Namminersornerullutik Oqartussat Ilisimatusarfimmi ilinniarnerit soraarummeertarnerillu pillugit nalunaarutaat nr. 5, 2. januar 1990-imeersoq.

Ilisimatusarfik pillugu Landstingip inatsisiliaani nr.3-mi majip 9-anni 1989-imeersumi § 3, nr. 3 malillugu Ilisimatusarfimmi ilinniarnerit soraaruntmeertarnerillu pillugit makku aalajangersarneqarput:

 

I. Ilinniagassat siunertaat aaqqissuunnerallu.

Siunertaat.

§ 1. Ilinniartitaanerup siunertaraa ilinniartuusut nammineerlutik kalaallit akornanni inuutissarsiutigalugu suliaminnik ingerlassisinnaanissamut ilisimasassatigut periaasissatigullu piginnaanngortinniarlugit.

§ 2. Naalakkersuisut Ilisimatusarfiup innersuussineragut akuerissavaat atorfinnut sunut, piffissallu qanoq sivisutigisup iluani, nalunaarut una malillugu ilinniartitsisoqarsinnaasoq.

 

Universitetimi inersimasussatut ilinniagaqarneq.

§ 3. Universitetimi inersimasutut angusaqarniarluni ilinniagaqarnerup Ilisimatusarfimmi ilagai ukiumi aallartisarfimmi ilinniarneq, suli ukiuni marlunni ilinniagassamut aalajangersimasumut sammisumik grunduddannelsemik malitseqartoq nanginneqartorlu inaarsaavimmi suli ukiuni marlunniit pingasunut sivisussuseqartumik.
Imm. 2. Ukioq aallartisarfik aaqqissuunneqassaaq ilinniagassanut tamanut ilaannulluunniit ataatsimoorussassatut.
Imm. 3. Grunduddannelse aaqqissuunneqarsinnaavoq ilinniagassanut tamanut ilaannulluunniit ataatsimoorussassanngorlugu.
Imm. 4. Inaarsiniarfik grunduddannelsemi ilinniakkat nangiffigaat.
Imm. 5. Inaarsiniarluni ilinniarnerni imm. 4 malillugu aaqqitani ilinniarfimmi allami qaffasinnerusumi ilinniarneq praktikernerluunniit ukiup affaa angullugu sivisussuseqartussaq ilanngunneqarsinnaapput. Ilinniarnerup tamakkerniarnera taassuma sivisoqataanik sivitsoneqarsinnaavoq.

 

Sammisat ukiumut annertussusiat.

§ 4. Ilinniagassat sivisussusissaannik taallugit pineqartut tassa ilinniarnermi sammisat ukiumut sivisussusissaannik piareersaanermi atorneqartussat. Ukiumut sammisat tassa allanik sammisaqarani ilinniartuusup ukiumut ãtaatsimut suliassai.
Imm. 2. Ilisimatusarfimmi ilinniagassanut siuliutissanik ilinniartitsisoqarsinnaavoq annerpaanik ukiumut ataatsimut sammissassat angullugit.

 

Taaguutissat.

§ 5. Grunduddannelsemik soraarummeersimanikkut taaguutigineqalersinnaavoq exam. art. (examinatus/examinata artium).
Imm. 2. Oqaasilerinermut institutimi aammalu Kulturimut inuiaqatigiinnullu institutip kulturimik sammisaqarfiani inaarsarlutik kandidatitut soraarummeersimasunut taaguutitut akuerineqarpoq cand. phil. (candidatus/candidata philosophiae).
Imm. 3. Upperisarsiornermut Institutimi inaarlugu soraarummeersimasunut taaguutitut akuerineqarpoq cand. theol. (candidatus/candidata theologiae).
Imm. 4. Ingerlatsinermik sammisaqarluni inaarlugu soraarummeersimasunut taaguutitut akuerineqarpoq cand. scient. adm. (candidatus/candidata scientiarum administrationis).
Imm. 5. Kandidatitut inaarlugu soraarummeersimasumut saniatigullu ilinniagassamik allamik grunduddannelselimmut taaguutitut akuerineqarpoq cand.mag. (candidatus/candidata magisterii).

 

II. Ilinniagassat imassaat ilusilerneqarnissaallu.

Ukioq aallartisarfik.

§ 6. Ukiumi aallartisarfimmi atuarnikkut ilinniartoq pingaartumik kalaallit kulturiannut, tassunga ilanngullugit oqaatsit, oqaluttuarisaaneq, isumaliortaaseq imminullu isummat, aaqqissuutamik aallaqqaatissanik pissarsisinniarneqassaaq, tamakkunuuna nammineq periarfissanik ilisimatuutullu periaatsinik paasisaqarniassalluni.

