Kalaallit Nunaanni inuussutissarsiutitigut ilinniagaqartut sulianillu sungiusagaqarnermi sulliviit akornanni pisussaaffiit pillugit Inatsisartut inatsissaat nr. 4, 23. april 1988-imeersoq.
§ 1. Inatsinmmi matumani pineqarput inuussutissarsiutitigut ilinniartitaanerni sulianik sungiusagaqarnerit, Inatsisartut peqqussutaat nr. 2 16. november 1984-imeersoq naapertorlugu pilersinneqarsimasut tamarmik.
§ 2. Sungiusaammik sulinissamut isumaqatigiissut, ilinniartup sungiusaammillu sulliviup akornanni isumaqatigiissutaasoq allassintasuussaaq isumaqatigiissutitullu allaffissiaq Naalakkersuisunit akuerineqarsimasoq atorneqassalluni. Isumaqatigiissummi ilaatigut nalunaarsimassaaq ilinniartup sungiusaammik sulinerup nalaani akissarsiassaasa annertussusaat.
Imm. 2. Akissarsiat annertussusaat sulisitsisut sulisartullu kattuffiini ataatsimut isumaqatigiissuteqarnikkut aalajangiiffigineqassapput. Ataatsintut isumaqatigiissutinik taamaattunik peqanngippat akissarsiat qanoq naatsorsorneqarnissaannut Naalakkersuisut erseqqinnerusunik maleruagassiussapput.
Imm. 3. STI-mi, siamasissumik tunngaviusumik ilinniartitaanerni, ilinniarnermi ukiumi siullermi sulianik sungiusagaqarnermi akissarsiaqartarnermut taarsiullugu sulianik sungiusagaqarnermut tapisiaqartitsisoqassaaq, maleruagassat malillugit ilinniagaqartunut tamanut atuuttumik tapisiaqertitsinermut tunngasut malillugit.
Imm. 4. Ilinniartup sungiusaammik sulinermi nalaani pisussaaffiinut allanut tunngasut isumaqatigiissutillu intarisaanut aalajangersagaanullu allanut maleruagassat, Inuussutissarsiutitigut Ilinniartitaanernut Siunnersuisoqatigiinnit inassuteqaatit tunngavigalugit Naalakkersuisunit aalajangersarneqassapput.§ 3. Ilinniagaqarnissamut isumaqatigiissutip naammassineqarnissaanut atasumik sungiusaammik sulliviup ilinniagaqartullu akornanni isuntaqatigiinngittoqarpat najugarisami ilinniartitaanermut ataatsimiititaliaq brancheudvalgiluunniit ilisimatinneqassaaq aaqqiagiinngissutillu qaangerneqarnissaanik suliniuteqassalluni. Naalakkersuisoq tamanna pillugu maleruagassanik erseqqinnerusunik aalajangiisaaq.
Imm. 2. Isumaqatigiinngissutit imm. 1-mi taaneqartut, najukkami inuussutissarsiutitigut ilinniartitaanermi ataatsimiititaliap brancheudvalgilluunniit sulegataanerisigut isumaqatigiissutigitinneqarsinnaanngippata ilinniagaqartup sungiusaammilluunniit sulliviup aaqqiagiinngissut akerleriissutit suliarineqartarneranni eqqartuussivimmut aalajangiiffigisassanngorlugu ingerlateqqissinnaavaat, SIK-p, Sulinermik Inuutissarsiuteqartut Kattuffiata, Pisortallu Isumaqatigiinninniartartoqatigiivisa isumaqatigiissutaanni sulinermut tunngasumik akerleriissutit suliarineqarnissaannut maleruagassat ntalillugit suliarineqassallutik. Akerleriissutit suliarineqartarneranni eqqartuussiviup aalajangiineratigut ilinniagaqarnissamut isumaqatigiissut atuukkunnaarsinneqarsinnaavoq illuatungeriinnilu ajunaaruteqaateqartoq taarsiiffigineqarsinnaavoq. Ilinniartoq 18 inorlugit ukioqarpat, angajoqqaatut oqartussaassuseqartoq akuersisimasariaqassaaq.
Imm. 3. Aalajangiinerit imm. 2 naapertorlugu aalajangerneqartut eqqartuussivinnut suliassanngortinneqarsinnaanngillat.§ 4. Inatsit 1. juni 1988-imiit atuutilerpoq sulianik sungiusagaqarnermut atuutilissalluni 1. august 1988-ip kingorna.
Imm. 2. Tamatumunnga ilutigitillugu Kalaallit Nunaanni inuussutissarsiutitigut tunngaviusumik ilinniagaqartut sungiusaammillu sulliviit akornanni pisussaaffiit pillugit Inatsisartut inatsisaat nr. 1, 25. februar 1985-imeersoq atorunnaarsinneqarpoq. Inatsimmili isumaqatigiissutit Saviminilerinermik, Sanaartornermik Niuernermillu tunngaviusumik ilinniartitaanernut tunngasut inatsintmi uani nalunaarutimilu nr. 7, 8, 9-milu aalajangersakkat naapertorlugit isuntaqatigiissutaasimasut atuutiinnarput.
Namminersornerullutik Oqartussat, ulloq 23. april 1988
Jonathan Motzfeldt/
Jens Lyberth