Namminersornerullutik Oqartussat nalunaarutaat nr. 9 ulloq 21. februar 1990-imeersoq 1990-imi aalisarnermi pisassarititaasunut tunngasoq.
Inatsisartut inatsisaanni nr. 11 21. november 1984-imeersumi inuutissarsiutigalugu aalisarnermut tunngasumi § 7, § 9, § 14 aamma § 23 naapertorlugit aalajangerneqarpoq:
Sumi atortuutinneqarnera.
§ 1. Nalunaarut Kalaallit Nunaata aalisarfittaani atortuuvoq.
Imm. 2. 1) Kalaallit Nunaata aalisarfittai makkuupput:"Kalaallit Nunaata kitaata avannaa" tassaavoq NAFO-p killeqarfiisa ilaasa 1-intlk taaguutillip ilaa 71º00'N-ip aamma 72º52,5'N-ip akornanniittoq, 58º00'V-ip kangianiittoq kiisalu 69º30'N-ip aamma 72º52'5N-ip akornanniittoq, 58º00'V-ip kitaaniittoq.
2) "Kalaallit Nunaata kitaa" tassaavoq NAFO-p killeqarfiisa ilaasa 1-intik taaguutillip ilaa 60º45'N-ip aamma 71º00'N-ip akornannlittoq, 58º00'V-ip kangiani kiisalu 60º45'N-ip aamma 69º30'N-ip akornanniittoq, 58º00'V-ip kitaani.
3) "Kalaallit Nunaata tunua" tassaavoq ICES-ip killeqarfiisa ilaat 11-mik, V-intik, Xll-imik aamma XlV-imik taaguutillit, Kalaallit Nunaata intartaani aalisarfinniittut.
4) "Basisliniet", tunngaviusumik killigititat, ministeriuneqarfiup nalunaarutaani nr. 629-mi 22. december 1976-imeersumi aamma nr. 176-imi 14. maj 1980-imeersumi Kalaallit Nunaata imartaani aalisarfinnut tunngasuni aalajangersarneqarsimapput.
Pisassat.
§ 2. Aalisakkat ilanngussaq 1-imi taaneqartut 1990-imi pisassarititaasut tamarmiusut (TAC) ilanngussami kolonnet 1-iannitut aalajangerneqarput.
§ 3. Ilanngussami aalisakkanik pisassaritinneqartutut taaneqarsimasunit Kalaallit aalisariutaat, tak. Inatsisartut inatsisaanni ínuutissarsiutigalugu aalisarnermut tunngasumi § 3, kolonnet 2-anni taaneqartunit amerlanerusunik 1990-ími pisaqassanngillat. Tassani piumasarineqartut ntalillugit aalisartoqassaaq.
§ 4. Angallatit Savalimmiuni nalunaarsorsimasut 1990-imi pisassarititanit katillugit ilanngussami kolonnet 3-anni allassimasut taamaallaat, tassanilu piumasarineqartuinnaat tunngavigalugit, pisarisinnaavaat.
§ 5. Angallatit nunani EF-imut ilaasortani nalunaarsorsimasut 1990-imi pisassarititanit katillugit ilanngussami kolonnet 4-anni allassimasut taamaallaat, tassanilu piumasarineqartuinnaat tunngavigalugit, pisarisinnaavaat.
§ 6. Angallatit Norgemi nalunaarsorsimasut 1990-imi pisassarititanit katillugit ilanngussami kolonnet 5-ianni allassimasut taamaallaat, tassanilu piumasarineqartuinnaat tunngavigalugit, pisarisinnaavaat.
§ 7. Angallatit allat §3 3-miit 6 ilanngullugu taaneqarsimanngitsut ilanngussami kolonnet 6-ianni allassimasut taamaallaat, tassanilu piumasarineqartuinnaat tunngavigalugit, pisarisinnaavaat.
§ 8. Naalakkersuisunut ilaasortap angallatinut §§ 4-miit 7 ilanngullugu taaneqarsimasunut akuersissutit tunniussimasai qanorlu sivisutigisumik atortussaaneri pisassat tamarmiusut annertussusaannut naapertuutissapput, agguaassinerlu angallatit taaneqartut aalisarsinnaasaat eqqarsaatigalugit ingerlanneqassaaq.
Aalisarunnaarneq.
§ 9. Ilanngussami pisassarititatut allanneqarsimasut aalisarneqarneri Naalakkersuisunut ilaasortap unitsissavai aalisakkat assigiinngitsut angallatinit immikkoortunit §§ 3-miit 7 ilanngullugu taaneqartunit aalisarneqartut tunngavigalugit.
Imm. 2. Kalaallit angallataasa (tak. § 3) aalisarunnaarnissaat radiokkut tusagassiuutitigullu nalunaarutigineqassaaq.
Imm. 3. Angallatit § 4-miit 7 ilanngullugu taaneqartut aalisarunnaarnissaat "elexikkut telegrammikkulluunniit angallammut pineqartumut umiarsuaatilinnulluunniit nalunaarutigineqassaaq. Angallatit § 5-imi taaneqartut pillugit nalunaarutip assinga EF-kommissionimuttaag nassiunneqas:saaq.
Imm. 4. Angallatit aali:sarunnaassapput piffissaq Naalakkersuisunut ilaasortamit aalajangerneqartoq eqqorlugu.
