Namminersornerullutik Oqartussat nalunaarutaat nr. 7, 2. januar 1990-imeersoq Ilisimatusarfimmi ataatsimiittartunik qinersinissamut malittarisassanik, Ilisimatusarfiup rektorissaanik tullersortissaanillu qinersisarneq ilanngullugu.

Ilisimatusarfik pillugu Landstingip inatsisiliaani nr. 3-mi majip 9-anni 1989-imeersumi § 3, nr. 6-imi ataatsimiittartunut qinersisarnermut malittarisassatut Ilisimatusarfiup rektorissaanik tullersortissaanillu qinersisarneq ilanngullugu aalajangersarneqarpoq:

 

I. Ilisimatusarfiup rektorissaanik taassumalu tullersortissaanik qinersisarneq.

§ 1. Ilisimatusarfiup rektorissaa tullersortissaalu qinerneqassapput Ilisimatusarfimmi professorit atorfigivillugulu lektorit akornannit, qinersisoralugit Universitetsrådimi ilaasortaasut, aammalu Ilisimatusarfimmi atorfigivillugu ilinniartitsisut ilisimatuutullu suleqataasut allat.
Imm. 2. Qinigassanngortittoq eqqortumik taasisut affaat sinnerlugit taaneqartoq qinigaassaaq. Qinigassanngortittut arlaannaalluunniit taasisut affaat sinnerlugit taaneqar?imanngippat taaguussat amerlanernit taaneqartut marluk taasissutigineqaqqissapput. Qinigassat taasissutigeqqitassat amerlaqatigiinnik taaneqartut narluk sinneqarpata taakku tamarmik taasissutigintiqaqqissapput. Qinigassanngortittoq taaseqqinnerm:. amerlanerpaanik taaneqartoq qinigaassaaq. Taaseqqinnermi arlallit amerlaqatigiippata tannermoornikkut taakku arlaat qinerneqassaaq

 

Qinersinerup malittarisassai.

§ 2. Piffissap qinigaaffiup naanissaa kingusinnerpaamik qaammatinik marlunnik sioqqullugu Universitetsrådi qinersinissamut ataatsimiititaliussaaq pingasunik ilaasortalimmik qinersinissap aaqqissuunnissaanut naammassiaeqarnissaanullu tamatigut akisussaasussamik.
Imm. 2. Qinersinissaq aaqqissuunneqassaaq qinigaasinnaasut tamarmik qinigassanngortitsinissami qinersinissamilu peqataasinnaatillugit.
Imm. 3. Qinersisinnaasut qinigaasinnaasullu tassa qinersinissamut ataatsimiititaliat pilersinneqarneranni qinersinermilu malittarisat malillugit periarfissaqartut.
Imm. 4. Qinigassanngortitsinermut sorlermulluunniit taasisinnaasut akornannit qinigassanngortitsisussat marluk piumasarineqarput. Qinigassanngortittoq qinigassanngortitseqataasinnaavoq. Qinersisinnaasoq kinaluunniit rektorimut tullersortaanullu qinersinerni arlariinnik qinigassanngortitsisinnaanngilaq.

 

Piffissaq qinigaaffik.

§ 3. Rektori ukiunut pingasunut qinigaasarpoq tullersortaalu ukiumut ataatsimut.
Imm. 2. Qinersinerit pisassapput rektoritut qinigaasoq januarip aallaqqaataani, tullersortaatullu qinigaasoq julip aallaqqaataani suliassaminnut ikkunneqarsinnaasunngorlugit.
Imm. 3. Rektori tullersortaaluuniit piffissaq qinigaaffitsik naatinnagu soraarpata, piffissallu sinneruttup qaammatit tallimat angumappagit, piffissap sinneranut qinersisoqaqqissaaq.
Imm. 4. § 3 imm. 3 naapertorlugu qinersisoqaqqinngippat Namminersornerullutik Oqartussat ilisimatuutut suleqataasoq qinigaasinnaasoq kinaluunniit kingoraartaagallartussatut ikkussinnaavaat tjenestemandit pillugit inatsimmi atorfimmut qaffasinnerusumut kingoraartaanermi aalajangersakkat sukkulluunniit atuuttut naapertorlugit.

 

II. Studienævnimut Universitetsrådimullu qinersineq.

Malittarisassat nalinginnaasut.

§ 4. Piffissaq Studienævnit universitetsrådillu qinigaaffissaat tassa septemberip aallaqqaataanit augustip naggataanut.

