Inatsisartut inatsisaat nr. 5, 23. april 1988-imeersoq sulianik sungiusarnermi tapisiassat aningaasalerneqarnissaannut atugassanik akileeqqusisarneq pillugu.
§ 1. Inatsimmut matumunnga tunngatillugu akiliinissamut pisussaatitaapput sulisitsisut namminersortut pisortallu kikkulluunniit inunnut Kalaallit Nunaannut akileraartussaatitaasunut akissarsiaqartitsisut. Akiliissutit atorneqassapput Siamasissumik tunngaviusuntik Ilinniartitaanermi ukiumi siullermi ilinniartut sulianik sungiusagaqarneranni tapiissutinut Namminersornerullutik Oqartussat aningaasartuutaasa matussuserneqarnissaannut.
Imm. 2. Akiliinissamut pisussaatitaanermik ilanngunneqanngillat:
a) Naalagaaffik naalagaaffiullu suliffeqarfiutai, kiisalu
b) sulisitsisut Kalaallit Nunaanni aatsitaassat pillugit inatsintmut tunngatillugu akuersissut imaluunniit attartornissamik isumaqatigiissut malillugu matumunnga ilanngunneqarsintanngitsut, kiisalu
c) sulisitsisut nunaateqarnernti, aallaaniarnermi, piniarnermi aalisarnermiluunniit akissarsiaqartitsisut. Akiliisussaatitaanermut ilanngunneqannginneq taantaallaat atuuppoq inuussutissarsiutinut taakkununnga tunngatillugu akissarsiat tunniunneqartut ilaannaannut.
Imm. 3. Sulisitsisut imm. 2. C malillugu akiliisussaatitaanermut ilanngunneqarsimanngitsut pisussaatitaapput akissarsiat ilaat akiliisussaatitaanermut ilanngunneqannginnermi pineqanngitsut nalunaarutigissallugit.§ 2. Akiliiffissaq aalajangiunneqassaaq piffissamut 1. august-imiit 31. juli-mut ukiumut akiliiffissatut taallugu. Akiliissutissat Namminersornerullutik Oqartussanut akilerneqartassapput ukiut affakkoortumik siumoortumik akileeqqusereernikkut ukiumi akiliiffissami 1. oktober-imi aammalu 1. april-imi kingusinnerpaamik akiliiffissaalluni qaammatip pineqartup ulluisa 20-at.
Imm. 2. Akiligassatut aalajangiunneqartut annertussusiat sapaatip akunnerisa sisamat ingerlaneranni Naalakkersuisunut naammagittaalliuutigineqarsinnaavoq.
Imm. 3. Akiligassat piffissaatillugu akilerneqarsimanngippata ullormit akiliiffissaatitaasumiit qaammatit aallartinnerisa tamaasa 2 procent-imik persaqusersuinermut ernialerlugit akiligassanngortinneqartassapput. Persaqusersuinermi erniat akileqquneqartassapput ullormut akileeqqusiffiusussamut tullermut akilerneqartussanngorlugit. Persaqusersuinermut erniat Landskarsimut nakkartinneqartassapput.§ 3. Akiligassaq akiligassatut allanneqassaaq ukioq akiliiffissaasoq sioqqullugu ukiumi qaammatisiutit malillugit ingerlasumi akiliisussaatitaasut aningaasarsiaritissimasaasa katinnerisa procentiata Inatsisartut aalajangiussimasaata nalinganik.
Imm. 2. lnatsisartut aalajangersartassavaat inatsisartut ataatsimiineranni ukioq akiliiffigisassaatitaasoq sioqqullugu ukiumut akiliiffigisassaatitaasumut procent-ip annertussusissaa, imaalillugu ukiumi akiliiffiusussaatitaasumi sulianik sungiusagaqartunut tapiissutissani aningaasartuutissatut missingersorneqarsimasut Namminersornerullutik Oqartussanit akilerneqartussat angeqataanik matusissutaasussanngorlugit.
Imm. 3. Akiliisussaatitaasup akissarsiaasa katinneri naatsorsorneqassapput isertitatut A-tut, isertitanit akileraarutissat pillugit Inatsisartut inatsisaani nr. 5-imi 19. maj 1979-imeersumi pineqartutut, tassanili ilanngunneqanngillat tunisassiorfimmut tunisanit isertitat.
Imm. 4. Isertitat A-t imm. 3-mi pineqartut pillugit Ilinniartitaanermut Pisortaqarfik akileraartarnermut oqartussaasunut paasissutissanik pissarsiniarsinnaavoq. Paasissutissat pissarsiarineqarsinnaanngikkaangata, akiliutissaq missingersorlugu aalajangiunneqarsinnaavoq.§ 4. Naalakkersuisut imaluunniit naalakkersuisunit taamaaliornissamut pisussaatitaasup akiliutissaq annikillisissinnaavaa, sulisitsisup isertitanik A-nik akissarsiaritittagai annertuumik allannguuteqarsimappata ukiumi qaamntatisiutit malillugit atuuttup siornani akiliutigineqarsimasunut sanilliullugit.
§ 5. § 1, imm. 3 malillugu piaaraluni imaluunniit annertuumik misissuaalliornikkut eqqunngitsumik nalunaarutiginnissimasoq akiliisussanngortinneqarsinnaavoq.
Imm. 2. Unioqqutitsinernut piginneqatigiiffinnit, peqatigiiffinnit assigisaanilluunniit iliuuserineqartunut akiliisussanngortitaanermik akisussaasunngortinneqarsinnaapput.
Imm. 3. Unioqqutitsinernut komntunemit imaluunniit kommunemit ataatsimoorussiffimmit iliuuserineqartunut, kommune imaluunniit kommunemit ataatsimoorussiffik akiliisussanngortitaanermik akisussaasunngortinneqarsinnaapput.§ 6. Inatsisip matuma naammassineqarnissaanut Inatsisartut malittarisassanik erseqqinnerusunik aalajangersaasinnaapput.
§ 7. Inatsit atuutilissaaq 1. august 1988-imi.
Namminersornerullutik Oqartussat, ulloq 23. april 1988
Jonathan Motzfeldt/
Jens Lyberth