Nioqqutissanik eqqussuineq, eqqussuinermilu akitsuutit pillugit Inatsisartut inatsisaata allannguutissaatut inatsit nr. 7, 20. oktober 1989-imeersoq.

 

§ 1.

Nioqqutissanik eqqussuineq, eqqussuinermilu akitsuutit pillugit Inatsisartut inatsisaat makkuninnga allannguuteqarpoq:

 

1. § 2, nr. 19 b)-mi kalaallisuuani "aamma 1602.50.90.9" allanngortinneqarpoq imaalillugu: "aamma 1602.90.61.0."

2. § 2-mi imm. 2-tut nutaatut ilanngunneqarpoq:
"Imm. 2. Nioqqutissat imm. 1-inti pineqartut nalunaarutigineqarlutillu akitsuusertinneqartassapput Kalaallit Nunaannut Kalaallillu Nunaannit nioqqutissanik eqqussuinermut annissuinermullu nalunaarsuineq nakkutilliinerlu pillugit Inatsisartut inatsisaanni aalajan-
gersakkat malillugit."

3. § 3-tut nutaatut ilanngunneqarpoq:
"§ 3. Nioqqutissat akitsuusigassat anniseqqinneqartussatut naatsorsuussat akitsuusernagit eqqunneqarnissaat akuersissutigineqarsinnaavoq.
Imm. 2. Akitsuuserneqartussaanngitsunut ilaanngillat:
a) Nioqqutissat umiarsuarni timmisartuniluunniit Kalaallit Nunaanni nalunaarsorneqarsimasuni atugassatut taquassatulluunniit naatsorsuussat, taakku nunat tamalaat akornanni aalajangersintasumik ilaasartaatitut ingerlaarfeqanngippata.
b) Nioqqutissat umiarsuarnut assigisaannullu Kalaallit Nunaanni nalunaarsorneqarsimasunut, inuttaannut ilaasuinulluunniit akitsuuteqarfiup avataani tuniniagassatut naatsorsuussat.
Imm. 3. Nioqqutissat § 5 malillugu Kalaallit Niuerfiata kisimi akitsuuteqarfiusumut eqqussinnaasai, taamaallaat akitsuusernagit anniseqqinneqarsinnaapput nunat allamiut umiarsuaannut timmisartuinullu pisussaaffiit pillugit nunat tamalaat akornanni isuntaqatigiissutit malillugit.
Imm. 4. Angallat nioqqutissanik akitsuusigassanik 500 koruunit sinnerlugit akitsuuteqartussanik usilik akitsuuteqarfiup iluani naammattoorneqarpat, imm. 2, b)-mi taaneqartutut tuniniagassatut naatsorsuussatut isigineqassapput, taamaattoqannginnera qularnaatsumik uppernarsarneqarsinnaanngippat."

4. § 4, 3)-nti immikkoortoq kingulleq "§ 3" allanngortinneqarpoq imaalillugu:
"§ 3, imm. 2, a)."

5. § 13-itut nutaatut ilanngunneqarpoq:
"§ 13. Inatsintmik inatsilluunniit malillugu aalajangersakkanik unioqqutitsineq unioqqutitseriaraluarnerluunniit akiliisitsinermik kinguneqarsinnaavoq. Akiliisitsissutip angissusilerneqarnissaani pingaartumik ntaluginiarneqartassaaq aningaasatigut iluanaarutaasimasup iluanaarutissatulluunniit siunertarineqarsimasup annertussusia. Angissusiliinissami aammattaaq apeqqutaatinneqartassaaq unioqqutitsinerup annertussusia.
Imm. 2. Piaaraluni mianersuaalliorujussuarluniluunniit nioqqutissanik anngiortumik eqqussanik tuniniaasoq allatulluunniit tunniussisoq, pisisoq allatulluunniit pissarsisoq, tigusisoq, angallassisoq paarisaqartorluunniit imm. 1-imi taaneqartutut pillarneqartassaaq.
Imm. 3. Nioqqutissanik akitsuusigassanik akitsuuteqarfiup avataani tuniniaasoq, naak nalunngikkaluarlugu nioqqutissat akitsuuteqarfimmut anngiortumik eqqunneqarnissaat siunertarineqartoq, imm. 1-imi taaneqartutut pillarneqartassaaq.
Imm. 4. Imm. 1-3-mik unioqqutitsineq nioqqutissat akitsuutaannik akiliisussaatitaanermik kinguneqartassaaq.
Imm. 5. Suliffeqarfik sinnerlugu unioqqutitsisoqarpat unioqqutitseriartoqarpalluunniit, suliffeqarfiup piginnittua imm. 1-3 malillugit akisussaatinneqarsinnaavoq, naak piginnittut piaaraluni mianersuaalliorujussuarluniluunniit unioqqutitsinermut pisuutinneqarsinnaanngikkaluartut.
Imm. 6. Piginneqatigiiffiit, peqatigiiffiit assigisaalluunniit unioqqutitsippata unioqqutitseriaraluarpataluunniit, piginneqatigiiffik peqatigiiffilluunniit imm. 1-3 malillugit akiliisussanngortinneqarsinnaavoq.
Imm. 7. Kommune kommunelluunniit sullisseqataaffia unioqqutitsippat unioqqutitseriaraluarpalluunniit, kommune kommunelluunniit sullisseqataaffia imm. 1-3 ntalillugit akiliisussanngortinneqarsinnaavoq."

