Avatangiisit innarlitsaaliorneqarnissaannik Inatsisartut peqqussutaat nr. 12 ulloq 22. december 1988-imeersoq.
Avatangiisit il.il. pillugit Kalaallit Nunaannut inatsit nr. 850, 21. december 1988-imeersoq naapertorlugu makku aalajangersarneqarput:
Kapitali 1.
Siunertaq il.il.§ 1. Inatsisartut peqqussutaatigut matumuuna anguniarneqassapput:
1) silaannarmik, immamik, sikumik/sermimik nunamillu mingutsitsinaveersimatitsinissaq mingutsitsisoqartillugulu akiorniaanissaq,
2) pisorpalutsitsinermik pitsaaliuinissaq akiorniaanissarlu,
3) peqqinnissamik tunngaveqartumik avatangiisinut pingaaruteqartunik malittarisassiornissaq aammalu
4) mingutsitsineq pillugu pilersaarusiornermi aammalu mingutsitsirteq akiorniarlugu suliniuteqarnermi pisortatigoortumik tunngavissanik pisariaqartunik pilersitsinissaq.
Imm. 2. Inuup peqqinnartumik aammalu qasuernartumik inuunissaanut pingaaruteqartumik ammalu uumasut naasullu assigiinngiiaartut piuinnarnissaannut pingaaruteqartumik silaannaap, nunap immallu pitsaasuutinniarnerinut pingaartumik Inatsisartut peqqussutaat tunngavigineqartassaaq.
Imm. 3. Mingutsitsinermik pinaveersimatitsinissamut aammalu akiuunniarnissamut suliniutissat qanoq annnertutigalutiílu suunissaannik aalajangiiniarnermi illua-tungaatigut sumiiffigisani silaannaap, nunap immallu (ydre omgivelser) qanoq issusii aammalu mingutsitsinerup sunniutai, aappaatigullu ingerlassaqarfiup, § 2-mi taaneqartup, inuiaqatigiinni iluaqutaanera, aammalu illersuuteqarniarluni suliniuteqarnermi artingaasartuutaasut tamarmik arajutsinaveersorneqartassapput.§ 2. Ingerlassat suulluunniit, soorlu sunilluunniit manngertunik, imerpalasunik silaannartalinnilluunniit pilersitsinermikkut imaluunniit uumassuseqartut suulluunniit, sajutsitsinerit pisorpalutsitsinerillu silaannarmik, nunamik (nunap iluanik), qaarsumik, sermersuarmik, kuunnik, tatsinik immamilluunniit mingutsitsisinnaasut, kiisalu ingerlassaqarfik (virksomhed) suli aamma naasunik uumasunillu innarliinermik kinguneqartitsinnaasoq Inatsisartut peqqussutaanni pineqarput.
Imm. 2. Kiisalu aamma ingerlassaqarfik (virksomhed), sunilluunniit, soorlu sulianik navianartoqarsinnaasunik ilalik, kiisalu suusinnaasunik navianartortalinnik uninngasuuteqarlunulu assartuineq Inatsisartut peqqussutaanni pineqarput, taamaalilluni ingerlatsinermi akornusersuutit imaluunniit ajutoornerit, imm. 1-imi taaneqartumik mingutsitsissutaasinnaasut pinaveersimatinneqarlutik.§ 3. Kalaallit Nunaanni pisuussutinik uumassuseqanngitsunik paasiniaanermut, misissueqqissaarnermut aammalu iluaquteqarnermut atatillugu pissutsinut avatangiisinut pingaaruteqartumik mianerinninnermut kiisalu aqutsinermut nakkutilliinermullu tamatumunngalu atatillugu atortussiassat aatsitassanit pisut pillugit maleruaqqusanik aalajangersaaneq Inatsisartut peqqussutaanni ilaatinneqanngilaq, kisianni suli ingerlanneqarluni inatsimmik, piginnaatitsisummik tunngavigineqartumik imaluunniit sulianut taamaattunut akuersissutinik tunngaveqartumik kiisalu taakkunannga pisortatigut ataatsimut suliaasut ilaattut.
