Ilinniagaqamermut akiitsunut oqilisaassivigineqartarneq pillugu Inatsisartut inatsisaat nr. 15 ulloq 23. november 1989-imeersoq.
Kapitali 1.
Ilinniagaqarnermut akiitsunik taarsersuinermut tapiissuteqartarneq.§ 1. Namminersornerullutik Oqartussat ilinniagaqarnermut akiitsunut Namminersornerullutik Oqartussanut taarsersorneqartut aamma ilinniagaqarnermut aningaasarivinnut akiitsunut Namminersornerullutik Oqartussanit qularnaveeqquserneqarsimasunut tapiissuteqartarput.
Imm. 2. Makkuninnga pissuteqartumik ilinniagaqarnermut akiitsorilersimasanut tapiissuteqartoqarsinnaanngilaq:
1) Tillinniarnernik aserorterinernillu,
2) nerisanut ineqarnermullu akiliinngitsoortarsimanermik, imaluunniit
3) ilinniagaqarnermut tapiissutinik amerlanaarlugit kukkusumilluunniit tunniussisarsimanermik.
Imm. 3. Pissutsit imm. 2-mi taaneqartut tunngavigalugit aningaasat atorneqarsimasut nalingi tapiissutissat annertussusissaasa naatsorsornerini ilanngunneqarsinnaanngillat. Aammataaq ilinniagaqarnermut akiitsunik allanik peqarsimappat pissutsit imm. 2-mi taaneqartut tunngavigalugit aningaasat atornegarsimasut taarsersorsimanerisa nalingi tapiissutissat naatsorsornerirti ilanngunneqarsinnaanngillat.§ 2. Inunnut Kalaallit Nunaanni najugaqavissunut tapiissuteqartoqartarpoq.
Imm. 2. Immikkut illuinnartunik pissutissaqartillugu inuit Kalaallit Nunaata avataani najugaqartut tapiissuteqarfigineqarsinnaapput:
1) Ilinniagaq naammassisimasaq imaaliallaannarluni Kalaallit Nunaanni suliffissaqaataalersinnaanngippat, imaluunniit
2) ilinniagaqarnermut tapiissuteqartarnerup ingerlateqqinnissaanut peqatigitillugu ilinniagagarnermut akiitsutoqqat taarsersorneqarnissaat piumasaqaataasimappat.
Imm. 3. Naalakkersuisut tamakku pillugit sukumiinerusumik maleruagassiorsinnaapput.§ 3. Ukiup akilersuiffiup ingerlanerani akiliutaasimasut tunngavigalugit tapiissuteqartoqartassaaq, apeqqutaatinnagu aningaasat akiitsunut taarsersuutitut imaluunniit ernianut akiliutitut akiliutaasimanersut.
Imm. 2. Tapiissutit tunniunneqartassapput ukiup akilersuiffiup tulliani 1. juni-mi, tak. imm. 1, makkulu patsisissaatinneqassapput:
1) Akiliutaasimasut katillutik, tak. imm. 1, minnerpaamik 6.000 kr.-uppata, aamma
2) tassunga peqatigitillugu akiliutaasimasut ukiup pineqartup ingerlanerani ernialiussaasimasunit amerlaneruppata.
Imm. 3. Akiitsut amerlasoorujussuusimagaangata qaammammullu akiliutaasartut minnerpaamik 2.000 kr.- usimagaangata imm. 2, nr. 2-mit patsisissaatitaasoq naatsorsuutigineqanngitsoorsinnaasassaaq.
Imm. 4. Tapiiffigineqarnissamik qinnuteqaatit ukiumi tapiissutisiffissami 1. april nallertinnagu nassiunneqareersimassapput.§ 4. Tapiissutit aallaavittut ukiup akilersuiffiup ingerlanerani akiliutaasimasut nalinginik amerlassuseqartinneqartassapput.
Imm. 2. Akilersuisup sumi najugaqarnera kiisalu akiitsut annertussusii suunerilu apeqqutaatillugit tapiissutit qaffanneqartassapput, tamatumanilu aningaasat imm. 1 naapertorlugu naatsorsorneqarsimasut kisitsisimmik naatsorsuinermi tunngavissatik ilaannik ilanngussaq 1-miittumik amerlisarneqartassapput.
Imm. 3. Imm. 2-mi illoqarfiit aamma "nunaqarfiit isorliillu" agguataarnerini Kalaallit Nunaanni tjenestemandinik agguataarineq qanoq ilisukkulluunniit atuuttoq malinneqartassaaq.
Imm. 4. Akiitsut annertussusii, tak. imm. 2, tassaapput ukiumi akilersuiffimmi decemberip 31-ani akiitsut annertussusii. Tapiissutit ukiup akilersuiffiup aappaaguani 1. juli ilanngunneqartussat akiitsut naatsorsornerini ilaatinneqassanngillat. Akiitsut annertussusii tassaapput akiitsut tapiissutisiaqaataasinnasut tamakkerlutik katinnerisa nalingi, tak. § 1.