 

Grunduddannelse.

§ 7. Grunduddannelsekkut ilinniartut ilisimasassanik periaatsinillu inaarsarnerminni qaffasinnerusunik ilinniarnermut atugassaminnik pissarsisinniarneqassapput, tamatumuuna aamma suliassiissutit ilisimasassanik aallaqqaatissanik tunngaveqartut naammiassisinnaanngorniassallugit.

 

Ilinniarnerup inaarsarnera.

§ 8. Inaarsarluni ilinniarnikkut ukiunik marlunniit pingasunut sivisussuseqartussakkut
- ilinniartut ilisimasassatigut periaatsitigullu grunduddannelsemi ilinniarsimasatik ilaartorniassavaat,
- ilinniagassat ilaanni ataatsimi arlalinniluunniit ilisimatuutut suleriaatsit atorlugit suliassiissutinik namminersuuttarissanik naammassisaqarsinnaasunngortinniarneqassapput,
- ilinniakkaminnut tunngasunik paasissutissiisinHtaanngortinniarneqassapput.

 

Ilinniarnermi malittarisassat.

§ 9. Ilinniarnerup aaqqissuunnerani aalajangersarneqassapput malittarisassat anguniagassallu, ilinniagassat imassaat, ilinniartitseriaasissat, soraanummeernissamut piumasarisat, ilinniagassallu assigiinngitsut piffissamik atuinissap tungaagut nalilersornerat, naleqq. § 3, tassunga ilanngullugu ilinniartup ilinniarnissamut piffissarititap iluani ilisimatusarfiunngitsumi ilinniartitsissutinik samnttisaqarnissamut periarfigisinnaasaa.

 

Speciale (immikkut allaatigisassaq).

§ 10. Ilinniarnerup inaarsarneranut speciale ilaas(allaatigisaq namminersuutassaq annertooq).
Imm. 2. Specialikkut uppernarsarneqassaaq ilinniartoq suliassamik annertujaamik isumaqatigiissutigi naammassinnissinnaasoq. Ilinniartup taamaa lilluni takkorliutissavaa ilinniagassap malitami atuagassartai, aammalu isummiussat (teorit) suleriaatsillu atorsinnaallugit. Specialissaq soraarummeersitsisussamut isumaqatigiissutigineqassaaq taannalu ilitsersuisoralugu suliarineqassalluni.
Imm. 3. Speciale suliassartaata qanoq oqaasertaqarnissaanik isumaqatigiinnermiit kingusinnerpaamik qaammatit arfinillit qaangiunneranni tunniunneqartassaaq.
Imm. 4. Ilinniarnerup aaqqissuunneranut malittarisassani aalajangersagaqassaaq specialip takissusissaata killilerneqarneranik.
Imm. 5. Ilinniarnerup aaqqissuunnerani aalajangersagaqarsinnaavoq specialip allaatigisanik minnerusunik marlunnik pingasunilluunniit assigiimmik sammivilinnik taarserneqarsinnaaneranik.
Imm. 6. Ilisimatuutut atuagassianut allaatigisat akuerineqareersut imaluunniit saqqummiussat qaqutiguinnaq specialimut tamarmut ilaanulluunniit taarsiunneqarsinnaapput. Tantatuma akuerineqarnissaa ilinniartitsisup paasisimasallip censorillu siulittaasuata aalajangiivigissavaat.

 

III. Ilinniakkanik naliliineq

Siunertaa misilitsinnerillu suuneri.

