Ilisimatusarfik pillugu Inatsisartut inatsisaat nr. 3, 9. maj 1989-imeersoq.

 

Kapitali 1.
Aalajangersakkat nalinginnaasut.

§ 1. Ilisimatusarfiup suliassarai ilisimatuutut misissuinissaq qaffasinnerusumillu ilinniartitsinissaq. Aamma Ilisimatusarfiup ilisimatuut suleriaasii paasisaallu siaruartigassarai.
Imm. 2. Ilisimatusarfiup ilinniagassanut naalakkersuisut suliassiissutaannut soraarummeerutissat piareersarlugillu isumagisassavai.

§ 2. Ilisimatusarfimmit ilinniartitsinerit oqaluttarissanillu soraarummeerutit avataanit tusarnaariarneqarsinnaapput.

§ 3. Ilisimatusarfimmit innersuussutit malillugit naalakkersuisut ukununnga malittarisassanik nalunaarusiussapput:
1) Ilinniartitsisut ilisimatuutullu suleqataasut atorfinitsinneqarnissaannut.
2) Ilinniartutut akuerineqarnissamut.
3) Ilinniartitaanermut soraarummeerutissanullu.
4) Soraarummeerutinik nalileeqataasussanut.
5) Universitetimi soraarummeereersimasunut ilisimatuutut immikkut taaguutitaarsinnaanissamut.
6) Ilisimatusarfimmi aqutseqataasussanik qinersisarnermut, rektorimik tullersortaanillu qinersinissat ilanngullugit.
7) Ilinniarnertuunik soraarsitsisinnaanermut.

§ 4. Ilisimatusarfik ilisimatuutut misissuinissaq pillugu nammineq aalajangiisassaaq, kisianni naleqq. § 25.

§ 5. Ilisimatusarfik rektorimit siulersorneqassaaq, universitetsrådi (ataatsimiittartut qullersaasut) studienævnilu (ilinniarnermut tunngasunut oqaasissaqartut) suleqatigalugit.

 

Kapitali 2.
Rektori, Tulleraortaa ingerlatsisullu

§ 6. Rektori Ilisimatusarfiup avammut sinniisoraa.
Imm. 2. Rektori nalinginnarmik ingerlatitsinermut akisussaavoq suliassallu universitetsrådimut studienævninullu inatsimmi uani suliassiissutaanngitsut ingerlatassaralugit.
Imm. 3. Rektorip nakkutigisassaraa universitetsrådimit studienævnimillu isummiussat inatsisinut naapertuuttuunissaat naammassineqarnissaallu.

§ 7. Rektorip aalajangigassat nukinginnartut universitetsrådimit studienævninillu suliarineqarnissaminnut utaqqisinneqarsinnaanngitsut aalajangiivigisassavai. Taamatut aalajangikkat piffissaq siulleq atorlugu ataatsimiittartunut pineqartunut saqqummiunneqassapput.

§ 8. Rektorip universitetsrådi, studienævnit aammalu atorfilittami ilaat ataaseq arlallilluunniit Ilisimatusarfimmut pingaaruteqartut pillugit suliassissinnaavai oqaaseqaqqusinnaallugillu.

§ 9. Rektorip tullersortaa rektorimut sinniisussaavoq.
Imm. 2. Rektorip tullersortaata rektori tassunga suliassiissutinik ikiortasaavaa annertussusissaannik isumaqatigiissutertik malillugu. Isumaqatigiissut taamaattoq suleqatigiinnissamut tunngavissatut ippat universitetsrådi tamatuminnga ilisimatinneqassaaq.

§ 10. Allaffik inuttalik rektorip ingerlatitsinermini ikiortissaraa.

§ 11. Rektori ukiunut pingasunut tullersortaalu ukiumut ataatsimut qinerneqartassaaq Ilisimatusarfimmi professorit atorfigivillugulu lektorit akornannit.
Imm. 2. Qinersisinnaanut tassa universitetsrådip ilaasortai, atorfigivillugulu Ilisimatusarfimmi ilinniartitsisut ilisimatuutullu suleqataasut.

