Namminersornerullutik Oqartussat Kangaatsiap kommunianni nunaqarfinni imigassanik aalakoornartulinnik nioqquteqarneq pillugu nalunaarutaat nr. 8 ulloq 14. marts 1989-imeersoq.

 

§ 1. Inatsisartut imigassanik aalakoornartulinnik nioqquteqarneq sassaallertarnerlu pillugit inatsisaanni nr. 13-imi 29. oktober 1985-imeersumi § 23, imm. 1, tunngavigalugu makku aalajangersarneqarput:

§ 2. Imm. 1. Kangaatsiap kommunianni nunaqarfinni Ikerasaarsummi Iginniarfimmilu imigassarsineq siumut inniminneeqqaarluni aatsaat pisinnaavoq.
Imm. 2. Imigassat aalakoornartullit sumiiffimmi pisiniarfik aqqutigalugu inniminnerneqarsinnaapput KNI-llu toqqorsivianit qaninnermit pajuttornikkut isumaginnittumit Iginniarfimmut ingerlanneqartassallutik.

§ 3. Imigassat aalakoornartullit inniminnerlugit pisiat nunaqarfigisap pisiniarfianiit imigassanik nioqquteqarsinnaaffiup nalaani taamaallaat tiguneqarsinnaapput.

§ 4. § 2-mi aamma 3-mi aalajangersakkanik unioqqutitsinerit akiliisitsinermik kinguneqarsinnaapput, tak. inatsisip § 24-ani aalajangersakkat.

§ 5. Nalunaarut manna atulerpoq 1.4. 1989 aallarnerfigalugu.

Namminersornerullutik Oqartussat, ulloq 14.3. 1989.

Moses Olsen

/

Martha Labansen