§ 11. Ilinniarnermit pisinnaasassatut angusat misilitsinnikkut uppernarsarneqassapput, tamakkununnga specialip nalilerneqarnera ilanngullugu.
Imm. 2. Ilinniarnerup ilaani imarisamikkut aaqqissuunneqarnermikkullu soraarummeerutissaqqinngitsuni ilinniartup peqataasimaneranik oqaaseqaat ilinniarsimanermut uppernarsaatitut atorneqarsinnaavoq, aammalu allaatigisamik aapperneqarsinnaavoq taarserneqarsinnaalluniluunniit. Ilinniarnerup aaqqissuunnerani taamaaliorsinnaaneq malittarisassiuunneqassaaq.
Imm. 3. Misilitsinnissami sianigineqassaaq ilinniartitsinerup siunertaa, aammalu ilinniartut tamarmik immikkut naliliivigineqarnissaat.
Imm. 4. Ilinniarnerup aaqqissuunnerani malittarisaliortoqassaaq misilitsinnissat amerlassusissaannut, uppernarsaatissanut allanut misilitsinnerillu qanoq ittut atorneqarnissaannut, soorlu imaattunut:
- misilitsinnissat sivisussusissaat,
- najoqqutassatut akuerineqartut suunerat,
- allattarissanik misilitsinnissat nakkutilliisoqarluni pissanersut, angerlaallugit suliassaassanersut, imaluunniit taakku akuleriissillugit pisassanersut,
- oqaluttarissanik misilitsinnissat piareersarfissaqassanersut soqassannginnersulluunniit,
- oqaluttarissanik misilitsinnissat allallugu suliassiissutaasimasumik allaatigisamilluunniit allamik tunngaveqartussaanersut,
- misilitsinnissamik qinnuteqarnissamut immikkut piumasaqaateqartoqaqqaarnersoq, s.i. allaatigisamik tunniussisoqarnissaanik assigisaanilluunniit,
- misilitsinnissat tulleriinnissaat aalajangersugaanersoq,
- allaatigisassatut suliassissutaasimasup nalilernissaanut piffissap killiligaanera.
- misilitseqqinnissamut piffissap nalinginnaasumik soraarummeerfiusartup avataatigut periarfissaqassanersoq.

 

Ilisimatusarfimmiunik avataaneersunillu nalileeqateqartarneq.

§ 12. Misilitsinnerit nalilerneqartassapput nalileeqataasoqartinnagu, imaluunniit Ilisimatusarfimmiumik nalileeqataasoqartillugu imaluunniit avataaneersumik nalileeqataasoqartillugu. Nalileeqataasoqartinnagu misilitsinnerit ilinniartitsisup nammineq naliligassarai. Misilitsinnerit Ilisimatusarfimmiumik nalileeqataasoqartillugu naliligassat soraarummeersitsisup Ilisimatusarfimmi ilinniartitsisut akornannit rektorip toqqagaanik ataatsimik arlalinnilluunniit peqateqarluni nalilissavai. Avataanit pisumik nalileeqataasoqartillugu naliligassat nalilerneqassapput soraarummeersitsisumit peqatigalugit Kultureqarnermi atuartitsinermilu Pisortaqarfimmit nalileeqataasussatut ikkunneqarsimasut ataaseq arlallilluunniit. Karakteriliiniarnermi soraarummeersitsisoq (-sut) nalileeqataasorlu (-sullu) kisimik najuussinnaapput.
Imm. 2. Ilinniartup peqataasimaneranik § 11 imm. 2 malillugu naliliisussaavoq ilinniagassamik taassuminnga ilinniartitsisoq.
Imm. 3. Praktikerneq angalaarlunilu misissuinerit ilinniagassat aaqqissuunneranni malittarisassat najoqqutaralugit uppernarsarneqassapput.

§ 13. Grunduddannelsemi inaarsaanermilu ilinniagassat minnerpaamik affaat avataanit nalileeqataasoqartumik uppernarsarneíqassapput, taakkualu ilagissavaat ilinniagassat, sammisassat periaatsillu pingaarnerit.

 

Arlaliulluni ataatsimut misilitsittarneq.

§ 14. Misilitsinnissat nalinginnaasumik aaqqissuunneqassapput inuit ataasiakkaarlutik misilitsinnerisut.
Imm. 2. Kisianni ilinniagassat aaqqissuunneranni allassimasoqarsinnaavoq misilitsinnissat aalajangersimasut ilaat inunnlt arlalinnit ataatsimut suliarineqarsinnaasut.
Imm. 3. Arlallit misilitsinnermik suleqatigiinnerat imatut aaqqinneqassaaq misilitsittut tamarmik immikkut nalilerneqarsinnaasunngorlugit.
Imm. 4. Ilinniagassat aaqqissuunneranni aalajangersarneqassaaq taamatut inuit arlallit misilitsissinnaaneranni amerlanerpaamik qassit peqataasinnaanersut.

 

Speciale.

§ 15. Speciale nalilerneqassaaq 13-skala atorlugu avataaneersumik nalileeqataasoqartillugu. Ataatsimik karakterilerneqassaaq aammalu oqaaseqaammik allakkamik ilaqassalluni.
Imm. 2. Specialip nalilernissaanut najoqqutassiortoqarsinnaavoq.
Imm. 3. Specialimik akissut angusinngitsoornermik nalilerneqarpat soraarummeersitsisup nalileeqataasullu isummiussinnaavaat periarfissat pingasut arlaat sorleq atorneqassanersoq:
1) kapitalimik ataatsimik arlalinnilluunniit nassuiarluarsimasunik ilaneqassanersoq,
2) allaatigisap ilaa nassuiarluarsimasoq allaqqinneqassanersoq, imaluunniit
3) speciale alla nutaaq isumaqatigiissutigineqarlunilu allanneqassanersoq.
Imm. 4. Specialimik allaqqiineq ilasinerlu misilitseqqinnertut ipput. Specialimik nutaamik allanneq aamma misilitseqqinnertut ippoq.
Imm. 5. Ilinniarnerup aaqqissuunnerani aalajangerneqarsinnaavoq speciale qaqisisutut naliligaq oqaloqatigiissutissaanersoq, nalilerneranilu allaatigisaq oqaloqatigiissutigineralu tamarmik tunngavigineqassanersut.

