Inuutissarsiorsinnaajunnaarnersiutit pillugit Inatsisartut peqqussutaata nr. 8-p 28. oktober 1982-imeersup allannguutaa pillugu Inuutissarsiorsinnaajunnaarnersiutit pillugit Inatsisartut peqqussutaat nr. 2, 1988 -imeersoq.

 

§ 1.

Suliassaqartitsinermik inunnillu isumaginninnermik Kalaallit Nunaanni inatsit nr. 580 29. november 1978-imeersoq, takuuk nalunaarut nr. 417 27. september 1979-imeersoq, tunngavigalugit makku aalajangersarnerqarput:

Inuutissarsiorsinnaajunnaarnersiutit pillugit Inatsisartut peqqussutaanni nr. 8-mi 28. oktober 1982-imeersumi makku allannguutaassapput:

a) § 2, imm. 4 imatut oqaasertaqassaaq:
Inuutissarsiorsinnaajunnaarnersiutit utoqqaat illuinut il.il. pinermi unitsinneqartarneranni utoqqalinersiutit taamatut unitsinneqartarneranni malittarisassat atuuttut atorput.

b) § 7, imm. 2 imatut oqaasertaqassaaq:
Naalakkersuisut inummut tapit qaqugukkut tunniunneqarsinnaanerat pillugu erseqqinnerusunik aalajangersaassapput.

c) Kapitel 5 a nutaaq ilanngunneqassaaq:
Arsaarinnissinnaaneq

§ 9 a imatut oqaasertaqassaaq:
Inuutissarsiorsinnaajunnaarnersiutinit piumasaqaatit arsaarinnissutitut akiliutigineqarsinnaanngillat imaluunniit eqqartuussisutigut malersorniarneqarsinnaanatik. Piumasaqaatinut isumaqatigiissutit taamaattut assigisaalluunniit atortussaassuseqanngillat.

 

§ 2.

Inatsisartut peqqussutaat manna atuutilerpoq 1. april 1988.

Namminersornerullutik Oqartussat, ulloq 11. januar 1988

Jonathan Motzfeldt

/

Aqqaluk Lynge