Namminersornerullutik Oqartussat nalunaarutaat nr. 14, 3. maj 1989-imeersoq nalunaarutip nr. 13, 2. april 1985 imeersup allannguutissaanut teknikki atorlugu aalisarnikkut allanngutsaaliuinermut tunngasoq.

 

§ 1.

Nalunaarummi nr. 13 2. april 1985-imeersumi teknikki atorlugu aalisarnikkut allanngutsaaliuinermut tunngasumi makku allannguutigineqarput:

§ 6 imatut paasineqassaaq:
"§ 6. Sinerissap titarnerullu tunngaviusumik killigititaaniit 3 sømilinik ungasinnerusup akornanni inerteqqutaasut makkuupput:
a) Sunilluunniit aalisarneq angallatinut BRT 75-nut, 120 BT-inut anginerusunullu inerteqqutaavoq. Naalakkersuisunulli ilaasortaq tassuunakkut immikkut akuersissuteqarsinnaavoq, angallatinut 1970 sioqqullugu sananeqarsimasunut tamaanilu aalisariaasitoqaq malillugu aalisartarsimasunut.
b) Qalorsorluni kilisalluniluunniit saarullinnik, suluppaakkanik, nataarnanik, qaleralinnik, qeeqqanik eqalunnillu aalisarneq angallatinut tamanut inerteqqutaavoq.
c) b-mili allassimagaluartorluunniit taamaattoq Sermersuumi Qaqortup eqqaani (60º18,5'N, 60º26'N, 45º26'N, 45º19'W-illu akornanni) qalorsorluni kilisalluniluunniit saarullinniartoqarsinnaavoq. Taamaattorli 200 meterinik itinerusuinnarni aamma angallatit 90 BT-nit minnerusut 50 BRT-illillu atorlugit."

 

§ 2.

Nalunaarut atortuulissaaq ulloq 15. maj 1989

Nuuk, ulloq 3. maj 1989.

Kaj Egede

/

Jørn Graversen