Namminersornerullutik Oqartussat nalunaarutaat nr.4 2. januar 1990-imeersoq Ilisimatusarfimmi ilinniartitsisut ilisimatuuutullu suleqataasut atorfinitsinneqartarnissat pillugu.
Ilisimatusarfik pillugu Landstingip inatsisiliaani nr. 3-mi majip 9-anni 1989-imeersumi § 3 nr. 1 malillugu ilinniartitsisut ilisimatuutullu suleqataasut atorfinitsinneqartarnissaanni makku aalajangersarneqarput:
I. Atorfinitsitsinissamut piumasat
§ 1. Nalunaarummi uani atorfiit pineqartut inuttalernissaannut piumasarineqarpoq atorfininniartoq universitetini inerluni soraarummeersimasuussasoq imaluunniit ilinniarfimmi qaffasinnerusumi allami imaluunniit ilinniarfimmi allami taamatut nalilerneqarsinnaasumi.
Imm. 2. Kultureqarnermi atuartitsinermilu Pisortaqarfiup akuerisinnaavaa qinnuteqartoq allamik tunuliaqutaqarluni pisinnaasanik piumasarineqartunik angusisimanerminut uppernarsaatissalik atorfimmut pineqartumut ikkunneqarsinnaasoq.
II. Professorinik, adjunktinik/lektorinik saniatigooralugulu lektorissanik atorfinitsitsisarneq.
Inuttassarsiuussisarneq.§ 2. Atorfiit inuttaqanngitsut avammut nalunaarutigalugit inuttassarsiuunneqartassapput malittarisassatigut allatigut tamanna saneqqutissallugu periarfissiisoqarsimanngippat, naleqq. § 14.
Imm. 2. Avammut nalunaarutigalugu atorfiup inuttaqanngitsup inuttassarsiornerani isumaqatigiissutit tunngavigalugit atorfinitsitsinermik tunngaveqartumit allaassuteqarsinnaasut saniatigut adjunktit/lektorit pillugit isumaqatigiissut tunngavigalugu inuttassarsiuisoqassaaq. Tamatumunnga ilanngullugu atorfiup suliassartaata suunera atorfinitsinniakkallu sunik angusaqarsimanissaanik piumasat uppernarsaatitaqartussaanerat ilanngullugu nalunaarutigineqassapput. Aammalu nalunaarutigisami ilanngunneqassaaq qinnuteqartunik naliliisussat oqaaseqaataat tamakkerluni qinnuteqartunut tamanut nassiunneqarumaartoq.
Ataatsimiititaliat naliliisussat.
§ 3. Qinnuteqarfissamut piffissarititaq naagaangat immikkut paasisimasalinnik ataatsimiititaliortoqartassaaq (ataatsimiitit&liat naliliisussat) qinnuteqartut qanoq piukkunnaateqartiginerannik naliliisussanik. Ilaasortaasa arlaat aamma erniinnaq siulittaasussatut toqqarneqassaaq.
Imm. 2. Naliliisussatut ataatsimiititaliat pingasuniit tallimanut ilaasortaqassapput, taakkunanngalu immikkut ittunik pissutissaqavitsinnani ikinnerpaamik ataaseq Ilisimatusarfiup ilaani atorfiniffiusussami suleqataasuussaaq. Paasisimasalittut ataatsimiititaliat allartik ilaqaratik sulissapput.
Imm. 3. Naliliisussatut ataatsimiititaliani kinaluunniit kinaassusersiorsinnaasutut pasinaateqarsinnaanera tunngavissaqarsorinartoq ilaasortaasinnaanngilaq.
Imm. 4. Professorimik atorfinitsitsiniarluni ataatsimiititalianut naliliisussanut taamaallaat professorit imaluunniit ilisimasassatigut professorinut nallersuunneqarsinnaasut ilaasortaasinnaapput. Professori kingoraarneqartussaq ataatsimiititaliap ilaasortaasa paasisimasaqartuunissaannik piumasaq allanik periarfissiinngippat aatsaat ataatsimiititaliani naliliisussani ilaasortaasinnaavoq.
Imm. 5. Adjunktissanik lektorissanik saniatigooraluguluunniit lektorissanik atorfinitsitsiniarnermi ataatsimiititaliani naliliisussani taamaallaat professorit lektorilluunniit, imaluunniit ilisimasassatigut taakkununnga nallersuunneqarsinnaasut ilaasortaasinnaapput.
Imm. 6. Ataatsimiititaliat naliliisussat kikkunnik ilaasortaqarnissaannik isummernermut malitsiinnarlugu qinnuteqartut ataatsimiititaliap kikkunnik ilaasortaqarneranik kalerrinneqassapput.§ 4. Ataatsimiititaliat naliliisussat atulersinnerannut ilanngullugu allaatigalugu nalunaaruteqarnissaannut piffissarititaq killilerneqassaaq.
