Namminersornerullutik Oqartussat nalunaarutaat nr. 23, 15. juni 1989-imeersoq akileraarutitigut oqilisaataasumik ileqqaarnernut aaqqissuussinerit pillugit.

Inatsisartut inatsisaanni nr. 2, 6. maj 1989-inteersumi akileraarutitigut oqilisaassissutaasumik ileqqaarnernut tunngasumi § 10 naapertorlugu aalajangerneqarput makku:

 

§ 1. Aningaaseriviit akileraarutitigut oqilisaassissutaasumik ileqqaarnernut aaqqissuussinermik pilersitsisut, aaqqissuussinermut atatillugu suliassaraat makku:
1) Kontollip aqqa cpr. nr.-a najugaqarfialu qulakkeerlugu paasissavaat,
2) Paasiniassallugu akileraarutitigut oqilisaataasumik ileqqaarnernut aaqqissuussinermi piuntasarisat tamakkiisumik naantmassineqarsimaneri.

§ 2. Akileraarutitigut oqilisaassissutaasumik ileqqaarnernut aaqqissuussinerit atorlugit ileqqaarutigisimasat, akissarsiaralugu erniaat akileraarutaasussaanngitsut, tiguneqarnissaanni piumasarineqarpoq kontomik piginnittup aningaaseriviup tungaanut uppernarsassagaa aningaasat taamatut ileqqaarutaasinnaasunut siunertanut atorneqartussaasut kiisalu ilumoorluinnarnera uppernarsarlugu ataatigut atsiussalluni.
Imm. 2. Aningaaseriviup pappiaqqatigut uppernarsaat tigusaq kiisalu ilumoorluinnarnera uppernarsarlugu ataatigut atsiornera Akileraatarnermut Pisortaqarfimmut nassiutissavai.

§ 3. Aningaaseriviup ukiut tamaasa ukiup naanerani akileraarutitigut oqilisaassissutaasumik ileqqaarnernut tunngatillugu kontop aningaasatigut qanoq ingerlanera nalunaarutigissavaa akileraarusiinernut toqqammavissatut atugassatut. Nalunaarutiginninnermi nalunaarutigineqassapput makku:
1) Kontoqartup cpr.nr-ua, aqqa najugaqarfialu.
2) Ileqqaakkat suuneri.
3) Aningaaseriviup allassimanermini norntua.
4) Kontollit kontoata normua.
5) Decemberip 31-anni kontomi aningaasanut tunngasut.
6) Ukiup ingerlanerani tunngaviusumik ernialersuisimanerit.
Imm. 2. Akileraarutitigut oqilisaassissutaasumik ileqqaarnernut korttot atorunnaarsimasut imaluunniit ukiup ingerlanerani tigusiffigineqartarsimasut akissarsiaralugu erniaanut tunngasut aamma nalunaarutigineqartassapput.

§ 4. Kiisalu aamma aningaaseriviup ukiut tamaasa Akileraartarnermut Pisortaqarfimmut ukiup siuliata naanerani aningaasatigut qanoq ingerlasoqarsimaneranut tunngatillugu ilisimatitsissutigissavai makku:
1) Akileraarutitigut oqilisaassissutaasumik ileqqaarnerni kontot tamarmik siunertanut assigiinngitsukkuutaarlugit katinneri kiisalu taakkua qanoq imaqartigineri.
2) Akileraarutitigut oqilisaassissutaasumik ileqqaarnerni kontot siunertanut assigiinngitsukkuutaarlugit tamakkiisumik ilaannaaluunniit tiguneqarsimasut katinneri kiisalu aningaasat tunniunneqarsimasut katinneri.
3) Akileraarutitigut oqilisaassissutaasumik ileqqaarnerni kontot siunertat avataanniittut tamakkiisumik ilaannaaluunniit tiguneqarsimasut katinneri kiisalu aningaasat tiguneqarsimasut katillugit.

§ 5. Akileraartarnermut Pisortaqarfiup paasissutissiisinnaanernut tunngatillugu maleruagassat aalajangissavai.

§ 6. Nalunaarut 21. juni 1989 atortuulissaaq.

Kalaallit Nunaanni Namminersornerullutik Oqartussat 15 juni 1989.

Emil Abelsen

/

Kaare Hagemann