Isumaginninnermut tunngasut siulersorneqarnerat aaqqissuunneqarnerallu pillugit Inatsisartut peqqussutaata nr. 8 10. oktober 1979-imeersup allannguutaa pillugu Inatsisartut peqqussutaat nr. 10, 18 oktober 1988-imeersoq.

 

§ 1.

Inatsisartut peqqussutaanni nr. 8-mi 10. oktober 1979-imeersumi, Isumaginninnermut tunngasut siulersorneqarnerat aaqqissuunneqarnerallu pillugit Inatsisartut peqqussutaatigut nr. 6-ikkut 28. oktober 1982-imeersukkut allanngortinneqartumi makku allannguutaassapput:

1. § 8, imm. 6 imatut oqaasertaqassaaq:
"Naalakkersuisut siulittaasuata allattoqarfia naammagittaalliuuteqartarfimmut allatseqarfiussaaq".

2. § 8-p kingorna una ikkunneqassaaq:
"§ 8 a. Isumaginninnermut tunngasut pillugit naammagittaalliuuteqartarfiup aalajangikkat pingaaruteqartut tamanut saqqummiuttassavai, ukiullu tamaasa suliani pillugit nalunaarusiortassalluni."

 

§ 2.

Inatsisartut peqqussutaat manna atuutilerpoq 1. januar 1989.

Namminersornerullutik Oqartussat, ulloq 18. oktober 1988

Jonathan Motzfeldt

/

Moses Olsen