6. § 14-tut nutaatut ilanngunneqarpoq:
"§ 14. Inatsisip taassuma aalajangersagaanik inatsilluunniit tunngavigalugu maleruagassianik unioqqutitsisoqarpat unioqqutitseriaraluartoqarpalluunniit, iluanaarutit pigisallu Kalaallit Nunaanni pinerlunnermut inatsintmi kapitali 31 ntalillugu arsaarinnissutigineqarsinnaapput."

7. § 15-tut nutaatut ilanngunneqarpoq:
"§ 15. Umiarsuit timmisartulluunniit akitsuuteqarfimmut tikittut nioqqutissanik akitsuusigassanik, usit nalunaarsorfianni ilanngunneqarsimanngitsunik, nassataqarpata taakkulu akitsuutinik nakkutilliisunut nalunaarutigineqarsintanngippata, nioqqutissat piginnittuminnit tuniniagassatut anngiortumik eqqunneqartutut isigineqassapput, taamaattoqannginnera qularnaatsumik uppernarsarneqarsinnaanngippat.
Imm. 2. Angallat akitsuuteqarfiup iluani nioqqutissanik akitsuusigassanik 500 koruunit sinnerlugit akitsuuteqartussanik usilik naammattoorneqarpat, tamanna tuniniaanissamik siunertaqarluni anngiortumik eqqusseriaraluarnertut isigineqassaaq, taamaattoqannginnera qularnaatsumik uppernarsarneqarsinnaanngippat."

8. § 16-itut nutaatut ilanngunneqarpoq:
"§ 16. Angallatit niogqutissanik akitsuusigassanik eqqussinermi eqqusseriaraluarnermilu, akitsuuteqarfiullu iluani eqqussanik angallassinermut atorneqarsimasut, akitsuutinut nakkutilliisunit qinnutigineqarpat politiinit tigummineqarallarsinnaapput akitsuutinut, pillaatitut sullissinerntilu aningaasartuutinut akiligassat, piginnittup, ingerlatsisup allallu sullissisut pisuussutigisaat, akilerneqarserlugit qularnaveeqquserneqarserlugilluunniit. Suliap naammassineqarneraniit qaammatit marluk qaangiutsinnagit akiligassat akilerneqanngippata angallatip tuniniarneratigut akiitsut akilersinneqarsinnaapput.
Imm. 2. Tigumminnikkallarsinnaaneq taamaallaat pisinnaavoq akiligassanut qularnaveeqqutitut piumasarineqarpat. Angallat eqqussinermi atorneqartoq ingerlatitsisumillu tillitaasimappat tigummigallarneqarsinnaanngilaq."

