Meeqqanik inuusuttunillu ikiorsiisarneq pillugu Inatsisartut peqqussutaata nr. 12-ip 1. november 1982-imeersup allanguutaa pillugu Inatsisartut peqqussutaat nr. 4, 28. april 1988-imeersoq.

 

§ 1.

Suliassaqartitsinermik inunnillu isumaginninnermik Kalaallit Nunaanni inatsit nr. 580 29. november 1978-imeersoq, takuuk Nalunaarut nr. 417 27. september 1979-imeersoq, tunngavigalugit makku aalajangersarneqarput:

Meeqqat inuusuttullu ikiorserneqartarnerat pillugu Inatsisartut peqqussutaanni nr. 12-imi 1. november 1982-imeersumi makku allannguutigitinneqassapput:

a) Kapitali 2 imatut qulequtaqassaaq:
Misissuinerit, paasissutissat angajoqqaatullu oqartussaasussanik toqqaanerit.

b) § 5 nutaaq imatut oqaasertaqassaaq:
Oqartussaaffiup inatsisartut peqqussutaat manna malillugu suliassamik ingerlatsisup ikioqqulluni saaffiginnittoq pisussaafíilersinnaavaa suliassamut paasissutissiisussanngorlugu. Ikiorserneqartoq pisussaavoq isumaginninnermi ataatsimiititaq allannguutinik ikiorsiinerup allanngortinneqarsinnaaneranik kinguneqarsinnaasunik ilisimatissallugu.

c) § 13, imm. 2 imatut oqaasertaqassaaq:
Isumaginninnermi Pisortaqarfimmi Pisortaq pisussaaffiliisinnaavoq imm. 1-imi suliniutissat taaneqarsimasut aallartinneqarnissaannik. Suliassaq imm. 1 malillugu piaarnerpaamik isumaginninnermi ataatsimiititamut saqqummiunneqassaaq aalajangiiffigisassanngorlugu.

d) § 15, imm. 3 imatut oqaasertaqassaaq:
Kalaallit Nunaata avaataanut inissiineq suugaluartorluunniit Isumaginninnermi Pisortaqarfimmut inissiisoqannginnerani saqqummiunneqartassaaq akuerisassanngortillugu. Isumaginninnermi Pisortaqarfiup aalajangigaa allaffikkut oqartussaasunut allanut ingerlateqqinneqarsinnaanngilaq.

e) § 20, imm. 3 imatut oqaasertaqassaaq:
Meeqqat inuusuttullu Kalaallit Nunaanni ulloq unnuarlu paaqqinniffinni inissinneqarsimasut angerlartinneqarnissaannik aalajangiinnginnermi paaqqinniffik oqaaseqartinneqaqqaassaaq. Isumaginninnermi ataatsimiititap paaqqinniffiullu akornanni angerlartitsinissaq pillugu isumaqatigiinngittoqartillugu suliassaq Isumaginninnermi Pisortaqarfimntut aalajangiiffigisassanngorlugu saqqummiunneqassaaq. Taamatut saqqummiussineq suliassap unitsinneqarallarneranik kinguneqassaaq.

f) Kapitali 10 imatut qulequtaqassaaq:
Ulluunerani meeqqanik paaqqinniffiit.

g) § 23 imatut oqaasertaqassaaq:
Kommunalbestyrelsip ulluunnerani meeqqanik paaqqinniffinni sungiffimmilu sammisassaqartitsivinni isumaginninnermut tunngassuteqartuni inissat naammattut pigineqarnissaat isumagissavaa, matumani pitsaaliuiniarluni suliniuteqarnertut ittut ilanngullugit, taakku paarineqarnissamik pisariaqartitsisuungikkaluarpataluunniit.

h) § 24, imm. 2 nutaaq imatut oqaasertaqassaaq:
Ulluunerani meeqqanut paaqqinniffiit meeqqanik arfinilinnik amerlanerusunilluunniit meeraatilíit aallartinneqarsinnaapput paaqqinnifíittullu imminut pigisutut ingerlanneqarsinnaallutik, tamanna pillugu kontmunimut isumaqatigiissuteqareernikkut.

i) § 24-imi massakkut imm. 2-usoq imm. 3-ngorpoq nutaaq.

j) § 34, imm. 2 nutaaq imatut oqaasertaqassaaq:
Isumaginninnermi Naalakkersuisoq paaqqinniffiit immikkut siunertaqarlutik ingerlasut inissiiniartarnissamut malittarisassaannik aalajangersaassinnaavai.

k) § 35 imatut oqaasertaqassaaq:
Ulioq unnuarlu paaqqinniffiit Inatsisartut peqqussutaat manna malillugu ingerlanneqartut meeqqat inuusuttulluunniit isumaginninnermi ataatsimiititamit inissinniarneqartut tigussallugit pisussaapput, inissaqartitsineq naapertorlugu, aammalu inissiineq paaqqinniffiup siunertaanut naleqquttuuppat. Isumaginninnermi ataatsimiititap paaqqinniffiullu akornanni inissiinissaq pillugu isumaqatigiinngitsoqarpat suliassaq Isumaginninnermi Pisortaqarfimmut saqqummiunneqassaaq aalajangiiffigisassanngorlugu.

l) § 41, imm. 2 nutaaq imatut oqaasertaqassaaq:
Isumaginninnermi Naalakkersuisup kommunalbestyrelsip inassuteqarnera naapertorlugu akuerisinnaavaa piffissami misiliigallarfiusumi suliniutinik, matumani isumaginninnikkut perorsaanermut atatillugu meeqqanut inuusuttunullu peqqussummut matumunnga attuumassuteqariinngikkaluartunut neqeroorutit ilanngullugit pilersitsisoqarsinnaasoq.

m) § 41-mi massakkut imm. 2-usoq imm. 3-ngorpoq nutaaq.

n) § 42 imatut oqaasertaqassaaq:
Inatsisartut peqqussutaat manna malillugu aalajangiinerit Inatsisartut isumaginninnermi tunngasut siulersorneqarnerat aaqqissuunneqarnerallu pillugit peqqussutaanni malittarisassat nalinginnaasut malillugit maalaarutigineqarsinnaapput, takuulli § 13, imm. 3 aammalu § 15, imm. 3.

 

§ 2.

Inatsisartut peqqussutaat manna 1. august 1988 atortuuiersinneqarpoq.

Namminersornerullutik Oqartussat, ulloq 28. april 1988

Jonathan Motzfeldt

/

Aqqaluk Lynge