Namminersornerullutik Oqartussat nalunaarutaat nr. 1, 16. januar 1989-imeersoq 1989-imi aalisarnermi pisassarititaasunut tunngasoq.
Inatsisartut inatsisaanni nr. 11 21. november 1984-imeersumi inuutissarsiutigalugu aalisarnermut tunngasumi § 7, § 9, § 14 aamma § 23 najoqqutaralugit aalajangersarneqarpoq:
Sumi atortuutinneqarnera
§ 1. Nalunaarut Kalaallit Nunaata aalisarfittaanut atortuuvoq.
Imm. 2. Nalunaarummi matumani "Kalaallit Nunaata Kitaa" tassaavoq Kalaallit Nunaata aalisarfittaani NAFO-p killeqarfiisa ilaat 1-mik taaguuteqartoq. "Tunu" tassaavoq Kalaallit Nunaata aalisarfittaani ICES-ip killeqarfiisa ilai II, V, XII aamma XIV.
Imm. 3. "Tunngaviusumik killigititat" tassaapput tunngaviusumik titarnerit ministeriuneqarfiup nalunaarutaani nr. 629-imi 22. december 1976-imeersumi aamma nr. 176-imi 14. maj 1980-imeersumi Kalaallit Nunaata aalisarfittaanut tunngasuni aalajangersarneqarsimasut.
Pisassat
§ 2. Aalisakkat ilanngussaq 1-imi taaneqartut 1989-imi pisassarititaasut tamarmiusut (TAC) aalajangersarneqarput ilanngussami kolonnet 1-annitut
§ 3. Kalaallit aalisariutaat (tak. inatsisartut inatsisaat inuutissarsiutigalugu aalisarnermut tunngasumi, § 3) aalisakkanik ilanngussami taaneqartunit 1989-imi pisassarititaasuni kolonnet 2-annit taaneqartunit annerusunik pisaqassanngillat. Tassani piumasarineqartut malillugit aalisartoqassaaq.
§ 4. Angallatit Savalimmiuni nalunaarsorneqarsimasut 1989-imi pisassarititanit taamaallaat katillugit pisarisinnaavaat ilanngussami kolonnet 3-anni allassimasut tassanilu piumasarineqartuinnaat tunngavigalugit.
§ 5. Angallatit nunami EF-imut ilaasortami nalunaarsorneqarsimasut 1989-imi pisassarititanit taamaallaat katillugit pisarisinnaavaat ilanngussami kolonnet 4-anni allassimasut tassanilu piumasarineqartuinnaat tunngavigalugit.
§ 6. Angallatit Norge-mi nalunaarsorneqarsimasut 1989-imi pisassarititanit taamaallaat katillugit pisarisinnaavaat ilanngussami kolonnet 5-anni allassimasut tassanilu piumasarineqartut tunngavigalugit.
§ 7. Angallatit allat §§ 3-miit 6-imut taaneqarsimanngitsut taamaallaat katillugit pisarisinnaavaat ilanngussami kolonnet 6-ianni allassimasut tassanilu piumasarineqartut tunngavigalugit.
§ 8. Akuersissutit amerlassusaat piffissallu atorsinnaaffii Naalakkersuisunut llaasortamit angallatinut §§ 4-miit 7-imut taaneqartunut tunniunneqartut pisassarititaasunut naleqquttunngorsagaassapput akuersissuteqarnermilu angallatit pisaqarsinnaassusii eqqarsaatigineqassallutik.
Aalisarunnaarneq
§ 9. Ilanngussami pisassarititatut allanneqarsimasut aalisarneqarnerat Naalakkersuisunut Ilaasortap unitsissavaa aalisakkat ataasiakkaat angallatinit ataatsimoortunit §§ 3-miit 7-imut taaneqartunit aalisarneqartut tunngavigalugit.
Imm. 2. Kalaallit angallataasa (tak. § 3) aalisarunnaarnissaat radiokkut tusagassiuutitigullu nalunaarutigineqassaaq.
Imm. 3. Angallatinut §§ 4-miit 7-imut taaneqartunut aalisarunnaarnissaq allakkasuaatikkut telegramikkulluunniit angallammut pineqartumut piginnittuanulluunniit nalunaarutigineqassaaq. Angallatit § 5-imi taaneqartut pillugit nalunaarut taamaattoq aamma EF-kommissionimut nassiunneqassaaq.
Imm. 4. Angallatit aalisarunnaassapput piffissaq Naalakkersuisunut llaasortamit aalajangersarneqartoq eqqorlugu.
