Pappiaqqanik nalilinnik naqissusiinermi akitsuut pillugu Inatsisartut inatsisaata allannguutissaatut inatsit nr. 6, 20. oktober 1939-imeersoq.

 

§ 1. Pappiaqqanik nalilinnik naqissusiinermi akitsuut pillugu Inatsisartut inatsisaanni nr. 8, 31. oktober 1987-imeersumi makku allannguutaapput:

1. § 2-mi imm. 3-tut nutaatut ilanngunneqarpoq:
"Imm. 3. Imm. 2-mi taaneqartutut umiarsuaq Kalaallit Nunaanni najugaqartutut nalunaarsorneqarsimasoq Kalaallit Nunaata avataani najugaqartutut nalunaarsorneqarpat, najugaqarfimmik allanngortitsineq umiarsuarmik niuernertut isigineqassaaq."

2. § 3-mi imm. 3-tut nutaatut ilanngunneqarpoq:
"Imm. 3. Pigisat nalinginnaasumik niuernermi nalinginut imm. 1-imi 2-milu taaneqartunut aammattaaq ilaavoq pigisat ersinngitsut umiarsuarmut imaluunniit pigisamut aalaakkaasumut attuumassuteqartut nalingat eqqortoq."

Imm. 3 taamaalilluni imm. 4-nngorpoq.

§ 2. Inatsisartut inatsisaat ingerlaannaq atuutilerpoq.

Namminersornerullutik Oqartussat, 20. oktober 1989.

Jonathan Motzfeldt

/

Emil Abelsen