Inissianik attartortup aserfallatsaaliuinissamut periarfissaai pillugit Namminersornerullutik Oqartussat nalunaarutaat nr. 34 21. december 1989-imeersoq.
Inissianik attartortitsineq pillugu Inatsisartut peqqussutaanni nr. 3-mi 20. juni 1989-imeersumi § 5 naapertorlugu makku aalajangersarneqarput:
§ 1. Inissianik attartortut inissiap iluani aserfallatsaaliuinissamut periarfissinneranni siunertarineqarpoq Namminersornerullutik Oqartussat kommunellu inissiaataanni attartortittakkani attartortut namminneq peqataanerisigut inissiat ajunnginnerusumik aserfallatsaalineqarnissaat.
§ 2. Inissiamik attartortoq peqataanerminut akissarsissanngilaq, atortussanilli akeqanngitsumik atugassinneqassalluni.
§ 3. Inissiamik attartortoq ineqarnerminut imaluunniit kiassarneqarneranut siumoortumik akiliutaagallartussanik akiligassaminik kinguaattoorsimassanngilaq.
Imm. 2. Aserfallatsaaliniakkap annertussusia inissiamik attartortitsisup akuereqqaagassaraa.
Imm. 3. Atortussat tunniunneqassapput inissiamik attartortoq ukiut sisamat sinnerlugit taannaaginnarsimappat inissiaq aserfallatsaalineqarnani, imaluunniit attartortoq inissiamut pineqartumut isertersimappat inissiaq taanna tamakkiisumik ilaannakortumilluunniit qalipaasumit aserfallatsaalineqarsimanngitsoq.
Imm. 4. Aserfallatsaaliilluni suliaq naammassippat inissiamik attartortitsisoq inissiamik qimerluuinissaminut pisinnaatitaavoq, tak. inissianik attartortitsineq pillugu peqqussummi § 20.§ 4. Illuni ilaqutariinnut arlalinnut inissiartalinni inissiamik attartortoq inissiap iluani iikkanik qilaanillu qalipaasinnaavoq naternillu lakkerisinnaalluni.
Imm. 2. Illuni ilaqutariinnut ataatsinut marlunnullu inissiani attartortoq inissiap iluani immikkullu peqqutissaqartillugu inissiap silataani qalipaasinnaavoq.
Imm. 3. Akornutissaqartinnagu, tak. § 7, imm. 1, attartortoq inissiapqisuttaasa, taakkununnga ilanngullugit matut, matut igalaallu sinaat, naqqup killingata sinaakkutai inissiallu atortui atavissut qalipannissaannut atortussaminik tunineqarsinnaavoq.§ 5. Iikkat ungalitsersorneqarsimasut inissiamik attartortup aserfallatsaalisinnaavai qalipallugit imaluunniit ungalitsersorlugit. likkat ungalitsersorneqanngitsut qalipallugit aserfallatsaalineqassapput.
Imm. 2. Naqqit lakkernerini lakki kingullermik aserfallatsaaliuinermi atorneqarsimasup pissuseqataa atorneqassaaq.§ 6. Inissiamik attartortitsisup atortussat pisariaqartut attartortumut tunniutissavai ilisimatissalluguluunniit taamaattut sumut aaneqarsinnaanersut.
Imm. 2. Inissiamik attartortitsisup aalajangissavaa inissiap iluani silataanilu qalipaatit qanoq ittut atorneqarsinnaasut.§ 7. Suliassaq assassorluni sulisorpalaartumik suliarineqassaaq.
Imm. 2. Suliassaq inissiamik attartortup atortussanik tunineqareerneranit kinguarsarnagu suliarineqassaaq.§ 8. Inissiamik attartortup aserfallatsaaliilluni suliaq naammassippat inissiamik attartortitsisoq tamatuminnga ilisimatissavaa.
§ 9. Nalunaarut 1. januar 1990 atortuulissaaq.
Namminersornerullutik Oqartussat, 21. december 1989
Moses Olsen/
Dorthe Johannsen