§ 4. Ingerlassaqarfik (virksomhed) § 2-mi taaneqartutut ittoq ima inissinneqassaaq mingutsitsisinnaaneq sapinngisaq tamaat killilersimaneqarluni, tak. nunamik atuineq pilersaarusiornerlu pillugit Inatsisartut peqqussutaat nr. 6, 19. december 1986-imeersoq allanngortinneqartoq Inatsisartut peqqussutaanni nr. 1-imi 18. juni 1987-imi, § 1, nr. 3-mi.
Imm. 2. Sumiiffissamik toqqaanermi sumiiffiup eqqaata qanoq issusia, kiisalu naasut uumasullu ilanngullugit qajassuunneqarnissaat, massakkuusoq aammalu siunissami atuinerup isumannaatsuunissaat, kiisalu avatangiisinut ajoqutaanngitsumik imikoorfissaqarnissaq perlukoorfissaqarfissarlu isumagineqareertassapput.
Imm. 3. Ingerlasaqarfimmik (virksomshed) § 2-mi taaneqartutut ittumik ingerlatsisoq aallarniiniartorluunniit mingutsitsinerup pinaveersimatinnissaanut akiorniarnissaanullu pisariaqartunik sillimaniuteqariissaaq ingerlatsininilu ima aaqqissuullugu, ingerlassap mingutsitsisinnaanera suunngitsuinnaalluni.
Kapitali 2.
Oqartussaassuseqarnerup agguaannera.§ 5. Qullersaasutut oqartussat tassaapput Naalakker suisut.
§ 6. Sumiiffinni oqartussat tassaapput pineqartumi kommunalbestyrelse.
Kapitali 3.
Qullersatut oqartussat.§ 7. Naalakkersuisut anguniakkat § 1-imi taaneqartut isumagineqarnissaat siunertaralugu maleruaqqusanik aalajartgersaasinnaapput, tamatumani ilanngullugit ataani allattorneqartut pillugit aningaasartuuteqarnissanut maleruaqqusat:
1) ingerlassaqarfinnit (virksomheder), ingerlatsivinnit (anlæg), maskiinanit, sakkuutinit, kiassaateqarfinnit assartuutinillu kiisalu tamakku aaqqissuunnerinit, ingerlannerinit aserfallatsaalinerinillu mingutsitsinerit killilersimanissaat,
2) imiinnarmit imissaqartitsiniarneq il.il.,
3) imikoornermit, ikuallaavinnit, eqqaavissuarnit il.il. mingutsitsinerit killilersimanissaat, kiisalu ingerlatsiviit (anlæg) tamakku aaqqissuunneri, ingerlanneri aserfallatsaalinerilu,
4) igitassanik eqqaaneq, tamatumani ilanngullugit olie-mik kemikalie-nillu eqqagassat,
5) illuliaareersunit illuliorfissanillu imikup aqqutaanut (kloak) atanilersuineq,
6) ikummatissat kiassarnermut imaluunniit assartuutinut maskiinanullu atugassat sukuloqanngitsuunissaat akoornissaallu,
7) ingerlatsiviit (anlæg), maskiinat, sakkuutit (redskaber) assartuutillu suussusiisa pisortanit akuerisaasimanissaat,
8) suliat ulorianartortaqarsinnaasut kiisalu sunik navianartulinnik soorlu § 2-mi, imm. 2-mi taaneqartunik, uninngasuutegarlunilu (oplagring) assartuineq,
9) imeqarfinnik, silaannnarmik nunamillu mianerinninneq kiisalu pisorpaloqartitsinaveersaarneq,
10) sunik (stoffer)-nik imaluunniit uumasuaqqanik (organismer) aalajangersimasunik eqqussinissamik inerteqquteqarneq,
11) ingerlatsivinnik (anlæg), aagqissuussinernik imaluunniit apparatinik, tamatumani aamma uuttortaanermut apparatinik mingutsitsinermut akiuunnissaq siunertaralugu atortussanik pisortanik akuersisitsineq,
12) nunap isikkuisa, naasut il.il. innarlerneqarnerini iluarsaannissaat imaluunniit pissusaattut ilitinnissaat, aamma
13) uumasunut tunngasut.§ 8. Maleruaqqusani § 7 naapertorlugu aalajangersaasoqarsinnaavoq kommunalbestyrelsep maleruaqqusani pineqartuni erseqqinnerusumik najoqqutassiuussinissaanut.
