Kommunet aggorneqarnerisa avataanniittut nunaqqatigiit siunnersuisoqatigiivi pillugit Inatsisartut inatsisaat nr. 13, 20. oktober 1988-imeersoq.
§ 1. Naalakkersuisut danskit amerikamiullu illersornissamut sakkutooqarfiini allaniluunniit sumiiffinni kommunet aggorneqarnerisa avataaniittuni nunaqqatigiit siunnersuisoqatigiivinut suliassat taakkualuunniit ilaat Naalakkersuisut sinnerlugit ingerlateqqullugit tunniussinnaavaat. Suliassat makkuusinnaapput, isumaginninneq, kultureqarneq, atuartitaaneq allatigullu pissutsit pillugit suliassat sumiiffinni nunaqqatigiinnut tunngassutillit Namminersornerullutik Oqartussat isumagisartagaat.
§ 2. Nunaqqatigiit siunnersuisoqatigiivi qinerneqassapput sumiiffinni aalajangersimasumik nunaqartunit, qaammatini ikinnerpaamik arfinilinni tamaaniittunit, qallunaatut avannaamioqatigiinnilu innuttaassuseqartunit Kalaallit Nunaannilu Namminersornerullutik Oqartussanut akileraartartunit.
Imm. 2. Naalakkersuisut siunnersuisoqatigiinnik qinersineq pillugu inatsisit aalajangersassavaat taakkununngalu ilanngullugit ilaasortat ataqqinassuseqarnerannut piumasaqaatit.§ 3. Naalakkersuisut aalajangersassavaat inatsisit sira unnersuisoqatigiit naatsorsuutinik saqqummiussinerannut, taakku kukkunersiorneqarnerannut, aningaasanut missingersuusianut siunnersuutit saqqummiunneqarnerannut, aammattaarlu aningaasanut tunngasutigut ingerlatsinermut tunngasut.
§ 4. Naalakkersuisut aningaasanut inatsisini ukiumoortuni aalajangersassavaat aningaasat nunaqqatigiit siunnersuisoqatigiivinut tunniunneqartussat § 1-mi suliassat taaneqartut tamakkiisumik ilaannakuusumilluunniit isumagineqarnissaannut aamma nunaqqatigiit siunnersuisoqatigiivisa allaffeqarfikkut aningaasartuutaasa akilerneqarnissaannut.
§ 5. Inatsit atortuulerpoq, ulloq 1. november 1988.
Namminersornerullutik Oqartussat, ulloq 20. oktober 1988.
Jonathan Motzfeldt/
Lars Vesterbirk