Imm. 2. Ataatsimiititaliat siulittaasuata ilaasortaqatini ataatsimiititaliat suliassaannut tunngasunik aalajangersakkanik nassuiaatissavai, allatigullu pisariaqarsorisaminik ilitsersuussinnaallugit.
Imm. 3. Ataatsimiititaliat - qinnuteqaatit paasissutissallu allat misissorallarneranni - isumaqarunik inuttassarsiueqqinnermi allanik piukkunnarnerusunik qinnuteqartoqarnissaa ilimanartoq, inuttassarsiueqqinnissamik Universitetsrådimut siunnersuuteqarsinnaapput. Siunnersuutaat taamaattoq malinneqarpat nalunaarummi allassimassaaq qinnuteqareersimasut qinnuteqaataat uterteqqullugit kissaatigineqanngitsut naliliinermut ilanngunneqassasut.
Imm. 4. Ataatsimiititaliat pissutissaqartillutik aalajangersinnaavaat qinnuteqartut ilisimatuutut suliaminnik allanik naliliinermi tunngavissanut ilanngunneqartussanik nassitsisinnaasut. Taamatut pisoqartillugu piffissaq nassitsiviusinnaasoq nutaamik killilerneqassaaq, tamannalu qinnuteqartunut tamanut nalunaarutigineqassalluni.
Naliliineq.
§ 5. Naliliinermi qinnuteqartup pisinnaasai ataatsimut nalilerneqassapput ilinniartitsineranut ilisimatuutullu sulineranut takussutissat aammalu ilisimatusaatinik ilinniartitsinermillu ineriartortitsisinnaanera tamaasa ilanngullugit (taakku tamarmik suliassaanut ilaappata), taamaalilluni taakkua arlaatigut annertuumik suliarisimasat arlaanni annikinnerugaluanut naammaginartunulli tapertaliunneqarsinnaasunngorlugit.
§ 6. Atorfik inuttassarsiuussaq professorip atorfigippagu ataatsimiititaliat oqaaseqaataanni tunngavilersorlugu ilanngunneqassaaq qinnuteqartut ataasiakkaat professorissatut piukkunnartuunersut.
Imm. 2. Atorfik inuttassarsiuussaq adjunktip lektorilluunniit, imaluunniit saniatigooralugu lektorip, atorfissarippagu naliliisussat isumaqatigiillutik piukkunnarsorinngisatik tamatuminnga erseqqissumik oqaatigiinnarsinnaavaat piumasarisat suut amigaatigigaat nalunaarlugu. Qinnuteqartut allat pillugit tunngavilersorlugu ilanngunneqassaaq qinnuteqartoq qanoq piukkunnartiginersoq.
Innersuussinissaq.
§ 7. Naliliinermi isumaqarnarpat qinnuteqartut ilaasaluunniit piumasarineqartut pisinnaagaat, ataasimiititaliat naliliisussat tamanna tunulequtaralugu tunngavilersukkamik innersuutertik allassavaat qinnuteqartut ilaat kinarleq ataatsimut isigalugu allanit salliutillugu atorfinitsitassatut piukkunnerlugu. Innersuussilluni oqaaseqaat qinnuteqartut allakkatigut akuersiseqqaarnagit avammut saqqummiunneqassanngilaq.
Imm. 2. Atorfik inuttassarsiuussaq adjunktip lektorilluunniit atorfigippagu, atorfinittussatullu innersuussap pisinnaasai naammaginarpata - pisinnaasanik naliliisarnermut piumasarisat tunngavigalugit - ataatsimiititaliat tunngavilersoqqillugu innersuussutigisinnaavaat qinnuteqartoq piffissami sivikinnerusumi adjunktioqqaarluni immikkut nalilerneqaqqigani piffissap taasap naanerani lektoritut atorfinitsinneqassasoq.§ 8. Naliliisussatut ataatsimiititaliat innersuussutaat tunngavissarititat malillugit inuttarsiortuunngitsunik oqaasertaqassaaq, isummernerullu tunngaviata naammaginartuunissaa anguniarneqassaaq aamma Universitetsrådimi ilaasortanit immikkut paasisimasaliunngikkaluanit tunngavissatut atorneqarsinnaasunngorlugu.