Pisarisuukkanut tunngatillugu maleruagassat.
§ 10. Angallatinut §§ 3-miit 7 ilanngullugu taaneqartunut Kalaallit Nunaata kitaani tunuanilu saarullinniarsinnaatitaasunut nataarnarniarsinnaatitaasunulluunniit (tak. ilanngussaq) pisarisuukkanut tunngatillugu maleruagassat atortuupput makku:
1) Kalaallit Nunaata kitaani tunumilu saarulliit pisassarititaasut tamarmiusut pisarineqarpata angallatit pineqartut sumiiffinni taaneqartuni aalisakkanik allanik aalisarnerminnut atatillugu saniatigut pisarisuukkatut saarullinniarsinnaajunnaarsitaassapput.
2) Kalaallit Nunaata kitaani tunumilu nataarnat pisassarititaasut tamarmiusut pisarineqarpata angallatit pineqartut sumiiffinni taaneqartuni aalisakkanik allanik aalisarnerminnut atatillugu saniatigut pisarisuukkatut nataarnarniarsinnaa*-itaajunnaassapput.
Imm. 2. Angallatinut §§ 3-miit 7 ilanngullugu taaneqartunut Kalaallit Nunaata kitaani tunumilu saarullinniarsinnaatitaanngitsunut nataarnarniarsinnaatitaanngitsunulluunniit, tak. ilanngussaq, pisarisuukkanut tunngatillugu maleruagassat atortuupput makku:
1) Angallatit natersiutinlk qalorsuarsortut, saarulliit pisarisuukkatut pisarineqartut immikkoortitereernerini pisarisuukkatut saarullittarineqartut angallammiitiinnarneqartut, suluppaagartat namminneq oqimaassusiisa 10%-iat aammalu allanik aalisagartat namminneq oqimaassusiisa 3%-iat, qaangersimassanngilaat.
2) Angallatit ningittagartortut, saarulliit pisarisuukkatut pisarineqartut j.mmikkoortitereernerini pisarisuukkatut saarullittarineqartut angallammiitiinnarneqartut, nataarnartat namminneq oqimaassusiisa 10%-iat aammalu allanik aalisagartat namminneq oqimaassusiisa 3%-iat, qaangersimassanngilaat.
3) Nataarnat pisarisuukkat immikkoortitereernerisigut angallammiitiinnarneqartut aalisakkat allat pisarineqartut namminneq oqimaassusiisa 3%-iat qaangersimassanngilaat.
4) Imm. l)-mi aamma 3)-mi aalisakkat pisarisuukkatut taaneqartut, aalisakkat immikkoortitereerlugit umiarsuarmiitinneqartut imaluunniit aalisakkat tamarmik umiarsuarmiitinneqartut nunnigunneqartulluunniit oqimaassusiisa %-inngornerisut kisinneqartassapput. Taamatut kisitsinerit ataasiarluni arlaleriarluniluunniit pisat tamaasa eqqarsaatigalugit misissuisimanernik tunngaveqassapput.
5) Aalisarnerup aallartinreraniit siusinnerpaamik nalunaaqquttap akunneri 48-t qaangiutereeraangata aatsaat qanoq allanik pisaqartoorsimatigineq naatsorsorneqartassaaq.
Imm. 3. Angallatit § 3-mi taaneqartut aatsaat aalisakkanik akuersissuteqarluni aalisarneqarsinnaasunik saniatigut pisarisuugaqarsinnaatitaapput. Angallalli taamaattunik pisarisuukkanik angallammiititaqarsinnaanngilaq, aalisakkat pisarisuukkat assigiinngitsut pisarineqarsimasut tamarmiusut angallammiitinneqartut ilivitsuullutik oqimaassusaasa 10%-iat qaangersimappassuk, kisiannili annerpaamik 2,5 tons.
Imm. 4. Angallatit §§ 4--miit 7 ilanngullugu taaneqartut saarulliunngitsunik nataarnaanngitsunillu aalisakkanilli allanik pisarisuugaqarsinnaapput, nunat taakku aalisakkanik taakkunannga pisassinneqarsimanngikkaluarpataluunniit. Angallalli taamaattunik pisarisuukkanik angallammiititaqarsinnaanngilaq, aalisakkat pisarisuukkat assigiinngitsut pisarineqarsimasut tamarmiusut angallammiitinneqartut oqimaassusaasa (ilivitsuullutik) 10%-iat qaangersimappassuk (kisiannili annerpaamik 2,5 tons).
Imm. 5. Pisarisuukkat inerteqqutaasut aamma pisarisuukkat imm. 2, 3 aamma 4--mi annertussusissaannik taaneqarsimasunik qaangiisut angallammiitiinneqarsinnaanngillat, ingerlaannarli avalatsinneqassallutik.
Pineqaatissiissutit.
§ 11. Nalunaarummi aalajangersakkanik unioqqutitsinerit akiliisitaanermik kínguneqarsinnaapput. Kiisalu aamma suliassat tassunga attuuntassuteqartut Inatsisartut inatsisaanni inuutissarsiutigalugu aalisarnermut tunngasumi maleruagassat nalillugit suliarineqassapput.
Atortuulersinnera.
§ 12. Nalunaarut 1. marts 1990 atortuulissaaq.
Namminersornerullutik Oqartussat, ulloq 21. februar 1990.
Kaj Egede/
Jakob Poulsen