Imm. 2. Kiisalu Naalakkersuisut maleruaqqusani, § 7 malillugu aalajangersarneqartuni, akiliuteqartitsisinnaanissanut malittarisassanik aalajangersagaliorsinnaapput.
Kapitali 4.
Pisortatut nakkutilliineq.§ 9. Kommunalbestyrelsep nakkutigissavaa:
1) peqqussut aammalu malittarisassat, taanna naapertorlugu aalajangersarneqartut, eqqortinneqarnissaat.
2) peqqusinermik imaluunniit inerteqquteqarnermik aalajangikkat malinneqarnissaat, aammalu
3) piumasaqaatit akuersissuteqarnermut atasumik aalajangersarneqartut eqqortinneqarnissaat.
Imm. 2. Ingerlassaqarfiit (virksomheder), peqqussummut tapiliussami ilanngunneqartut, nakkutigineqarrterat taamaattoq Naalakkersuisunit imaluunniit kinaasinnaasu mit, pisuni ataasiakkaani Naalakkersuisunit tamatumunnga pisussaatinneqartumit, isumagineqartassapput.§ 10. Nakkutilliisut unioqqutitsisoqarneranik malussarunik, taama unioqqutitsinerup unitsinneqarnissaa isumagissavaat. Tamatumunngalu atasumik peqqussuteqarlutilluunniit inerteqquteqarsinnaapput taama pisumut iluaqutissaalluniluunniit pinngitsoortitsissutissamik.
§ 11. Peqqussutaasoq inerteqqutaasorluunniit piffissaliussami naalanneqanngippat, pisortaqarfiup peqqussuteqarluniluunniit inerteqquteqartup isumagisassaq isumagineqartissavaa pisussaaffiginnittup akiligassaanik.
Imm. 2. Annertuumik mingutsitsineq akornuserniarlugu imaluunniit taassuma siaruaakkaluttuinnarnissaa akornusersimaniarlugu piaarnerpaamik qanoq iliuuseqarnissaq pisariaqarpat, nakkutilliisutut oqartussat peqqussuteqaqqaaratik pisariaqartut isumagissavaat akisussaasup akiligassaanik.§ 12. Kinaluunniit Inatsisartut peqqussutaanni matumani pineqartumik ingerlassaqartoq (virksomhed) piumaffigineqaarnikkut:
1) nakkutilliisutut oqartussanut paasissutissiissaaq mingutsitsisinnaanerup imaluunniit illersuutissatut qanoq iliuusaasinnaasut naliliiffiginissaannut pingaaruteqartunik,
2) nakkutilliisutut oqartussat taakkulu sinniisigisai ingerlassaqarfiup (virksomhed) ingerlatsiviinut (anlæg) tamanut isersinnaatitsissapput pisariaqartumik kinaassusersiinikkut, kiisalu
3) sanaanit il.il. misiligummik tunniussaqassaaq, pineqartup atugaanik, kiisalu perlukoqarpat perlukunik.§ 13. Pissutsinut imaluunniit aaqqissuussanut mingutsitsissutaasinnaasunut akisussaasoq, inqerlatsinermi akornusersuutit imaluunniit ajotoorneq mingutsitserujussuarnissamik imaluunniit taamaalisoqarsinnaaneranik nassataqartussamik kinguneqarpata nakkutilliisutut oqartussanut piaartumik kalerriissaaq.
Imm. 2. Imm. 1 naapertorlugu kalerriussineq, akisussaasup ingerlatsinermi akornusersuutip imaluunniit ajutoornerup nassataanik iluameersumik pinngitsoortitsiniartussaaneranik annnikillisitsinngilaq.§ 14. Kommunalbestyrelse tamatumunnga piumaffigineqarneq malillugu Naalakkersuisunut sunik tamanik paasissutissiissaaq kommunemi pineqartumi eqqaanilu avatangiisitigut pissutsit naliliiffiginissaannut pingaaruteqartunik.
§ 15. Nakkutilliisutut oqartussat suliaannut tunngasumik malittarisassanik erseqqinnerusunik Naalakkersuisut aalajangersaasinnaapput.
Kapitali 5.