Imm. 2. Ataatsimiititaliat innersuussutaat isumaqatigiilluni oqaaseqaataasinnaavoq imaluunniit amerlanerussuteqartut oqaaseqaatigisinnaavaat, ikinnerussuteqartut oqaaseqaataannik taperneqarsinnaalluni. Ataatsimiititaliat isumaqatigiissimanngippata tamanna oqaaseqaammi erseqqissumik takuneqarsinnaassaaq.§ 9. Ataatsimiititaliat naliliisussat innersuussutertik Universitetsrådimut ingerlatissavaat. Oqaaseqaat taakkunannga naammaginartinneqaruni qinnuteqartunut nassiunneqassaaq, isumaqarfigineqarunili nalunaarummi uani piumasarisat naammassinagit suliarineqarsimasoq ataatsimiititalianut utertittariaqassaaq suliareqqeqqullugu taperneqaqqulluguluunniit. Innersuussut qinnuteqartunut nassiunneqarpat ilanngullugu nalunaarfigineqassapput allat qinnuteqaataat inuttaat allakkatigut akuersiseqqaarnagit tamanut nalunaarutigisinnaanngikkaat.
Isummerneq.
§ 10. Suliassap Universitetsrádimi suliarineqarnerani ataatsimiititaliat naliliisussat siulittaasuat immaqalu aamma ilaasortaat allat qaaqquneqarsinnaapput eqqartornerani peqataaqqullugit, taaseqataasinnaatinnagilli.
§ 11. Qinnuteqartut arlaata atorfinitsinnissaa aatsaat pisinnaavoq ataatsimiititaliami naliliisussaatitami amerlanerussuteqartunit atorfinitsissallugu piukkunnartutut isumaqarfigineqaruni, naleqq. § 6.
Imm. 2. Atorfinitsitsinissamik isummiut Universitetsrådip nalinginnaasumik amerlanerussuteqarnikkut aalajangissavaa.
Imm. 3. Universiteterådip ataatsimiititaliap innersuussutaa malinngikkuniuk aalajangikkani immikkut patsisilissavaa.
Sinniisutut inissiineq.
§ 12. Professorimut sinniisussaagallartumik imaluunniit adjunktimut, lektorimut saniatigooraluguluunniit lektorimut sinniisutut atorfinitsitsinissamik isummertoqarsinnaavoq nalunaarummi atorfinitsitsinissamut aalajangersakkat malillugit, taamatut suliassap sivisussusissaata qaammatit 12 sinnersimappagit. Kultureqarnermi atuartitsinermilu Pisortaqarfiup immikkut pissutissaqartillugu tamatumannga immikkut ittumik pisoqarnissaa akuerisinnaavaa. Sinniisussamik atorfinitsitsinissaq tamatumannga sivikinneruppat Universitetsrádip aalajangersinnaavaa atuagassiatigut inuttassarsiuussisoqassanersoq, naliliisussanik ataatsimiititaliortoqassanersoq, il.il.
Atorfinitsitsineq.
§ 13. Ilisimatusarfiup rektoriata nakkutigissavaa atorfinnik inuttaliineq aalajangersakkat atuuttuusut malillugit pissammat.
Imm. 2. Aalajangiussaq malittarisassat atuuttut malillugit pisimasutut isigineqarpat suliap suliarineqarnerani pappiarat atorneqartut - taamaallaat qinnuteqartut ilisimatuutut suliaat ilanngunnagit - Ilisimatusarfiup rektoriata Namminersornerullutik Oqartussanut nassiutissavai, taakkulu atorfinitsitsinissaq naammassissavaat.
Nammineq qinikkamik atorfinitsitsineq.
§ 14. Professoritut atorfinitsitsineq immikkorluinnaq ittunik pissutissaqartilluni inuttassarsiuuteqqaarnagu pisinnaasassaaq.
Imm. 2. Inuttassarsiuuteqqaarnagu professorinngortoqarnissaanik siunnersuuteqartoqarpat aqqatigut taallugu siunnersuutigineqartumik, Universitetsrådip aalajangersinnaavaa ataatsimiititaliortoqassasoq atorfik taanna avammut inuttassarsiuuteqqaarnagu inuttalissallugu tunngavissaqarnersoq, imaluunniit §§ 2-13 malillugit atorfinitsitsisoqassanersoq naliliisussanik.
Imm. 3. Ataatsimiititaliat taamaattut pingasunik tallimanilluunniit ilaasortaqassapput § 3-mi aalajangersakkanut naapertuuttumik toqqarneqartussanik.
Imm. 4. Ataatsimiititaliat innersuussutigisinnaavaat atorfik pineqartoq inuttassarsiuuteqqaarnagu inuttalerneqarsinnaasoq atorfinitsitassatut siunnersuutigineqartoq naammaginarluinnartumik piginnaaneqartutut nalilerneqarpat. Ataatsimiititaliap isumaa malillugu inuup pineqartup pisinnaasai uppernarsineqarsimasutut oqaatigineqarsinnaassapput inuup pineqartup atorfimmik taamaattumik taamatulluunniit nalilerneqarslnnaasumik assigisaanilluunniit suliaqareersimaneratigut. Innersuussut tunngavilersorsimassaaq, aamma naleqq. § 8, imm. 1.
