Kalaallit Nunaanni naatsorsueqqissaartarneq pillugu I natsisartut inatsisissaat nr. 5 julip 19-ni 1989-imeersoq.

 

§ 1. Kalaallit Nunaanni naatsorsueqqissaartarnermi qitiusumik oqartussaaffittut Kalaallit Naatsorsueqqissaartarfiat pilersinneqassaaq,
1) inuiaqatigiinni pissutsit pillugit naatsorsoq qissaakkatigut paasissutissanik katersuiffiusus samik, suliarinnlffiusussamik pisortatigoortu millu nalunaaruteqartartussamik, ilaatigut kommunet nalunaarsuisarfiillu allat suleqatigalu
2) akiliisitsilluni namminersornerullutik oqartussat suliffeqarfiutaanut allanut, kommunenut, kattuffinnut aammalu suliffeqarfinnut namminersortunut il.il. naatsorsoqqissaakkatigut paasissutissanik katersuisinnaasumik, suliarinnissinnaasumik pisortatigoortumillu nalunaaruteqarsinnaasumik,
3) pisortatut oqartussaasut qitiusumik nalunaarsuiffiinik, pisortanut inuussutissarsiorfinnullu allaffissornikkut suliassatigut isumaginnittartunik aaqqissuusinikkut atuinikkullu aammalu naatsorsoqqissaakkatigut siunertanut atorneqarsinnaasunik suliaqartussamik sulianulluunniit peqataasussamik.
4) apeqqutinik naatsorsueqqissaartarnermut tunngasunik ataatsimiititalianut kommissioninullu ikiuusinnaasumik,
5) naatsorsoqqissaakonik misissuiffiusinnaasumik missingersuusiorfiusinnaasumillu,
6) nunat tamalaat naatsorsueqqissaarnermik suleqatigiinneranni suliassanik isumaginnittussamik.
Imm. 2. Pisortatut oqartussaaffiup imaluunniit suliffeqarfiup naatsorsoqqissaakkatigut paasissutissanik katersuilernissaq suliarinninnissarlu siunertarippassuk tamanna pillugu Kalaallit Naatsorsueqqissaartarfiat ilisimatinneqassaaq ataqatigiissaarinissaq siunertaralugu.
Imm. 3. Pisortatut oqartussaaffinni suliffeqarfinnilu inatsisip atuutsilernerani naatsorsoqqissaakkatigut paasissutissanik katersisoqarpat suliarinnittoqarpallu, Kalaallit Naatsorsueqqissaartarfiat ukiut 3 qaangiutsinnagit naatsorsoqqissaakkatigut suliaminnik paasissutississavaat ataqatigiissaarisinnaaneq siunertaralugu.

§ 2. Naalakkersuisut ataatsimiititaliussapput Kalaallit Naatsorsueqqissaartarfiata aammalu pisortatut oqartussaaffiit suliffeqarfiillu allat akornanni suleqatigiinnissamut isumaginnittussamik.
Imm. 2. Ataatsimiititaliaq siunnersuusiussaaq pisortat naatsorsoqqissaagaasa ataqatigiissaarnissaannut kiisalu ukiumoortumik suliassanik siunnersuusiussalluni, tassani ilanngullugit paasissutissat §§ 3-4-mi taaneqartut qanoq annertutigisumik qanorlu pissuseqartumik pissarsiarineqassanerinik.
Imm. 3. Ataatsimiititaliap siunnersuutaa naalakkersuisunut aalajangigassanngorlugu saqqummiunneqassaaq.

§ 3. Pisortatut oqartussaaffiit suliffeqarfiillu naatsorsueqqissaartarnermi suliassatut pilersaarutinut aalajangersakkat iluanni Kalaallit Naatsorsueqqissaartarfiannit qinnuigineqarnermikkut paasissutissat pigisatik nalunaarutigisassavaat.

§ 4. Inuussutissarsiortut, sulisitsisut, inissianik piginnittut attartortullu kiisalu kikkulluunniit tamarmik nunanut allanut, tassani ilanngullugit Savalimmiunut Danmarkimullu nioqqutissanik annisuisuusut taakkunanngalu eqqussuisuusut imaluunniit nunat allat aammalu nunatta akornanni aningaasatigut aaqqitassaqartut Kalaallit Naatsorsueqqissartarfiannit qinnuigineqarnermikkut paasissutissanik suliassatut pilersaarutini aalajangersarneqartunik nalunaarsueqqissaagassanik suliaqarnissaq siunertaralugu naatsorsueqqissaartarfiup atorfissaqartitaanik tunniussisassapput.

§ 5. Inuit suliffeqarfiilluunniit ataasiakkaat pillugit paasissutissat, aalajangersakkat §§ 3-4-mi naapertorlugit Kalaallit Naatsorsueqqissaartarfiannit pissarsiarineqartut allanut ingerlateqqinneqassanngillat, paasissutissat pineqartut inatsit naapertorlugu tamanit pissarsiarineqarsinnaasut imaluunniit peqqussutinik naatsorsueqqissaartarfimmi edb atorlugu nalunaarsuiffinnut pilersinneqarsimasunut atuuttunik nalunaarsuinermi inatsit naapertorlugu allatut aalajangersaasoqarsimanngikkaangat.

§ 6. Paasissutissanik §§ 3-4 malillugu piumasoqartillugu piffissaq eqqorlugu nalunaaruteqanngitsoq, imaluunniit piaaraluni misissuaannginnermilluunniit pissuteqartumik eqqunngitsunik paasissutissiisoq eqqartuussisutigut akiliisinneqarsinnaavoq.
Imm. 2. Aktieselskabimik assigisaanilluunniit unioqqutitsisoqarsimappat, piginneqatigiiffik taamatut akilii sussaatitaanermut akisussaatinneqarsinnaavoq.

§ 7. Inatsit atuutsilissaaq 1. juli 1989

Kalaallit Nunaanni Namminersornerullutik Oqartussat, ulloq 19. juli 1989.

Jonathan Motzfeldt

/

Emil Abelsen