Ingerlassaqarfiit (virksomheder) il.il. immikkut mingunnartut.§ 16. Ingerlassaqarfiit (virksomheder) immikkut mingunnartut, ingerlatsiviit (anlæg) imaluunniit aaqqissuussinerit Inatsisartut peqqussutaannut tapiliussami ilanngunneqartut sananeqaratilluunniit aallartinneqassanngillat tamatumunnga akuersissut tunniunneqartinnagu.
§ 17. Ingerlatsiviit (anlæg) ingerlassaqarfiillu (virksomheder) pioreersut ingerlatiinnarnissaanniakuersissummik tunineqarnissaq pisariaqanngilaq, taamaattoq ingerlassaqarfiit (virksomheder), ingerlatsiviit (anlæg) imaluunniit aaqqissuussinerit pioreersut, tapiliussami ilanngussatut ittut, piffissap aalajangersimasup iluani ingerlaqqinnissamut piumasaqaatitut, allilerneqaratillu allanngortinneqassanngikkaluarunilluunniit akuenneqarnissaminnut qinnuteqartarnissaannut malittarisassanik naalakkersuisut aalajangersaasinnaapput.
§ 18. Ingerlassaqarfiit (virksomheder), ingerlatsiviit (anlæg) imaluunniit aaqqissuussinerit pioreersut, tapiliussami ilanngunneqartut ittut, kapitalimi matumani malittarisassat malillugit akuerineqarnissaminnut qinnuteqarsinnaapput.
§ 19. Ingerlassaqarfiit (virksomheder), ingerlatsiviit (anlæg) imaluunniit aaqqissuussinerit §§-ini 16-18-imi taaneqartut, mingutsitsinerulersitsisinnaasut, allilerneqaratilluunniit illutamikkut imaluunniit ingerlanneqarnermikkut allanngortinneqassanngillat, allilerinissaq imaluunniit allannguinissaq akuerineqareersimatinnagu.
§ 20. Naalakkersuisut peqqusisinnaapput, mingutsitsinermik misissuinissaq immikkut pisariaqarsorineqarpat ingerlassaqarfiit (virksomheder) aalajangersimasut, ingerlatsiviit (anlæg) imaluunniit aaqqissuussinerit, tamakku tapiliussamiippata/tapiliussamiinngikkaluarpataluunniit, piffissaq aalajangersimasoq qaangiutsinnagu akuersissummik § 16-imi taaneqartutut qinnuteqassasut.
§ 21. §§-it 16-20 naapertorlugit akuersissuteqarnissat Naalakkersuisunit aalajangerneqartassapput kommunalbestyrelse tusarniaavigereerlugu.
§ 22. §§-it 16-20 naapertorlugit akuerineqarnissamik qinnuteqaatit pilersaarutinik, titartakkanik aammalu piukkoorussap paasinissaanut allaatigisanik ilaqartinneqassapput, kiisalu aamma mingutsitsisinnaanerup ilimagineqarsinnaasup qanoq annertutigalunilu suunera taallugu. Taama mingutsitsineq ikiorsiiviginiarlugu suut qanoq iliuusaasussat ilisimatitsissutigineqassap.put.
§ 23. §§-ini 16-20-mi taaneqartutut akuersissutit imaqassapput pissutsit suut tamatumunnga tunngavigineqartut taallugit, tassungalu ilanngullugit ingerlassaqarfiup (virksomhed) inissiffia, mingutsitsinerup suunera qanorlu annertutiginera aammalu qanoq iliuusissat ingerlassaqarfiup (virksomhed) mingutsitsinermik akiuiniutiginiakkatut ilisimatitsissutigisimasai.
Imm. 2. Akuersissut piumasaqaatitalerneqarsinnaavoq ingerlassaqarfik (virksomhed) Naalakkersuisunut nalunaaruteqartarnissamik pisussaaffilerlugu, aammalu piumasaqaatit aalajangersarneqarsinnaallutik ingerlassaqarfiup (virksosmhed) avatangiisini misissuiuarnissaanut imaluunniit taamaaliorneranut akiliutissat pillugit.
Imm. 3. Akuersissummi ingerlassaqarfiup (virksomhed) pilersinneranut ingerlanneranullu tunngasumik piumasaqaatit allattorsimassapput.