 

Naliliineq.

§ 16. Naliliinermi atorneqassapput 13-skala Danmar kimi ilinniarfinni qaffasinnerusuni karakteriliisarnermut malittarisat malillugit, imaluunniit "qa qisivoq"/"qaqisinngilaq".

 

Qaqisinissamut piumasaqaatit.

§ 17. Ukiumi aallartisarfimmi soraarummeerneq qaqissagaanni piumasarineqarpoq karakterit agguaqatigiissinneranni minnerpaamik 6,0 anguneqarsimassasoq. Misilitseqqinnissaq taamaallaat akuerineqarsinnaavoq karakterini 6-imik ataatsisimasuni.
Imm. 2. Grunduddannelsemik inaarsarlunilu atuarnermi misilitsinnerit tamarmik immikkut qaqisiffigine qassapput. Misilitsinnerit qaqisiffiusut misilitseqqiffiusinnaanngillat.
Imm. 3. Ilinniartoq amerlanerpaamik marloriarluni ukiumi aallartisarfimmi misilitsinnernut ukiumilu tassani naliligassanut allanut akuerineqarsinnaavoq.
Imm. 4. Ilinniartoq amerlanerpaanik pingasoriarluni grunduddannelsemut inaarsarlunilu atuarnermut misilitsinnissanut naliligassanullu allanut akuerineqarsinnaavoq. Universitetsrádip Studienævnip innersuussinera tunngavigalugu sisamassaaneernissaq immikkut pissutissaqartillugu akuerisinnaavaa.

 

Tulleriinneri.

§ 18. Ilinniartoq grunduddannelsemi soraarummeernissamut aatsaat nalunaarsinnaavoq ukiumi aallartisarfimmi misilitsinnerit tamaasa qaqereersimagunigit, aammalu inaarsaanermi misilitsinnissamut aatsaat nalunaarsinnaavoq grunduddannelsemi misilitsinnerit tamarmik qaqineqarsimappata.

 

Soraarummeernissamut nalunaartarnissaq.

§ 19. Soraarummeernissamut allakkatigut nalunaartarnissaq kingusinnerpaamik pisassaaq soraarummeernissap nalunaarfigisap aallartiffissaa qaammatinik marlunnik sioqqullugu. Ilinniartup nammineerluni misilitsiffissaminut nalunaarnissani akisussaaffigaa.
Imm. 2. Soraarummeernissamik nalunaarutigeriikkamik taamaatitsiniarneq allakkatigut nalunaarutigineqassaaq misilitsiffissap ullulerneqarfia minnerpaamik ullunik 14-inik sioqqullugu. Soraarummeerumanani nalunaarneq taassumannga kingusinneruppat soraarummeersussarluunniit malittarisat malillugit iluamik nalunaarsimanani takkutinngitsoorpat, tamanna qaqisinngitsoorluni soraarummeernertut nalilerneqassaaq (kisianni naleqq. § 23, imm. 4).

 

Soraarummeerutissatut atuarsimasassat.

§ 20. Soraarummeernermut atuarsimasassatut missingersuutit innersuussutilluuniit ilinniarnerup aaqqissuunneranut naleqquttut Studienævnimit akuerineqassapput kingusinnerpaamik soraarummeernerup aallartinnisaa qaammammik aappaatalu affaanik sioqqullugu.
Imm. 2. Soraarummeernissamut atuarsimasassatut missingersuutit killingisa iluanni soraarummeerniartup ilinniartitsisoq naleqqunnerusoq atuarsimasassaminik isumaqatigiissuteqarfigissavaa.

 

Soraarummeersitsisinnaaneq.

§ 21. Kinaluunniit Ilisimatusarfimmi ilinniartitsisutut akuerisaq aamma tassani soraarummeersitsisinnaavoq.

 

Oqaatsit soraarummeernermi atorneqartussat.