Imm. 5. Akiitsunik assigiinngiiaartunik ilanngussaq 1-imi taagorneqartunik akiitsoqartoqartillugu taakku immikkoortui ataasiakkaarlugit tapiissuteqarfigineqartassapput.§ 5. Ukiumi akilersuiffimmi isertitat akileraarutaasussat tjenestemandip najugaqavissup skalatrin 30-miittup ukiumi akilersuiffimmi, tak. § 3, imm. 1, 1. oktober akissarsiaanit ilanngaatitaqariinngitsunit 1.000 kr.-inik amerlaneroriarneri tamaasa § 4 naapertorlugu tapiissutit 0,5 %-imik ilanngarneqartassapput. Naatsorsuisoqalersinnagu akissarsiat ilanngaatitaqariinngitsut aningaasanut 5.000 kr.-inik agguarneqarsinnaasunut qaninnernut akunnaallineqassapput.
§ 6. Akiitsut sorliit, tak. § 4, imm. 5, tapiissutisiaqarnermut apeqqutaatinnagit pingaarnerutillugu Namminersornerullutik Oqartussanut akiitsut akilersornissannut tapiissuteqartoqartassaaq.
§ 7. Ukiumi tapiissutisiffiusumi 1. juni-mi akiitsut tamarmiusut sinnerlugit tapiissuteqartoqarsinnaanngilaq.
Kapitali 2.
Ilinniagaqarnermi akiitsunik isummakkeerinninneq.§ 8. Aningaasanik atorsimasoq immikkut ajornartorsiorsimappat ilinniagaqarnermut akiitsunik taarsersuinermut tapiissuteqartarnermi piumasaqaataasut naammassisimanngikkaluarpagilluunniit qinnuteqarnera naapertorlugu Naalakkersuisut aningaasanut inatsimmi aningaasat amerlassusileriikkat iluanni ilinniagaqarnermut akiitsut ilaannakortumik tamakkiisumilluunniit isumakkeersinnaavaat.
Imm. 2. Ilinniagaqarnermut akiitsulik toquppat imaluunniit tamakkiisumik inrtarluuteqalerpat taamaalillunilu akiliisinnajunnaavilluni akiitsui pingitsoorani isumakkeerneqassapput.
Imm. 3. Aningaasanik atorsimasup ilinniagaqarnerminut akiitsui qanoq ilineratigut imm. 1 aamma 2 naapertorlugit isumakkeernegartarnissaat pillugu Naalakkersuisut sukumiinerusumik malittarisassaliussapput.
Kapitali 3.
Aalajangersakkat assigiinngitsut.§ 9. Qinnuteqartut paasissutissat tapiissutit naatsorsorneqarnerini pisariaqartut tamaasa saqqummiuttassavaat.
Imm. 2. Qinnuteqartoq imm. 1 naapertorlugu paasissutissanik equnngitsunik amigartunilluuunniit saqqummiussisimappat piumasaqaatigineqarsinnaavoq tapiissutit eqqunngitsumik tunniunneqarsimasut erniaat ilanngullugit utertinneqassasut.§ 10. Aningaaseriviit Namminersornerullutik Oqartussanit piumaffiginegarnertik naapertorlugu paasissutissanik inatsisip matuma atuutsinnerani atugassanik makkuninnga saqqummiussissapput: Innup normua aqqalu kiisalu akiitsut sinnerisa, akilersuutit erniaasalu amerlassusii.
§ 11. Naalakkersuisut qinnuteqarnermi periusissat taamaaqataallu pillugit malittarisassaliorsinnaapput.
Imm. 2. Naalakkersuisut allaffeqarfikkoortumik aalajangersinnaavaat ilinniagaqarnermi akiitsut Namminersornerullutik Oqartussanit atukkat taakkunanngaluunniit qularnaveeqqusikkat atortitsinissamik neriorsuuteqarnernti qularnaveeqqusiinermilluunniit utertitsilluni akilersornissaannut piffissarititaasumit kingusinnerusukkut akilerneqarsinnaasut.§ 12. Inatsit taannaluunniit malillugu malittarisassat naapertorlugit aalajangiineq pillugu naammagittaalliuut nalunaarutigineqarneraniit sapaatit akunneri sisamat qaangiutsinnagit Ilinniagagarnersiutinut Orulluteqartarfimmut suliassanngortinneqarsinnaavoq. Inatsit taannaluunniit malillugu malittarisassat naapertorlugit aalajangiineq tamatigut tamanna pillugu paasissutissanik ilaqartinneqassaaq.
§ 13. Inatsit ukiumit akilersuiffimmit 1989-intit atuuttussanngorlugu 1. januar 1990 atortuulersinneqarpoq.
Imm. 2. Peqatigitillugu Inatsisartut inatsisaat nr. 9 ulloq 13. november 1986-imeersoq aamma ilinniagaqarnermut akiitsunik oqilisaassivigineqartarneq pillugu Namminersornerullutik Oqartussat nalunaarutaat nr. 4 ulloq 19. marts 1987-imeersoq atortuujunnaarsinneqarput.
Namminersornerullutik Oqartussat, Nuummi ulloq 23 november 1989.
Jonathan Motzfeldt/
Jens Lyberth