Ukiuni 1990-1992-ikkunni nalunaaquttap aasaanerani siuartinneqartarnerata aalajangiivigineqarnera pillugu Namminersornerullutik Oqartussat nalunaarutaat nr. 3 25. januar 1990-imeersoq.
Aasaanerani nalunaaquttap atorneqarnera pillugu Inatsisartut inatsisaat nr. 14 ulloq 19. oktober 1989-imeersoq, § 1, malillugu aalajangersarneqarpoq:
§ 1. Ukiuni 1990-1992-ikkunni immikkut ittumik piffissamik nikisitsineq, aasaanerani siuartitsineq, piffissani ukunani atorneqartassaaq:
1) 1990-imi 24. marts aamma 29. september akornanni.
2) 1991-imi 30. marts aamma 28. september akornanni.
3) 1992-imi 28. marts aamma 26. september akornanni.
Imm. 2. Ullumikkut Kalaallit Nunaanni piffissaq sisamanik nikinganeqarpoq. Europa-p kitaanut naleqqiul lugu, tassa imaappoq Greenwich meantime-mut (GMT), paasissutissatut piffissat makku takussutissiarineqarsinnaapput:
Thule-mi sakkotooqarfik Kalaallit Nunaanni piffissaq nalinginnaasoq Illoqqortoormiut Danmarkshavn Assersuut: GMT-4
kl. 8GMT-3
kl. 9GMT-2
kl. 10GMT
kl. 11§ 2. Aasaanerani siuartltsineq Kalaallit Nunaanni piffissaq nalinginnaasoq eqqarsaatigalugu ullormi siuliani piffissani tamani nal. 22.00 aallartittassaaq, tassa piffissami tassani nalunaaqutaq 23.00-nngortinneqartassammat.
Imm. 2. Ittoqqortoormiit, Thule-mi sakkutooqarfik aamma Danmarkshavn eqqarsaatigalugit, Kalaallit Nunaanni piffissamik nalinginnaasumik malinninngitsut, makku atuupput: Nal. 00.00 Ittoqqortoormiini aasaanerani siuartitsisoqartassaaq 25. marts 1.990 atuutilersumik (31. marts 1991-imi aamma 29. marts 1992-imi), tassa piffissami tassani nalunaaqutaq 01.00-mut siuartinneqartassammat. Thule-mi sakkutooqarfimmi Danmarkshavn-imilu aasaanerani siuartitsisoqartassanngilaq.§ 3. Kalaallit Nunaanni piffissaq nalinginnaasoq eqqarsaatigalugu aasaanerani siuartitsisarneq atorunnaarsinneqartassaaq ulluni taaneqartuni kingullerni, piffissani tamani nal. 23.00, tassa piffissani taakkunani nalunaaqutaq 22.00-nngortinneqartassammat. Ittoqqortoormiit eqqarsaatigalugit aasaanerani siuartitsisarneq atorunnaartassaaq nal. 01.00 30. september 1990-imi (29. september 1991-imi aamma 27. september 1992-imi), tassa piffissami tassani nalunaaqutaq 00.00-mut kinguartinneqartassammat.
Imm. 2. Piffissaliinerni nalunaaquttap akunnera pineqartoq nal. 22.00 A-tut imaluunniit nal. 00.00 A-tut aammalu nal. 22.00 B-tut imaluunniit nal. 00.00 B-tut taaneqartassapput.§ 4. Nalunaarut 1. marts 1990 atortuulerpoq.
Namminersornerullutik Oqartussat, ulloq 25. januar 1990
Jonathan Motzfeldt/
Aqigssiaq Møller