Inissiap angissusiata naatsorsorneqartarnera pillugu Namminersornerullutik Oqartussat nalunaarutaat nr. 35, 21. december 1989-imeersoq.

Inissianik attartortitsineq pillugu Inatsisartut peqqussutaani nr. 3-mi 20. juni 1989-imeersumi § 7, imm. 6 naapertorlugu makku aalangersarneqarput:

 

§ 1. Inissiani attartortittakkani tamani inissiap angissusia naatsorsorneqassaaq, taanna tunngavigalugu inissiap attartornerata akia akiatalu qaffaataa inissianut ataasiakkaanut agguataarneqassammat.

§ 2. Illuliani ilaqutariinnut arlalinnut inissiartalinni inissiap angissusianut ilaapput inissiami init tamarmik. Pequusiviit/quit inissiamit avissaartillugit inissitat ilanngunneqassangillat.

§ 3. Illuni ataasiakkaani/illuni affarleriinni inissiap angissusia makku tunngavigalugit naatsorsorneqassaaq: Inissiap angissusia silamut iikkat qaliallu qaavata iluanni, naasuusivik ilanngunnagu. Naqqup ilua quillu angissutsimik sisamararterutaannik inissiap angissusianut naartsorsuunneqassapput.
Imm. 2. Qaliata ilua naatsorsuunneqassaaq inissianngorlugu aaqqissuunneqarsimappat.

§ 4. Illuliani ilaqutariinnut arlalinnut inissiartalinni inissiap angissusia naatsorsorneqassaaq iikkat silarliit silataannit qaliataluunniit qaavata silataanit, tak. § 5, imm. 3, aammalu inissiat arlariit iluini iigaasa qeqqaniit. Illuliani ilaqutariinnut arlalinnut inissiartalinni illuliap asernera naatsorsuinermi inissiat arlariit iluini iigaata affaatut naatsorsuunneqassaaq.
Imm. 2. Inissiami majuartarfiit inini quleriikkuutaat ilaanni atuuffigisaminni naatsorsuunneqartassapput.

§ 5. Illuni ataasiakkaani/affarleriinni inissiap angissusia makku malittaralugit naatsorsorneqassaaq.
Imm. 2. Init alliit: inissiap angissusia naatsorsorneqassaaq illup iigaasa silarliit silataanniit uuttorlugu takissusia silissusianik qanngerlugu. likkat silarliit qaleriiusanik sallilikkersorneqarsimappata sallilikkersuutit alliit silataannit uuttuineqassaaq.
Imm. 3. Qaliani init: inissiap angissusia naatsorsorneqassaaq takissusia silissusianik qanngerlugu. Takissusia inini allernisut uuttorneqassaaq, silissusiali uuttorneqassalluni qaliata qaavisa, qaliata naqqaniit 1,5 meterisut qutsitsigisukkut imminnut ungasissusiattut. Aniinganerit uuttorneqassapput iigaasa inimik killiliisut silataannut.
Imm. 4. Naqqup ilua: inissiap angissusia uuttorneqassaaq naqqup iluata iigaasa silarliit silataanniit uuttorlugu takissusia silissusianik qaangerlugu. Naqqup ilua tamakkiisuunngippat inissiap angissusia uuttorneqassaaq naqqup iluani iikkap inimik naatsorsorneqartumik killiliisup qeqqaniit. Init iluunngarmik cementimik/betonimik qallerneqarsimanngitsut naatsorsuinermi ilanngunneqassanngillat.
Imm. 5. Majuartarfiit: inini quleriikkuutaat ilaanni atuuffigisaminni naatsorsuunneqartassapput.

§ 6. Nalunaarut 1. januar 1990 atuutilissaaq.
Imm. 2. Inissiat nalunaarummi matumani pineqartut angissusiligaaneri 1. oktober 1990 nallertinnagu iluarsiissuteqarfigineqassapput.

Namminersornerullutik Oqartussat, 21. december 1989.

Moses Olsen

/

Dorthe Johannsen