§ 5. Qinersineq ataatsimiinnertigut pisassaaq. Inuit najuuttut kisimik taaseqataasinnaapput. Tassa allagartamik akuersissuinmik tunisigaluarluni taaseqataasoqarsinnaanngilaq.
Imm. 2. Atorfigivillugu ilinniartitsisut ilisimatuutullu suleqataasut pisussaaffimminnut ilagitillugu qinigaanertik itigartissinnaanngilaat. Taamatut aamma allaffimmi illumilu suliassanut suleqataasut piumaffigineqarput. Ilinniarnertuut namminneq aalajangissavaat ataatsimiittartuni ilaasortaatitaqarniarnerlutik.
Imm. 3. Qinersisinnaasut ataatsimeeqataanngikkaluartut qinigassatut siunnersuutigineqarsinnaapput qinigaasinnaallutillu, ilinniartunulli tunngatillugu aatsaat ataatsimiinnermut allakkatigut nalunaarutigisimaguniuk qinigaanissaminut akuersisinnaalluni.

§ 6. Rektori qinersinissamut ataatsimiigiaqqusisartuuvoq.
Imm. 2. Qinersinissamut ataatsimiigiaqqusissut kingusinnerpaamik ataatsimiinnissaq ullunik 14-inik sioqqullugu suleqataasunut ilinniarnertuunullu tamanut allakkatigut nalunaarutigineqassaaq.
Imm. 3. Rektorip qiner?inissamut ataatsimiigiaqqusinissamut, qinersinissamullumi namminermut, akisussaaffik, Ilisimatusarfimmi atorfigivillugu suleqataasumut allamut tunniussinnaavaa.

 

Studienævnimut qinersineq.

§ 7. Studienævnimut tamanut immikkut ilinniartitsisut sinniisaat marluk ilinniarnertuullu sinniisaat marluk qinerneqassapput.
Imm. 2. Ilinniartitsisut sinniisissaattut qinerneqarsinnaapput atorfigivillugu ilinniartitsisut ilisimatuutullu suleqataasut qinersinerup nalaani institutit arlaanni atorfeqartut.
Imm. 3. Studienævnimi ilinniarnertuut sinniisissaattut qinerneqarsinnaapput ilinniartut qinersinerup nalaani institutini grunduddannelsemi inaarsiniarfimmiluunniit atuartut ilinniarnermik ingerlataqarneq pillugu aalaiangersakkanik atuuttuusunik naammassinnissimasut.
Imm. 4. Ilinniartitsiaut ilinniartullu tamarmik immikkut qinersinissaq pillugu ataatsimiissapput.
Imm. 5. Rektorip qinerninissamut ataatsimiinnernik ingerlatitsisussat toqqassavai.

 

Taasinissaq.

§ 8. Ataatsimiinnerup aallartinnerani ataatsimiititsisoq qinigassanut niunnersuuteqaqqusissaaq.
Imm. 2. Qinigassatut siunnersuutigineqartut qinigassanit amerlanerunngikkunik taasinertaqanngitsumik qinigaasutut nalunaarutigineqassapput.
Imm. 3. Qinigassatut smnnersuutaasut qinigassanit amerlaneruppata allallugu qinersisoqassaaq qinersinermi allaffissat qinersisitsisumit tunniunneqartut atorlugit.
Imm. 4. Taasisinnaasup qinersinermi allaffissamut amerlanerpaamik aqqit narluk allassinnaavai.
Imm. 5. Pappiarat taasinermi atortut qirtersisitsisumit katersorneqassapput, misissorneqarlutillu kisinneqassallutik qinersisitsisumit, ataatsimeeqataasut sinniisuat ataaneq peqatigalugu.
Imm. 6. Pappiarat taasiviit atuarneqarsinnaanngitsut, aternilluunniit marlunnit amerlanerusunik allaffigineqarsimasut atussanngilat.
Imm. 7. Qinigassat marluk amerlanernit taaneqartut qinigaasutut nalunaarutigineqassapput.

 

Sinniisussaq.

§ 9. Malittarisat taamaattut atorlugit ilinniartitsisut qinikkat sinniisussaasa siulliat aappaallu ilinniartullu qinikkat kinniisussaasa siulliat aappaallu qinerneqassapput.
Imm. 2. Sinniisussaq ataatsimiigiaqquneqassaaq qinigaasimasut arlaat qinigaasinnaanerminik annaasaqarpat, imaluunniit suliassami aalajangersimasumi kinaassusersiorsinnaasutut qanigisoorneqarpat imaluunniit qinigaasimasoq sivikinnerpaamik qaammat ataaseq qinigaaffimmini suleqataasinnaanngippat. Aammali sinniisussaq ataatsimiigiaqquneqarsinnaavoq qinigaasimasup ataatsimiigiarsinnaanngitsup tamanna kissaatigippagu.