Imm. 4. § 18 naapertorlugu piumasaqaatit nalunaarutigineqartut pinngitsooratik malitassaapput.
Imm. 5. Akuersissut piffissamut killiligaasinnaavoq.
Imm. 6. Illuliassat imaluunniit sanaassat suliarineqalissappata, akuersissut orulluteqarnissamik piffissaliussap qaangiutinnginnerani nalinginnaasumik atorrteqarsinnaanngilaq.
Imm. 7. Naalakkersuisut qinnuteqaatit akuersissuteqarnerillu qanoq iluseqarnissaat qanorlu imaqarnissaat pillugit malittarisassanik erseqqinnerusunik aalajangersaasinnaapput.§ 24. Akuersissummi piumasaqaatit unioqqutinneqarpata, tak. §§-it 16-20, taamaalilluni ingerlassaqarfik (virksomhed), ingerlatsivik (anlæg) imaluunniit aaqqissuussineq mingutsitsinermik nassataqarluni, Naalakkersuisunit isigalugu ingasaginartumik, imaluunniit akuersissummi aalajangersarneqartunik qaangiisumik, taava Naalakkersuisut ikiuutissatut qanoq iliuuseqartoqarnis saanik peqqusisinnaapput.
§ 25. Mingutsitsineq ikiorserneqarsinnaanngippat, imaluunniit § 24 malillugu peqqussutaasoq unioqqutinne qarsimappat, taava Naalakkersuisut ingerlatsiinnartoqarnissaa inerteqqutaatilersinrtaavaat aammalu immaqa ingerlassaqarfik (virksomshed), ingerlatsivik (anlæg) imaluunniit aaqqissuussaq peerneqaqqusinnaallugu.
§ 26. Mingutsitsineq peqqinnissamut navianartumik nassataqartussaappat, tamatumani ingerlatsiinnarnissaq piaartumik kommunalbestyrelsemit inerteqqutaasinnaavoq. iamatumalu pineranut malitsiinnarlugu kommunalbestyrelse Naalakkersuisunut tamatuminnga ilisimatitsissaaq, inerteqquteqarnerlu Naalakkersuisunit isummerfigineqassalluni.
§ 27. Piffissami akuersissutip atuuffiani, tak. § 23, imm. 5, taamaallaat peqqusisoqarsinnaavoq inerteqquteqartoqarsinnaalluniluunniit §§-it 24 aamma 25 malillugit, ima pisoqarsimappat:
1) akuersissummi piumasarineqartut unioqqutinneqarlutik,
2) mingutsitsisnerup ajortumik sunniuteqarsinnaanerinik paasissutissat pingaaruteqartut nutaat saqqummersimallutik,
3) mingutsitsineq avatangiisinut ajoquseerujussuartunik kinguneqarsinnaalluni, akuersissutip nalunaarutigineqarnerani siumut takorloorneqarsinnaanngitsunik, imaluunniit
4) mingutsitsineq akuersissummi tunngavigineqartunut ajoquseerujussuarluni.
Imm. 2. Akuersissuteqarnermit ukiut 8 sinnerlugit qaangiussimappata, Naalakkersuisut tamatumunnga piumasaqaatit allanngortissinnaavaat nutaamik akuersissuteqarlutik, avatangiisinut tunngasunik pissuteqarpat, imaluunniit minguiaatit pitsaanerusut nioqqutissionaatsilluunniit mingutsitsissinnaannginnerusut pisassaalersimappata.
Imm. 3. Naalakkersuisut malittarisassanik aalajangersaasinnaapput, imm. 2-mi taanegartumik piffissaq sivikillineqassasoq suliffinnut immikkut ittunut,taamaattoq ukiunik tallimanik ataatsinngitsumik.§ 28. Nakorsaaneqarfik sulianut kapitali manna naapertorlugu akuersissutigineqartunut tunngasuni tusarniaavigineqassaaq.
§ 29. Kapitali una malillugu akuersissutip nalunaarutigineqarnerani akuersissut avisini nuna tamakkerlugu saqqummersartuni tamanut tusagassiissutigineqassaaq kiisalu sumiiffimmi nalinginnaasumik periusaasartut malillugit.