 

Kapitali 3.
Universitetsrådi

§ 12. Universitetsrådi Ilisimatusarfimmi aqutsisut qullersaraat.
Imm. 2. Rektori tullersortaalu universitetsrådimi aalajangersimasumik ilaasortaapput. Rektori universitetsrådimi siulittaasuuvoq tullersortaalu siulittaasumut tulliulluni.
Imm. 3. Institutimi atorfeqavillutik ilinniartitsisut ilisimatuutullu suleqataasut ataatsimoorlutik universitetsrådimi ilaasortassartik ataaseq ukiumut ataatsimut qinertassavaat. Qinigassaq tassa qinersisussat studienævnimi ilaasortaatitaasa arlaat.
Imm. 4. Institutimi ilinniarnertuut ukiumut ataatsimut universitetsrådimi ilaasortaatitassartik ataaseq qinertassavaat. Qinigassaq tassa studienævnimut qinikkat arlaat.
Imm. 5. Allaffimmi illumilu suliassanut atorfeqavissut akunnerminni universitetsrådimi sinniisussartik ataaseq ukiumut ataatsimut qinertassavaat.

§ 13. Ilinniagassanut naalakkersuisut Ilisimatusarfimmut suliassiissutaannut atatillugu universitetsrådi naalakkersuisunut siunnersuuteqartassaaq institutit pilersinneqarnissaannik atorunnaarsinneqarnissaannilluunniit.
Imm. 2. Institutit akornanni suliassat agguataarneqarnissaat pillugu univeirsitetsrådi aalajangiisassaaq.

§ 14. Universitetsrådi Ilisimatusarfiup ukiumut aningaasartuutissaanut siunnersuusiortassaaq, aningaasallu akuerisat Ilisimatusarfimmi suliassat ataatsimut isigalugit agguaattassallugit.
Imm. 2. Ilisimatusarflup siunissami illutamigut aningaasalersorneqarnermigullu pilersaarusiornissaa universitetsrådip suliassaraa.

§ 15. Universitetsrådip ataatsimiititaliat immikkut paasisimasalinnik inuttallit pilersittassavai ilisimatuutut suliaqassallutik Ilisimatusarfimmi atorfininnissaminnut qinnuteqartunik, ilisimatuutullu taaguuteqalerniarlutik suliaminnik nassiussisunik naliliisussat.
Ataatsimiititaliat tamakku universitetsrådimut innersuussutiminnik tunniussisassapput.
Imm. 2. Universitetsrådi atorfigivillugu ilinniartitsisut ilisimatuutullu suleqataasut saniatigooralugulu lektoriusut soraarnissaat sulinngiffeqarnissaalluunnit pillugit aalajangiisussaavoq.
Imm. 3. Universitetsrådi ilisimatuutut immikkut taaguusiinissami aalajangiiaussaavoq.

§ 16. Universitetsrådi malittarisassat § 3-mi taaneqartut pillugit siunnersuuteqartassaaq.
Imm. 2. Malittarisassat imm. 1-imi taaneqartut pillugit universitetsrådi erseqqissaatinik pisariaqartitanik sanasinnaavoq.
Imm. 3. Universitetsrådip ilinniagassanik aaqqissuussinerit akuerisassarai, tak. § 21, imm. 1.

§ 17. Universitetsrådi ilinniartunngortussanik akuersisartuuvoq.
Imm. 2. Universitetsrådip studienævnip innersuussutai tunngavigalugit allami soraarummeersimasut soraarummeerutiminnik taakkualuunniit ilaannik ilinniarfinni allani angusaminnik Ilisimatusarfimmut nuussisinnaanissaat aalajangiiffissaraa.
Imm. 3. Universitetsrådi studienævnip innersuussutai tunngavigalugit ilinniarnerup aaqqissuunnerani immikkut akuersinissamut aalajangiisussaavoq. Malittarisassat naalakkersuisunit aalajangersakkat iluanni ilinniarnermut soraarummeernermullu naalakkersuisut nalunaarutaanni immikkut akuersisinnaaneg atorlugu universitetsrådi aalajangiisinnaavoq. Taamatut aalajangiineq pissutsinik nalinginnaanngitsunik tunngavilerneqassaaq.

