Utoqqalinersiutit utoqqarnillu paaqqinnittariit pillugit Inatsisartut peqqussutaata nr. 7-ip 28. oktober 1982-imeersup allannguutaa pillugu utoqqalinersiutit utoqqarnillu paaqqinnittarfiit pillugit Inatsisartut peqqussutaat nr. 7, 28. april 1988-imeersoq.
§ 1.
Suliassaqartitsinermik inunnillu isumaginninnermik Kalaallit Nunaanni inatsit nr. 580 29. november 1978-imeersoq, takuuk nalunaarut nr. 417 27. september 1979-inteersoq, tunngavigalugit makku aalajangersarneqarput:
Utoqqalinersiutit utoqqarnillu paaqqinnittarfiit pillugit inatsisartut peqqussutaanni nr. 7-imi 28. oktober 1982-imeersumi makku allanguutaasappput:
a) § 2, imm. 2,2 imatut oqaasertaqassaaq:
"Inuit 1986-imi 50.000 kr.-it 89.999 kr.-illu akornanni, kiisalu 1987 ukiullu tulliuttut eqqarsaatigalugit 106.000 kr.-it 125.999 kr.-illu akornanni akileraarusigassanik isertitaqartunut tunngaviatigut aningaasartat 3/4-ii tunniunneqassapput".b) § 2, imm. 2, 3 imatut oqaasertaqassaaq:
"Inuit 1986-imi 90.000 kr.-inik taakkuluunniit sinnerlugit, kiisalu 1987 ukiullu tulliuttut eqqarsaatigalugit 126.000 kr.-inik taakkuluunniit sinnerlugit akileraarusigassanik isertitaqartunut tunngaviatigut aningaasartat affaat tunniunneqassapput.
§ 2.
Inatsisartut peqqussutaat manna atuutilerpoq 1. april 1988.
Namminersornerullutik oqartussat, ulloq 28. april 1988
Jonathan Motzfeldt/
Aqqaluk Lynge