Kapitali 6.
Imerineqartut sukuluitsuutinniarneri.§ 30. Imerineqartussamik il.il. imeqarfiliornermi killeqarfiliineqassaaq, killiliussat iluini illuliortoqassanani, qimmeqarfeqarnani, inuutissarsiorfeqarnani, suliffeqarfeqarnani il.il. imaluunniit imermik mingutsitsisinnaasunik sunilluunniit inissiisoqarnani.
Imm. 2. Killeqarfissat kommunep pilersaarusiornerani aalajangersarneqassapput, tak. Nunamik atuineq pilersaarusiornerlu pillugit Inatsisartut peqqussutaat nr. 6, 19. december 1986-imeersoq Inatsisartut peqqussutaanni nr. 1, 18. juni 1987-imi allanngortinneqartoq.
Imm. 3. Imeq, imerineqartussatut imaluunniit allamik siunertaqartumik katersorneqartoq, imerineqartussatut pitsaassuseqartuusussaq, Naalakkersuisunit aalajangersarneqarsinrtaasumik pitsaassusissaliussat minnerpaaffi annik naammassinnittuussaaq.§ 31. § 30-mi taaneqartumik killeqarfinnit Naalakkersuisut immikkut ittumik akuersissuteqarsinnaapput, tamatumunnga pissutsit immikkorluinnaq ittut tamanna ajornartinngippassuk.
Imm. 2. Imm. 1 malillugu immikkut ittumik akuersissutit Naalakkersuisunit sukkulluunniit allanngortinneqarsinnaapput imaluunniit atorunnaarsinneqarlutik, Naalakkersuisut isumaqarpata imeqarfimmi imeq mingutsinneqariataarsinnaasoq. Taamaaqataanillu atuupput pissutsinut, soorlu peqqussutip atuutilinnginnerani akuersissutitaqartumik akuersissutitaqanngitsumilluunniit ajornartitaasimanngikkaluartunut.§ 32. Naalakkersuisut kommunalbestyrelsemut tusarniaareerlutik imeqarfinnut pioreersunut imeqarfiliassanulluunniit mingutsitsinaveersimatitsiniutaasumik inerteqquteqarlutilluunniit peqqussuteqarsinnaapput aammalu taamatut imeqarfiup aalisarfiunnginnissaanut angallaviunnginnissaanullu, aammalu uninngaarfiunnginnissaanut najoqqutassanik aalajangersaasinnaallutik imaluunniit aatsaat taama pisoqarsinnaasoq piumasaqaatit erseqqinnerusumik aalajangersakkat malillugit.
§ 33. Kapitali una naapertorlugu suliassani tamani Naalakkersuisut aalajangiineri pisassapput peqqinnissamut oqartussaqarfiit isumasioqatigereerlugit suliassat nakorsaaneqarfimmut saqqummiunnerisigut.
Kapitali 7.
Imarmik imermillu sukuloqartitsinaveersaarneq.§ 34. Imerpalasut allallu suut imarmik imermilluunniit mingutsitsisinnaasut taakkununnga kuineqassanngillat imalu uninngasuutigineqassallutik, taakkununnga maqisoorsinnaaneri sapinngisaq tamaat atorlugu pinaveersimatillugu.
Imm. 2. laamaattoq angerlarsimaffinnit nalinginnaasu mik imikoq kiisalu imikoq alla annikitsumik kangerlummut imaanulluunniit kuuttussanngortinneqarsinnaavoq.§ 35. Naalakkersuisut malittarisassanik aalajangersaasinnaapput imikup sukujuiarnissaanut kuutsinnissaanullu piumasaqaatit suut piumasaqaataassanersut pillugit.
Imm. 2. Aammattaaq Naalakkersuisut § 34, imm. 1-imi inerteqqutaasunik immikkut akuersissuteqarsinnaapput, kiisalu aamma tamatumunnga piumasaqaatinik erseqqinnerusunik aalajangersagaqarsinnaallutik.
Imm. 3. Imm. 1 aamma 2 malillugit aalajangersaanerni nakaorsaaneqarfik tusarniaavigineqassaaq.
Kapitali 8.