§ 18. Universitetsrådi ataatsimiititalianik pilersitsisinnaavoq, akisussaaffimmilu ilaat taakkununnga suliassiissutigisinnaallugit.
Imm. 2. Universitetsrådip ataatsimiititaliat ukiumi tunngaviliivimmi ilinniartuusut Ilisimatusarfimmilu atorfigivillugu ilinniartitsisuusut ilisimatuutullu suleqataasut akornannit pilersittassavai ukiumi tunngaviliivimmi ilinniartitsinermik aaqqissuussisussat. Universitetsrådip ataatsimiititaliaq taanna studienævnitut pisussaaffilersinnaavaa.

§ 19. Universitetsrådip ingerlatitsisussatut qinikkat suleriaasissaat malittarisassiussavaa.

 

Kapitali 4.
Studienævnit

§ 20. Ilinniagassat immikkoortuini ilinniartitsineq ilisimatuutullu paasiniaaneq institutinit ingerlanneqassaaq.
Imm. 2. Institutini tamani immikkut ilinniartitsineq studienævninit siulersorneqassaaq.
Imm. 3. Studienævnit tamarmik immikkut ilaasortarissavaat institutimi atorfigivillugu ilinniartitsisut ilisimatuutullu suleqataasut akornanit qinikkat marluk institutimilu ilinniarnertuunit qinikkat marluk. Studienævnit ilaasortaat ukiumut atuarfiusumut ataatsimut
qinerneqartassapput.
Imm. 4. Ilisimatusarfiup rektoria tullersortaalu studienævnimut siulittaa?uusinnaanngillat.

§ 21. Studienævnit ilinniagassat aaqqissuuneqarnerannut malittarisassat ilinniarnermullu innersuussutit suliarisassavaat nutartertassallugillu ilinniarnermi anguniagassat, annertussusissaat, sivisussusissaat, qanoq iluseqarnissaat sunillu imaqanissaat ilanngullugit. Aamma ilinniagassat aaqqissuunneqarnerisa ilinniagassani ataasiakkaani misilitsinnissat malittarisassaat imarissavaat. Ilinniagassat aaqqissuunneqarneri universitetsrådimit akuerineqairtassapput.
Imm. 2. Studienævnit ílinniartitsinissaq aammalu misilitsinnissat soraarummeernissallu aaqqissuuttassavaat.
Imm. 3. Studienævnit universitetsrådimut innersuuteqartassapput ilinniagassat aaqqissuunneqarneranni malittarisassat imaluunniit ilinniarneq soraarummeernissarlu pillugit naalakkernuisut nalunaarutaanni aalajangersakkat immikkut akueirsiffigineqarsinnaanerat pillugu.
Imm. 4. Studienævnit universitetsrådimut innersuuteqartassapput ilinniarfinni allani soraarummeerutigisimasat taakkualuunniit ilaasa Ilisimatusarfimmut nuunneqarsinnaanissaat pillugu.
Imm. 5. Studienævni rektorimut innersuuteqartassaaq saniatigooralugu ilinniartitsisussat nalunaaquttap akunnermusiallit assigisaasalu atorfinitsinneqartarnissaat pillugu, naleqq. § 3, nr. 1.
Imm. 6. Suliassat allat institutini ilinniartitsinermut attuumassutillit aalajangiivigineqartinnagit tassani studienævnimut oqaaseqarfigeqqullugit saqqummiunnerqartassapput.

 

Kapitali 5.
Universitetsrådip studienævnillu suleriaasissaat.

§ 22. Universitetsrådip studienævnillu suliassatik ataatsimiinermikkut suliarisassavaat.
Imm. 2. Universitetsrådi studienævnilu aalajangiisinnaapput aatsaat ilaasortat taaseqataasinnaasut affaat inornagit najuuppata.
Imm. 3. Malittarisassani § 3 malillugu pilersitaasuni immikkut ittumik aalajangersagaqanngippat nalinginnaasumik amerlanerussuteqarneq tunngavigalugu aalajangiisoqartassaaq.
Imm. 4. Studienævnimi taasinerit amerlaqatigiippata, taaseqqinnikkullu aalajangiisoqanngippat suliassaq universitetsrådimut aalajangigassanngorlugu imissutigineqassaaq.
Imm. 5. Universitetsrådip studienævnitulli suliassat aalajangersimasut imaluunniit aalajangersimasumut tunngasut siulittaasuminnut aalajangigassanngorlugit tunniussinnaavaat.

