Kalaallit Nunaanni meeqqat atuarfii pillugit landstingip peqqussutaata allanngortinneqarneranik Inatsisartut peqqussutaat nr. 3, 28. april 1988-imeersoq.

Kalaallit Nunaanni meeqqat atuarfii pillugit inatsimmi nr. 579-imi 29. november 1978-imeersumi § 5 naapertorlugu aalajangersarneqarput:

§ 1.

Meeqqat atuarfii pillugit landstingip peqqussutaani nr. 6-imi 16. oktober 1979-imeersumi makku allanngortinneqarput:

1. § 6 ima oqaasertaqassaaq:
§ 6. Atuarfik tunngaviusoq.
Atuarfimmi tunngaviusumi klasseni tamani ilinniartitsinermi (4. - 9. klasseni) atuartunut tamanut ilaatinneqassapput kalaallit oqaasii, danskit oqaasii, kisitsineq/matematik, kristumiussuseq, historie, biologi, geografi eqaarsaarnerlu.

Imm. 2 aamma 3 Maannamutut.

Imm. 4.  4. - 7. klasseni ilinniartitsinermi atuartunut tamanut ilaatinneqassapput erinarsorneq/nipilersorneq ilusilersuinerlu.
Imm. 5. 5. aamma 6. klasseni ilinniartitsinermi atuartunut tamanut ilaatinneqassapput sananeq aamma assasorneq.
Imm. 6. 7. - 9. klasseni ilinniartitsinermi atuartunut tamanut ilaatinneqassaaq tuluit oqaasiinik ilinniarneq.
Imm. 7. 8. - 9. klasseni ilinniartitsinermi atuartunut tamanut ilaatinneqassapput illumi suliassat aamma fysik/kemi.
Imm. 8. 7. - 9. klasseni nammineq qinigassatut unnersuussutigineqassapput sananeq aamma assassorluni sulineq.
Imm. 9. 8. aamma 9. klasseni nammineq qinigassatut unnersuussutigineqassapput erinarsorneq/nipilersorneq ilusilersuinerlu.
Imm. 10. Atuarfimmi tunngaviusunik ilinniartitsiviusumi ilinniartitsinermut ilaatinneqassapput kinguaassiornermut tunngasunik nassuiaaneq, peqqinnissamik ilinniartitsineq, iluaqutariit inuunerannik paasinninneq, inuulluarniutinik, aalakoornartunik ikiaroornartunillu nassuiaaneq, aqqusinermi angallannermik ilinniartitsineq, aallaasilerinermik ilinniartitsineq aammalu ilinniagaqarnissamik inuutissarsiutitaarniarnissamillu nassuiaaneq.
Imm. 11. Naalakkersuisut stk. 1-mit 10-mut aalajangersakkanit allannguutit fagit sammisassallu taagorneqartut fagitut immikkoortinnagit ilinniartitsissutigineqarnissaannik siunertallit akuersissutigisinnaavaat aammalu akuersissutigisinnaallugit fagit sammisassallu allat ilinniartitsinermut ilaatinneqarsinnaanerat.
Imm. 12. Faginik qinersinerit stk. 8-mi 9-milu eqqartorneqartut angajoqqaanit, tak. § 41, aalajangerneqartassapput atuartoq atuarfillu isumasioqatigalugit.

2. § 7, imm. 1 ima oqaasertaqassaaq:
Atuarfimmi nangitsiviusumi (10. aamma 11. klassemi) ilinniartitsinermi ilinniartunut tamanut ilaatinneqassapput kalaallit oqaasii, danskit oqaasii, kisitsineq/matematik, kristumiussutsimut tunngasut, nalerput pillugu nassuiaaneq tamatumunngalu ilaassallutik ilinniagaqarnissamik inuutissarsiutitaarniarnissamillu nassuiaaneq sulinermut tunngasut ilisimasassat ilanngullugit.

3. § 7, imm. 3 ima oqaasertaaqassaaq:
Ilinniartitsissutissatut unnersuussutigineqassapput eqaarsaarneq, qisummik/saviminermik sananeq, motorilerineq, piniarneq/aalisarneq, assassorneq, illumi suliassat, erinarsorneq/nipilersorneq aamma ilusilersuineq.

4. § 18, imm. 3, 4 aamma 6 ima oqaasertaqassapput:
Imm. 3. 1., 2. aamma 3. klasseni ukiumut lektionini ikinnerpaamik 800-ni, 4. klassemi 1040-ni, 5. aamma 6. klasseni 1200-ni, 7. klasseni 1120-ni, 8. aamma 9. klasseni 1160-ini, 10. aamma 11. klasseni 1000-ni aammalu 12. aamma 13. klasseni 960-ini ilinniartitsineqassaaq.
Imm. 4. 1., 2. aamma 3. klasseni atuartut sap. ak. annerpaamik lektionini 24-ni, 4. klassemi 28-ni, 5., 6. aamma 7. klasseni 32-ni, 8. aamma 9. klasseni 33-ni, 10. aamma 11. klasseni 32-ni aammalu 12. aamma 13. klasseni 36-ni ilinniartinneqassapput.
Imm. 6. Atuarfinni 1. - 9. klassenut aggorsimanngitsuni atuarfinnilu 1. - 9. klassenut aggorsimasuni atuartut amerlannginneri pissutigalugit klasseni 18 inorlugit atuartoqartariaqartuni lektionit stk. 3-mi taaneqartunit allaanerutinneqarnissaat pillugu aalajangersakkat erseqqinnerusut Naalakkersuisut aalajangersassavaat.

 

§ 2.

Inatsisartut peqqussutaat manna atortuulerpoq 1. august 1988.

Namminersornerullutik Oqartussat ulloq 28. april 1988.

Jonathan Motzfeldt

/

Jens Lyberth