Nalunaarsuineq pilersaarusiornerlu.§ 36. Naalakkersuisut kommunenik isumaqatiginninniareerlutik pissutsinut, kommuneni avatangiisinik allanngutsaaliuinermut pingaaruteqartunik nalunaarsuinermut pilersaarusiornermullu malittarisassanik aalajangersaasinnaapput.
Kapitali 9.
Peqqussuteqarnermi inerteqquteqarnermilu najoqqutassat§ 37. Akuliuttussat illugiit tusarniaavigereerlugit oqartussat aalajangigaat allaganngorlugit illugiinnut nalunaarutigineqartassapput nakorsaaneqarfik ilisimatitsissuteqarfigiitigalugu. Aalajangernent minnerpaamik imarissavaat:
1) isummat pingaarnerit aalajangernermut tunngaviusut,
2) aalajangernerup sumut orullutigineqarsinnaanera aammalu
3) tamatumunnga piffissaliussap malinneqarnissaa nalunaarutigineqarlutik.§ 38. Peqqinnissamut navianartorsiortitsineqalersillugu aammalu mingutsitserujussuarnissaq imaluunniit mingutsitsinerup siaruaannissaa pinngitsoortinniarlugit massakkorpiaq akuliunnissaq pisariaqalersillugu, peqqusinermik inerteqquteqarnermilluunniit aalajangerneq oqaasiinnakkut nalunaarutigineqarsinnaavoq ingerlaannavissumik malinneqartussaq.
§ 39. Nakkutilliinermi suliassani tamani, peqqinnissamut navianartorsiortitsineqarnera imaluunniit tamatumunnga pitsaanngitsoqanataarsinnaaneranik tunngaveqartumik peqqussuteqarnissami inerteqquteqarnissamiluunniit nakorsaaneqarfik aalajangiinermi peqataatinneqartassaaq.
Kapitali 10.
Orullut.§ 40. Inatsisartut orulluteqarnermut ataatsimiititaliussaaq pingasunik ilaasortalimmik. Inatsisartut orulluteqarnermut ataatsimiititaliamaut siulittaasoq kiisalu ilaasortat marluk taakkulu sinniisussaat marluk toqqassavaat. Ilaasortaannaat marluk taakku toqqarneqassapput Naalakkersuisut aammalu Kalaallit Nunaanni Kommuneqarfiit Kattuffiata inassutaat malillugit.
Imm. 2. Orulluteqarnermut ataatsimiititaliap ilaasortai tamatuma peqataanik Naalakkersuisunut ilaasortaasussaanngillat.
Imm. 3. Ataatsimiititaliap qinigaaffiata Inatsisartut qinigaaffiat malittaraa. Ataatsimiititaliaq atuutissaaq nutaamik Inatsisartunut qinikkat ataatsimiinrtissaasa nutaamillu ataatsimiititaliamut ilaasortassanik toqqaanissap tungaanut.
Imm. 4. Ataatsimiititaliamut immikkut ilisimasaqartut peqataatinneqarsinnaapput.
Imm. 5. Ataatsimiititaliap ingerlatsinissani nammineq aalajangersassavaa malittarisassat kinguliiniittut toqqammavigalugit.§ 41. Inatsisartut peqqussutaat una naapertorlugu aalajangernerit malittarisassalialluunniit taanna naapertorlugu suliarineqarsimasut tamarmik orulluteqarnermut
1) aalajangersaaffiginegartoq,
2) nakorsaaneqarfik,
3) kinaluunniit, suliap inerneranut nammineq inuttut imaluunniit pingaaruteqartumik soqutigisaqarsimasinnaasoq.§ 42. Orulluteqarnissamut piffissaavoq ullormit tassanngaannit aalajangernerup aalajangersaaffigineqartumut nalunaarutigineqarneranit, imaluunniit akuersissutip tamanut tusarliunneqarneranit sapaatit akunneri 6, imaluunniit, tak. § 29.
§ 43. Orulluteqarnermut ataatsimiititaliap aalajangernera naggataamik aalajangerneruvoq.
§ 44. Orullut akuersissutinut, pisinnaatitsissutinut, peqqusissutinut imaluunniit inerteqqutinut kinguartitsissutaasinnaatitaavoq, orulluteqarnermut ataatsimiititaliap aalajangernissaata tungaanut, imaluunniit orulluteqarnermut ataatsimiititaliap allamik aalajangiinissaata tungaanut.
