Inatsisartut peqqussutaat nr. 9, 21. sepember 1988-imeersoq sunngiffimmi sammisassaqartitsineq pillugu Inatsisartut peqqussutaannut allannguutissaq.

 

§ 1.

Sunngiffimmi sammisassaqartitsineq pillugu Inatsisartut peqqussutaat nr. 7 16. oktober 1979-imeersoq imatut allannguuteqassaaq.

1. § 11 Imaalissaaq:
§ 11. Ilinniartitsissutini ataasiakkaani kursusit.
Inersimasunut ilinniartitsissutini ataasiakkaani kursusi peqqusssummi maani imatut paasineqassaaq ilinniartitsineq ukioq ataaseq imaluunniit ukiut marluk ingerlatassatut iluarsartuunneqarsimasoq, siunertaralugit meeqqat atuarfianni naggasiutaasumik misilitsinnissaq aamma meeqqat atuarfianni naggasiutaasumik annertusisamik misilitsinissaq.

2. § 14, stk. 2 peerneqassaaq.

3. § 29 Imaalissaaq:
§ 29. lnit aammalu silami sanaartukkat.
Atuarfiit aammalu init kommunep pigisai allat kommunep atugassanngortissavai meeqqat inuusuttullu peqatigiiffiinut maleruagassiat Kultureqarnermi Atuartitsinermulu Aqutsisut aalajangersagaat malillugit.

4. § 30 Imaalissaaq:
§ 30. Højskolemiinneq.
Højskolemiinnissanut inunnut Kalaallit Nunaanni najugaqartunut ikiorsiissutit Namminersorullutik Oqartussat tunniussinnaavaat.
Imm. 2. Højskolemiinnissat imm. 1-imi taaneqartut pillugit malersuagassiat erseqqinnerusut Kultureqarnermi Atuartitsinermilu Aqutsisut aalajangersassavaat.

5. § 36 Imaalissaaq:
§ 36. Aningaasartuutit akilerneqarnissaat.
Kapitalit 11-mit V-imut malillugit sunngiffimmi atuartitsinermut aningaasartuutit kommunemit akilerneqassapput.
Imm 2. Najukkani kommuneqarfiit agguataarneqarnerisa avataanniittuni kapitalit 11-mit V-imut malillugit sunngiffimmi sammisassaqartitsinermut aningaasartuutit Namminersornerullutik Oqartussanit akilerneqassapput.
Imm. 3. Kapitalit Vl-imit Vll-imut malillugit sunngiffimmi sammisassaqartitsinermut aningaasartuutit Namminersornerullutik Oqartussanit akilerneqassapput.
Imm. 4. Kapitali IX malillugu ininik timersortarfinnillu pilersitsinernut Namminersornerullutik Oqartussat tapiissuteqarsinnaapput.

6. § 40 peerneqassaaq.

 

§ 2

Peqqussut atulissaaq 1. januar 1988.

Namminersornerullutik Oqartussat, Nuuk, ulloq 21. september 1988.

Jonathan Motzfeldt

/

Jens Lyberth