Imm. 5. Inuttassarsiuuteqqaarnagu atorfinitsitsinissaq aatsaat pisinnaavoq naliliisussatut ataatsimiititaliat innersuussubaat tamarmik isumaqatigiinneratigut suliaappat, Universitetsrådimilu ilaasortat taaseqataasinnaasut minnerpaamik 2/3-iisa taasinikkut akuerippassuk.
Lektorissatut naliligaaneq.
§ 15. Qanoq adjunkti malittarisat atuuttut malillugit lektoritut atorfinitsinneqarnissaminut piukkunnartiginersoq aalajangerniarlugu Universitetsrådip ataatsimiititaliat naliliisussat paasisimasaqartunik inuttallit pilersissavai pingasunik ilaasortaqartussat. Aalajangersakkat § 3-mi imm. 1-, 3-, 5-, 6-imilu ittut, § 4-mi imm. 1-imiittut, § 5-imiittut § 8-miittullu aamma tassani atorneqassapput.
Imm. 2. Ataatsimiititaliat naliliisussat oqaaseqaataata piukkussineq imarippagu Universitetsrådip innersuussutigissavaa inuk pineqartoq lektoritut atorfinitsinneqaqqullugu. Oqaaseqaat ataatsimiititalianut itisilerneqaqqullugu erseqqissarneqaqqulluguluunniit utertinneqarsinnaavoq.
Imm. 3. Ilisimatusarfiup rektoriata suliassaq Namminersornerullutik Oqartussanut ingerlateqqissavaa malittarisassat § 13-imiittut malillugit.
III. Saniatigooralugu ilinniartitsiussanik (undervisningsassistentissanik atorfinitsitsisarneq.
§ 16. Saniatigooralugu ilinniartitsisunik (undervisningsassistentinik) pineqarput inuit nalunaaquttap akunnikkuutaartumik ilinniartitsisutut akissarsiaqartinneqartut namminerlu ingerlassaminnik ilinniagassanik aalajangersimasunik ilinniartitsisuusut.
§ 17. Atorfiit inuttaligassat avammut allagarsiinikkut inuttassarsiuunneqassapput. Taamatut inuttassarsiuussineq pinngitsoorneqarsinnaavoq semesterimi ataatsimi tiimit killeqartut pineqarpata.
Imm. 2. Avammut inuttasnarsiuussinermi pisinnaasassatut piumasarineqartut nalunaarrteqassapput, aammalu atuartitsissutissap suunera sammivialu, immaqalu tiimit amerlassusissaat, atuartitassat amerlassusiat, kiisalu atorfissap aallartiffissaa killissaalu ilanngunneqassapput. Aammattaaq inuttassarsiuussinermi ilinniartitsinermi akissarsiassat annertussusissaat ilanngunneqassaaq.
Imm. 3. Ajornartinnagu avammut inuttassarsiuussinissaq sioqqutsisumik tusarliunneqassaaq semesteri naatinnagu, semesterip tullissap aallartinnginnerani atorfinitsitsinissaq siunertaralugu.§ 18. Studienævni atorfinitsitsinissaq, inuup pineqartup atorfinitseqqinnissaa, soraarsitsinissarluunniit pillugu innersuussuteqartussaavoq.
Imm. 2. Studienævnip innersuussiniarnera matoqqasumik ataatsimiinnermi pissaaq. Suliassanut taamaattunut tunngatillugu Studienævnimut ilaasortat avammut oqaatiginnittussaanngillat.§ 19. Studienævnip innersuussutai rektorimut ingerlatinneqassapput, taassumalu aalajangigassartai aalajangissavai suliassartaalu Namminersornerullutik Oqartussanut nassiutissallugit, taakkua atorfinittussaq atorfinitsitassarimmassuk, soraarsitassaq soraarsitassaralugu akissarsiassallu malittarisassat atuuttut tunngavigalugit aalajangissallugit.
IV. Malittarisassanit imikkoortumik aalajangiisinnaaneq atortussanngortitsinissarlu.
Immikkut ittumik akuersisinnaaneq.§ 20. Kultureqarnermi atuartitsinermilu Pisortaqarfik nalunaarummi aalajangersakkanit allatut iliortoqarnisaanik akuersislnnaavoq tamanna pissutsinik immikkut ittunik tunngavissaqarpat.
Atulerfissaa.
§ 21. Nalunaarut una februarip aallaqqaataani 1990-imi atortuulissaaq.
Namminersornerullutik Oqartussat, ulloq 2. januar 1990
Jens Lyberth/
Hugin S.Christiansen