Imm. 2. Oqartussaqarfik, peqqussummik imaluunniit inerteqqummik aalajangiisoq, aammattaaq immikkut tunngavissaqartillugu, peqqussuteqarnermi inerteqquteqarnermiluunniit aalajangersaasinnaavoq orulluteqartoqaraluarpalluunniit tamanna naalanneqassasoq. Aalajangiineq taanna orullutigineqaraluarpalluunniit, peqqussutaasoq imaluunniit inerteqqutaasoq malinneqassaaq, orulluteqartarfiup allamik aalajangiinissaata tungaanut.§ 45. Peqqussut una malillugu imaluunniit tamatumani tungavegartumik najoqqutassiat malillugit akuersissutip atornissaani illuliornissat imaluunniit sanaartornissat piumasarineqarpata, taava suliassat taamaattut aallartinneqassanngillat § 42-imi taaneqartumik orulluteqarnissamik piffissaliussaq naatinnagu.
Imm. 2. Naalakkersuisut pissutsini immikkut illuinnartuni aammalu qinnuigineqarnikkut illuliassanik sanaartugassanillu aallartitsinissamut akuersisinnaapput orulluteqarnissamik piffissaq naanngikkaluartoq. Akuersissut taanna orullutaasinnaanngilaq.
Kapitali 11.
Pineqaatissiinermut aalajangersakkat il.il.§ 46. Akiliisitaasinnaavoq:
1) § 12 malillugu piumaffigineqarnerminik malinninngitsoq,
2) § 13 malillugu ilisismatitsissuteqanngitsoortoq,
3) §§-it 16 aamma 19 malillugit akuerineqarnani ingerlassaqarfimmik (virksomhed) sanalersoq, aallartitsisoq imaluunniit ingerlatsisoq, tak. § 23, imm. 6,
4) §§-it 17 aamma 20 malillugit akuersissummik pissarsiniarsimanrtgitsoq,
5) §§-it 10, § 23, imm. 2-4, 24, 25, 26, 32, aamma 38 malillugít peqqussummik, inerteqqummik imaluunniit piumasaqaammik unioqqutitsisoq,
6) § 34, imm. 1-imik unioqqutitsisoq, imaluunniit § 35, imm. 2 malillugu immikkut ittumik akuerineqarnermi piumasaqaatinik sumiginnaasoq,
7) § 45-mik unioqqutitsisoq.
Imm. 2. Malittarisassani §§-it 7 aamma 35, imm. 1 malillugit peqqussutinngortuni aalajangersarnegarsinnaavoq malittarisassanik unioqqutitsineq akiliisitsissutaasinnaasoq.§ 47. Unioqqutitsinerit, aktieselskabinit imaluunniit anpartsselskabinit, piginneqatigiiffinnit imaluunniit assigisaannit unioqqutitsineruppata, selskabi akiliisitaasinnaavoq. Unioqqutitsineq Namminersornerullutik Oqartussanit, kommunemit imaluunniit kommunenit ataatsimoortunit unioqqutitsineruppat, taava Namminersornerullutik Oqartussat, kommunet imaluunniit kommunet ataatsimoortut akiliisitaasinnaapput.
§ 48. Oqartussaqarfiit inuillu, peqqussut malillugu suliaqartut, kiisalu kinaluunniit tamatumunnga ikiuuttoq, pissutsit isertuuttariaqartutut isigineqartut pillugit nipangiussisimasussaatitaapput, tak. Kalaallit Nunaanni pinerlunnermut inatsit, § 29.
Kapitali 12.
Atortuulersitsineq il.il.§ 49. Inatsisartut peqqussutaat una atulerpoq 1. januar 1989.
Imm. 2. Avatangiisinik innarlitsaaliuinermut tunngasumik malittarisassat maannamut atuuttut atuutiinnassapput, peqqussut una malillugu allanngortinrteqarnissa mik tungaannut.
Kalaallit Nunaanni Namminersornerullutik Oqartussat, 22. december 1988.
Jonathan Motzfeldt/
Lars Vesterbirk
Ilanngussaq (pdf-format)