Namminersornerullutik Oqartussat kiassarnermut naatsorsuutit pillugit nalunaarutaat nr. 36, 21. december 1989-imeersoq.

Inissianik attartortitsineq pillugu Inatsisartut peqqussutaanni nr. 3-mi 20. juni 1989-imeersumi § 10, imm. 9, naapertorlugu makku aalajangersarneqarput:

 

§ 1. Kiassarnermut naatsorsuutitigut siunertarineqarpoq inissiarsuarni arlariinnik inissiartalinni ataatsimullu kiassagaasumi kiassarnermut ukiumoortumik naggasiutaasumik aningaasartuutit qanoq amerlassuseqarnerata inissiamik attartortumit ajornannginnerusumik takuneqarsinnaalernissaat.
Imm. 2. Attartortitsisup ineqarnermut akiliummut ilanngullugu kiassarnermut aningaasartuutinut matusissutissaminik kiassarnermut akiliutaagallartumik akiliisitsisarsinnaavoq. Inissiap attartorneqarnera pillugu attartortitsisup attartortullu isumaqatigiissutaanni erseqqissumik nalunaarsimassaaq kiassarnermut akiliutaagallartussat qanoq akiliisitsissutigineqarnissaat.
Imm. 3. Naatsorsuutitigut erseqqissumik takutinneqassaaq kiassarnermut akiliutáagallarsimasinnaasut kiassarnermut naggasiutaasumik akiligassanit annerunersut minnerunersulluunniit.

§ 2. Aningaasartuutaasimasut immikkualuttortaat nalunaarsimassapput. Erseqqissumik nalunaarsimassaaq aningaasartuutit tamarmiusut ilaat qanoq amerlatigisut oliasinermut oliamillu assartuinermut imalluunniit kiassaateqarf issuarmit kianunik pisiortornermut atorneqarsimanersut.
Imm. 2. Aningaasartuutit kiassarnermut attuumassuteqartut allat aantma ilanngunneqarsinnaapput (soorlu kiassaaserisup/viceværtip akissarsiaat, erngup kissartup kaajalukaartinneranut pumpet oliallu uunnanneqarnerata sarfalersornerat). Tamakku nalunaarsorneqarsinnaapput kisitsisit najoqqutassiat Ineqarnermut Pisortaqarfimmit suliarineqarsimasut malillugit.

§ 3. Kiassarnermut aningaasartuutit inissianik attartortunut agguaanneqassapput inissiat angissusiat najoqqutaralugu, tak. inissiap angissusiata naatsorsorneqartarnera pillugu nalunaarut nr. 35 21. december 1989-imeersoq.
Imm. 2. Kiammik atuinermut uuttuutinik inissiani ataasiakkaani ivertiterisoqarsimappat attartortitsisup kiassarnermut aningaasartuutit akilersortissinnaavai tamakku pillugit akinut NUNA-TEK-ip kaajallaasitaa naapertorlugu.

§ 4. Inissiamik attartortitsisup isumagisassaraa kiassarnermut aningaasartuutit tamanut takusassiaralugit saqqummiunneqarnissaat, tamatumuuna kiassarnermut naatsorsuutit qanoq imaqarnerannik attartortoq paasisaqarsinnaanngorlugu.

§ 5. Kiassarnermut naatsorsuutit atorlugit iluarsiissusiinikkut paasinarsippat inissiamik attartortoq aningaasanik utertitassaqartoq, taava taakku pisariaqanngitsumik kinguarsarnagit attartortumut akiliutigineqassapput. Attartortitsisulli piumaguni, akiliutinik utertitsinissamik attartortup ilisimatinneqareerneratigut, utertitassani taakku tullianik inissiamik attartornermut akiliisitsinissami akiliutissanut ilanngaatigisinnaavai, tak. attartortitsineq pillugu peqqussummi § 10, imm. 6.
Imm. 2. Kiassarnemut naatsorsuutit atorlugit iluarsiissusiinikkut paasinarsippat inissiamik attartortitsisoq aningaasanik pissaqartoq, attartortup akiligassani taakku immikkut akiliuteqartussaanerminik nalunaarutisinerminiit pisariaqanngitsumik kinguarsaanani akilissavai, tak. attartortitsineq pillugu peqqussummi § 10, imm. 6.

§ 6. Nalunaarut 1. januar 1990 atortuulissaaq.

Namminersornerullutik Oqartussat, 21. december 1989

Moses Olsen

/

Dorthe Johannsen