 

Universitetsrådimut qinersineq.

§ 10. Universitetsrådimut institutinit tamanit immikkut atorfigivillugu ilinniartitsisut ilisimatuutullu suleqataasut ilaasortaatitassaat ataaseq ilinniarnertuullu ilaasortaatitassaat ataaseq qinerneqassapput.
Imm. 2. Qinersineq pj.sassaaq qinersinissamut ataatsimiinnerni § 7-imi taaneqartuni Studienævnimut qinersinermut uiggiullugu.
Imm. 3. Qinersinermi malittarisassat §§ 7-9-mi taaneqartut atorneqassapput ukuninnga allannguuteqartillugit:
1) Qinigassat Studienævnimut qinikkat akornannit pissapput.
2) Allallugu taasinermi ateq ataasiinnaq allanneqassaaq.
3) Studienævnimut ilaasortaq qinigaanngitsoq aapparminut sinniisussaassaaq.

§ 11. Universitetsrådimut aamma Ilisimatusarfimmi allaffimmi illumilu suliassanik atorfeqartut ilaasortassaat ataaseq qinerneqassaaq. Qinigaasinnaapput atorfigivillugu suleqataasut qinersinerup nalaani ikinnerpaamik sapaatip akunneranut 30 tiimit
angullugit sulisartut.
Imm. 2. Qinersinissaq nalittarisat §§ 4-10-miittut malillugit pisassaaq, qinersisitsisussaq rektorimit toqqagaasimassalluni.
Imm. 3. Ilisimatusarfik ataasiinnarmik allaffimmioqartillugu taanna qinersinertaqanngitsumik Universitetsrådimi ilaasortaassaaq.

 

Naammaatissanik qinersineq.

§ 12. Piffissaq qinigaaffik naatinnagu qinigaallutik ataatsimiittartut amigalerpata, sinniisussaqanngippallu, rektori naammaatissanik qinersisitsissaaq.
Imm. 2. Naammaatissanik qinersisarneq nalinginnaasumik qinersisarnertut ingerlasassaaq.

 

III. Qinersimik nalunaarsuiffik maalaarfissallu.

Qinersinermik nalunaarsuiffik.

§ 13. Qinersinermi taasinerit kisinneqareerpata qinersinerup inernera qinersinermik nalunaarsuiffimmut allanneqassaaq ginersisitsisumillu kisitseqataasumillu aammalu qinigaasunit atsiorneqartussaalluni. Qinersinermut nalunaarsuiffik pappiarat taasinermi atorneqartut ilaliullugit rektorip allaffianut tunniunneqassaaq.

 

Qinersinermut maalaarutit.

§ 14. Qinersisinnaasut arlaat kingusinnerpaamik qinersineq ullunik 7-nik kingoqqullugu rektorimut allakkatigut qinersinermut tunngasunik maalaaruteqarsinnaavoq.
Imm. 2. Maalaarutaasoq tunngavissiippat rektorip qinersineq atorunnaarsissinnaavaa qinerseqqittoqartillugulu.
Imm. 3. Rektorip maalaarut akuerisinnaanngikkuniuk oqaaseqaatiminik ilallugu Naalakkersuisunut nassiutissavaa.
Imm. 4. Naalakkersuisut maalaarut pissutissaqarsorigunikku qinersineq atorunnaarsissavaat rektorilu peqqullugu qinersisitseqqeqqullugu.
Imm. 5. Piffissaq maalaarfissaq naappat maalaarutaasinnaasunillu suliaqarneq inaarneqarpat pappiarat taasinermi atorneqartut suujunnaarsinneqassapput.

 

IV. Immikkut akuerisaaneq atortulersitsinerlu.

Immikkut akuerisaaneq.

§ 15. Kultureqarnermi atuartitsinermilu Pisortaqarfik nalunaarummi aalajangersakkanit allaasumik iliortoqarnissaanik akuersisinnaavoq pissutsinik immikkut ittunik tunngavissaqassappat.

 

Atulerfissaa

§ 16. Nalunaarut una atortuulissaaq februarip aallaqqaataani 1990-imi.

Namminersornerullutik Oqartussat ulloq 2. januar 1990

Jens Lyberth

/

Hugin S.Christiansen