9. § 17-itut nutaatut ilanngunneqarpoq:
"§ 17. Unioqqutitsineq akitsuutip nalingata marloriaataanik annerusumik akiliisitsinermik kinguneqassangatinneqanngippat, Akileraartarnermi Pisortaqarfiup unioqqutitsisoq nalunaarfigissavaa, pineqartoq pisuusutut nassuerpat, piffissaatitaasorlu qaangiutsinnagu, qinnuteqarnikkulluunniit sivitsuinikkut akiliisinnaassuseqarpat suliassaq eqqartuussinertaqanngitsumik naammassineqarsinnaasoq.
Imm. 2. Umiarsuarni timmisartuniluunniit nunanut allanut angalasartuni inuttaasunut, inunnullu Kalaallit Nunaanni najugaqavissuunngitsunut tunngatillugu Akileraartarnermi Pisortaqarfik akitsuutinut pillaatitullu akiliisitsissutissanut tunngasunik aalajangiigallarsinnaavoq. Aalajangiigallarfigineqartoq, aalajangiinerup nalunaarutigineqarneraniit ullut 14-it qaangiutsinnagit, eqqartuussisunut suliassanngortitsisinnaavoq. Aalajangiinermi eqqartuussivitsigut periarfissat piffissarititaasullu pineqartumut erseqqissaatigineqassapput. Suliassap eqqartuussisunut suliassanngortinneqarnera Akileraartarnermi Pisortaqarfimmit isuntagineqassaaq. Eqqartuussivimmut suliassanngortitsinermi Akileraartarnermi Pisortagarfiup aalajangigai pineqartup malissavai, eqqartuussivitsigut aalajangiisoqarserlugu.
Imm. 3. Kalaallit Nunaanni eqqartuussisarnermi inatsimmi kapitali 5-imi pineqaatissiissuteqarnissamut unnerluussuteqartarnermut aalajangersagaq imm. 1-imi nalunaaruteqartarnermut taaneqartumut tunngatillugu atorneqarsinnaavoq.
Imm. 4. Akiliisitsissut piffissaq eqqorlugu akilerneqarpat aalajangerneqarnermiluunniit kingorna akiliisitsissutigineqarpat allatut malersorneqaqqissanngilaq."

10. § 18-itut nutaatut ilanngunneqarpoq:
"§ 18. Nioqqutissat anngiortumik eqqussinermi eqqusseriaraluarnermiluunniit nassatarineqartut akitsuutinik nakkutilliisoqarfik sinnerlugu akitsuutinik nakkutillisunit politiinilluunniit tiguneqarallartassapput. Nioqqutissat anngiortumik eqqussat nioqqutissalluunniit allat akitsuutaannik pisortanut akilinngitsuuinernut akilinngitsuueriaraluarnernulluunniit tunngatillugu, pisortanit taaneqartunit tigummineqarallartussanngussapput tigusarineqarlutilluunniit, eqqartuussisarnermi inatsimmi arsaarinnissutaasariaqartunut maleruagassat aalajangerneqarsimasut tunngavigalugit. § 5-imi taaneqartutut nioqqutissat Kalaallit Niuerfiannit taamaallaat eqqunneqarsinnaasut tamatigut arsaarinnissutigineqartassapput.
Imm. 2. Akitsuutinut pillaatitullu akiliutissat, sullissinermilu aningaasartuutit akiligassat akilerneqareerpata, nioqqutissanik eqqussuinermi maleruagassat nalinginnaasut tunngavigalugit tigummigallarneqarsimasut arsaagaasumut inummulluunniit allamut utertitsiffigineqartussantut nioqqutissat tigummigallagaasut utertinneqassapput. Tamanna § 5 ntalillugu Kalaallit Niuerfiata kisermaassilluni nioqqutissanut eqqussinnaasaanut atuutinngilaq, tamatigut arsaarinnissutaasussaammata. Suliap qaammammi inaarneqarfiata naaneraniit qaammatit ntarluk qaangiutsinnagit nioqqutissat aaneqanngippata akitsuutinik nakkutilliisunit akitsorterussinikkut nalunaarutigineqareersimasukkut ileqquusut malillugit tuniniarneqassapput. Nioqqutissat akitsuutinik nakkutilliisut isumaat naapertorlugu atorsinnaanngitsut naleqanngitsulluunniit piffissarititap qaangiunneratigut akitsuutinik nakkutilliisoqarfimmit suujunnaarsinneqassapput. Akitsorterussinikkut isertitanit pisortanut sullissinermi, tigummisaqarallarnermi tuniniaanermilu aningaasartuutit akilerneqassapput, taavalu eqqussinermi akitsuutinut pillaatitullu akiliisitsissutit taakkualu suliarineqarnerini aningaasartuutit akilerneqassallutik. Akitsorterussinermiit ukiut pingasut qaangiutsinnagit piginnittoq saaffiginnippat, tunineqartunillu piginnittuunerminik uppernarsaasinnaappat tuniniaanermi sinneqartoorutit piginnittumut tunniunneqassapput.

11. § 14 taamaalilluni § 19-inngorpoq.

 

§ 2.

Inatsisartut inatsisaat ingerlaannaq atuutilerpoq.

Namminersornerullutik Oqartussat, 20. oktober 1989.

Jonathan Motzfeldt

/

Emil Abelsen