Pisarisuukkanut tunngatillugu maleruagassat
§ 10. Angallatinut §§ 3-miit 7-imut taaneqartunut Kalaallit Nunaata Ktaani Tunumilu saarullinniarsinnaatitaasunut nataarnarniarsinnaatitaasunulluunniit (tak. ilanngussaq) pisarisuukkanut maleruagassat makku atuupput:
a) Kalaallit Nunaata Kitaani Tunumilu saarulliit pisassarititaasut tamarmiusut pisarineqarpata angallatit pineqartut sumiiffinni taaneqartuni saniatigooralugu saarullinnik pisaqarsinnaatitaanngillat.
b) Kalaallit Nunaata Kitaani Tunumilu nataarnat pisassarititaasut tamarmiusut pisarineqarpata angallatit pineqartut sumiiffinni taaneqartuni saniatigooralugu nataarnanik pisaqarsinnaatitaanngillat.
Imm. 2. Angallatinut §§ 3-miit 7-imut taaneqartunut Kalaallit Nunaata Kitaani Tunumilu saarullinniarsinnaatitaangitsunut nataarnarniarsinnaatitaanngitsunulluunniit (tak. ilanngussaq) pisarisuukkanut maleruagassat makku atuupput:
a) Angallatit qalorsuarsortut natersiutinik immikkoortiterereernerup kingorna saarulliit pisarisuukkat suluppaagartat oqimaassusiisigut 10 procentiat qaangersimassanngilaat aamma pisarisat allat 3 procentiat qaangersimassanagu.
b) Angallatit ningittagarsortut immikkortiterereernerup kingorna saarulliit pisarisuukkat nataarnartat qaleralittallu oqimaassusiisigut 10 procentiat qaangersimassanngilaat aamma pisarisat allat 3 procentiat qaangersimassanagu.
c) Nataarnat pisarisuukkat pisat allat oqimaassusiisigut 3 procentiat qaangersimassanngilaat.
d) Pisarisuukkat immikkoortut a)-miit c)-mut taagorneqartut immikkoortiterereernerup kingorna, imaluunniit aalisakkat tamarmiusut lastimiitinneqartut nunnigussalluunniit oqimaassusiinit procentinnguinermi naatsorsuisoqassaaq ataasiarluni arlaleriarluniluunniit misissuereerneq tunngavigalugu.
e) Pisarisuukkanik aatsaat naatsorsuisoqarsinnaavoq siusinnerpaamik aalisarneq nal.akunnerinik 48-nik ingerlanneqareerpat.
Imm. 3. Angallatit § 3-mi taaneqartut aalisakkanik aatsaat akuersissuteqarluni aalisarneqarsinnaatitaasunik saniatigut pisarisuugaqarsinnaatitaapput. Angallatit pisarisuukkanik taamaattunik umiarsuarmiititsisinnaanngillat aalisakkat pisarisuukkat pisat tamarmiusut (ilivitsuutillugit) oqimaassusiisa 10% qaangersimappassuk (annerpaamilli 2,5 t).
Imm. 4. Angallatit §§ 4-miit 7-imut taaneqartut saarulliunngitsunik nataarnaanngitsunillu, nunat allat pisassaqartinneqanngikkaluartulluunniit, aalisakkanik allanik saniatigut pisaqarsinnaatitaapput. Angallalli pisarisuukkaminik umiarsuarmiititaqaqqusaanngilaq aalisakkat pisarisuukkat assigiinngitsut tamarmiusut oqimaassutsimikkut (ilivitsuutillugit) 10 procentiat (taamaattorli annerpaamik 2,5 tons) qaangersimappassuk.
Imm. 5. Inerteqqutaasumik pisarisuukkat aamma pisarisuukkat, imm. 2,3 aamma 4-mi piumasaasunit amerlanerusut angallammiitiinnarneqarsinnaanngillat, ingerlatiinnarluguli avalatseqqinneqassallutik.
Pineqaatissiissutit
§ 11. Nalunaarummi aalajangersakkat unioqqutinneqarnerat akiliisitsinermik kinguneqarsinnaavoq. Suliassat tassunga attuumassuteqartut Inatsisartut inatsisaat inuutissarsiutigalugu aalisarnermut turtngasoq malillugu aamma suliarineqartussaapput.
Atortuulersinneqarnera
§ 12. Nalunaarut ingerlaannartumik atortuulissaaq 1. januar 1989-imiit.
Nuuk, ulloq 16. januar 1989.
Jonathan Motzfeldt/
Jørn Graversen