§ 23. Universitetsrådip studienævnitulli ataatsimiinneri tusarnaarneqarsinnaapput suliassap pissusia tunuleqataaluunniit pissutigalugit suliarinerata matoqqasuunissaa pisariaqartinnerqanngippat kissaatigineqanngippalluunniit.
Imm. 2. Rektorip taassumaluunniit toqqagaata ataatsimiinnermi matoqqasumi suliat tusarnaarsinnaavaat.

 

Kapitali 6.
Immikkut malittarisassat.

§ 24. Ilisimatusarfik pisinnaavoq landskassemit aningaasatigut tapiissutit aaniatigut allatigut aningaasanik pissarsiniarsinnaalluni taakkulu immikkut aningaasaateqarfiliornikkut atorsinnaallugit. Tapiissutit taamaattut landskassemit pisanit immikkoortinneqassapput taamaallaallu aqutsisussanit Ilisimatusarfiup pilersitaanit aningaasaateqarfiit ataasiakkaat pillugit malittarisassat malillugit atorneqarsinnaallutik.

§ 25. Isumalluutit pisariaqartut pigineqarpata naalakkersuisut Ilisimatusarfik tusarniaavigeriarlugu immikkut misissugassanik ilinniartitsissutissanilluunniit suliassissinnaavaa.

 

Kapitali 7.
Nakkutilliineq.

§ 26. Ilisimatusarfiup ingerlatitsinikkut naalakkersuisut qullersarai.
Imm. 2. Naalakkersuiisulli aalajangersakkat kapitalini 3-mi 4-milu eqqartorneqartut taamaallaat atorunnaarsissinnaavaat inatsisinut inatsisiliornermiluunniit tunngaviusunut uniortuuppata.

§ 27. Studienævnit unittoorsimappata inatsilluunniit una saneqqutiinnarlugu sulippata universitetsrådip innersuussineratigut naalakkersuisut immikkut aqutsigallartoqarnissaa aalajangersinnaavaat, taamalu kapitali 4-mi aalajangersakkanit immikkoortumik iliortoqartissinnaallugu.

 

Kapitali 8.
Ikaarsaarnissaq atulersitsinissarlu.

§ 28. Naalakkersuisut pisinnaatitaapput ikaarsaarnermi malittarisassanik atulersitsinnissamut. Inatsit una atortuulissaaq septemberip 1-anni 1989-imi.
Imm. 2. Inatsit una aammalu Ilisimatusarfimmi ataatsimiittartunik qinersisarnermut naalakkersuisut nalunaarutaat malillugit universitetsrådimut, studienævnimut, aammalu Ilisimatusarfiup rektorianik tullersortaanillu qinersinissat tungaannut Ilisimatusarfiup maannamut pisortaa Ilisimatusarfiup rektoriatut sulissaaq. Upperisarsiornermullu Ilisinatusarfiup maannamut pisortaa rektorip tullersortaatut sulissalluni.
Imm. 3. Landstingip Ilisimatusarfik pillugu inatsisiliaa nr. 8 oktoberip 16-anni 1981-imeersoq, Naalakkersuisullu Kallaalit Nunaanni palasissat ilinniartitaanerat pillugu nalunaarutaat nr. 14 augustip aallaqqaataani 1982-imeersoq atorunnaassapput. Upperisarsiornermilli Ilisimatusarfimmi ilinniartutut naalakkersuisut nalunaarutaat pineqartoq malillugu aallartissimasut aalajangersakkat taakku malillugit ilinniarnertik inersinnaassavaat.

Namminersornerullutik Oqartussat, ulloq 9. maj 1989.

Jonathan Motzfeldt

/

Jens Lyberth