Inatsisartut peqqussutaat nr. 5, 28. november 1989-imeersoq Kalaallit Nunaanni inissialiornermut ikiorsiissuteqartarneq pillugu Inatsisartut peqqussutaannut allannguutaasoq.

Kalaallit Nunaanni inissaqartitsineq, inissialiornermut ikiorsiissuteqartarneq, ininik attartortitsineq il.il. pillugit inatsit nr. 944 23. december 1986-imeersoq tunngavigalugu makku aalajangersarneqarput:

 

§ 1. Kalaallit Nunaanni inissialiornermi ikiorsiissuteqartarneq pillugu nalunaarummi nr. 53 28. februar 1959-imeersumi, kingusinnerusukkut Inatsisartut peqqussutaatigut nr. 10 22. december 1986-imeersukkut, nr. 2 15. december 1987-imeersukkut aaimnalu nr. 2 18. maj 1989-imeersukkut allanngortinneqarsimasumi, makku allannguutigitinneqassapput:

1. § 6 imatut oqaasertalerneqassaaq:
"§ 6. Nalunaarummi matumani Kap. II naapertorlugu taarsigassarsiaritinneqartut annikilliartuaartinneqassapput ukiup affakkaartumik akilersuisitsinikkut taarsigassarsiat peqqaataani aningaasartaasa 3,5%-iannik, taakkunannga akiitsut sinneruttut 3%-iat erniaallutik sinnerilu taarsersuutaallutik, takuulli § 19, inun. 3 aamma 4 kiisalu § 29.
Imm. 2. Nalunaarummi matumani Kap. II naapertorlugu taarsigassarsianut, tassalu piffissami 1. januar 1972-imit 31. december 1989-imut taarsigassarsiarititassatut neriorsuutaasimasunut aanuna/imaluunniit qularnaveeqqusiinermik allagartaligaasimasunut ukioq affakkoortumik erniarititaq 2%-mit 3%-mut qaffanneqassaaq, ukiup affakkaartumillu akilersuutit 1. maj 1990 aallarnerfigalugu angissusilerneqassapput piffissarlu taarsersuiffiusoq allanngorani taamaaginnassalluni.
Imm. 3. Nalunaaruimni matumani Kap. II naapertorlugu taarsigassarsiaritinneqarsimasut 31. december 1971-lu tikillugu taarsigassarsiarititassatut neriorsuutaasimasut aamma/imaluunniit qularnaveeqqusiinermik allagartaligaasimasut pillugit allannguuteqartitsisoqassanngilaq.
Imm. 4. Boligstøtteudvalgip aalajangersussavaa akilersuutit piffissani suni akilerneqartassanersut. Taarsersuutit akilersorneqalissapput illup inerneqarnerata iserterfigineqarnerataluunniit kingornagut akiliivissap aappaanni tamanna sioqqullugu iserterfigineqarsimappat. Illu inerneqarnermi kingornagut sapinngisamik piaarnerpaamik iserterfigineqassaaq. Akilersuutissat naatsorsorneqassapput illup inerneqarnerani aningaasartuutaareersimasut illuliornermilu taarsigassarsiat erniaat tunngavigalugit.
Imm. 5. Illuliornermut taarsigassarsiat erniaat naatsorsorneqassapput sananermut aningaasartuutit tamarmiusut 4%-tiinik angissusilerlugit.
Imm. 6. Taarsigassarsisoq sukkulluunniit akiliiffissap saniatigut taarsersuisinnaavoq ukiut akilersuiffissat ikilisinneqaatissaannik ukiulluunniit affaanut akiliutissat ikilissutissaannik. Taamatut taarsersuutigineqartut §§ 21-imi 22-imilu maleruaqqusat naapertorlugit tapiiffigineqarsinnaanngillat."

2. § 21 imatut oqaasertalerneqassaaq:
"§ 21. Kapitali manna naapertorlugu taarsigassarsiaritinneqartunit taarsigassarsisup § 6-imi akilersuutissatut taaneqartut taamaallaat 70%-iat akilertassavaa, taamaalilluni erniat taarsersuutissallu § 6, imm. 1, 2 aamma 3-mi pineqartut taamaallaat 70%-iat akileqquneqartassallutik.
Imm. 2. Imm. 1-imi maleruaqqusat aamma taamatut atorneqassapput taarsigassarsianut Kalaallit Nunaanni illuliornermut ikiorsiisarnermik 29. juni 1953-imi nalunaarut naapertorlugu tunniunneqarsimasunut."

3. § 25 nutaamik imm. 4-mik ilassaaq:
"Imm. 4. Paragraf-i manna naapertorlugu taarsigassarsiaritinneqartut erniaat qaffanneqassaaq ukiumut 8%-inngorlugu, ukiup affakkaartumillu akiliiffissat 1. maj 1990 aallarnerfigalugu aalajangersarneqassallutik taamaalilluni piffissaq taarsersuiffissaq allanngorani taamaaginnassalluni."

§ 2. Nalunaarut nr. 53, 28. februar 1959-imeersumi § 19 naapertorlugu taarsigassarsiat tamarmiusut naatsorsorneranni sananermi allaffissornikkut aningaasartuutit sananermi aningaasartuutitut ilanngunneqassapput.

§ 3. Peqqussut manna ingerlaannaq atulissaaq, 1. maj 1990-ilu aallanerfigalugu akiligassanut malunniutissalluni.

Namminersornerullutik Oqartussat, 28. november 1989.

Jonathan Motzfeldt

/

Moses Olsen