§ 22. Soraarummeerneq kalaallit qallunaalluunniit oqaasii atorlugi ingerlanneqassaaq. Kisianni soraarummeerneq oqaatsit arlaat atorlugu ingerlanneqaqqullugu aalajangiisoqarsinnaavoq soraarummeersitsisussap nalileeqataasussalluunniit oqaatsit illuatungeriit arlaat atorsinnaangippagit.
Imm. 2. Studienævnilli soraarummeerniartoq allakkatigut qinnuteqarpat aalajangersinnaavaa oqaatsit atoqqusaminit allaasut atorneqarsinnaasut.

 

Napparsimasimalluni soraarummeernissaq il.il.

§ 23. Ilisimatusarfimmi soraarummeernerit pisassapput junimi januarimilu.
Imm. 2. Universitetsrådip akuerisinnaavaa misilitsinnerit, aamma napparsimasimalluni misilitsinnissaq, soraarummeernerup nalinginnaasumik piffissaata saniagut pisinnaasut.
Imm. 3. Napparsimasimaneq pissutigalugu soraarummeernissamik qinnuteqaatit tamarmik nakorsap nalunaarutaanik uppernarsaatitaqassapput, kingusinnerpaamik soraarummeerfissaagaluaq ullunik sisamanik kingoqqullugu tunniunneqarsimasussanik.
Imm. 4. Napparsimasimaneq pissutigalugu immikkut soraarummeernissaq taamaallaat akuerineqarsinnaavoq soraarummeersussaq
1) soraarummeerfissamini napparsimasutut nalunaarutigineqarpat,
2) soraarummeernerup nalaani napparsimalerpat,
3) napparsimanini pillugu soraarummeerianngitsoorpat, imaluunniit
4) nammineq napparsimanermi saniatigut immikkut ivissumik uppernarsarneqarsinnaasumik pissuteqarluni soraarummeerianngitsoorpat.
Imm. 5. Napparsimasimalluni soraarummeerneq soraarummeernissamut soraaruirmeerniartup nalunaarfigisimasaraluanut taarsiuttutut nalilerneqassaaq.

 

Soraarummeersimanermut uppernarsaat.

§ 24. Ilisimatusarfimmit soraarummeerneq naammassineqartoq pillugu uppernarsaat atsiorneqassaaq taaguut soraarummeernikkut atorneqarsinnaalersoq ilanngullugu allassimassalluni.
Imm. 2. Soraarummeersimanermut uppernarsaatip paasissutissat makku imarissavai:
1) soraarummeernermi misilitsinnerit soraarummeernerup pineqartup ilagisai ilinniagassat suuneri karakterillu angusat allassimanerat,
2) ilinniarnermi ilinniarnerup ilai immikkut akuerineqarnikkut misilitsiffissaanngitsut,
3) taamaattoqarpat allami soraarummeerutaasimasut Ilisimatusarfimmut nuunneqarsimanerat aammalu karakterit ilinniakkani taamatut akuerisani angusat, ilinniarnerup karakterilluunniit sumit nuunneqarsimanerat nalunaarlugu. Paasissutissat allat soraarummeersimanermut uppernarsaammut ilanngunneqassanngillat.

 

IV. Allami soraarummeerutigisimasanik nuutsineq.

§ 25. Universitetsrådip akuerisinnaavaa ilinniarfimmi qaffasinnerusumi allami ilinniarnerup ilaanik qaqisimasat naammassisimasalluunniit Ilisimatusarfimmi ilinniagassat ilaannut malittarisassami uani imarineqartunut ilinniarnerullu aaqqissuunnerani ilinniagassanut ataasiakkaanut ilaasunut taarsiunneqarsinnaasut.
Imm. 2. Nalilerneqarnera "qaqisiner"tut ilillugu nuunneqassaaq karakterimut Ilisimatusarfimmi karakteriliisarneq pillugu malittarisassat malillugit karakteriliussamut taarsiunneqanngikkuni.

 

V. Malittarrisanit immikkoortumik akuersinissaq.

§ 26. Kultureqarnermi atuartitsinermilu Pisortaqarfik nalunaarummi uani aalajangersakkanit allatut iliortoqarnissaanut akuersisinnaavoq pissutsinik nalinginnaanngitsunik patsiseqartumik.
Imm. 2. Kultureqarnermi atuartitsinermilu Pisortaqarfiup Ilisimatusarfik akuerisinnaavaa immikkut killilikkap iluani naalakkersuisut nalunaarutaannit immikkut akuersisinnaatillugu.

 

Atulerfissaa.

§ 27. Nalunaarut una atortuulissaaq februarip aallaqqaataani 1990-imi.

Namminersornerullutik Oqartussat, ulloq 2. januar 1990

Jens Lyberth

/

Hugin S.Christiansen