq. Oqartussaasut taakku pisussaaffeqarlutillu pisinnaatitaaffeqarput nioqqutissat Kalaallit Nunaannut eqqunneqartartut tassanngaanniillu anninneqartartut nalunaarsorneqarnerat nakkutigineqarnerallu pillugit Inatsisartut inatsisaanni, nr. 16-mi 29. oktober 1985-imeersumi takuneqarsinnaasunik.

§ 10. Nalunaarummi uani. §§-it 1-miit 8-mut aalajangersakkanik unioqqutitsineq akiliisitsissutaasinnaavoq aammalu nioqqutissaq imaluunniit aningaasat, taassuma nalingata angeqatai, arsaarinnissutigineqarsinnaapput.

§ 11. Nalunaarut una 1, april 1990 aallarnerfigalugu atuutilerpoq.
Imm. 2. Nalunaarutip atuutilerfia killiffigalugu tikinnermi nioqqutissat akitsuuteqanngitsut nassatarisinnaasat pillugit nalunaarut nr. 16, 6. maj 1989-imersoq atorunnaarpoq.

Namminnersornerullutik Oqartussat, ulloq 22. marts 1990

Emil Abelsen

/

Kaare Hagemann