Namminersornerullutik Oqartussat nalunaarutaat nr. 13, 1. maj 1989-imeersoq "raajakarsimi" kinguppanniarsinnaanermut tunngasoq.

Inatsisartut inatsisaanni nr. 11 21. november 1984-imeersumi inuutissarsiutigalugu aalisarnermut tunngasumi §§ 12 amma 23 najoqqutaralugu aalajangersarneqarpoq

 

§ 1. Angallatit kinguppanik uutiterivissatut sanaat angallatillu allat 500 BRT/BT 500 anginerusulluunniit (angallatip angissutsimut uppernarsaataa malillugu) kinguppanniaqqusaangillat piffimmi 68°00'N 70°45'N-illu akornanni 56°00'W-ip kangiani ("raajakarsi").

§ 2. NAFO 1 B NE aamma 1 A SE katillugit (68°00'N-ip 69°30'N-illu akornanni 56°00'W-ip kangiani) matumuunatigut kinguppanniarneq killilersuiffigineqarpoq:
a) Angallatit 250 BRT/BT 250-iusut anginerusulluunniit, 500 BRT/BT 500-nilli mikinerusut (angallatip angissutsimut uppernarsaataa malillugu) katillugit annerpaamik ukiumut 1.500 tonsinik kinguppassinaatitaapput.
b) Angallatit 75 BRT/BT 120-iusut anginerusulluunniit 250 BRT/BT 250-inilli mikinerusut (angallatip angissutsimut uppernarsaataa malillugu) katillugu annerpaamik ukiumut 3.500 tonsinik kinguppassinaatitaapput.
Imm. 2. NAFO 1 A NE (69°30'N-ip 70°45'N-illu akornanni 56°00'W-ip kangiani) matumuunatigut kinguppannniarneq killilersuiffigineqarpoq:
a) Angallatit 250 BRT/BT 250-iusut (angallatip angissutsimut uppernarsaataa malillugu) anginerusulluunniit kinguppanniaqqusaanngillat.
b) Angallatit 75 BRT/BT 120-iusut anginerusulluunniit 250 BRT/BT 250-inilli (angallatip angissutsimut uppernarsaataa malillugu) mikinerusut katillugit annerpaamik ukiumut 3.000 tonsinik kinguppassinnaatitaapput.

§ 3. Piffinni pineqartuni angallatit taaneqartut kinguppattassatik tamakkerpassuk kinguppanniarneq taamaatinneqassaaq. Taanna pillugu nalunaaruteqarneq radiokkut tusagassiuutitigullu aalisarnermut suliffissuaqarnermullu naalakkersuisumit nalunaarutigineqassaaq imaluunniit toqqaannartumik umiarsuaatileqatigiinnut/angallatinut saaffiginninnikkut.

§ 4. Nalunaarummi aalajangersakkanik unioqqutitsineq akiliisitaanermik aamma/imaluunniit akuersissummik arsaagaanermik kinguneqarsinnaavoq. Suliassallu tassunga tunngassuteqartut Inatsisartut inatsisaanni nr. 11 21. november 1984-imeersumi inuutissarsiutigalugu aalisarnermut tunngasumi maleruagassat malillugit suliarineqartassapput.

§ 5. Nalunaarut atortuulerpoq 15. maj 1989.
Imm. 2. Taanna ilutigalugu Namminersornerullutik Oqartussat nalunaarutaat nr. 14 24. maj 1988-imeersoq "raajakarsimi" kinguppanniarsinnaanermut tunngasoq atorunnaarsinneqarpoq.

Nuuk, ulloq 1. maj 1989

Kaj Egede

/

Jørn Graversen